平昌

營業中

休息中

友人好鍾意食韓國菜，係云云之中就揀左平昌，一黎係放題，二黎發現原來經openric訂座係有嘢送，本身係送88套餐同甜品，點知後來轉左牛肚同豬皮，雖然有d傷心，不過算喇，反正都係送既~食物方面，因為始終係放題式，所以唔可以用高水準去評價，只可以講中規中矩，而係海鮮中，我就最鍾意鰻魚，但一定要耐心燒，如果唔係好易五馬分屍!肉類方面，我就最鍾意牛舌，不過都係要小心火喉，因為燒過火係超難咬開~海帶湯幾好，湯入面仲有牛肉~泡菜湯就超辣!好似飲泡菜汁，鍾意辣既朋友就岩哂!飲品方面都有幾款選擇，都算唔錯!唯一要批評就係抽氣系統唔好，d煙係燻到流眼水，同成個人超大味，呢方面一定要改善!

呢間前身是7080韓國燒烤，但已經轉了做平昌韓國燒肉。用openrice預先book位，一去到就有位。放題都算有好多選擇，我地樣樣燒肉類都有叫少少黎試，但無樣肉好食牛好韌，無牛味只有豬頸肉係可以一試！燒肉食物質素完全太差！雖然係放題，但係都無理由差成咁。燒蠔同燒帶子都好腥，完全唔新鮮。唯一好味少少既就係燒蝦。最令人失望就係連爐邊蛋都唔好食，原因係佢蛋溝左太多水，又無落雞湯，所以味道好淡。反而佢既熟食係唔錯既，例如炒年糕，泡菜煎餅，韓式粉絲都係好味！但燒肉用咁差質素既肉類，真係太有問題了！以後都唔會再去，列入bad list!

一入店就已經見到有人係度等緊位好彩一早book左位, 所以唔洗等就可以直接入了店員好快手就set好爐同埋放好前菜比我地食呢間既泡菜超好食, 辣得黎不失爽脆既口感, 仲可以叫店員refill的一開始就已經準備好蔬菜比我地包住肉黎食剔左單大約等左5分鐘, 食材就已經陸續放上台面比我地燒了我地叫左勁多肉, 牛肉黎講我個人首推就一定係烤牛肋骨肉, 你睇個肉既脂肪分佈就知道係上品燒左幾下就已經聞到勁香既牛肉味, 入味即溶第二要推介既就係海鮮, 呢度最好既地方就係海鮮大部分都係包埋, 食完可以再叫, 而且仲係好新鮮的試下燒d新野先, 有魷魚圈同雞翼, 其實都唔難燒, 我幾鐘意個魷魚圈爽口又彈牙

My second time there and still very very good. Stuff very polite and good really fresh! Definitely worth going!The pork belly especially is much better than most other places and the environment is not very smoky, overall one of the best ones I've tried in hk.

是咁的~~為左慶祝我女朋友嘅轉到新公司 我地就決定食番餐好嘅 點黎想食果間韓燒就加左價 然後我就諗喇 嘩佢加到208咁我可以搵間正宗d韓燒餐廳都係差唔多價啫 結果就俾我搵到平昌 仲要都係208 咁就一於bk定枱等食好野平昌嘅裝修係好有地道韓國燒烤店嘅風味 都係有果種可以開蓋擺野嘅櫈 同可調整高度嘅抽風管 每枱都有而且風力好夠 真係唔洗怕陣油煙味整到成身都係好多人都讚平昌嘅服務態度好 原來係真嫁每個職員都好好招呼 一埋位就幫我地開爐 仲倒定爐邊蛋漿俾我地 上菜又快 而且一開始仲幫我地調整番個抽風管嘅高度等佢吸走d油煙野食方面 大家唔好以為韓燒放題嘅肉可能會好頹 是旦俾d冷藏肉 冇味 靠你燒完自己點醬汁 咁你就錯曬喇 平昌嘅肉全部都好靚有幾款真係必食LA牛肉 薄切五花腩 牛仔骨 呢幾隻肉個人覺得好好食 肉質鮮嫩 有肉香 唔點醬就咁食都唔會冇味唔知食緊咩 抵讚而且平昌嘅燒肉唔會話隻隻都醃埋同一種味 而係靠食材本身嘅味道俾食客自己去品嘗最原汁原味嘅味道 正平昌嘅menu除左有豬 牛 雞 海鮮之外 居然連熟食都有好多選擇 原本諗住做埋熟食都唔慌好味啦 咁就叫個炒粉絲 煎薄餅試下你咩料 點知真係一

