平昌

營業中

休息中

呢日同班姊妹睇完戲..明明大家話減肥’但走去韓燒囉..呢間野前身係7080..依家係轉左名定轉左手？總之就好食過之前..服務仲好左好多.係抽氣差啲...飲品可口可樂.韓國野.道地野

間唔中會心思思想食下韓國烤肉，當然約多d腳去食就實冇錯，可以叫多幾款唔同既菜。甘岩要farewell同事，8個人，就即刻發動食韓燒！平昌呢間都出晒名，所以第一時間聯想到，佐敦同旺角都有分店，最後近近地就揀左旺角了。一開始有蛋同芝士係邊邊。等開餐先因為太肚餓，叫住d熟食食住先，點左個泡菜薄餅，脆卜卜，好香口，微辣，送啤酒一流。韓式炸雞必點㗎啦，我地揀左唔辣，甜甜的醬，熱辣辣，好味道呀！韓式芝士年糕，軟熟既年糕配上溶溶地的芝士，仲可以拉絲，正呀！芝士豬肋排（勁！勁！勁多芝士）有專人（靚仔oppa）招呼，即值拎個爐整熔d芝士，同甜甜的豬肋排混合，超肥，好味！當然唔少得叫豬腩肉，唔同醬料制成嘅豬腩肉，由淡味至濃味順序排列，先食啖味的，順住次序食濃味的，很講究的食法！當然唔少得超好味的牛肋骨，醬料制得非常好，甜甜地，好林好入味呀，之後再encore左一碟。配菜無限refill，侍應大部份係韓國人，唔識講中文，但好好禮貌，好好招呼。

今晚又黎到旺角食晚餐，朋友話好想食韓燒，就Book 咗呢間超人氣的平昌試下。餐廳在最多人等位的兆萬中心，最好都一定訂咗位先，因為都頗多人，满座的。夜晚韓燒任飲任食都係$188一位，性價比高，而且職員都係韓國人來的，略懂廣東話，當然都可以用英文溝通。落單就係餐單上直接寫每樣野的份量，方便易睇。門口的飲品雪櫃，有樂天汽水，可樂，龍井茶等。有無限添加的新鮮生菜，辣泡菜，豆芽。烤蝦，大隻，蝦肉彈牙鮮甜，烤帆立貝，厚肉大粒，燒牛舌，薄切，肉質爽口。辣炒年糕，煙韌入味，少少辣。有豬頸肉，午餐肉，廚師腸，芝士腸，牛肋⻣肉等，嫩滑，燒得香口，可以夾生菜食都得。燒鰻魚，燒汁香甜，肉質淋身，入口即溶。煎海鮮薄餅，邊位好香脆，中間煎得淋身少少，有蔥同椒等係入面。仲要食埋送的甜品，賣相一流，香滑清甜。

終於出trip完有時間寫番個掋食食評啦！兩個人行完旺角想食韓燒，突然醒起上次友人推介既韓燒(平昌)，一於貢上去睇下有幾好食！首先一坐底就點左支桃味燒酒，味道甜甜地女士都會易入口，無原味燒酒咁”渴”喉，但侍應哥哥其實係推介提子味，如果再去我都會試一下提子味！大家不防試試。好啦！期待已久既燒肉燒蠔同海鮮！肉類好新鮮，掋讚！無個浸最憎既雪藏味！！我最欣賞就係牛仔骨，蠔，縵魚同虾啦！仲有燒蕃薯仔都係好好食，好甜，唔好錯過！等我逐樣逐樣推介一下啦，牛仔骨味道唔錯又唔會靭，唔怕好似食香口膠咁！燒蠔好多水唔會乾哂又唔怕縮到更細隻，連唔食生蠔既朋友都食左3隻！縵魚一定要番啅呀！！平時買百幾蚊得一條，呢到order幾多比足幾多，但要注意燒時小心會好易燶同痴底。至於虾都好新鮮，燒完無霉肉既感覺，同埋都幾大隻，唔會燒完無肉食！唯一唔好就係帶子細隻左啲，燒完縮水後更細隻，寧願燒多幾轉蠔好過。我呢位朋友係雞翼控，佢話雞翼有埯過咸咸甜甜好突然，鐘意雞翼既朋友一定要試喎！！其他食物其實都好正，但我地兩個就主力番啅以上介紹既食物，有個攻略比大家參考一下，先食海鮮，牛，雞，縵魚，最後先到豬，因為豬肉最平凡無驚喜但唔係差

今日同個好朋友食晚飯，話突然間好想食肉，經過旺角的兆萬中心，睇下睇下個水牌，最終揀咗13樓的平昌燒烤，七點前入席($188+1)90分鐘。枱面已經預備好：泡菜,豆芽,茄子,我朋友不給及待已經立刻準備點單。 除咗有很多生嘅肉類比你燒烤之外，仲有好多其他熟食，包括有韓國炒飯 ， 泡菜湯，炒粉絲，年糕，炸物等等。 每次點完單基本上三分鐘內已經有食物到，效率非常之高。無限量飲品任你選擇，當中仲有韓國啤酒，吾喺每一間任食嘅地方都有。烤牛肋骨肉：只要燒到半生熟，牛味非常濃烈，內裏非常多汁，真係有入口即溶嘅感覺。燒到熱辣辣嘅牛仔骨，加上好滑嫩口的牛肉，連埋生菜一齊食，簡直絕配。切勿忘記外圍的蛋漿，蛋味非常濃厚， 食完再可以免費添加。泡菜湯： 辣味適中，不太酸，容易入口，依個係我覺得最正宗嘅泡菜湯。

