巴依餐廳

營業中

休息中

早前約了朋友，但又不知去那裡食，忽然想起這裡，朋友也說喜歡食羊，就立刻訂位了。因之前在這裡搞過聚會，大概知道什麼合我們口味，所以叫了羊肉餃子、羊肉餡餅、草原羊鍋、駱駝肉薄餅和風味粉皮。羊肉餃子- 皮薄餡靚，羊肉唔會好羶，剛好又做特價，認真底食。羊肉餡餅- 外皮煎得好脆，大大個味道又好，但都幾漏，每人食一個就已經很夠了。草原羊鍋- 大大鍋，有很多羊肉，羊肉得好腍又入味，但實在太漏，最後還是食唔完。駱駝肉薄餅- 駱駝肉唔會太肥，肉質也很好，感覺有點像鵪崧，值得一試。風味粉皮- 粉皮幾滑口，但唔得爽身，偏腍，比較上一般了點。原來這裡沒有得簽咭，想來試的朋友記得帶現金來，因地點都幾偏僻，想找櫃員機也要行一段路程。

我極愛食羊, 響呢度終於搵到香港最好食既羊, 同響新疆食冇乜兩樣.地方唔算大, 不過座位排得幾闊, 唔會有太大壓迫感. 不過d座位就唔係太舒服. 侍應好好禮貌, 抵讚.當晚同一大班酒鬼(包括樓下既gdm), 食左好多野, 以下係我既comment.羊肉餡餅-羊好羶, 好多汁, 不過皮就厚左少少.羊肉手抓飯-濕濕地, 好好味, 同響新疆食一樣!香酥羊腩-又係勁羶, 肉質好淋, 全晚最好味.風味烤羊排-好麻辣, 唔係咁岩我.烤羊排-同風味烤羊排既分別係唔麻辣, 肉質好鮮嫩.醬沾小脆瓜, 冰鎮西蘭花可以不食.

8/17/2006本身喜愛食羊肉都係近幾年o既事,咁o岩之前OR於呢樹舉辦全羊宴因時間唔o岩不能一嚐其羶,係心掛掛之下於一次飯局中同友人提議試下全羊宴,就係咁7個羊痴準時開餐…….羊肉餡餅(要預訂)—餅內羊肉餡鮮嫩咬落唔會死實實加上有輕微肉汁,的確唔錯但一定要趁熱食風味烤羊排(要預訂)—食落麻辣感覺各自精彩,本身食得辣o既我都要叫支汽水黎消消!羊肉手抓飯—望落見飯粒同紅蘿蔔粒頗濕,但食落充滿香料同羊肉味估計應用羊肉汁同煮,唔錯!香酥羊腩—即酥炸羊腩食落肉質鮮嫩啖啖肉,但感覺比較油食一舊已足夠冰鎮西蘭花—配上特色醬汁可暫時中和一下當晚o既油膩鹿肉薄餅—用另上o既餅皮包住同包含鹿肉碎o既配料一同食,普普通通!而伴碟o既土豆絲食落酸酸地比主菜更好食!魚羊鮮窩—用火鍋形式上見麻辣同清湯各佔一方,清湯入面有羊肉丸另再配鱔片一碟,食落唔覺冇咩驚喜而肉丸咬落比較實,可以唔食羊肉餃子(見圖)—雖然好普通o既菜式,但食落充分感覺到羊肉o既味道真正o既簡單就是美,重係當晚唯一再叫菜式,但如加入些少菜或蔥於係餡內應會更加好食!烤羊排—即之前風味羊排普通版差別在於係冇麻辣,但因冇麻辣香料關係食落羊味比較出,唔

