巴巴串 (已結業)

觀塘實在太多嘢食，諗咗好耐食咩好，記得之前朋友食過一間懶人燒烤串串，所以今次就試試，我哋好早去到，所以都唔使點等位。懶人串燒燒烤我就試過啦，朋友介紹話呢一間有好多海鮮食，又有生蠔，大蝦，扇貝，鮑魚，青口…我覺得最好係可以有個燒烤網，啲海鮮可以喺上邊燒，可以嚟炒餸都得😂😂又唔怕跌咗落去，仲可以喺上面加好多醬汁，呢度不得不提就係啲醬汁有好多選擇，連蜜糖都有兩款，我覺得最好食係個沙嗲，所以我所有肉類都會加沙嗲汁，再加埋孜然粉，非常好味。肉類方邊，我會推薦牛肋肉，呢個真係好好食，燒到非常外脆裏面但係好多肉汁，好淋，好有牛肉味。加埋蜜糖出邊直程係脆卜卜。仲有熟食，豉椒炒蜆，呢個正炒得非常入味，仲要冇沙嫁！飲品方面都好多選擇。