巷·弄 (已結業)

【難以抗拒嘅台灣美食🇹🇼 香濃湯底牛肉麵🤤】好食嘅台灣野好似少左好多，呢間巷弄可以話係清泉，誠意十足，份量足又好食揾返去🇹🇼嘅感覺😌___ ___ ___ ___ ___ ___ ___✨12小時慢煮豬軟骨麵🍜 $74✨台灣紅燒牛肚麵 🍜 $76✨甜不辣 $38 麵身👍🏻👍🏻 彈牙有少少咬口，有啲似手工拉麵個種質地！ 湯底都濃🤩淡淡的藥材味，好香濃唔覺有落味精，因為一啲都唔口渴！🫡🫡豬軟骨慢煮左12個鐘，肉質軟腍，夠晒入味🤩 好少見店主會獨立分開賣牛肚麵，牛肚份量都多亦都爽脆可口，韌性足！ 仲有配菜，紅蘿蔔好甜又入味🤤甜不辣少少煙韌，qq唔黏嘴，唔油膩好好食🥹好有誠意，下次會試埋牛肉！

位於小街小巷既台式良 💛 小店 沒有華麗裝潢全都是簡約設計 牆上寫著小確幸風格的語句就似台灣小區裡一間小清新飯堂-🥘 秘製香煎雞扒飯 $𝟼𝟻雞扒本身醃製夠入味 煎得香口係好多飯對比下 雞扒份量就比較少醬汁就無乜 食到好𝚍𝚛𝚢🍜 紅燒半筋半肉麵 $𝟽𝟾湯底睇到出好清淡 飲落都好清🫣麵條屬於硬身 掛汁力都高 可惜湯底清淡牛筋比較爽身 牛肉好軟腍 但兩款都係無味呢個真係令人好失望😦🫔 炸五香肉卷 $𝟺𝟾煎到好香口 咬落去鬆軟內餡黑豚肉充足 有誠意之作😋🍞 黃金炸饅頭 $𝟹𝟶炸到金黃色 外脆內軟加埋煉奶 真係無得輸❤️🥬 肉操牌油菜 $𝟹𝟾唔似肉燥 但又唔係魯肉 因為無肥豬肉入口成𝚙𝚊𝚝野咁 😑 味道比較甜 岩配白飯🍋 檸檬愛玉 $𝟷𝟾正常酸度 可能 👧🏽 平時飲西柚飲品都微甜愛玉細滑易入口🧋巷弄珍珠奶茶 $𝟷𝟻甜度適中 但奶味偏重 珍珠咬口煙韌當日時間尚早未算多人 樓面得一個女仔落單見佢忙緊落單 見到另外兩個男職員行出左出嚟諗住叫佢地落單 點知完全無視 😳一個坐係度打機 🤷🏻‍♀️ 一個叫返個女仔落🤭 啲職員都比較慢活可能原先有啲期望 見到食評唔差但試食完後有啲失望 無論係服務或食物上都有啲強差

係openrice見到好多好評，好多食評都讚不絕口，睇相黎講，都真係幾吸引，見佢下午茶時間寫3:00-5:30，於是特登山長水遠，搭過黎試下，由於舖頭位置唔近中心，所以都真係要行多小小先黎到。我4點去到，點知門口寫住4:30-5:30係落場時間，不接外賣或堂食。雖然都明白好多餐廳其實都有落場時間，但畢竟山長水遠嚟到真係有啲失望，而且餐牌或openrice都無寫落場/某時段唔開，想黎試嘅真係要留意下，即係下午茶其實係得3:00-4:30。如果寫埋出黎俾客人知會更好，唔洗等客人白行一趟。因為睇落食評太吸引，我決定等，不過果日實在太焗太太熱，去對面餐廳食住野等，等到大約4:35終於見到開緊門，不過已經食飽一半了。一場黎到，唯有叫外賣啦，佢門口有牌寫住魯肉飯配荔枝綠茶$25（只限外賣自取），價錢黎講，咁都幾抵嘅，反正飽咗一半，就買呢個試。魯肉飯正常，飯面頭嘅蔥係生蔥，唔係太夾，酸嘅果塊都一般，飲品正常無特別，只睇價錢嚟講呢個味道都合理，整體黎講一般。

