平昌

營業中

休息中

平昌（旺角） 一入到黎好有係韓國食燒肉既感覺，係用韓式嗰啲有蛋既燒烤爐燒，另外會有一個長形嘅抽油煙機管。仲有幾位韓國既店員添。點左中間價位既世子set。選擇都好多，除左豬牛雞之外，仲有好多飯面類既主食可以選。肉的質素唔錯，當中比較推薦豬肉，比較香口。燒牛要留意時間地燒，我同朋友燒肉既手勢都一般般，成日都燒到乾曬咁。主食方面，拌面幾好，辣辣涼涼岩既依家呢啲天氣。當然經典既紫菜飯都不可少。整體黎講，店員上菜既速度都快，要小心唔好一唔小心就點得太多。

當我踏出韓國燒烤放題時，我已經處於飽到好爽的狀態！呢間餐廳提供咗好多款韓式燒烤食物，放題野飲任飲唔使講，唔止有一般嘅燒肉，仲有20幾款豬牛雞腸仔，新鮮海鮮，蔬菜，同埋他熟食！最重要既係，入們口接待既係真既韓仔，佢唔太識中文HAHAHAH。我叫左世子餐$318 +1，食物真係比返好既質素你!!上黎店員即刻加蛋我試咗佢哋唔同熟食，炒粉絲，炒年糕等等，全部都好味道！不過最令我印象深刻嘅係佢哋嘅燒肉，啲肉質鮮嫩多汁，味道濃郁而唔會過份。而且比既份量是岩岩好，唔會太多又唔會太少。而且韓國食法用泡菜同肉包食物，真係冇咁濟，食到多好多野。總括而言，韓國燒烤放題係一個好值得一試嘅餐廳，絕對可以滿足您對韓式美食嘅渴望！

好耐冇食過韓燒，本身都唔係太好韓燒，不過朋友想食所以跟左佢尼，環境都ok，不過枱同枱之間有Ｄ逼我地３個人叫左個世子set，有普通豬牛雞海鮮果D，仲有D主食，石頭飯，冷麵，仲有小食，雪糕牛舌係咁多款自己最鍾意嘅一款，食落唔韌，雖然燒完面頭望落好油，但食落又覺得岩岩好，唔會有油到膩嘅感覺，反而幾香牛舌係我地叫左最多嘅一款食物五花腩肥瘦適中，一層肥一層瘦一層肥一層瘦，咬落會有啲油bit出尼，食瘦嘅部位又唔會好鞋炸芝士食依啲最驚佢比一舊，食完都覺得膩，好彩佢依個係on bite size，芝士味都幾濃，外脆內軟，幾好冷麵第一次食，每次都想試，但總覺得食落好似淡淡地，冇咩味不過原來佢會加醬係上面，食落都有啲辣，唔食得辣嘅朋友要注意喇！其他嘅燒肉類都好食 不過牛舌同五花腩我地翻叫得最多

想食韓式燒烤一search就search到呢間平昌，見咁多好評就去左試，果然食物質素同性價比都幾高👍🏻👍🏻同朋友平日夜晚去，揀左set B世子御膳每位$318，120分鐘任食到飽食物方面真係勁多選擇，首先主打有超過40種牛、豬、雞肉，最impressed係肉眼同梅頭扒，真係出面西餐廳嘅扒size，食兩塊都回曬本🤣全部肉都keep到新鮮血色，唔會話灰灰黑黑咁，亦都食得出無加鬆肉粉除左肉仲有海鮮e.g半殼扇貝、魷魚、鰻魚、青口、帶子等，個人覺得最特別係蝴蝶蝦伴他他醬，蝦肉彈牙，他他醬有少少食蛋沙律嘅味道，mix埋幾有層次感估唔到燒烤店嘅熟食係咁咁咁高質，生牛肉石鍋飯、魚糕湯、無骨炸雞、炒年糕、海鮮蔥餅等全部都拍得住出面水準，開副線都得🤣另外都中意一口芝士同忌廉蟹肉薯餅，仲keep到熱辣辣脆口，芝士味超濃郁，而薯餅就好creamy，overall非常滿足，都係個句性價高好高must encore！

