巷·弄 (已結業)

長沙灣冇乜台灣野選擇，經過呢間野就諗住入去支持下小店，點知勁失望。叫左個滷香雞髀肉燥飯，一嚟到見到西蘭花同蕃茄已經心知不妙，肉燥配蕃茄完全唔知咩事，完全唔夾，啲西蘭花又好硬。肉燥完全唔係台灣風味，但又唔係港式風味，奇奇怪怪，又冇乜汁。另外啲雞，明明係雞髀但都可以煮到勁乾，超「鞋」，又冇味，相信大家睇相已經見到有幾乾。成餐飯最正常已經係個兩碟配菜，但都完全稱唔上好食。與其請咁多打手去宣傳間店，不如試下整好啲野食先？真係超失望，食左一半都冇就食唔落。