夜晚同朋友睇完戲，又諗住去食個熱氣既晚飯，平時本來食開日式燒肉，今次個朋友話呢間唔錯，係食韓燒既；咁因為市面既韓燒都較參差，所以就去試下……下午用返Open rice個手機Apps訂佐3位，本來有三個朋友，但最後得我哋2人，佢哋都比我哋入去……一入到去，就覺得個裝修好似都幾有韓國風味，而佢哋既抽油煙機雖然已經設係每個爐頂，而且仲可以伸縮，但都仍然好大油煙味。到開始燒烤時，其實食物覺得幾新鮮，雖然款式不多，而且短短2個小時，待應主動幫我哋換咗差唔多有6塊鐵板，而待應裡面，有幾個應該仲係來自韓國既，因爲唔識講中文，同佢哋溝通，都係用英文，所以呢間餐廳都幾特別呀……

朋友介紹 話好抵食 食到飽飽都係2舊水有找一位入到黎個oppa會好熱情咁用韓式英語同你對booking 成個場 超爆 明明閒日 都咁多人等位 基本上一定要預先book定 如果唔係都唔知要等到何年何月🤦🏻‍♀️有海鮮燒肉 啤酒韓式汽水果汁任飲 咩都唔好講 先黎啤啤佢先我都驚佢揸流灘 我點晒比較貴少少嘅食材 點可以對自己唔住先講肉 佢個汁較得唔錯 食物種類都算多同上得快牛同豬比較下 我覺得豬比較好食 但牛仔骨好好食 想回本就食多d🤣蝦都好彈牙 鰻魚都有 但本身都熟 我覺得應該分開上最後追加鮑魚 加芝士 邪惡組合 正！總括黎講 性價比都算高 成班食都抵 但油煙好勁 服務一般般

喺旺角兆萬地下成日都有一班人追住你派傳單, 見到13樓平昌主打係韓國人主理既韓燒望望價錢牌, 平日夜晚食200蚊都唔洗極具性價比好多款種類既豬肉牛肉, 淨係五花腩五花肉細分左幾款, 最驚喜係呢位價位竟然有海鮮比你揀除左燒肉之外, 仲有多款熟食, 等d 生肉燒緊果陣可以醫醫肚先咁等緊d 野食黎果陣就去拎飲品, 有大熱既牛奶忌廉, 檸七, 韓國啤酒, 唔啱心水都仲可以揀番可樂芬達開爐喇喂, 個抽風可以上下任意調校, 吸晒d 油煙味碟肉都幾靚個爐邊蛋都開始凝固可以食等緊d 肉熟既時候, 就飲下呢個海鮮純豆腐辣湯, 都幾惹味幾辣下架辣炒年糕, 細細份2個人食剛剛好煎海鮮蔥餅, 煎得外脆內香仲有個海鮮, 蝦同鰻魚都好大份, 性價比極高食飽飽後仲有個甜品添

第一次離，原來面有幾多韓國人離食信心倍增，6點離到無乜人，店員都好有禮貌，係韓國食過正宗烤肉之後本來對香港嘅韓式烤肉店無曬信心，但係呢一間可以令你有番啲信心上菜快，無論牛定係豬，定係小食都達到非一般水準，如果真係要彈可能淨係得啲海鮮唔係太新鮮，而且比較細隻，但竟然無影響個味道小食泡菜同豆芽可以無限量添加，正!另外今晚試咗辣湯，海帶湯同冷麵，每一樣都值得加分嘢飲有啤酒同各種汽水任飲，燒酒都有但就要加錢

老闆請食韓燒，上網搵到哩間平昌多好評，就去訂座喇，訂座期間喺OpenRice 見到五人同行一人免費優惠，為咗唔好蝕抵，我哋四出搵第五個人一齊食$188一個人，我哋都冇抱太大期望去，上到去見到裝修都幾特別，係懷舊風。場內侍應有啲聲稱自己係韓國人，不過聽講哩類韓國餐廳都要員工扮韓仔韓妹，所以真定假就唔知，但有個女仔真係真係好似韓妹，就算係扮，都係扮得專業扮得似最抵讚嘅係食物，哩個價錢有蠔有扇貝有鰻魚，豬肉牛肉款式多，質素都好，不過每轉分量唔多，要叫多幾轉先夠食。