長沙灣好食嘅小店再加1❤️‍🔥大家都知長沙灣有好多餐廳小店最尾比我搵到呢間性價比高嘅台灣料理絕對係推介推介🤪🐤一句總結：性價比高很推介😚 😎會回訪嗎: ✔️✔️✔️等候時間: 0 mins 💰$100 below/人 ≋-≋-≋-≋-≋-≋-≋-≋😍台灣紅燒牛肉麵 $75 ▶️ 9/10 真係好耐冇食過咁惹味嘅牛肉麵啦😭麵同牛肉一樣都咁多 麵係屬於厚身嗰隻 但又唔係刀削麵 煮得啱啱好很有口感 唔會好淋之餘都幾咬口 而且好入味 湯底係好香且超級濃郁且毫無味精 飲左啖湯都唔覺得口渴🤩配料有紅白蘿蔔 同埋油菜 也是超級入味蘿蔔也是煮得剛剛好😎至於啲牛肉真係夠曬軟腍入味絕對唔會硬到咬唔到 肉味超香👍🏻面頭會有啲蔥花同一點酸菜Overall真係一試難忘🥳推介推介～😍鹽酥雞肉燥飯 $65 ▶️ 8/10 朋友食嘅表示不錯的🤤整個飯唔會好dry 份量適中肉燥味適中 所以唔會搶曬風頭😂鹽酥雞就外脆內軟 雞都幾嫩滑 可惜唔夠鹹 可以再加啲鹽🤔P.S 還很推介佢哋嘅小麥紅茶 茶味香濃🤤😚環境 ▶️ 🐤🐤🐤🐣/5 成為了晚飯時間嘅第一位顧客 越夜就越多人店鋪就比較狹小所以位置唔多 有啲凳就坐得唔係好舒服 勝在可以擺

長沙灣冇乜台灣野選擇，經過呢間野就諗住入去支持下小店，點知勁失望。叫左個滷香雞髀肉燥飯，一嚟到見到西蘭花同蕃茄已經心知不妙，肉燥配蕃茄完全唔知咩事，完全唔夾，啲西蘭花又好硬。肉燥完全唔係台灣風味，但又唔係港式風味，奇奇怪怪，又冇乜汁。另外啲雞，明明係雞髀但都可以煮到勁乾，超「鞋」，又冇味，相信大家睇相已經見到有幾乾。成餐飯最正常已經係個兩碟配菜，但都完全稱唔上好食。與其請咁多打手去宣傳間店，不如試下整好啲野食先？真係超失望，食左一半都冇就食唔落。

巷•弄（Cheung Sha Wan）⌖ 士林蚵仔煎🦪💰$60一上枱成個賣相唔錯 大大份 熱辣辣都幾吸引！ 🤩 食落又幾脆 不過麵粉部份似乎比較多 啲蚵仔又好細隻 而且好少🥲 同埋因為蚵仔煎上面都鋪滿曬泰式酸辣醬🌶 所以成個味道俾啲酸辣醬覆蓋左 唔係好感覺到食緊蚵仔煎。。 有啲失望 真心唔太推介🤒 ⌖ 黑糖薑母茶（熱）☕️💰$35黑糖同薑味都夠重😋 好易入口 都算幾大杯～ 特別推薦女仔有生理需要果陣飲 暖笠笠 飲完好舒服☺️💗💗☻ 回頭指數：6 / 10

