平昌

營業中

休息中

星期6放假野晚諗唔到食乜，朋友同我一樣好突然話想食韓燒，我食過呢間幾好食，比起出面又唔算好貴，就叫左朋友同我食。點知一上去，店員話冇得walk in全部預哂比啲已經book左位既人，我地兩個都好鬼sad，諗住算啦去搵第2間，點知老闆出黎話突然有位可以比你地2個燒，佢有2個餐一個平啲一個貴，我地2個都叫左個貴既，因為有醬油蝦，我超級鍾意食醬油蝦同蟹，呢到仲要有得食蝦既任食我超級開心，講開啲肉，啲肉真係好juicy，款式都有好多比你揀，側面仲有得倒蛋漿。

今日兩個人食完即刻down個openrice 寫評論：員工態度差 ，食物質素差。啲肥牛燒兩下已經韌到要𡁻，更唔使講其他肉。雖然一坐低就已經話咗嘢食係按人頭俾，但我無諗到佢竟然夠膽死落一次單上得嗰兩塊肥牛，一個人連半啖肉都吃唔到，又要即刻寫多次，之後先又係嚟嗰兩塊，換而言之，如果你想食到幾塊肥牛，你就要落幾多次單，非常反智。其實就唔係好明點解咁多人話好食同抵，韓烤午餐放題158價錢算係咁，但體驗就絕對係差，有能力無能力都建議並希望可以去其他地方食，講完。

員工態度差 食物質素差 兩個人食每次落單按人頭俾肉 夠膽死嗌一次得兩塊 一個人半啖肉都無 其實就唔明點解咁多人話好食 叫一份肥牛得兩塊 再叫又上得慢 綜合指數仲差過食幾十蚊既快餐 不值得前往 令顧客極度失望 不會再光顧完全唔知道咁多好評邊度黎。食物質素一般，選擇不算多，但經常漏單或刻意無視顧客下單的肉類，送餐速度慢，嘢飲選擇唔多。成餐飯感覺無咩好食，最重要都係落單上唔齊，落10樣上5樣，令人無法愉快用餐，此生不會再光顧👎🏼

LA牛扒：連骨位置肉味濃，冇筋唔韌，唔錯。調味烤牛肉：有點似肥牛但更大塊，烤完唔會肥膩，唔使再點任何醬汁都好夠味。牛肋骨肉：啖啖肉，比生菜包住肉同泡菜一齊食，清爽唔油膩。豬梅頭肉：大件肉厚，肥瘦均勻，有肉汁冇騷味，唔錯。扇貝同蝦size ok，冇雪味。鰻魚好味，冇骨。茄子同杏鮑菇都正，燒得剛好鮮嫩多汁。鍾意重口味嘅話可以同泡菜或者沾醬料食。水冷麵：涼涼地酸酸甜甜咁，好開胃，麵條份量十足，同青瓜絲一齊食，清新爽脆。海鮮煎餅：雖然煎餅邊唔算香脆，但放左鐵板上烤熱，暖暖哋味道唔錯，食到有魷魚。韓式炒年糕：年糕QQ彈牙唔硬，辣度適中，還有幾塊魚板，1份portion 都唔少。爐邊蛋燒得好香，如果有芝士就更吸引。飲品種類都唔少，職員都有主動幫手拉低啲抽氣管、換鐵板，上菜速度快，數量都算準確。星期五任食韓燒兩個鐘，每人二百幾蚊CP值ok，係一大班fd 吹水唔錯嘅地方。

放題要抵食，當然是價錢不貴，但又多款式選擇。兆萬中心有很多放題選擇，今次試了平昌，進去後意想不到地多人，因為只是星期一晚上🙈。這間放題有三個set選擇，分別是大君$228、世子$318及國王$658。而國王set是限量供應，需要預約，而我們就選擇了大君set。落單的方法比較有趣，可以在一塊類似白板的單上寫下編號，然後交給職員。飲品的選擇亦不少，由汽水、茶至水都有。大君set中，調味烤牛肉及辣調味烤牛肉的調味很好，照燒薄切五花腩片也很入味。雞肉串也調味得很好。而韓國菜竟然有最愛的台灣胡椒香腸，不得不試了。蔬菜方面，紫洋蔥及日本紫薯也非常甜。海鮮蔥餅口感也很好，非常脆。當天更有不同的甜品，例如餐廳成為了「最優秀開飯韓國菜餐廳」，這期間有choco pie，而follow了ig也可以任食雪糕，而雪糕竟然有Skippy花生醬雪糕，不太甜又有花生醬味，正！