今日同朋友放工就一齊行去兆萬睇下有咩好野食, 見到有間任食韓燒, 朋友已經走左去排隊搭lift, 我唯有有跟住啦上到去有位oppa招呼我地入座同簡單介紹下有咩食, 餐廳d櫈係由紅色既鐵桶改裝而成, 格局亦好有韓劇d平民燒肉店既風格, 幾有風味點餐紙食物都唔少, 我同朋友首先主打牛肉啦, 每款都嗌左一碟試試, 上菜都快, 值得推介既係烤LA牛排骨, 烤牛脷同埋烤牛肋骨肉, 牛肉食落有牛味, 牛脷唔騷有口感, 好正, 起碼劃左3,4轉之後嗌左海鮮類, 生蠔 (好少任食有架) 同蝦又係必點豬肉我地唔係幾食, 不過都嗌左d試下, 五花肉有d驚喜, 油份多食落好夠味, 不過好邪惡, 哈哈另外辣炒年糕好岩唔係好食得辣又好鍾意食呢道小食既朋友 (正如我), 辣度適中, 個汁都較得好好飲品放係雪櫃任拎, 有韓式罐裝飲品性價比好, 食物質素較一般任食韓燒店好, 待應亦好友善, 會主動換網收野, 抵讚

旺角區$188+18.8@1位食物質素唔差泡菜幾好味...3個人食左佢最少都有8碟服務員好似有7成都韓國人（因為好似唔多講野）環境就差左dd...好彈油細火都一樣，抽氣唔夠，我食完要洗眼鏡海鮮殼類比較麻麻.鯖魚都幾好肉類普片都食得下雞翼入味前菜大豆芽就唔入味推介：辣醬五花腩、調味牛

新年嗰排約咗個朋友去食飯，我哋兩個都係大胃王，梗係要去食放題啦，之前朋友介紹一間食韓燒，所以決定去試吓。餐廳位於旺角兆萬商場，地點方便，餐廳環境開陽，座位闊落，仲有一啲獨立嘅房間，而且採用開放式廚房，可以睇到成個出菜嘅情況。我哋大約八點鐘去到，當時已經人山人海，但仲有少量位置，一坐低見到枱面上有好多前菜，店員即時教我點樣落單，仲喺路邊加左啲蛋漿。肉類嘅款式非常多，仲有大量嘅海鮮選擇， 仲有好多款韓國特色食品。仲有好多款飲品可以選擇，酒類有黑啤同其他味道嘅酒。因為太肚餓嘅關係所以先叫咗啲熟食，冷麵麵質爽口彈牙，加上湯汁味道非常清新。海鮮純豆腐辣湯，材料十足，辣辣地非常野味。韓式拉麵，湯嘅味道非常濃郁。煎海鮮蔥餅，落咗大量嘅海鮮，食落非常香口。海鮮非常新鮮，生蠔非常飽満，帆立貝大隻鮮甜，蝦分量十足而且爽口彈牙，鰻魚厚身，未食完已經急不及待，要點第二輪。我哋呢啲食肉獸，點可以唔食肉，到今日嘅主角。肉類醃得好入味，燒好之後加上醬汁，用生菜包住嚟食，感覺冇咁膩，而且所有肉類肉嫩多汁，燒到差唔多係時候食爐邊蛋，蛋本身加左調味，所以就咁食已經好好味，而且非常嫩滑。最後送附送精美甜品，甜品嘅甜到剛剛，

生日想同朋友食好啲，就黎到呢間平昌搵食雖然係星期一，但人都好多，好熱鬧。職員帶位後會同你介紹點落單同推介燒酒呢到係以紙落單，而飲品係自助。我地試左西柚燒酒，易入口，甜味剛好，重西柚味呢到比其他韓燒好既地方係，有海鮮食，仲有生蠔！生蠔鮮味。扇貝大隻，食落好爽口，啖啖肉。蝦燒一陣就夠，燒太耐會太老。食落有種爽甜味，食完會不斷想再食！呢到既雞翼好大隻！雞肉醃得好入味，燒完之後再點醬汁，好juicy! 仲有生菜提供比我地包肉食，連埋菜食感覺無甘膩。呢到有好多種類既肉選擇，薄切五花腩，油同肉分佈平均，燒1分鐘基本就得。食落無油膩感

今日同左幾個超級崇韓嘅fd食飯，佢哋指定食韓國燒肉，見到食評都唔錯所以黎試一試😎價錢好吸引！二百幾蚊肉類勁多款式而且飲品任飲又有海鮮！環境都值得一讚，每一枱唔會好迫，凳下面又可以放野唔使整到成身油煙味very good!前菜嘅泡菜好新鮮！而且倒係側邊嘅蛋醬都好好食！無限添加！款式實在太多，我綜合一下覺得好食嘅有：豬肉類方面一定要order五花腩！油分勁高而且切得好薄，特級豬頸肉小小辣都係心水推介！想減低油膩感可以配一片生菜食！勁正🤤牛肉類方面必order牛肋骨！肉味勁香而且又唔會太韌，配合埋佢嘅特定醬汁，真係好似去咗韓國咁🤣而海鮮類有烤青魚、烤魷魚同烤鰻魚！飲品都係任叫任飲款式選擇多，連黑啤都有！我自己最鍾意飲綠色嗰罐檸檬七喜同鮮奶忌廉！食完真係好飽！講真呢個價錢係好啱成班fd經濟實惠gathering👍🏻👍🏻