上星期女友生日，諗住去食o的特別o的既野，諗起有人介紹過呢間餐廳於是就特登去食。其實佢個位置有o的了能，我就係香港大學落巴士，再行落山，咁樣會好行o的。講返食評，一入到去侍應就問我有冇訂位，我都奇怪，原來呢間餐廳好多野食都要先預訂，好似羊肉餡餅、羊腿羊扒之類就要訂左先。我地就只有食o的唔駛訂既野，叫左冰鎮西蘭花，個汁酸酸地好適合夏天食；羊肉餃子就好多羊肉汁；牛肉薄餅o的牛肉碎好香薄餅亦好味；至於個香酥羊腩更加係必食，帶少少肥糕既羊腩炸到一片片，外面脆裏面稔但感覺又唔係太肥膩。後來叫多個清湯羊腩麵就一般左少少，但$18一碗真係好抵。個侍應問我有冇興趣試馬肉鹿肉駱駝肉薄餅，不過價錢就略貴，要$88一份，而且未有心理準備試呢o的新口味，都係留返遲下先。其實呢間野有得發大來做，但最衰就下下都要預訂先有得食，而且我見人地食o的羊扒羊腿個份量真係好大，羊肉餡餅一訂就要十隻起，真係冇十個八個人都食唔晒果隻。如果有o的兩人份量四人份量，而且又唔駛下下都要預訂就最好。而且我覺得個師傅落香料重手左少少，如果落少一o的o的香料我諗會仲ok。總括黎講呢間真係食得過。

細個唔鍾意食羊, 但越大越鐘意朋友介紹左去呢間餐廳食, 一行六日就去上西環試對於我黎講西環相當陌生, 發覺呢頭都幾有特色有部份菜式需要早一日預訂, 所以最想試的反而試唔到, 而另外又想食羊肉飽可惜又賣晒, 頓時有少少失望手抓羊飯(右下), 味道不錯, 飯的口感頗特別, 但羊肉稍靭。酥炸羊腩(左下), 羊肉酥軟, 值得推介雞肉薄餅(左上), 略鹹, 感覺竟然有似d 羊, 伴土豆絲和薄餅一齊食效果不錯。土豆絲(右上), 其實唔需要分開叫, 因為叫薄餅就會送一碟。晚飯時間都要等位, 感覺上生意係唔錯的只係嗜羊者可能會覺得唔夠羶, 唔羶的羊那裡好吃? 但一般人也可以接受這種味道,而且價錢不貴所以還是值得推介的。

上次參加過貴網的全羊宴後,同友人傾開,即刻要我搞局,結果一來,成廿七人.都有好耐日子,未試過搞咁大鑊.在之前飯聚吃過的,今次差不多原封不動上場.羊扒,大盤雞,土豆絲,羊餡餅,羊餃子,魚羊鮮,等等...因預算所限,所以無叫羊腿.幸不辱命,眾人吃得滿意,其後席上的插曲,才是主菜.兩圍台打成一片,總之,此刻無價.在Openrice飯局打滾左差不多一年,真係學到野.

二人點了：手抓羊肉飯、清湯羊腩麵、羊肉水餃、茉香奶茶、荔枝茉茶。清湯羊腩麵味道清淡，羊腩很冧；手抓羊肉飯飯面放了兩件羊肉，飯粒較「立」口。羊肉水餃的皮很厚，羊肉味重，但略嫌少汁。茉香奶茶和荔枝茉茶也很夠味，只是太甜了。整體來說還過得去，但最令我不滿意是食物的溫度，沒有款食物是熱騰騰的，全部只是微溫…

