帝樂 - 德國餐廳 (已結業)

再飽吃一頓，還有什麼好得過 十字農夫包，好味得再來一客 三文魚牛油果沙拉 德國香腸，各具特色，香腸配搭有機會每次不同 趁熱食的德國豬肘，一點兒也不肥膩 出呼意外好味的酸忌廉薯茸 麥啤餐廳果然客似雲來，記得訂枱

去過呢間德國餐廳食過兩次Dinner，就係未試過佢既Afternoon Tea Buffet！適逢有朋之遠方來，約好一個時間，大家就去tea 一tea啦！兩點鐘去到已人山人海，食物種類唔算多！第一時間出去攞咸豬手，好彩剛剛有盤新既，配埋佢啱啱炸起既薯條，同攞咗兩款香腸！正確嚟講應該係香腸只得兩款！咸豬手依然皮脆，但係啱啱攞都依然係凍既，冇咗熱辣辣嗰種滋味，肉質亦變硬，雖味道好，但亦難免失望！因為Dinner食既時候，豬手啱啱烤好立即喺你面前幫你分切，外皮卜卜脆，肉質淋而嫩！相比之下過份失色！而且幾乎全部熱盤都唔知點解會凍晒！兩款香腸亦實屬一般，香草德國腸冇香草味，另一款類似普通香腸但肉質較粘口！薯條係粗身嗰種，味道唔會特別有驚喜，而薯角唔知係咪因為趕時間既關係，仲未炸得透已經放出嚟，我仲可以食到''shot shot ''聲，！南瓜湯唔夠濃，忌廉似乎亦落得唔夠，小咗一份幼滑同濃郁感覺！冷盤中有一款沙津反而幾特別亦清新，佢係一小粒一小粒狀似鎮江肴肉既肉凍，配以柚子肉同酸青瓜！肉凍質感好似啫喱，係當中一份驚喜！每張枱仲會有一張咭仔，係比大家去意粉區度選材料，然後就會有專人幫你整同埋為你送上

講左好耐，最後終於係 08 年尾到訪 king ludwig beerhall 食 tea buffet. 試左佢最出名既咸豬手... 雖然在 tea buffet 時段冇人會即席切比你，但佢既皮好香脆，d 豬手既肉質豐富但又唔會肥膩。可惜小妹食唔到好多肉，所以食左兩舊便很滿足了。同時又試左豬肉腸、雞肉腸... 雞肉腸都幾好食，但唔算好特別 ; 至於豬肉腸就有芝士係裡面，芝士份量岩岩好，唔會好漏，值得推介。薯條薯角都好有「薯」味 (這個詞語好像經常出現在 op 的食評內，今次用得著了﹗)，但個薯條就硬左少少。個南瓜湯就幾好味。個湯帶左少少蕃茄味，突顯了南瓜湯清甜既味道。而個湯係落左忌廉，不過因為佢唔算落好多，所以唔會太杰身，仲好開胃添。pasta 就可以自己揀材料同埋個汁。d 材料款式頗多: 包括蝦、蜆、蕃茄、豆苗、玉米、洋蔥、蒜蓉、金菇、煙肉碎等等; 粉就可以揀意粉、蝴蝶粉、螺絲粉同埋長通粉 ; 汁就有白汁同埋茄汁。材料一般都 ok 的，菜類都幾新鮮，而且 refill 得幾快... 不過見到有好多蝦都未挑 d 腸，同埋見到佢洗得唔算好乾淨，所以唔敢要。而佢既蜆就比較細粒，同埋係雪藏

今晚慶祝41個月, bf同我o黎左呢間餐廳呢~想食佢個豬手好耐嘞~ 叫左:1) 豬手 ($14x)豬手好快到, 唔知係o米一早整好呢~ 不過好熱好好味, 同o向德國食過o個d差唔多呀!2) 農夫包 ($25)農夫包普通啦, 唔係好抵...0個2個sauce 我覺得都係一般咋3) 薯餅+肉丸 (好似$12x)飽肚之選, 薯餅好油, 個人覺得麻麻, 反而肉丸幾juicy, 個蕃茄醬好味, 我仲用o黎點d包呢~overall都幾好, 不過環境比較迫同嘈, 因為好多人之餘仲有live band呢~赤柱o個間靜好多呢!（平日計）

哈哈, 我不清楚這間是否德國的食品, 但我知, 這都是未婚妻為我預備的一次.到了這間餐館, 原定訂了 八時半, 不過由於早到了, 所以七時進餐.點了的都是open rice 迷 的 常吃食物.- 咸豬手 ($14x)豬手好感味道一流, 最估吾到係皮道然係脆的... 值得一試.- 雜錦腸 ($20x)這碟, 好 salty, 雖則每條腸都有不同味道, 但我可能被 salty 的感覺 充塞了我的味蕾, 小弟不太建議.... 幸好, 隨腸附送有一碟伴沙律薯仔, 這碟反而比主菜 (雜腸) 更出色.- 農夫飽 ($2x)麵飽微暖, 但醬料過引, 價錢較經濟, 可以一試.- 麥啤 ($48)我很少喝酒, 不懂品嘗...人生第一次德國菜, 就係咁獻出了, 我愛吃, 係因為這是未婚妻為我預備的生日晚餐.

