帝樂 - 德國餐廳 (已結業)

鴨胸 + 薯餅配蘋果醬~ 好食~~~ 個蘋果醬係似新鮮搾碎 gei 蘋果蓉~ 紐倫堡豬肉腸，好食~~豬手一定要食，外皮好脆的， 仲有豬味~之後 order 左個雞肉腸，無咁好食。。。 似平時食的腸仔果種口感。King Ludwig 有 live band，又有波睇，加分~不過一定要 book 位同埋 waiters 都好好好好好忙，要有d 耐性等佢地gei 服務~

3B 生日帶佢來食 Tea Buffet 慶祝2:15pm 到達已座滿人(好彩有訂位)招牌鹹豬手, 豬皮焗到好脆, 鹹鹹地又脆卜卜, 好味道, 不過豬手一出就大排長龍門口位置的即制小食(係由一小片餅干加一片紅肉及芝士, 再烘焙)都係長期大排長龍要左杯麥啤, 味道唔錯環境唔錯, 係太多人, 同排長龍唔好之外食物方面質素都算唔錯

昨晚約了兩位朋友吹水食飯. 朋友建議相約於尖沙咀區, 最好可以慢慢坐又有啤酒飲, 最後決定到King Ludwig一聚. 我先到, 選了近live band表演的位置, 點了一杯最愛的0.5L Maisel's Welsee, 啤酒冰凍, 由喉嚨落到個胃依然清涼, 感覺好爽快. 過了半句鐘, 有點肚餓, 先點了一個Farm roll填肚, 再要了一杯啤酒.今天的Farm roll焗得很脆, 我最喜愛將牛肝醬塗滿整個麵包, 與眼前的麥啤是絕配. 坐了45分鐘有多, 朋友相繼到達. 各自點了飲品, 吃著farm roll吹水幾句. 之後我負責點菜, 叫了一個green salad, 德國咸豬手及Nuernberg腸. Live band亦奏起了, 兩位外籍主音唱得不錯, 而大家則談得十分愉快.Green salad先上桌, 菜很新鮮, 不俗. 接著的是Nuernberg腸, 即豬肉腸, 是德國有名的腸之一, 皮薄而脆, 香草味剛剛好. 伴碟的薯仔沙律同樣出色, 很快被我全吃掉.主角咸豬手最後登場! 侍應會於你面前將豬手切開上碟, 他一刀落時, 只見豬手還不斷出煙, 太棒了!! 豬手皮脆肉香

一直都想來這餐廳試試的, 不過因為星期五要限時交檯(8:15pm) 所以就一直沒試.今天下雨天, 加上星期二, 應該唔多人就即管打電話問問 原來平時沒限時 所以就決定了.叫了; "豬手" - 真的不錯, d皮好脆, 肉是鹹但是加上啤酒一起送來吃又ok wor"波子沙津" - 個portion 好細 唔夠喉"十字型面包" - 外脆內軟 面包香 最正係跟包有兩個醬用來伴包包吃的 我估個醬分分鐘貴過個包, ^_^"啤酒", "長通粉" 及 "牛肉腸"本來也因為不限時會聽到live band 而所吸引來的, 但是, 一到8:30開始時, 先發現, 唉 ...我地坐得算近台, 所以 band 唱歌時令個餐廳近台部分很嘈, 朋友說話都很困難, 而且band的唱歌也不太吸引, 下次 寧願坐遠d了.總的來說吃得很開心, 7點坐到10點, 不限時 的確 好好多呀!下次星期一至四 的開飯好去處.

尋日黑雨真係好厲害,全港多個地方水浸,重諗住夜晚都未必出到去這間早以訂枱架餐廳,但係晚上反而沒有雨.之後就和女友去試德國菜.六點鐘去到當時只有幾圍枱,坐低後侍應問我們駛唔駛叫啲嘢飲先,我就叫咗杯"麥啤"味道比一般的啤酒濃,佢地就標榜係德國入口,唔知德國架啤酒係咪就係咁架味呢!!之後點了以下幾樣嘢德國豬手同出面食開架豬手唔同,出面餐廳所謂架德國豬手得個鹹字,好似食金華火腿咁, 呢個就唔係太鹹,啲皮仲好趣好似薯片咁趣卜卜咁,點埋啲醬汁食Good .雞肉腸啲腸唔係大鹹,比一般架腸仔味道淡啲,伴碟有啲酸酸地架薯仔.沒什麼驚喜.鮮果班戟唔係話大特別,反而我鐘意食出面啲夾餅仲好味.整體黎講個\豬手真係幾出式,個環境有啲似外國餐廳架感覺,同埋雖然我地叫咗唔多嘢,但係食完個豬手同埋雞肉腸之後都有啲飽飽地, 下次等多啲人去試多啲菜式先

