巴巴串

營業中

休息中

8:00 入座已經係最貴價錢，生果已經冇晒，我感覺地方污糟，又冇冷氣，又喑，全部拎食物嘅膠碟都唔乾淨又油諗諗😬，有熟食，全部都凍哂，我感覺難食，主角串燒好似好多種類，但我感覺全部都冇冇咩點醃製，冇味道嘅！有個椰子雞湯水加水

今日入咗觀塘行街，去觀塘真係好多平嘢買，好多開倉舖頭全部都有折扣，行咗一陣同朋友開始搵嘢食，上OpenRice望吓，見到附近有間任食串燒，好似幾好咁所以就去試吓。巴巴串放題，地址開源道62號駱駝漆大廈一座5樓。上到去餐廳地方都算幾大，座位全部都係梳化位，坐得都幾舒適。飲品係自助形式120分鐘任飲任食，仲有好多熟食，串燒全部都係任揀任食。熟食方面有炒蜆蒜蓉，焗生蠔，茄子，四季豆，青口，凍蝦，炒飯，椰子雞湯…..等未食串燒，淨係食熟食已經太多選擇，焗生蠔真係好好味，最鍾意生蠔味道又新鮮又有香蒜味。一個人都食咗十幾隻。另外炒蜆都好惹味，少少辣辣地味道都好鮮甜。仲有椰子雞湯一個人都飲咗三碗。串燒大約有30幾個款式任攞任食，燒多春魚，燒牛柳，燒扇貝，牛舌，墨魚仔都係我最愛嘅選擇。餐廳都幾細心，有蜜糖，燒汁，辣椒，比你自己調味。我都未試過一間串燒放題食物種類可以有咁多，而且食物質素都幾好。兩個鐘不停咁食真係好正，差唔多食完整返個豆腐花潤一潤喉，再食多個雪糕真係好滿足。成人198元，120分鐘任飲任食性價比真係好高，再嚟觀塘我都一定會再幫襯。

睇食評見到生日月份有9折即係免加一，咁啱係生日月份，所以透過open rice 訂左個午巿串燒放題。去到餐廳同店員再次確認是否有生日月份9折，職員話生日優惠只做晚巿，咁大張poster 印住生日月份有9折，如果只就晚巿應該寫清楚囉，對我來說是取巧。既然山長水遠咁嚟到，無生日優惠都食啦，因為有種被騙嘅感覺，無論好唔好食都唔會再嚟串燒食物選擇都多，見職員不斷都有補充食物。呢個懶人燒烤真係正，將所有食物放在爐上，會自動轉動，唔會咁易燒燶，涼拌區有蜜糖及各式醬汁，可以用來燒烤時搽在食物上。串燒肉類都大串，醃味一般，個爐好夠熱，肉串好快熟，兩個鐘絕對夠時間燒。燒緊串燒時可以拎啲熟食食住等，約有十款冷盤，味道ok，唯獨個涼拌木耳比較差用了太多辣粉口感有點苦。現場只有這四款熟食味道好一般呢個湯無乜湯渣似以為係例湯但又出奇地好味桌面放了三瓶調味粉，可以自行灑在串燒上，但個粉已經硬到好難才可倒出來。

之前聽朋友介紹觀塘有間新開嘅燒烤店！感覺好吸引因為可以涼住冷氣燒烤仲可以自動旋轉😆 懶人恩物 環境有燒烤嘅感覺，氣氛濃厚，播住啲好好聽嘅音樂，平日放工時間六點左右已經見到有唔少年輕人、情侶、一家人一齊嚟！一班人一齊燒下野傾下計真係唔錯！熟食♥️📍炸物炸物種類多，有炸雞軟骨、炸魷魚圈、炸菇、煎餃子、印度蝦餅…📍熱物有印度炒飯、蔬菜拼盤、豉椒炒蜆、蒜蓉焗生蠔…📍湯📍前菜涼拌青瓜、涼拌雲耳、涼拌燻蹄、螺肉、豆角、涼拌蓮藕、糖心蛋、日本小番薯、中華沙草、沙津酥、八爪魚、薯仔沙律、芒果蝦沙律、蝦、青口 …📍主角串燒泰式雞肉、叉燒、牛柳條、豬腩肉、台式腸、午餐肉、墨魚丸、牛丸、沙律丸、芝士流心丸、燒賣、帶子、蝦、蜆、小聖子、多春魚、雞翼、粟米、萵筍、蘑菇、菠蘿 🍍 （類種極特別推介 🐥泰式雞肉串，燒完出來唔會太油，味道調味調得很惹味，酸甜+少少spicy，會唔小心食多左~🐷叉燒串 ，呢個唔同平日果種叉燒醬，但非常惹味，肥瘦平均🐽 完全唔會食左成舊肥膏甘🍍菠蘿串呢個新鮮菠蘿好新鮮好甜🥹 兩個人食左四串！！ 真係好好味呢到的串燒種類非常多元化，滿足食豬/ 雞/ 牛的需要，菜菜類的朋友都有好多選擇😁📍甜品