自從上次同屋企人食過佐敦既平昌覺得唔錯就帶左來香港旅遊既堂弟去食可能因為睇得出堂弟唔似係香港大 侍應開頭都同我講英文有兩款醬料同埋兩個前菜(分別係泡菜同豆芽)嘢飲方便嘅選擇就係呢D 因為入咗人數都比較多所以嘢飲都俾人搵左唔少 我自己就覺得食燒肉一罐可樂一罐烏龍茶就最好 可以解下想飲可樂嘅心 又可以飲茶冇咁濟呢度嘅裝修同係韓國食嘅燒肉店都幾似 好懷念餐單就係上面呢兩張 呢度難得地係有鮑魚嘅 肥美 而且呢度嘅鮑魚同埋蝦仲放入左芝士 好貼心 至於係肉類方面 我諗好多人都唔係好識分餐單上面嘅肉究竟係咩 咁等我推介幾款我覺得特別好食嘅啦 首先絕對係烤LA牛排骨 我哋會點左好多次 甜甜地肉汁同牛味都夠 連堂弟都一直話LA YUMMY 😂(因為佢唔識睇中文)另外要推介既係烤牛肉(光陽調味)佢個調味做得好好 牛質淋淋地 仲有烤薄切五花肉 雖然有啲肥肉係側邊但係真係好有係韓國食燒肉嘅味道(要點嗰個醬汁)咁好多人食燒肉都唔會點果度既飯麵 但出奇意料地呢度嘅韓式什錦飯的確唔錯 側邊有啲飯焦撈埋之後更加香泡菜湯我就冇飲啦不過湯底評價話都唔錯食過兩間嘅感覺係佐敦嗰間環境比較好 但唔知係咪錯覺呢覺得呢間好食D

又一次受到教訓給好評而蒙騙的經歷環境 枱與枱都比較近，而當晩已經坐滿8成人的時候，煙已經有D大而且好嘈，根本同對面傾計都聽唔到囉⋯⋯服務雖然全塲侍應都非常後生，都係要揮曬手大叫唔該~侍應先會留意到你嘅存在囉⋯叫佢換鐵盤可以應完你就無咗影。食物其實種類選擇不多⋯⋯蝦唔新鮮，帆立貝個size 得一豪子咁大，係街市都未必買得到咁袖珍, 所有牛肉質數非常普通，五花腩最難食又嚡又無味，每次入紙都好麻煩⋯⋯因為都係每樣衹會俾一件你，就算你寫明數字都唔會彩你，所以每次寫完又寫又浪費D紙又曬時間等飲品衹得四五款選擇。🙅🏻‍♂️🙅🏻‍♂️🙅🏻‍♂️🙅🏻‍♂️總括呢講其他任食韓燒必定好食過佢囉🙅🏻‍♂️🙅🏻‍♂️🙅🏻‍♂️🙅🏻‍♂️

韓式bbq真係大陣仗 一枱都係野食 太開心啦實在餐廳以韓國正宗燒烤做主打 一常韓國正宗燒烤嘅風味座位設計很特別 圓凳除咗可以坐之外入面仲可以放自己嘅隨身物品大部份食材都是任點飲食 包括豬肉類 牛肉類 海鮮類 雞肉類 蔬菜類 小食類嘢飲都係無限任飲但留意某部分要收費唷超級意外 生蠔可以無限任點 食多幾隻 好快可以回本蠔肉非常新鮮 超juicy部分肉類有事先醃製過 醃製過嘅肉同樣好味 完全冇影響肉質燒肉嘅同時 旁邊嘅蛋開始慢慢熟 爐邊蛋好嫩滑 亦可無限追加豬腩肉 爽口彈牙 包生菜食一流燒鰻魚 鰻魚肉厚身 沾有鰻魚汁 甜甜地 彈牙好味韓式拉麵 即係辛辣麵燒嘢食咁熱氣 整番碗海帶湯下下火 平衡返個身體 又可以繼續食整體餐廳食物質素非常好 牛肉類最為突出 生豪無限任點 亦係意想不到嘅事 咁嘅價錢完全唔貴 超值呀

