影片
更多
2008-12-29
30 瀏覽
講左好耐，最後終於係 08 年尾到訪 king ludwig beerhall 食 tea buffet. 試左佢最出名既咸豬手... 雖然在 tea buffet 時段冇人會即席切比你，但佢既皮好香脆，d 豬手既肉質豐富但又唔會肥膩。可惜小妹食唔到好多肉，所以食左兩舊便很滿足了。同時又試左豬肉腸、雞肉腸... 雞肉腸都幾好食，但唔算好特別 ; 至於豬肉腸就有芝士係裡面，芝士份量岩岩好，唔會好漏，值得推介。薯條薯角都好有「薯」味 (這個詞語好像經常出現在 op 的食評內，今次用得著了﹗)，但個薯條就硬左少少。個南瓜湯就幾好味。個湯帶左少少蕃茄味，突顯了南瓜湯清甜既味道。而個湯係落左忌廉，不過因為佢唔算落好多，所以唔會太杰身，仲好開胃添。pasta 就可以自己揀材料同埋個汁。d 材料款式頗多: 包括蝦、蜆、蕃茄、豆苗、玉米、洋蔥、蒜蓉、金菇、煙肉碎等等; 粉就可以揀意粉、蝴蝶粉、螺絲粉同埋長通粉 ; 汁就有白汁同埋茄汁。材料一般都 ok 的，菜類都幾新鮮，而且 refill 得幾快... 不過見到有好多蝦都未挑 d 腸，同埋見到佢洗得唔算好乾淨，所以唔敢要。而佢既蜆就比較細粒，同埋係雪藏
試左佢最出名既咸豬手... 雖然在 tea buffet 時段冇人會即席切比你，但佢既皮好香脆，d 豬手既肉質豐富但又唔會肥膩。可惜小妹食唔到好多肉，所以食左兩舊便很滿足了。
同時又試左豬肉腸、雞肉腸... 雞肉腸都幾好食，但唔算好特別 ; 至於豬肉腸就有芝士係裡面，芝士份量岩岩好，唔會好漏，值得推介。
薯條薯角都好有「薯」味 (這個詞語好像經常出現在 op 的食評內，今次用得著了﹗)，但個薯條就硬左少少。
個南瓜湯就幾好味。個湯帶左少少蕃茄味，突顯了南瓜湯清甜既味道。而個湯係落左忌廉，不過因為佢唔算落好多，所以唔會太杰身，仲好開胃添。
pasta 就可以自己揀材料同埋個汁。d 材料款式頗多: 包括蝦、蜆、蕃茄、豆苗、玉米、洋蔥、蒜蓉、金菇、煙肉碎等等; 粉就可以揀意粉、蝴蝶粉、螺絲粉同埋長通粉 ; 汁就有白汁同埋茄汁。材料一般都 ok 的，菜類都幾新鮮，而且 refill 得幾快... 不過見到有好多蝦都未挑 d 腸，同埋見到佢洗得唔算好乾淨，所以唔敢要。而佢既蜆就比較細粒，同埋係雪藏既... 不過呢個我就覺得合理，你又唔係比好多錢，唔好 expect 太多。 至於個 pasta 的味道呢... 我叫左白汁，個汁 ok 的，但覺得佢唔夠汁，同埋個汁太稀... 而 d 材料係自己揀既，所以都會岩返自己口味囉。
而佢 d 沙律，菜就比較少 (冇計，呢間食肉出名 d，明白既)。d 生菜好清甜，好爽，新鮮，值得一讚。
至於其他熱盤就一般，鴨胸水準中上，但茄汁魚柳就唔掂... 肉質好「鞋」。
佢 d 甜品種類都 ok，但整體黎講只係一般，冇乜特別驚喜。不過，佢既雪糕真係值得一試。因為 d 雪糕既質感同出面果d 有少少唔同，比較滑身同埋唔係好甜。士多啤梨雪糕裡面有不少士多啤梨粒，另外雲呢拿味都非常香濃。感覺到佢唔係直接購入大公司的品牌，屬有誠意之作。
佢都有唔少生果供應，包括西瓜、哈蜜瓜、蜜瓜同菠蘿等，幾 surprised 既係佢既西瓜都算幾靚 (以呢個季節來)。
跟 tea buffet 有一杯飲品送，我地叫左 king ludwig beer，好清甜。感覺好似落左蜜糖咁，哈... 用黎送豬手都最岩了。
而 d 侍應都好有禮貌，我地要求調枱，佢地都有幫我地跟... 唔錯唔錯
總括而言，呢餐都幾滿足...
張貼