放題食得多，今次食新野，難得有串燒放題，特別在於，放串燒上個爐，佢會自己轉，慳番時間唔駛自己燒。餐廳環境好大，特別係張枱夠大，唔怕冇位放食物。而且枱與枱之間相隔遠，好free嘅感覺。串燒種類超多，鋪頭已經串好哂放係雪櫃架，客人自己出去夾。亦都有多款醬料可以自行調配。另外，有大量熟食提供，都係自助型式。其中，肉類牛柳粒超好食，燒完肉質軟，超級多汁，調味又唔會太濃。而泰式雞肉燒完口感焦脆，唔算好辣，有泰式風味。叉燒串亦比較少見。除左串燒類，仲可以放鐵網，燒海鮮。帶子鮮甜，唔駛調味都一樣好食。仲有小蟶子，原本已經有鹹味，所以夠哂味。另外亦有大蝦可以自己燒添。熟食海鮮類，蜆都有得自己燒/已煮熟豉椒口味。就連燒蠔都有供應，蠔味加蒜味濃郁，熱爐一直keep到夠熱，鍾意都可以再燒熱d。熟食入面，特別夾左蟹籽沙灘酥皮盒，酥皮脆，沙律清新，唔會膩。炸菇多汁，炸皮夠薄唔會好厚。而冷盤都有凍豬腩肉，厚切有口感，仲連住d骨膠原添。冷盤、飲品、雪糕，應有盡有。竟然有飲品qoo添。最後，食埋甜品及雪糕就飽哂。好好好少見，會有一粒粒朱古力，望落冇咩特別，但原來入面係流心朱古力，好有驚喜，超好味。水果亦好甜。超抵食，

今日朋友生日，咁耐冇見搵個地方傾下偈 。揀咗觀塘呢間巴巴串，因為佢好鍾意食串燒，出面就咁點三幾串已經唔平，畀我搵到呢間任食，仲要唔使喐嘅串燒舖！呢度都好容易搵，係駱駝漆入面，嚟到餐廳都非常之闊落，但都已經坐咗唔少人。職員非常有禮貌幫我哋安排員座位就講可以係出面揀定嘢食同醬汁先。我哋就揀咗啲海鮮燒住先，有扇貝，蟶子，蝦同蜆！跟住就出去拎啲熱食，食住等。 出面基本上係各種各類嘅串燒都有。肉類（雞，牛，豬，鴨胸，台灣腸），蔬菜（車厘茄，秋葵，菇），瓜，丸，菠蘿，棉花糖，真係大滿足！ 唔使自己轉嚟轉去，海鮮又有個網另一邊燒住，真係非常享受，一路傾計，一路熱辣辣拎上嚟食，又唔會燒燶，兩個人不停試下唔同醬汁又唔同風味，出面野食又fill得足，真係超值！以為淨係食串燒會唔飽，點知食太多都無位食甜品咁滯，但見出面都唔食甜點，每樣試少少啦，畫個完美句號。

今晚再度上去觀塘駱駝漆「巴巴串燒烤」晚餐，雖然説是再度，但我之前只是光顧他的午餐放題，十分滿意其質素.很好奇晚市和午市放題的分別，期待😚呢⋯⋯，除了原有的多元燒烤選擇外更發現海產比午市多，焗蠔，凍🦐，帶子，蟶子，蜆，尤其烤帶子，大家記得加點牛油、蒜沫放進帶子內，上烤架等一會就會變成色香味俱全的烤帶子，別忘記先放涼點才入口，太太就忙著烤蟶子愛其鮮味，焗蠔來到我們也把他放上烤架，見熱到輕輕冒泡就趕緊取出叉起吃…..美味，凍蝦、凍青口都很爽脆，吃點涼凍的食物讓口腔平衡一下冷熱，是刺激味覺方法，串燒吃多了是時候去取點熟食如炒蜆、椰菜花，還有做得好質素泰國無骨鳳爪，保證好食，我見其他客人不斷取冷盤如茄子、豆角….，但我們肚子己放不下，剩餘位置就是來點小甜點杯和水果，值得一記的是員工收杯碟很快態度很好👍