平昌在兆萬中心13樓 韓燒任食放題 非常高質素 極力推介 一試難忘不同時段有不同收費 價錢合理 如果唔係放題形式 應該會超貴韓風嘅設計 加上有幾名韓國嘅俊男 成件事實在太夢幻了 唔知以為自己身處韓國雪櫃裏面嘅嘢飲 任飲的一坐低就有泡菜同涼拌芽菜嘅餐前小食店員隨即為你加上爐邊蛋 用旁邊嘅爐火慢慢慢煮熟 爐邊蛋超滑鮑魚是要另外收費的$88超有心思 鮑魚底部放上芝士碎 成件事超邪惡烤鰻魚 烤生蠔 都是任點任食 鰻魚超級厚肉 食落好彈牙 完全冇骨 我追加咗幾次生蠔燒完出嚟雖然有少少縮水 但肉汁依然豐富牛舌超級爽口彈牙 整體牛肉類嘅食材都好高質素 靚牛醃過嘅牛仔骨超級入味 唔會好咸 味道啱啱好 包住生菜 加粒蒜頭加粒辣椒 好味到暈

在旺角呢個小區裏，有著行多韓燒地方，朋友偏偏選擇呢間係話因為有oppa wor. 上到去選左韓燒任食，黎d 肉都幾好食，但海鮮就認真麻麻地，芝士蝦無芝士味。。。。 至於野飲都幾多選擇，有碑酒，有忌簾溝鮮奶等等， 至於d 熱食都幾好食，個海帶湯真係好好飲！！！！

話想食韓國野個fd就帶咗我來呢間野韓燒 入到去都幾多人無book到位 問一問個職員歐巴 佢好好人咁話有位 啲職員服務真係十分好 個個都好有禮貌 個環境都唔錯 油煙味唔係話好勁 啲野食都幾好 薄切豬腩肉一定要叫 好正 不過啲野飲就比較少 但佢嘅啤酒任飲都幾抵 仲有韓國燒酒 不過就要加錢 叫咗個泡菜湯就麻麻地 偏咸同埋得味精味 食完係咁飲野我平時食炸野或者食肉都好中意包生菜食但今次見到佢地啲菜洗得唔乾淨有啲失望 同埋都無落order..不過整體來講係唔錯 可以再來食

之前就同好朋友去食韓國燒烤，而家燒烤多數都唔會真係一大班人去燒烤場，熱辣辣之餘環境又唔係幾好。旺角兆萬中心有好多食肆，其中一間就係韓國燒烤店，裏邊環境好大佔咗成層而且有好多人。餐牌主要都係一張，兩頁紙，但係嘢食名稱已經清楚列明，有一啲係另外收費嘅項目就要自己留意。飲品任飲主要都係韓國嘢，仲有炸物，脆脆地幾好食，估唔到有得食呢類型嘅食品。食燒烤當然唔少得蝦、海鮮及其他肉類食品。所以我哋都攞咗好多，包括帆立貝，加上自己燒烤技術唔錯，整完真係幾好食，兩樣海鮮都好新鮮唔會霉！估唔到仲有鰻魚，好似去咗日本餐廳，燒兩下就食得。點少得燒薯仔，比較香口好味過食炆薯仔。牛肉同豬肉有好多部位，自己都唔係好識分，多數都經過醃制味道調得剛剛好唔會太鹹。仲有朋友勁鍾意食燒香腸唔知點解lol⋯燒雞翼，我自細鍾意食，肥美的雞翼就最啱燒烤。仲有一個香辣嘅牛肉，好似有啲泡菜咁，得意。Encore左帆立貝，仲有魷魚圈，彈牙之餘都有點硬⋯牛舌厚薄適中味道亦唔錯，豬頸肉肉質豐富但係太鹹可惜了⋯肉可以包生菜，爽口之餘減少罪惡咁，最推介就是這個豚肉片的食品，薄薄的真的很好吃。仲有飲品大量選擇，不停轉款都沒有問題！我哋四個人去食，

