影片
更多
2017-06-25
243 瀏覽
是咁的~~為左慶祝我女朋友嘅轉到新公司 我地就決定食番餐好嘅 點黎想食果間韓燒就加左價 然後我就諗喇 嘩佢加到208咁我可以搵間正宗d韓燒餐廳都係差唔多價啫 結果就俾我搵到平昌 仲要都係208 咁就一於bk定枱等食好野平昌嘅裝修係好有地道韓國燒烤店嘅風味 都係有果種可以開蓋擺野嘅櫈 同可調整高度嘅抽風管 每枱都有而且風力好夠 真係唔洗怕陣油煙味整到成身都係好多人都讚平昌嘅服務態度好 原來係真嫁每個職員都好好招呼 一埋位就幫我地開爐 仲倒定爐邊蛋漿俾我地 上菜又快 而且一開始仲幫我地調整番個抽風管嘅高度等佢吸走d油煙野食方面 大家唔好以為韓燒放題嘅肉可能會好頹 是旦俾d冷藏肉 冇味 靠你燒完自己點醬汁 咁你就錯曬喇 平昌嘅肉全部都好靚有幾款真係必食LA牛肉 薄切五花腩 牛仔骨 呢幾隻肉個人覺得好好食 肉質鮮嫩 有肉香 唔點醬就咁食都唔會冇味唔知食緊咩 抵讚而且平昌嘅燒肉唔會話隻隻都醃埋同一種味 而係靠食材本身嘅味道俾食客自己去品嘗最原汁原味嘅味道 正平昌嘅menu除左有豬 牛 雞 海鮮之外 居然連熟食都有好多選擇 原本諗住做埋熟食都唔慌好味啦 咁就叫個炒粉絲 煎薄餅試下你咩料 點知真係一
平昌嘅裝修係好有地道韓國燒烤店嘅風味 都係有果種可以開蓋擺野嘅櫈 同可調整高度嘅抽風管 每枱都有而且風力好夠 真係唔洗怕陣油煙味整到成身都係
好多人都讚平昌嘅服務態度好 原來係真嫁每個職員都好好招呼 一埋位就幫我地開爐 仲倒定爐邊蛋漿俾我地 上菜又快 而且一開始仲幫我地調整番個抽風管嘅高度等佢吸走d油煙
野食方面 大家唔好以為韓燒放題嘅肉可能會好頹 是旦俾d冷藏肉 冇味 靠你燒完自己點醬汁 咁你就錯曬喇 平昌嘅肉全部都好靚
有幾款真係必食LA牛肉 薄切五花腩 牛仔骨 呢幾隻肉個人覺得好好食 肉質鮮嫩 有肉香 唔點醬就咁食都唔會冇味唔知食緊咩 抵讚而且平昌嘅燒肉唔會話隻隻都醃埋同一種味 而係靠食材本身嘅味道俾食客自己去品嘗最原汁原味嘅味道 正平昌嘅menu除左有豬 牛 雞 海鮮之外 居然連熟食都有好多選擇 原本諗住做埋熟食都唔慌好味啦 咁就叫個炒粉絲 煎薄餅試下你咩料 點知真係一試便知龍與鳳唔係講笑 佢嘅熟食直頭拍得住出面嘅韓式食店叫嘅定食 佢個炒粉絲係我暫時食過嘅 最好味嘅炒粉絲 好香又唔會好油 而且唔好以為佢會特登俾好大份等你食唔落任食嘅肉 咁你又錯 佢個份量好適中好合理 俾你試下 啱食可以再叫 絕對唔係為左整飽你
除左肉 仲有海鮮 好多時任食海鮮都係果d咩龍脷柳（其實係好cheap嘅鯰魚柳） 多春魚 最多咪下魷魚 點知呢到係有蝦 帆立貝 同鰻魚 淨係任食鰻魚都抵到爛啦 佢個鰻魚同你喺吉之島買一pack pack一條果d質素一樣 冇錯你話好頂級好靚當然唔係 但至少可以稱為中上水平囉 鰻魚雖然比較難燒 但燒香左之後肉質好嫩好滑 香而不膩 帆立貝雖然細細粒但勝左新鮮 肉質都係鮮甜彈牙 魷魚圈都好好食 好彈牙同埋燒完特別好食蝦呢雖然都好彈牙但冇咩蝦味喇 不過蝦我就冇咩所謂因為搣殼好麻煩海鮮真係encore左好幾轉 因為唔會太飽肚但又最回本 鮑魚就唔係任食喇 喺openrice訂座送嘅 size唔算大隻但勝左佢都好新鮮彈牙 唔會因為送你嘅而俾d梅左嘅你 佢可能知自己嘅鮑魚唔係話好靚果隻 所以佢會有芝士喺側邊一齊燒 咁樣食都幾好食
個人建議食燒肉真係要包埋生菜整個生菜包 唔好以為話：下食多左菜咪好快飽肚囉 菜咁平好唔抵啫
咁就錯曬喇 食韓燒 其實係好油膩 肉燒過之後d酒逼曬係塊肉嘅表面 食落肚其實係難消化 因為油脂係要長d時間先可以俾身體分解
但你包埋菜食又唔同 因為菜本身會吸油 令你食果下已經覺得油膩感減少左 咁就自然唔會好快有種好“流”嘅感覺 咁就可以食多幾舊啦
總括黎講 呢餐好得 208呢個價錢好抵食 性價比又高 肉嘅質素高 海鮮嘅款式又唔會hea 連熟食都咁出色 服務態度又好wo 想食韓燒嘅時候就考慮下佢啦
最後祝我女朋友工作順利 時刻開心
張貼