天氣咁熱，好想嘆住冷氣食串燒，觀塘駱駝漆大廈一期嘅巴巴串可算係觀塘區人氣串燒食店，平日7:30前離座，120分鐘任飲任食都只係$198，而且串燒、海鮮、熟食同甜品，各式各款質素都非常好，串燒幾十款整整齊齊放置係冰櫃內。食串燒要好有耐性等，呢度個爐自己轉丫轉丫😂受熱均勻，又唔洗睇火，咁就可以安心先食下其他熟食先，邊等邊食邊吹水😄。熱食前菜有幾款：炒飯、炒蜆、上湯娃娃菜、芝士焗生蠔🦪；芝士焗蠔好香口，食左幾轉😋。👇🏻凍食前菜都有好幾款，我最意一定係卓蝦同青口，好鮮甜。👇🏻串燒花多眼亂🤣，我最鍾意係牛舌、叉燒、牛肋肉、牛柳、豬腩肉、雞翼，真係冇得輸，牛舌粒好厚身，口感好好，牛味好重；叉燒係呢度招牌，燒到小小燶邊，增加多份焦香，外脆內軟；牛肋肉、牛柳肉味好濃郁，好多肉汁；豬腩肉爆晒油花，越燒越香；雞翼就唔洗講，串燒必點….  仲有一個值得一提☝🏼，將蒜蓉包燒都外脆內軟，真係好好食架😋👍🏻食到咁上下就開始網燒，放個網係一邊，網上放上白蜆、扇貝、蝦🦐，呢幾樣真係要攞多幾轉😂⋯⋯真係好新鮮。甜品都有好多款式，細細個好精緻，可以試多幾款😋。

「巴巴串」位於官塘駱駝漆大廈1座5樓，餐廳以120分鐘無火串燒放題為主，價錢放面，晚市優惠時段，$198／位。 食物款式都幾多，除有串燒，另有數款前菜小食、冷盤海鮮、熟食、炸物等。 串燒種類有30款以上，一串串好的食材，拿回位子以自轉燒烤機燒烤。 餐廳供應肉類有牛肉，牛舌，豬肉，义燒，雞肉，尤以牛肉，牛舌非常出色，牛肉入口柔軟有肉汁，有牛味，牛舌就帶點爽，雞肉軟腍，义燒焦香帶甜。 扇貝、蝦、 蟶子、蜆、青口等任食海鮮，就用網燒，海鮮燒烤後，juicy鮮味更突出。 另有腸仔、芝心丸，雞髀菇、秋葵、鮮菠蘿、冬菇、 牛油法包、棉花糖等全部燒烤必有食物。熟食有蒜蓉蒸蠔，炒蜆，惹味鮮甜。 小食燻蹄、春卷、爽脆炸雞軟骨，全部都好好食。甜品方面，最愛馬卡龍，木糠布甸，甜度適中，最後加上特別嘅海鹽雪糕，非常完美滿足。

平時好少去觀塘，咁啱有朋友喺觀塘收早，今日就去搵佢，佢話帶我去食性價比高嘅串燒，未到晚飯時間人流非常少又坐得舒服有兩小時夠晒我哋可以談天說地，咁啱我仲要係九月份生日全單有九折，好抵食呀首先頭盤方便,已經有好多選擇茄子,豬手,木耳,青瓜,涼拌青瓜味道清甜,酸酸甜甜食完特別開胃。另外冷盤都有新鮮青口同埋凍蝦，青口味道好鮮甜亦都好爽口，我自己一個都食佢10幾隻，凍蝦味道新鮮仲要有膏，蝦肉爽口彈牙，鮮味十足。串燒方面真係唔講得少，幾十種食材任攞任食，望到已經覺得好吸引燒扇貝，扇貝size中等，加少少蒜蓉燒出嚟特別香口惹味，而且味道仲係好新鮮，食落去爽口。墨魚丸切開一半，燒大約5分鐘就食得，入邊食到一粒粒嘅墨魚，夠晒彈牙，燒完之後仲金黃色，非常美味墨魚仔，燒咗一陣墨魚仔已經可以食得，肉質爽脆，味道仲要好鮮甜。非常有口感一我自己好鍾意食。另外仲有一樣就係燒粟米，雖然聽落好普通，但係粟米非常鮮甜，又新鮮燒牛脷串亦都係我嘅至愛，牛脷醃得好入味，燒一陣食落去又爽又香，牛肉味香濃，口感真係冇得頂。基本上有30，40種串燒任你選擇，我試過所有食材都係好新鮮。一個價錢任飲任食，仲有海鮮，串燒性價比真係好高食足