My first time to dine @ King Ludwig, the food was impressively delicious, as I personally have no special interest in German cuisine.Location: Deviated from the hard core of TST, located @ TST east, just opposite of the New World Shopping Mall, MTR (exit K) would be the most convenient transport leading you to King Ludwig. Environment: Traditional European style, with both indoor and outdoor dinning. The place is spacious, equipped w/ a huge TV screen right next to the live band. As we had mad

而家市道低迷, 但有時都想食下buffet開心下, 所以星期天就選了這兒的tea buffet (2pm):埋單每人$130, 我覺得都唔錯 有咸豬手(好脆皮, 好食), 腸仔s, 自選pasta, salad bar, 星州炒米 (都好食) and some熟食, ice-cream (我估係維記, not sure, 都唔錯)都有6, 7款甜品, 都唔錯的fruits,仲有1杯drinks (coffee or tea or soft drinks or beer) 佢地refill食物好快, 抵讚!!

昨晚跟友人去開晚餐（真係好夜，10點半先食）；未去之前都做定功課，一家要食農夫麵包同豬手﹗好，就先叫呢兩味先﹗麵包 - 老實講，我覺得outback個黑糖麵包好食過佢，不過佢呢個農夫麵包個兩款醬，真係同佢攞返唔少分數﹗豬手 - 驚喜﹗d肉好lum同入味，真係very good，但個豬皮，我就嫌佢有陣味lor，可能係我自己的口味，但係d肉真係好好味﹗另外，我地再叫多左個雞肉腸，一般水準啦﹗下次去開尖沙咀，都可以再試，仲有一樣，我覺得如果佢隊live band可以細聲少少，應該會更好（可能琴晚唔多人啦，又有d人飲醉酒......好嘈）

某一日我同我朋友心血來潮想食德國野，於是我地就一齊上Openrice睇下有咩正既德國餐廳！然後我發現某一間位於尖沙咀新世界中心對面既德國餐廳，嗰度不單止可以飲到麥啤，連影出嚟既嗰隻咸豬手，同我喺德國食嗰隻好似係一模一樣架！好，咁我地就相約快d去試下呢間野！ 麵包外脆內軟，仲要兩款醬比你點嚟食(其實就咁食都已經好好味)！紅色既係牛肝醬，我本人係唔食內臟既，所以只試咗一口，味道係可以接受！另一款呢就係芝士醬喇，香滑既芝士加入香草，味道冇得彈呀！ 德國腸~~最上面嗰條唔好提，因為佢根本就係平時既司華力腸！之於其他嗰d呢，隻隻都好好味架！ 德國咸豬手，d皮好脆，仲要冇咩脂肪！而入面d肉要夠嫩口，先係真正既德國豬手！正 肉丸薯餅！個薯餅好一般！個肉丸又係咸到食唔到！呢個唔得...呢間德國餐我去過幾次！不過佢既水準就時好時壞！我相信係要撞廚師既問題，有一個整得好，有一個整得麻麻！所以你去到嗰日好食與否，就要睇你好唔好彩喇！如果踫到煮比你食嗰個係整得好食既廚師，咁你就有口褔喇！

上星期二有晚去食飯,同朋友慶祝生日...雖然係平日,但都滿座啊,地點唔難去,都ok方便架...環境ok, 有band show,但係唔鍾意太嘈就唔好坐到好近個band台到喇...我地四個人,食左四樣野...1. 農夫包,配芝士醬同鵝肝醬: 見好多人都必食,一人一舊仔,兩個醬ok架, 個包都ok呀,要食...2. 什錦腸 : 好似有成五條,唔同味,當中應該係豬肉腸最好味,其他都ok,但食得太多就覺得咸3.吉列牛仔肉: 個炸o既吉列部分同牛仔肉好易散開,一切就散喇,但個牛仔肉都幾滑3: 德國咸豬手: 原隻拎過黎就幫我地切開,個皮好脆,肉都唔鞋,都ok丫,係好熱氣囉...不得不提,食野要點佢個芥末醬,有兩隻,有隻甜甜地,個味唔錯,要試呀,唔辣架!今餐可能叫得多熱氣野,所以比我感覺係德國菜好熱氣,唔怪得個個都飲返杯德國啤啦,我地已經好飽,冇食到甜品喇,有八折食就好少少,唔係都幾貴架...