由於好耐冇食韓燒，今晚約咗朋友去旺角試吓呢一間任飲任食嘅放題！餐廳位於旺角兆萬中心13樓！ 去之前都做咗好多資料蒐集，見到呢一間餐廳都有好多唔同嘅好評，所以我同朋友都好期待去呢一間餐廳度食飯好多人都話旺角呢棟餐廳係勇者塔，今晚就去試吓係咪真 我哋就要訂咗八點嘅枱，點咗中間set B，每位$318！見到餐牌都包咗好多種唔同我哋鍾意食嘅海鮮同肉！ 事不宜遲即刻去試吓！餐廳主要播kpop，好多首我哋都識一坐低，店員會為我哋倒上蛋漿，同埋介紹每一種醬汁 服務嚟講非常貼心，店員亦都好有禮貌 餐廳落單係寫數目，寫好就比店員就可以！首先推介嘅小息有幾種，我就幾鍾意佢嘅韓式炒粉絲，因為放題，所以店舖都唔會比好大份，韓式粉絲有好香嘅麻油味，煙煙韌韌係我最鍾意嘅口感，調味亦都非常適中我哋亦食咗每人一件韓式炸雞，韓式炸雞配上酸辣醬，味道非常獨特炸雞亦都熱辣辣、唔係預先炸好，有少少喜出望外嘅感覺 肉類嘅方便就比較推介 香草五花肉同埋牛舌香草五花肉每一件都非常厚切，再配上香草汁 五花肉夾埋生菜食，就唔會咁油膩，再加埋泡菜簡直係一流 由於五花肉好好食，我哋叫咗兩轉 牛舌亦都非常高質，口感做到軟嫩多汁又有嚼勁，我配

好耐冇食韓燒，今晚嚟平昌，揀咗「世子御膳set」，$318/位「世子御膳set」同「大君御膳set」嘅嘢都可以點，選擇好足，牛、豬、雞、海鮮、蔬菜、沙律、料理等都有，肉嘅部位同其他食物款式都好多，食材好新鮮，好多款都好食，我個人比較鍾意牛前胸腹肉、牛舌、牛肋骨肉、五花腩片、五花肉、護心肉同豬腸，無論有冇調味都好食，點埋唔同醬汁同夾埋生菜食一流其他嘢例如洋蔥、茄子、半殼石蠔、日本紫薯等等都好味，前菜嘅泡菜同芽菜都高質，爐邊嘅蛋又唔會燒到好乾，總體食物質素好高自助飲品嘅選擇都好夠，有各式汽水、檸檬茶、烏龍茶、啤酒、樽裝水等等餐廳環境好地道，牆身好多有特色同好靚嘅畫，抽油煙好夠強，唔會好大陣味，座位都闊落同乾淨，侍應們做嘢好快手，食材上碟嘅速度好快餐牌有埋圖片俾客人參考，想encore邊款都搵得返環境氣氛、食物質素同服務都好好，係食得好滿足嘅一餐韓燒

第一次食係2019年，因為兆萬中心號稱係劣食勇者塔，但因為要支持支持，所以揀咗試試。結果係幾好食，環境都算正常，似居酒屋嘅感覺，有時會太多人少少逼。19年到今日，大概食過五六次，帶過屋企、男友、朋友嚟食，佢地評價都不俗。近排又嚟食咗一次，食物質素保持到，都唔錯！推薦揀第二個Set，性價比最高，加一之後每人大約300蚊落樓，有質素嘅燒肉放題都唔只呢個價錢！我個人最推薦係豬五花肉、護心肉、豬皮同牛小排，呢幾款最好食亦最易燒，岩食肉獸同新手。大家記住要預早卜位，因為佢長期爆滿，唔好諗住walk-in會有位，機會好微！