跟樓下的一樣, 6點半到, 8點3交枱 (其實還有位坐, 只是要搬走)前菜點了清雞德國雲吞湯~ 很普通~ 還是中國雲吞好吃些~ 很細碗, 一人份量~農夫包很硬~主菜點了豬手~ 一上桌己經很香口, 外皮非常脆~ 另外再點了香草豬肉腸~ 但是, 最後發覺光是豬手己經非常飽滯, 而且, 所有菜色異常地咸, 不跟飯不行, 食到 11點都食唔完~除非真是食肉獸, 否則真是吃不消啊~侍應要看人, 有些很好, 有些態度麻麻~ 不過, 環境是不錯的~

星期六訂左六點半鐘兩位，入位前已經通知左八點三要交檯，睇來呢間餐廳都幾多人幫襯，不乎我所料，入到去都有七成客人，亦因為多人既關係，環境都幾嘈，唔可以話靜靜地咁傾計，而且遠處見到有live band，我估係表現時間，個場應該會再嘈d。但值得一提就係，餐廳格調滿有德國色彩，形造出好濃厚既德國風味，不錯！招牌菜豬手，係我左手邊兩檯，同右手邊一檯都叫左一隻，拎到係我地面前重出煙，好新鮮，待應即時切開，真係好香，食到落口，皮脆但肉咸，而且食左少少已經好滯，加上前菜食左德國腸，所以兩個人都食得好飽。如果係鍾意食香口野既人，或者鍾意食豬手既人，都值得來呢間度一試。而價錢方面，並非呢度所講一百至百伍，我地合共食左$460，叫左一碗牛肉湯（$8x）、香腸沙律（$8x）、德國雞肉腸（$85）、豬手（$105）、一杯啤酒、一杯鮮橙汁（$38）。

我地一行四個女仔,點左一隻豬手,一個暖蝦芒果沙律,雜錦腸,農夫麵包,同二條beer sticks,4 杯麥啤,甜品叫左apple strudel(蘋果批),同omelet souffle(巯夫里奄列)埋單$807元(會員有85折)我地坐果度好熱,無乜冷氣,投訴左,待應話我地坐個part 係中央冷氣,教大唔到,無計啦!隻豬手一向都有水準既,無令d friend失望,沙律都o.k,有4隻蝦,我地夠分,一人一只,哈哈!d 腸有好似有5款,其中有二款幾好食,白色好粗個款我就麻麻,好難食..農夫麵包我最中意食,真係好好味..但個果啤酒麵包條就好鹹喎,要嚟配啤酒就啱晒啦~蘋果批好難食, 疏夫里奄列普普通通啦.啤酒都出名架啦唔駛多講.我個friend 唔係幾飲得,佢都飲左0.5L,要彈既就係,唔明點解要分二段時間,6:00PM至8:15PM,(8:15PM後無限時段)8:15分要交枱咁話,都唔係咁FULL點解要咁樣分時段,同埋門口帶位個姐姐,多番D 笑容會好D 囉,昨天落雨,幫我D FRIEND把傘入完膠袋,黑口黑臉咁放係張枱都又唔出聲,咁就走左去!服務都係要改善一下~

母親節時離港去，一回來立即補祝母親節，阿媽鍾意吃豬手，之前來過一兩次，覺得質素不錯，於是一行七人到此餐廳吃，及補祝母親節。訂了位，一到達立即入去，食物已準備好，一坐下立即出去取食物，一定要試他們的芝士多士，即做和香脆，芝士味濃，不知不覺吃了數塊。當然，豬手亦是此餐廳必吃的菜式，豬手新鮮熱辣，外皮香脆，真是未吃，看也覺得正，一口咬下，質素依然好，外皮好脆，肉又滑，我和阿媽連吃數件後都給滯了，其他人見狀，當然都「留有一口」。自問食量沒那麼差，休息一會再吃其他食物，甜品，他們的甜品款式不多，但味道不錯。最後真係飽到暈，結果沒有吃晚餐。埋單約$800，幾抵!!!