兆萬可以話係日韓放題既集中地，基本上是但一層都有放題食，魚生刺生到韓式烤肉，可以話係應有盡有。但早前有雜誌話，好多年輕人試過兆萬既放題，好多人都覺得係伏，仲將佢評為劣食之塔今次同幾個朋友揀左其中一間韓燒黎試!呢間平昌應該新裝修無幾耐，佢既前身係7080，lift入邊仲見到水牌都未換應該全線都會改名做平昌了~7080愛好者一定要黎試下!4人優惠仲有甜品送添!!一門口已經有韓國oppa係度serve我地，因為一早book左枱，好快有得坐。MENU有兩頁，但食物款式同種類都唔算少除左PREMIUIM要額外加錢，其他都係任食，岩哂食肉獸!未開食就叫左份海鮮純豆腐辣湯開下胃先!微微辣，同埋少量既海鮮食材，飲落又甜又辣，十分惹味開胃!其實我地點1左PREMIUM既食物，但未黎就緊係燒左牛肉食住先!自從爐邊蛋出現之後，慢慢就變成左必需~以前韓燒店都要加錢先得，依家基本上都唔洗錢任你食LU~呢度既烤LA牛排骨好滑，唔知係咪我燒得太好牛肉拼盤+鮑魚+芝士大蝦+烤元貝拼盤砌得好靚果然包裝好緊要!睇到靚野，食都食得開胃D!!芝士大蝦，蝦非常大隻同厚食，燒都有一定既技巧!湖湖既芝士，燒完之後完全溶左係蝦上面，

今日外出工作, 去了甚少去的旺角, 無錯呀! 人大了, 真的很少去旺角, 因為怕人多車多, 最怕迫來迫去, 所以唔多想出去這個地區, 不過既然今日因工事出開去, 當然乘機約在旺角返工的好友聚一聚。跟這位好友吃過不同的菜式, 中、西、泰、印、日都有, 卻偏偏沒有吃過韓國菜, 突然心血來潮, 好想一起韓燒, 的確已有一段時間沒有韓燒, 有點掛住, 就一於齊齊燒返晚。一出升降機門，看見餐店裝潢滿有韓國色彩，牆上掛有多幅韓國風景畫，另最有心思和特色就是餐店盡頭的兩間獨立房間, 設計成舊式的照相舖和髮型屋，有些懷舊感。餐店地方挺寬敞, 設有多枱4-6人圓枱, 可容納不少客人。為免令食客弄至滿身油煙, 拉動式抽煙筒和開蓋式的汽油筒椅子當然不會缺少, 客人可將外褸和袋子放進內裏, 那便可保不沾油煙。每枱均放了兩款前菜小吃、一籃生菜和兩款醬料，而飲品就可在三大個凍櫃自行拿取，啤酒、汽水和韓式飲品都是任飲, 如想飲韓式燒酒和韓式特飲便要另外加錢。我和友人各自取了韓式的錫蘭紅茶 和蘆筍水, 雪到冰涼透心, 邊燒邊飲就最岩。而用來佐兩款前菜小吃也不錯, 可惜只有兩款, 分別是辣度十足的泡菜 和滿有芝麻香的大

想食韓燒，見到廣告$188，2粒鐘，即刻用openrice apps嚟book，因為經openrice訂，4位送甜品！原本訂枱7點45分，我早到，7點已經到咗，經理好好人，俾我提早入去坐，俾咗個可以傾到計嘅隱蔽位置我，仲話等人齊先幫我計鐘！人齊後，服務員好快手咁幫我哋開爐，點嘢食送嚟都超快！飲品就自助出去自己攞！連韓國啤都有！我哋點咗不同款式嘅豬牛雞同海鮮，牛肉我認為比較出色，其他都ok，海鮮就一般…熟食都唔錯架，款式算多，我哋encore咗2次韓式煎餅，好好味！途中服務員不停幫我哋換鐵板，非常好，對比其他舖頭成晚只換1次鐵板！佢哋end鐘前30分鐘會提醒last order，同埋會順便埋單，我覺得幾好喎！佢哋送嘅甜品都唔馬虎架！不過唯一唔好就係甜品舖面嘅餅乾係林嘅我哋傾計傾到過哂時，都無趕我哋，超讚一定會再去幫襯