晚上同朋友食飯 食之前睇左KOL介紹點知 中伏了食物普通 串好左既生食物放左開放式冰柜 好容易羅 但都係打邊爐食物 有純雞翼 有調味既雞串串好既豬肉吧 仲有菇類 省少菜類 每樣都試下有熟食 有炒飯但飯太軟 外觀唔得仲有炒蜆 鍾意重口味可以一試 在下攪唔掂最後有汔水 包裝飲品 一應俱全位置好舒服 但中間既細細的燒爐 好難放串燒設定好既位置太窄 食物好易撞埋一齊導致不能一齊轉動有睇過2022年九月食評 收銀肥哥哥話 係新開張先有鮑魚同白鱔 所以大家睇左相片就算 我九月中去就冇了我就影相麻麻 影左幾張 交差表達食後感就算了

幾個月前同男朋友生日食左旺角間懶人自助燒烤🍢🍡 心思思想再食多次 今次黎到觀塘都有一間自助串燒 星期一至四7:30 前離座仲有優惠 $198 位 價錢幾抵食🤣餐廳設於工廈 所以環境都幾大 座位主要都係卡位設計 發現有好多唔同年齡層的食客 有學生 有情侶 亦都有中年人士 原來大家共通點都係 - 懶😅自助區有好多不同種類的串燒 基本上豬 牛 雞 菜 丸等等都齊曬 至於當中有幾樣我應該係比較特色可以Encore😍- 菠蘿🍍 經燒烤後皮脆多汁 勁juicy 😌- 多春魚 串燒必點項目 口感豐富- 海鮮類有烤架可以供應 非常方便 亦都係比較少見的食物項目😆- 棉花糖 懶人技巧欠奉都唔會Fail 🤭 又可以食到燒烤棉花糖 自助區有唔同的醬料可供選擇 當中蜜糖味和泰式甜辣醬比較惹味 除左串燒後 餐廳亦都有烤物 前菜 小食等的供應 俾大家燒烤時都可以有野落肚打好個底 飲品方面有唔同的汽水 🥤和茶飲無糖系列有Coke Zero 或者低糖的C+ 俾大家減低d d 罪惡感😇最後甜品可以有雪糕杯或者自家製泡芙/ Cake 🍰 食完都好滿足😁

觀塘除左人多車多之外，美食一樣都多！今日黎到駱駝漆大廈既巴巴串食晚餐，估唔到又幾有驚喜！餐廳除左串燒，仲有提供一系列既熟食、凍盤同甜品等等，似足小型自助餐甘。而且熟食好有心機，完全唔會馬虎。so far試左甘多熟食，每道都好好食，特別係海南雞飯、溏心蛋同胡麻茄子！凍盤都唔差，仲保持到鮮味！串燒方面，林林種種既串燒任君選擇，而且現場環境好整潔，職員都好勤力清潔自助區範圍，加分！另外仲要讚下佢竟然有無酒精既嘉士伯，好新奇，大家不妨一試！

觀塘巴巴串環境簡單舒適，喺地鐵站行過去唔使5分鐘，地理位置方便。以任食串燒嚟講，呢度選擇幾多。無論係嘢飲、甜品、熟食定係串燒選擇，種類都非常多，貪心又心大心細嘅我都揀咗好耐先揀到最想食嘅嘢。串燒方面，我推介燒菠蘿、台灣腸、泰式雞肉串，燒菠蘿香甜多汁，台灣腸一如既往嘅冇得輸，有好香嘅黑椒味，泰式雞肉串別有風味，雞肉嫩滑。除此之外，呢度仲有提供扇貝、蜆，真係起令人喜出望外，好少任食串燒店會提高呢啲高質海鮮，而且食串燒嘅時候佢仲會提供格網，方便我哋燒海鮮，真係好貼心方便。不過講到最最最推薦，我係最推介呢度嘅白鱔，白鱔厚肉肥美，完全唔似任食會食到嘅質素，出面都賣緊$4/50一串，非常高質！店舖仲送上燒好咗嘅粉絲扇貝，好味！去到尾聲梗係要食雪條啦，我首先揀咗一杯沖繩海鹽味雪糕，又幾好味喎。食完一杯唔夠喉，我再揀咗條西瓜味雪條，都好好味。

整體來講唔錯幾好好多唔同食物大人細路都適合鱔 扇貝推介海鮮 加大量蒜 就已經好食👍🏼唯一要講唔好應該係 通風 冷氣微弱最好自備風扇如果唔係對住個爐都幾熱廁所對出地下有啲地滑 請自己小心