好失望啊！買外賣等咗好耐都唔緊要，最後漏單冇咗杯嘢飲同前菜都唔緊要。重點係食物質素都好差啊⋯抱歉講句好難食。前菜椰菜又酸又臭，放入口都真係食唔落就要吐出嚟；芽菜帶微辣好霉、好似放咗好耐；蚵仔煎水汪汪、油淋淋，蚵仔係完全冇味；酥炸大排骨得幾嚿骨（冇咩肉）又唔酥，調味太淡，肉味都冇，個飯又濕又淋；另一個沙茶松阪豬飯太鹹，食唔到；泡菜甜不辣刈包凍咗可理解，但整體味道奇怪，好似食緊極酸泡菜魚柳包咁。本來覺得值得支持試下，以上有幾樣食物都真係好基本台灣餐廳應該要做好，或者至少放得入口。真係好失望好失望⋯

在長沙灣及深水埗的中間位置，一個小小的巷內有一間台式小店，簡約的裝修，給我一種舒服的感覺。進去看見一句：一天的好開始，由填飽肚子喝好奶茶，暫時放下巷外的煩惱。就讓我好好享受著這一餐吧😊 🔸️南部魯肉拌麵 配滷香蛋一夾起麵條掛汁，不油膩，而且煙韌彈牙，不會太淋太硬。滷肉既份量都相當多，而滷蛋又滷得相當入味，好有驚喜🤤🔸️12小時慢煮豬軟骨飯慢煮豬軟骨煮得好軟腍，有種入口即溶的口感，若果可以加多點調味汁在飯上就好了，比較少汁難以拌飯🔹️甘梅地瓜條沒有外面吃的地瓜條那麼甜，甜度都恰到好處，每一條地瓜條都偏大條，好特別🔹️炸五香肉卷 (黑豚肉)肉卷吃起來好酥脆，中間有點類似馬蹄洋蔥的配料，增加爽脆口感，▶️推薦一試👍🔹️涼拌麻辣豬耳絲▪️檸檬愛玉整體偏酸，但愛玉細滑易入口👍❤️▪️珍珠奶茶

同個名一樣，間舖係巷內😂裝修別緻，以木色為主。座位唔多，食飯時間有機會要等位。今次叫酥炸大排骨飯配是日野飲（荔枝紅茶）😋成塊排骨都冇骨，粉好薄，炸得好酥，排骨都鬆化；蛋係全熟，溏心會更好🤣每次配菜都有少少唔同，椰菜酸酸地好開胃；芽菜就冇咩味食物唔錯，但需要有耐性，因為上菜時間都幾耐，大約20分鐘。〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️餐廳：巷·弄 (長沙灣)地址：長沙灣順寧道26號康福樓地下4號舖#capcha_hk

午飯時間咁啱見到門口話外賣25蚊有餐食即刻行左入去買南部魯肉飯+荔枝特飲 ($25+$2外賣)買嗰陣本身只係預25蚊 點知到比錢嗰陣又要加2蚊外賣費咁不如你一開始定價$27啦南部魯肉飯：個飯好迷你 同平時堂食既份量唔一樣如果係餐牌上寫明係迷你飯 唔會咁失望😂肉同汁好香 的確好好食但個飯好淋好濕😅荔枝特飲：清甜，唔記得講小甜，亦都唔會好甜，呢個好飲👍🏻總結 唔建議試佢呢個外賣set

估唔到長沙灣順寧道呢個位咁僻，都竟然有間木系文青風格嘅台式 cafe，當然要試一試。叫咗兩個午餐，每份午餐包前菜兩小碟，主菜同飲品，是日前菜係黑木耳同青瓜，份量好多，兩者同樣蒜味比較濃，幾惹味，鍾意呢種味道嘅應該會食得幾開心。主菜方面，南部魯肉飯嘅魯肉肥瘦適中又入味，唔錯，如果醬汁多啲就更好，不過隻滷蛋則略嫌乾身咗少少。酥炸大排骨飯配料豐富，除咗大大塊炸排骨外，仲有滷蛋同西蘭花，排骨炸得幾酥脆，但感覺亦係乾身咗少少。