好多店可能老師傅都退休走了，食物味道都差到不行。平昌都食過好幾次，疫後組人再重臨，佢多咗幾款餐嘅選擇，見2小時時限，我哋一行12人就叫個最basic大君，佢除烤肉，仲有海鮮類同好多韓食，如果全部試晒，2個鐘都有點趕😂其實食烤肉，真係要至少2個鐘先夠，好多店得1.5鐘真係唔知食乜因又要烤又要食又要傾計真係無時間影相😅由多年前第一次黎食，最欣賞佢生菜嘅新鮮，到宜家，佢嘅菜都係好味😋任食任飲，前菜主菜到韓國雪條，基本上冇嘢可不滿，我較喜歡佢無醃調味嘅肉，只需點一點佢嘅烤肉醬/汁已好味。烤海鮮要烤到出晒水份先會香，呢個要花點時間，一不留神就燶又要黎過個蝦同扇貝烤完係好香如果你好似我咁喜歡食韓國炒粉絲，都要試試，微溫，好香麻油味，好有韓國大排檔風味😂平昌係我不時都想去嘅食肆，佢唔係坐得舒服過種，係韓國烤肉店過種，志在食、嘻哈嘅好地方

韓迷如我對於韓食有份執着，唔係單純鍾意韓國菜，最好係好食又抵食嘅。我鍾意食韓燒，但香港嗰啲唔係間間都滿足到我，好多都一係食物質素唔夠高、一係貴。睇食評見到呢間，就搵個機會食吓。一嚟到，坐低環境好有韓國餐廳嘅氣氛好多後生仔女（학생들ㅋ)、食物味道正，呢間會係我心目中嘅韓燒top list！我哋兩個人叫咗個世子set, 任食係吸引嘅。好多肉類揀，牛肉、豬肉、雞肉同海鮮都有。我哋牛豬雞肉都有食，加埋啲小菜同飯、沙律、海鮮、嘢飲，夠晒飽。所有嘢食好快就上（飲品自己拎，好多韓國嘢飲！），120分鐘都夠食有餘！先寫韓燒主角- 肉！肉質好好。食咗牛肉眼、T骨牛排同香草五花肉，上嘅時候大大塊，邊燒邊剪，過癮！雞軟骨串同雞腎都有叫，但我一般般，覺得啲醬怪怪地。海鮮就食咗帶子（好滑溜！忍唔住encore咗）蝴蝶蝦伴他他醬（呢個啲醬帶起蝦嘅鮮味，而且影相好靚）半殼石蠔生牛肉石鍋飯（雖然飽，但有飯落肚感覺圓滿啲，不過份量都唔少，我最後冇咩食）八爪魚刺身沙律好食😋北寄貝片沙律仲好食！有柚子蜜！清新！油蛤冇開到⋯）牛骨湯（好足料！有金針菇、蘿蔔、牛骨、京蔥⋯）啲小菜都好好食涼拌蘿蔔乾有啲辣，刺激味蕾。爐邊蛋好滑。

今次同朋友黎到兆萬既「平昌」食放題，我地都係第一次食，所以揀咗最平既「大君」set,每人$228加一～我個人黎講比較鍾意食牛，所以我瘋狂嗌牛🤪🤪我覺得佢既肉都醃得幾入味，我最鍾意就係佢既LA牛排、辣調味烤牛肉。調味真係小出色😋肉質正常。嚟韓燒豬腩片都不得不叫，原味既豬腩片，食落啖啖肉冇雪味👍👍正，仲可以包埋生菜😋😋不得不讚下佢既韓式熟食，牛肉海帶湯勁足料，啖啖都有海帶同牛肉碎😋大醬湯都唔差，口味偏重材料豐富。呢度既年糕都真心推介，年糕口味偏甜，啱平時食唔到辣既朋友仔。嚟到旺角想食韓式野或者放題食呢間真心唔錯，燒肉同韓式熟食都唔差😋😋推介俾鐘意食韓燒同韓式野食既朋友仔🐻‍❄️