豬手個皮好脆，而且侍應幫手切時是冒煙的~ 正~最正係皮下的少量脂肪和膠質物體~ 激香~至於豬肉就咸了些少~ 配啤酒或麵包則剛好原來間餐廳都幾大，我坐o個邊唔係太聽到live band下次坐過去感受下先~ (雖然樓下有些食家覺得很嘈~)

今日係老公生日, 佢一早已經話想食鹹豬手, 於是上網搵吓邊間德國菜好食, 睇左幾間覺得King Ludwig Beerhall評價最好, 最後便決定了這裡!由於我地6點幾就去到, 所以無訂位, 侍應話我地只可以食到8點, 無問題,我地只係dinner, 食完就走, 一定唔會坐到8點!今晚我畀老公話事, 叫佢點菜, 老公一路睇餐牌, 一路嘩嘩聲話好貴, 我話無所謂,想食乜就叫, 最後, 我地要左杯麥啤, 豬肉腸, 鹹豬手同麵, 本來仲想食甜品, 但話唔啱佢口味, 所以無試到, 呢餐食左400幾蚊, 都係我預算之內侍應推介的麥啤, 老公話好好味牛尾茄子意大利麵皮卷 - 食落口都幾重蕃茄味,亦有少少牛尾的羶味,但幾好食燒紐倫堡香草豬肉腸 - 幾咸,食唔到香草的味道, 薯仔酸酸地,幾得意脆皮燒豬肘配酸椰菜薯仔 - 豬手好大隻, 而且D皮烤都好乾身,好脆,完全無肥油,老公超鐘意 侍應仲會幫我地切埋, 食得好方便,不過, 酸椰菜就唔啱我地口味

燒烤德國豬肘真的好好吃正宗德國腸質素很好,但要燒烤的會比較好吃,有的不是燒烤的就可惜了那麼好吃的德國腸了正宗德國beer很好喝,很有麥香甜品德國black forest蛋糕很正宗又鬆又軟好好吃不過,海鮮類都是不好吃的,當然,這是德國菜阿

1) 鮮蝦芒果沙律(free coupon) 唔錯！食完好開胃，啲蝦幾爽，菜都好新鮮！ 2) 忌廉汁燴大蝦帶子伴薯餅($95)薯餅煎得好香脆，個忌廉汁燴大蝦帶子味道唔錯，唔會太creamy，份量都o.k.!!!!!!!! 3) 脆皮燒豬肘配酸椰菜薯菜嘩！好大件呀！真係好脆皮呀！好似食緊乳豬皮咁，啲肉好香滑，正！嚟德國餐廳必食！上枱後，侍應會即刻同客人切件，一碟可以4個人分。 4) 串烤澳洲雞伴烤薯($130)喱個一般！啲雞好「鞋」，冇咩特別，可以試吓第二啲菜式。5) 蘋果餡餅($53)好大件，我哋3個人分，啱啱好！唔會太甜，啲蘋果好香，o.k.喎！ 講真！喱度啲侍應招呼嘛嘛哋！但啲嘢食都唔錯，可以試吓！近排做緊東亞信用卡套餐有半價& 飲品買一送一，所以勁多人，walk in冇位。

某銀行信用咭與某飲食集團一起推廣套餐優惠，主人與奴隸獸對多間食店的套餐都甚感興趣。首先光顧的就是『King Ludwig Beerhall』。我們被安排坐在頗接近舞台的卡位。晚餐稍後的時間，有歌手在台上獻唱，歌雖然唱得很好，但音樂聲實在震天價響，令奴隸獸頭昏腦脹。言歸正傳，我們首先點了啤酒，Veltins（HK$38）及Maisel’s Weisse（HK$48）各一杯，我們覺得後者的味道較為好一些。跟著就是二人套餐（HK$380）：頭盆：農夫包、啤酒麵包條配牛仔肝醬、凱撒沙律配脆香煙肉、鮮三文魚配刁草及蜜糖汁。沙律及三文魚的味道非常普通，乏善足陳。農夫包外脆內軟，主人覺得幾好味，但是奴隸獸則喜歡啤酒麵包條多一些。牛仔肝醬不夠香滑。野菌忌廉湯配鮮蝦：有濃濃的Mushroom味道，夠Creamy，可惜整碗湯才只有一小粒蝦仁。主菜：德國芝士豬肉腸拌酸菜：豬肉腸有口感，伴著調了酸味的薯仔粒一起進食，味道非常相配。海鱸魚柳配檸檬牛油汁：魚柳竟然有骨，如果走高檔路線的西式餐廳，為魚肉去骨，是一個基本的程序及要求。至於檸檬牛油汁，則偏酸，牛油味道不足。香草蕃茄天使麵：天使麵煮得恰到好處，Al De

講正宗呢度就真係失晒分了講服務可能因為d waiters全部都太後生食物都還可以食野既人大部份係本地人比起其他德國pub and restaurant就差得遠但價錢就比其他德國pub and restaurant貴得多餐廳有live band 想營造一個氣氛但睇黎唔係幾做得到最好剷走埋佢豬手係必試但唔好抱太大期望食落去同食燒肉冇乜分別