(20/6)沒有踏上那八千里路雲和月，只是因時制宜地相遇。羊肉餡餅、冰鎮西蘭花、醬沾小脆瓜、魚羊鮮、酸奶、羊肉手抓飯、酸辣土豆絲、烤羊排、風味羊排、薄餅羊肉、香酥羊腩、烤羊腿、羊肉餃子、大盆雞、手製拉麵、椰香紫米榚，看這有份量的菜單，平均每人吃一碟或以上，每位有心人怎能不捧腹而逃。看那羊餡餅，放進口中的肉汁不住地流出，肉質鮮嫩而酥香，那餡餅結實地包著鮮羊肉，怎能忍心見它被擠壓，清掃一空。羊肉手抓飯，鍋中的羊肉間歇性地出動，配合鮮嫩的肉汁及胡蘿蔔，有肉汁及羊油的飯，怎能叫人忘懷，還是清理跑道。魚羊鮮，突然之間想起天鮮配，當然兩者是不同。魚羊鮮，一邊是魚肉但有些麻辣，另外一邊是羊鍋，是可以值得叫。酸奶，酸澀但有箇中味道，有些似乳酪，或者是羊奶製成吧。烤羊腿，彷如去了塔克拉瑪干沙漠，那些新彊人熱情招待，手執火把烤羊腿款待客人一般，羊肉香味依然四溢，理應津津有味，可惜胃子已放不下了太多，一口半口。羊肉餃子，餃子的羊肉與坊間的有大斷距離，沒有雪藏味道，肉汁已鎖於肉中，心有餘而力不逮。拉麵，麵條糾纏不清，還是有勞食友逐一分發，麵質既軟又不韌口，配有一些雜菜及羊肉粒，麵條似主角，可惜要向胃子交代，愛

日前官方飯聚全羊宴,在西環水街頂"巴依",如果在下面皇后大道行上來,一定未食已經剩下一半命.聯同幾個食友在老蘭打的,都係兩條草多一點.小弟在近三數年,才開始對羊肉有興趣,愛上之後發覺之前的日子,已經枉過.女人唔騷,男人唔愛,羊肉唔騷,不如唔好食.咁多種肉類,以羊肉最有個性.最強烈.越騷越好,有時聽到一些羊肉唔騷,好好味.)單係這七個字,已完全突顯出你唔識食.整到唔騷的羊肉,吃入口的感覺,就如同一個乏味如白開水的女人交往.你同佢講達文西,佢同你講王子變田雞.....到時真係企到直一直.報名人數無五十也四十五,所以整間餐廳已經被包下.店子不算大,但也有派士馬電視,撞正世界杯時間,打蛇隨棍上問有無得睇波,得來回應係整座大廈無有線.可惜,都係一條心同隻羊困獸鬥吧.看看大王張菜單,差不多近乎全羊.係有冰鎮西蘭花,同土豆絲作綠葉.這夜比羊肉轟得頭崩額裂,全部品評真係有難度,索性只講我最有印像果幾味吧.羊餡餅厚度剛好,餡料的羊肉夠騷香,還有肉汁流出.一人一個已足夠,接下來的菜式,有排你受.冰鎮西蘭花,酸酸甜甜很爽脆.作為開胃的前菜也不錯,突如其來的酸奶,味道同Yogart差不多,名乎其實的酸.香酥羊

相信頭版食評很快會出，所以只寫幾個比較特別一點的。包括有羊餡餅、烤羊排、魚羊鮮和盆盆羊肉。羊餡餅- 唔會好羶，餡餅新鮮出爐，香脆美味，羊肉多汁又好味。烤羊排- 價錢都幾貴，而且很大隻，如不是這麼多人，都不會叫來試。肉質偏韌，淡淡的羶味，其實都唔錯，但以價錢來說，好像又唔多值。魚羊鮮- 魚肉經過加工，完全發揮唔到應有的鮮味，像普通打邊爐的感覺，好在魚肉新鮮。盆盆羊肉- 其實真係唔知係唔係那味，相信係吧，加入魚羊煲內煮熟，羶味唔算太濃，肉質鮮嫩又好味，雖然都好飽，但都食了兩條。一次過食這麼多肉，真係幾漏，最後大家也食剩很多，好像有點可惜。