這家餐廳令人失望，無論是肉質還是菜式都非常一般。肉的口感不夠嫩滑，味道也比較平淡，菜式也缺乏創意。座位也不太舒適，全部圓櫈沒有卡位。另外，餐廳在下單時經常出現肉品數量不足或漏單的問題，需要顧客再次提醒。更糟糕的是，老闆的態度也非常差，完全沒有顧客至上的精神。這可能會讓顧客感到非常不舒服，並影響他們的用餐體驗。總之，這家餐廳在肉質、菜式、服務質量及用餐環境方面都有待提高，如果需要用餐建議考慮其他選擇。

琴晚同女朋友行經旺角見到呢到絕世韓燒🥰呢到係放提式任叫嘅，！特別推介呢到嘅La牛仔骨仲有牛排同已經調好味的豬肉。呢到仲有燒肉汁，韓式辣醬和鹽醬可以點肉吃，但係唔洗點醬都好夠味。入口不柴嘅肉真係把我原地感動到哭起來，簡直係愛肉星人狂喜！

韓國燒烤是近年來在世界各地都非常受歡迎的美食之一，我也是其中的愛好者之一。最近我去了一家在旺角西洋菜街1號兆萬中心13樓的韓國餐廳-平昌，享用了他們的招牌燒烤-世子，讓我留下了深刻的印象。來到這家餐廳，首先要提到的是它的風格，裝修以韓國的漂亮感覺，和彩色牆來增強用餐體驗，也讓我感到格外的舒適。當地供應的新鮮牛肉,海鮮和豬肉等燒烤食材提供豐富選擇，也讓人看到了他們對食材新鮮度的重視。點餐後，店家就會幫你準備各種不同的調味料，包括韓國泡菜、蒜泥醬油、芝麻醬、辣椒醬等等，這些調味料讓燒烤過程中更能體驗到韓國文化所帶來的豐富風味。香氣就撲鼻而來，讓我期待已久的燒烤T骨就要來了！等到食材烤至七成熟時，我用剪刀將他們切成小塊，享用起來十分美味。其中令我印象深刻的是韓國燒烤的味道十分多元化，用醬汁調味後口感更加豐富。總的來說，這次品嚐韓國燒烤讓我對這道美食有了更深的認識和了解，也讓我想要再次品嚐這種多元化風味的燒烤美食。如果你也是燒烤愛好者，那這間韓國燒烤絕對是值得一試的！

已經好耐冇去過韓國🇰🇷好掛住韓式燒肉而平昌都係好多朋友介紹話好好食好高質所以就專登去試下 一去到已經有韓國人招呼安排坐入半開放式嘅房到🤩好有私隱度6點幾已經未算好多人 飲品係自助式～我地揀左大君set 都已經好多食物選擇 有生熟食～然後係寫係呢塊版到落單 會有staff嚟收薄切五花腩片評分：👍🏻👍🏻👍🏻👍🏻👍🏻肉質都好靚 油脂分布得好好 食落都係好有口感嗌左啲海鮮評分：👍🏻👍🏻👍🏻👍🏻海鮮就爭啲 可能始終都係燒肉店 唔算超新鮮但係肉質都嫩滑 口感都Q彈牙嗌左一轉嘅食物 泡菜真係醃製得好好味🤤好入味好開胃 忍唔住食左兩碟😂😂五花腩評分：👍🏻👍🏻👍🏻👍🏻👍🏻超級肥美嘅五花腩 配埋生菜🥬一齊食就唔會好肥膩海鮮餅評分：👍🏻👍🏻👍🏻👍🏻👍🏻Mini版 估唔到呢個海鮮餅咁好食 好香脆 Follow佢地ig仲可以任食雪條 不過食肉都飽左😂

