巷·弄 (已結業)

好失望啊！買外賣等咗好耐都唔緊要，最後漏單冇咗杯嘢飲同前菜都唔緊要。重點係食物質素都好差啊⋯抱歉講句好難食。前菜椰菜又酸又臭，放入口都真係食唔落就要吐出嚟；芽菜帶微辣好霉、好似放咗好耐；蚵仔煎水汪汪、油淋淋，蚵仔係完全冇味；酥炸大排骨得幾嚿骨（冇咩肉）又唔酥，調味太淡，肉味都冇，個飯又濕又淋；另一個沙茶松阪豬飯太鹹，食唔到；泡菜甜不辣刈包凍咗可理解，但整體味道奇怪，好似食緊極酸泡菜魚柳包咁。本來覺得值得支持試下，以上有幾樣食物都真係好基本台灣餐廳應該要做好，或者至少放得入口。真係好失望好失望⋯