上星期去長沙灣 除了發掘cafe之外 都不忘發掘抵食嘅人氣小店～✨ 呢間台灣店一直都好受歡迎☺️ 今次終於有機會去試下～-店鋪裝修簡單 係溫暖嘅啡木系顏色🌳 可能係台灣店嘅緣故 牆壁上會寫上一些字句 提提要好好享受 忘記巷外嘅煩惱🤣 (好有文青感覺 我鍾意😛)🔻🔻🔻🔻🔻✨台灣紅燒牛肉麵 ($69)大推呢碗牛肉麵🍜!! 先講個湯底係店鋪自家秘製 用左牛骨同香料熬製而成 第一啖飲落去好香濃牛肉味 而且帶點清甜👍 另外牛肉半肉半筋 一碗裡面有2大條 會食到有紅燒汁味🥰 仲有幾欣賞佢係手工製麵條 彈牙又煙靭🥹-✨北部肉燥拌麵配滷蛋 ($62)肉燥嘅份量比想像中多😆 而且都係瘦肉為主～ 雖然味道偏鹹 但佢配料有大量青瓜絲同其他蔬菜 可以中和下油膩度～✨-✨粟米肉鬆芝士蛋餅($45)呢一款蛋餅我都好推介🫶 外皮整得好薄 而裡面豐富多餡 肉鬆、芝士、蛋嘅比例岩岩好 入面嘅蛋係玉子燒黎 好有誠意🥹🍳 上面仲有甜酸醬 令到成個小食好開胃🥰🔺🔺🔺🔺🔺📍巷·弄 (長沙灣)🗺 長沙灣順寧道26號康福樓地下4號舖

最近連續兩日去長沙灣，第一次路上刷到了這家台灣小店，對於台灣美食一直都很喜歡，於是決定第二天一試試，週六去了昂坪高原，隨後回家路上專程來這裡買，結果略有失望，豬軟骨份量僅僅三塊，豬排飯也是，最多兩口的量，味道也就普普通通！

上open 睇食評 睇落好似唔錯過黎買外賣試下1️⃣首先入去店無客 得我一個客 落完單居然可以漏單 我等左接近半個鐘都未有2️⃣漏單都無緊要 唔認先係重點😅3️⃣好啦 唔認無唔好意思都唔緊要 到我手個時已經倒瀉晒d飲品 4️⃣倒㵼又漏單都5緊要 其實好食我就唔會打呢篇文章 因為最近真係生意難做但真心 炸物好油無味 蔥油麵無落蔥油姐係無味 其實食飯都係為左滿足味覺，無service 真係唔介意，但難食真係接受唔到！生意唔係咁做

因為疫情關係，就算係週末餐廳人流都唔多午膳時間都係得兩三檯客。叫左個lunch set包埋兩款前菜同飲品，覺得比較抵食。12小時慢煮豬軟骨麵($69)本身其實想食牛肉麵多啲，不過因為炮製需時，而我又趕時間所以最後轉左豬軟骨麵。佢同紅燒牛肉麵其實係同一個湯底，飲落非常濃郁。豬軟骨有三大塊，煮得好淋同埋夠入味，入口即化。不過我最欣賞嘅反而係佢啲麵條，屬於粗身同埋比較硬嘅質感，但依個偏偏就係我中意嘅口感。食落好彈牙煙韌，而且麵好掛湯，索哂湯汁好好食。食入口嘅第一啖真係比到我驚艷嘅感覺，因為通常喺其他餐廳都比較少食到咁硬身嘅麵。今次嘅前菜係青瓜同滷蛋，而飲品部分揀左綠茶，我叫左走甜，飲落帶有茉莉花味嘅清香，唔錯。另外依個套餐加多$20可以配個小食，我點左甜不辣，覺得分量對於一個人嚟講係ok。佢所配嘅醬汁甜甜地幾開胃，不過食落口感唔係我想像中嗰種煙韌，反而係比較似魚片嘅淋身口感。因為口感唔係我心目中嗰款，有啲失望。