第一次黎食韓燒放題🥹環境跟足當地燒肉店一樣係用圓鐵枱同鐵櫈😍打開櫈蓋就可以用黎放袋放外套防止索哂D油煙味👍🏻牆身有好多特色畫 著住韓服的公仔畫得好可愛🥰仲播住K-POP，真係好有去左韓國既感覺呀!!🥳一共有三個價位💰💰💰我地就揀左中價的世子SET係包括埋基本餐大君menu的食物兩者主要分別係肉類同埋熟食 世子會各類都再多幾個菜式相對係選擇上會再豐富D🧐但如果唔係特別有高要求，基本的大君SET都已經夠食自助去雪櫃取飲品(任飲的)🧃🍺☕🥛有啤酒汽水之外仲有烏龍茶 蘆薈汁 忌廉溝鮮奶等等下單係自己寫餐牌的號碼同數量係落單版上面寫好再交俾店員就可以📝📝開爐就會跟埋爐邊蛋🍳呢個先係精髓黎❤️‍🔥另附上生菜、泡菜同埋芽菜醬料兜有三隻汁, 分別係燒汁 麵豉醬 麻油鹽個人覺得燒汁最惹味 用黎點燒肉最夾🥢上菜速度好快 落完大概5-10分鐘就已經齊哂😮份量係按人頭分配, 咁樣相對比較好控制份量唔會點得太多食唔哂 避免浪費食物喜歡的菜式可以食完先再加單落好支持咁樣的做法🫶🏻先講熟食部分 小食同韓餐全部都係熱辣辣上枱👅推介一口芝士, 入面流心 同埋勁濃汁煮豬軟骨都好腍入哂味👅完全好驚喜 燒肉店的熟食都好有質素海

-平昌-@旺角.前排天氣涼返，想食暖笠笠野，打左幾次邊爐後今次決定去韓燒。.揀左旺角兆萬的平昌，地點夠晒方便。一出13樓就係餐廳，但唔會覺得好重韓燒煙味，佢地嘅抽氣都做得幾好，走個時件衫都唔會好重味。.餐廳裝修幾得意，牆上係色彩繽紛的畫。.韓燒放題的價錢有3個，分別係要預約的國王御膳($658)、世子御膳($318)同大君御膳($228)，分別在於食品選擇的多少。.我地揀左世子御膳，可以點埋大君御膳Menu上的食品。佢地點餐的方式係寫係小小的白板度。.選擇好Menu後店員就送上泡菜同幫我地倒蛋液，韓燒我最愛就係哩個爐邊蛋架啦。上菜的速度都好快。.哩度食品選擇都好多，單是牛肉、豬肉都已經好多款，淨係肥牛片已經有3款調味選擇。有D仲係比較少見的，好似豬肉就有護心肉、西班牙捲狀豬腹肉。.推介一定要食燒豬皮，啖啖膠原口感。.另外海鮮都有10款。.如果驚唔夠飽，仲有湯類，麵同飯。.點左辣拌冷麵，勁大碗，唔算好辣，冷麵加埋爽口的青瓜絲蛋絲，好開胃。.仲點左其他少食，有沙律可以refresh一下。因為冷麵太大碗，點炒粉絲時特登備註要少份量。.食得飽飽地，點左碗牛肉海帶湯舒緩一下油膩感。.飲品就係雪櫃

近排煲韓劇煲得興起就想食韓國野，所以就尼左依間韓燒試下，因為韓燒比較少食，每次食完都勁大陣味，所以間唔中食一次都ok佢好似有兩個set揀，我係世子set，除左有好大路嘅豬牛雞海鮮，飯麵湯果啲都有，仲有小食等等炸忌廉蝦肉薯餅依個翻叫左好多次，入面好creamy好軟熟雖然食得多會膩，不過真係要翻叫炸雞等野食熟嘅時候嘴巴都唔可以停所以叫左個炸雞，肉質唔算韌，亦唔會濃味，可以試試肉類叫左西冷扒，雞柳同雞軟骨串西冷好出油，煎到咁上下剪開一塊塊好似方便啲，味道ok，可能因為淨係用鹽簡單醃過所以唔會太重口味雞軟骨就硬左啲，比較難咬海鮮就叫左生蠔，帶子，蜆少少腥，燒左一陣好似都唔覺佢熟所以拆左肉直接燒，不過本身都唔太好生蠔，所以就覺得麻麻地，冇再翻叫帶子同蜆都唔錯，味道幾清另外叫左個魚糕湯，不過太鹹了，食到一半放棄左