偶然放縱一下，食返餐韓式燒肉放題😜呢到任食120分鐘，有3個價位套餐可以揀，今次就揀左食中間價錢嘅世子御膳($318/位)，可以點世子御膳MENU同大君御膳MENU嘅野食，而MENU主要類別有牛肉、雞肉、豬肉、海鮮、蔬菜、沙律、料理裡面D璧畫由本港畫家林祥焜同甘小文繪畫，份外有親切感🤩飲品就喺出面自助區拎入座先送上前菜及生菜，可以REFILL，另外仲有韓燒唔少得嘅爐邊蛋😋調味醬料分別有燒汁、微辣麵豉醬、麻油醬牛肉類：肉眼必食推介，大大塊、肉嫩兼且牛味濃郁，剪細件後用生菜夾住，配以微辣麵豉醬相當惹味🤤牛舌食落幾有口感，爽滑清脆西冷都唔錯，肉味更濃，但我中意肥D嫩D嘅肉眼多D😝豬肉類：推薦西班牙捲狀豬腹肉、香草五花肉，肥瘦比例好好，燒出黎逼出油香勁惹味🤤護心肉係比較稀有嘅部分，平時比較少機會食到，口感豐厚👍🏻照燒薄切五花腩片：夠薄身所以好快就燒熟，充滿油脂入口即溶😋雞肉類：雞腎夠爽口彈牙，香草雞柳調味得幾滋味😋海鮮類：叫左帶子、蝴蝶蝦伴他他醬、虎蝦、半殼生蠔、半殼扇貝、食落幾鮮甜唔覺有雪藏味，最正係生蠔幾肥美下😉補張大合照先🤩料理類：炸忌廉蟹肉薯餅、吉列炸蝦，外層炸粉唔算厚，香口滋味😋牛肉

好耐無食韓式烤肉，應該有三兩年之久，今日約左位「後生仔」黎旺角「平昌」食韓燒。餐廳都幾多人光顧，但大部分都係年青人，始終呢個Age先有無限Quota任飲任食......晚市有三款放題選擇：大君御膳（$228）、世子御膳（$318）、國王御膳（$658），有咩分別我都無特別比較，但揀中間是常識吧?半殼石蠔: 蠔肉肥美飽滿，但燒完當然會縮水，肉質爽實，味道較清甜。燒雞腎唔錯，餐廳用左調料醃製，醬油微甜，燒完幾香口惹味，亦幾爽嫩。牛前胸腹肉（左）、香草五花腩（中）、調味牛舌（右）: 牛胸腹脂肪較豐富，油香較濃郁，口感香滑；五花腩肥瘦相間，肉味適中；牛舌較薄，雖略欠口感，但肉質爽實，幾香口。西班牙捲狀豬腹肉（左）、牛舌（中）、護心肉（右）: 豬腹肉口感爽實，油花幾香；護心肉為牛橫隔膜位置，肉質幼嫩並有咬勁，肉味亦濃郁。辣調味烤牛肉（左）、辣調味豬五花腩（右）: 呢兩款肉係平啲嘅「大君御膳」都有，牛肉嫩滑，味濃，帶微辣，幾惹味；調味與右邊嘅五花腩一樣，但五花腩肉質較爽實。

📍旺角兆萬中心 平昌韓式燒肉📍想食燒肉，諗起有朋友推薦過旺角呢間平昌，好似好有名，所以就Book枱嚟試下。有分兩個餐，我哋揀咗貴啲嘅餐：世子放題，兩位晚市$700埋單。鋪位都算大，每枱都有抽油煙機，環境唔好話好大煙，但都有油煙味。枱嘅位置以兩個人嚟講都夠闊落，坐得都舒服。櫈可以打開擺隨身物品，就唔會之後好大油煙味，好貼心。食物款式有好多，特別鐘意香草五花腩、肉眼扒、牛肩肉、護心肉、大蜆、半殼扇貝、雞翼、雞腎！全部都燒得好好食。餐廳仲會有生菜同蒜片Order，用嚟夾肉食真係一流！熟食就揀咗牛骨湯同魚糕湯，熱辣辣咁上，好正。留意翻魚糕湯有啲辣的，但幾好飲，仲有足料！飲品櫃有兩個，各種汽水同茶都有。

