巷·弄 (已結業)

估唔到長沙灣順寧道呢個位咁僻，都竟然有間木系文青風格嘅台式 cafe，當然要試一試。叫咗兩個午餐，每份午餐包前菜兩小碟，主菜同飲品，是日前菜係黑木耳同青瓜，份量好多，兩者同樣蒜味比較濃，幾惹味，鍾意呢種味道嘅應該會食得幾開心。主菜方面，南部魯肉飯嘅魯肉肥瘦適中又入味，唔錯，如果醬汁多啲就更好，不過隻滷蛋則略嫌乾身咗少少。酥炸大排骨飯配料豐富，除咗大大塊炸排骨外，仲有滷蛋同西蘭花，排骨炸得幾酥脆，但感覺亦係乾身咗少少。