今次係第二次黎，上次食完覺得食物麻麻地，但因為朋友好想試呢度既香腸，所以就黎食多次。紐倫堡香草豬肉腸：得過獎既香腸，但我就覺得唔夠香，一點特別都無！沙律配炸芝士：沙律個 sauce較淡；芝士炸得外脆內軟，但芝士味唔香濃。海鱸魚配牛油檸檬汁：海鱸魚肉質唔鮮味，而且肉有點鞋。杏桃芝士蛋糕：好香滑既硬身芝士，加埋肉桂味餅底好正！焗蘋果餡餅：薄薄既穌皮內有好多蘋果，但蘋果肉酸酸地，唔係甘好食！上次黎食左好多樣野，只係覺得豬手好味。今次又再失望而回，我唸都唔會黎食第三次啦！

這是一頓超級豐富又肉感的晚餐，兩人叫了德國豬手和德國腸，還配上薯蓉和啤酒。德國豬手同平日超市貨完全兩回事，唔會死實實，唔會好咸，最重要個皮係脆既﹗而德國腸，雖然係最普通的腸類，但皮脆肉香，一樣好正﹗配上啤酒係perfect 之選﹗地方好大，重有波同band睇，真係好唔得閑﹗啤酒之後我地叫左cocktail，但好唔得，勁似糖水﹗

如果你是大胃食肉獸，這兒的afternoon tea buffet你一定覺得抵食。連加一$130一個人，食足兩個半鐘。雖然食物選擇不算多，但勝在精，而且樣樣都不停refill。最重要是食物有質素：主打的豬手，皮夠脆，肉也不太乾；自選配料即整的意大利粉也甚討好，意粉順滑而軟硬恰可；腸仔、餐肉固然甚受歡迎；就算是薯角、粟米亦很甜美，搶佔不少胃納；還有幾款甜品都有水準，個人而言最喜歡芒果mousse及檸檬tart。餐飲可選啤酒，當然要來配鹹鹹的肉解解渴。飲落清爽順喉，頂着快要漲爆的肚子說：正！服務方面，侍應態度不錯，不過收碟不夠密，還可再好。

呢間野都幾貴...不過好在夠特別，同幾好氣氛，有live show..唱既歌都係d rock版既classic英文歌~係呢度飲番兩三杯都唔錯...d beer會部都幾大杯~同出面對面番其實都算平架喇但係食物方面就好貴...貴得黎都幾細碟....每人冇食番兩舊水都唔駛旨意食得飽...我唔記得哂餐牌上面d名喇..不過都記得d 料係咩黎既...hehee豬手唔錯..個皮超脆~腸，試左好多款..都唔錯呀~apple pie....唔錯意果隻味(個人口味問題)芝士火腿雞肉卷拼薯條..d芝士味唔係個個頂得順..我個人覺得有d臭薯條就唔錯鴨，全晚最好食我覺得係呢樣...皮脆得黎d肉岩岩熟..唔太肥..very good農夫飽，全店最平呢個..haha..呢間野要脆既都好脆呀~果兩個醬都唔錯~d服務唔錯~好有心機同你介紹d菜式，有笑容~

今天是女朋友生日，怎料竟然掛起8號風球，８號風球由早上開始一直掛到傍晚六點左右。其實我一早已致電了King Ludwig Beerhall訂枱，準備和女朋友吃德國菜慶祝的。令我喜出望外的是King Ludwig Beerhall在中午時份已致電給我說8號風球仍會照常營業（現在問題是女朋友想去與否了，其實我還訂了日本菜及法國菜，不過日本菜那間食肆就沒開了，就看女朋友想吃什麼了）幸好女朋友心情沒太受到８號風球的影響，而她也想去試試德國菜！不知是不是剛落波的緣故，不是什麼食肆都有營業，竟然要等位呢！幸好我預先訂了位，我們被安排了坐卡位旁的圓枱（那裡基上看不到Live Band，非常好。因為上次來時Live Band唱歌很吵耳，坦白說我自己就不太欣賞了，因此覺得這個位置剛好）我們一坐定，就看看餐牌了，剛巧今次又有信用卡優惠（上次來時亦有，但今次完全沒看過有信用卡推廣！）這個套餐相當豐富，我們就叫了個套餐（很多時信用卡優惠的套餐都是好睇唔好食，但按我上一次的經驗，這裡的套餐卻是交足功課，加上女朋友都覺得不錯）頭盤：德國麵包籃配牛仔肝醬及香草忌廉芝士，啫喱豬肉腸沙律配蕃茄汁油醋汁湯：南瓜忌廉湯配炸