book 左一行五人8:00食飯，入到餐廳坐低左後，因為我哋有兩個係小朋友，咁我哋就想問清楚幾多歲先計小童價錢，點知個侍應問返我「你哋個小朋友幾多歲」，我就再問「你哋幾多歲先至算小童價錢？因為我哋有一大一細 」，個侍應就再講 「咁佢幾多歲？」如是者呢個問題竟然重複咗三四次！其實小童計幾多歲又唔係咩秘密，間間餐廳都係會講，得呢間問來問去都唔答你。直到再有另一個侍應行埋嚟，我都係問返同一個問題，佢話「十歲以上，我哋都寫咗出嚟㗎喇貼晒出嚟，自己睇下啦。」成個對話我係問得好客氣仲笑住，但佢哋就西口西面。 ok ，本身都算，返正都坐低左，最緊要朋友開開心心食飯啫。食物質素普普通通，冇話難食但一定算不上好食。出食物速度係快既。 點知到埋單果陣，佢哋就咁掉低張單在上菜枱，我哋見唔到，侍應過黎催單，話已經擺左好耐要我哋快啲埋左張單！俾完錢又就咁掉返左信用卡落枱！ 再到食完既時候，佢話要投票先可以拎雪糕，咁我就照做啦，小朋友想食哄下佢哋，咁投票登入各樣都整左一陣，到拎完雪糕返埋位坐低食既時候佢話要執枱，我哋就話「冇問題呀，你哋照執啦，我哋食埋雪糕

今晚去了旺角平昌食晚飯，訂了18:30雖然限時兩小時20:30交枱但我哋叫食物每次都燒曬到了大约19:45分我哋又叫食物，已經有職員過來提醒我們20:30要交枱，我哋落完單之後仲我地埋單又再一次講20:30交枱，食到已經嬲嬲地，其實我哋都未夠鏱你地使唔使講咁多次20:30要交始，之後我哋都執緊嘢準備離開，又有兩三個職員講20:30要交枱呢餐飯都食到嬲嬲地，使唔使講咁多次話20:30要交枱真係好離譜。

近呢幾年唔少人叫兆萬中心做劣食之塔，所以我都好耐冇嚟食嘢，廢事中伏~ 今日朋友話想試吓呢間，我本身都驚會中伏，不過佢話間餐廳由韓國oppa 主理，加上價錢都幾相宜，又見佢Openrice 都有幾多好評，所以就想試一次雖然我都唔係好想，不過見佢咁想試就陪佢食一次啦，唔會肚痛就得~ 響無抱著任何期望兼有d淆底嘅我，最終都係踏進咗呢個鼎鼎大名嘅劣食之塔~嗰日明明係閑日夜晚七點幾，不過響餐廳門口已經見到座無虛席，好彩我哋得兩位先勉強有枱俾我地~呢個時候我都放心啲，咁多人食應該差極有限~ 好彩食物質素真係唔錯，我哋食嗰個餐雖然大部份嘅肉都係預先用醃料醃咗，味道偏甜，但依然保留到肉味，唔會用粉整到冇晒味~另外都有啲冇醃嘅牛同埋海鮮，質素唔錯，我地都叫咗好幾碟~ 仲有各式各樣嘅前菜同主菜，食完之後我哋兩個都捧腹而回~ 以放題黎講，味道，價錢，食物選擇同上菜速度都令我十分滿意，絕對稱不上劣食~ 大家下次嚟到旺角又諗唔到食咩都不妨試吓!

全埸沒有坐滿 店員人數眾多 意思每人服務一台都足足有餘 由坐位到 舉手落野 下下舉到手都攰 佢哋系圍住傾計 食品一般 服務態度有好有壞 食完啲碟五收 推住上菜 可以話請都吾會再幫襯 劣評

$248/2小時 兆萬韓燒今日晏咗起身，去咗旺角食個快靚正韓燒任食，二百零蚊一個人，都有唔少款式揀，有牛雞豬有海鮮有熟嘢食。涼拌菜鹹咗少少，其他肉類正常發揮。飲品任飲。呢個價錢OK啦👍🏻不過佢點嘢食，係計人頭，就算你話要五碟，佢都係俾兩嚿你，要自己逐次逐次叫。😂設計韓式，另有一番風味。😋推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：8⭐️賣相（10⭐️滿）：7⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：8⭐［平昌 (旺角)］📍旺角西洋菜街1號兆萬中心13樓#晚餐#晚市 #食飯 #推介 #美食 #美食推薦 #美食日記 #堂食 #食好西 #吃貨 #hkfoodpic #hkfood #topcitybiteshk #香港美食 #美食推薦 #食評分享 #美食博客 #美食分享 #美食しい #食左先講 #852ig #foodiegram #instagood #winsomelai