個日同左男朋友黎呢度食晚餐，叫左手抓羊肉飯同埋羊腩麵，個飯ok油，但係d羊架好好味，個麵d羊腩都好味，不過d麵係冇味既..總括而言，呢度淨係d羊好味囉！

因為我住ｏ係附近，所以之前都有試過ｏ係度食ｌｕｎｃｈ．本來我都覺得間ｏ野除ｏ左選擇少ｏ的之外，ｏ的ｏ野都算ｏｋ．但係有一晚我同男朋友（因為我男朋友鍾意食羊肉）想去試ｏ下個羊肉鍋．但係去到坐低問一個帶普通話口音ｏ既女服務員（好似叫咩Ｌｉｌｉ咁ｏ既），佢就粗聲粗氣咁答我ｏ地話唔可以只係叫羊肉鍋，要叫一個咩魚羊鍋，無記錯ｏ果個鍋要成＄１８０個．咁我ｏ地見都好似幾大鍋，如果叫ｏ左就試唔到其他ｏ野，咁就叫第二樣，但我ｏ地係想食羊，所以咪再問一個好似老闆娘咁ｏ既女人（佢ｏ既態度係好好ｏ既，但係就唔係好知ｏ的菜式呀，仲有ｏ的咩賣咁．．．）係唔係真係唔可以單叫羊肉鍋ｌｏｒ，點知個女服務員聽到之後就ｏ係我ｏ地面前用普通話（我都唔明佢點解無端端轉ｏ左語言，可能以為我ｏ地唔識聽ｏ掛）（佢ｏ既語氣有ｏ的不屑）同個似係厨司（上緊菜）ｏ既人講話我ｏ地唔信佢．佢一ｏ的都唔明白同尊重ｏ的客人ｏ既感受，我ｏ地只係想問清楚自己想食ｏ既ｏ野係唔係真係無得食ｏ者．唔係睇在個老闆娘咁好人份上我真係食都唔食就即刻走呀～～之後我ｏ地叫ｏ左個’羊肉手抓飯’，’土豆絲’仲有一碗麵同一個菜，唔知係唔係俾個女人影響ｏ左個心情，覺得ｏ的ｏ野

我一向都鐘意食食羊，今日突然醒起，最近很多報紙食評都介紹巴依，於是同老公去試吓啦。由於係即興，又唸住兩個人，好易搵位啫，於是walk-in啦。七點一左右去到，門口已經有一大棚人喺度等緊。柜枱個女人叫我地留低電話號碼，有位就打嚟，話半個鐘度就有位嘞．．．咁我同老公咪去行吓先囉。行到七點九，附近亦冇咩好行，咪返去門口等啦，都唸住佢話半個鐘，點都要等九個字嘅，但等咗一個鐘，佢居然話仲有兩張枱先到我地！結果我地兩個冇再等，去左近求其一間街坊茶居食。叫咗野，佢八點五打嚟，話有位嘞．．．激死！雖然食唔到，但等位期間，有一枱客埋單嗰陣又訂定下一次，我估都應該得啩！返屋企嗰陣，經過樂嚐軒，九點幾都滿座，下次去試吓先！不過最衰冇非吸煙區！

睇咗Openrice介紹呢間新疆菜館，於是我立刻同阿K去咗呢度試吓，一嚟試新嘢，二嚟係阿K鍾意食羊。內部裝修冇乜驚喜，不過洗手間大門嘅布置都有啲大漠風味。佢地將花生加上黑醋作為伴菜，幾醒胃，當堂食慾大振。我地兩個人叫咗一份羊肉餃子、烤羊排、冰鎮西蘭花同上湯芥蘭。冰鎮西蘭花配上wasabi醬汁，味道幾新鮮特別。輪到餃子，咬落去就有一股淡淡嘅羊羶味。食餃子梗有醬汁啦。我就唔知係乜，總之點咗就更好味。不過筆者略欠羊羶味，蘸太多汁會蓋過餃子嘅鮮味，再多一點羊羶味會更好。餃子皮一食就知係人手做嘅，好有口感。烤羊排據聞係大師傅親自出馬，醃料稍為多咗啲，小小蓋過羊味。芥蘭係用牛腩汁煮嘅，正!!不過這裡有一個怪現象，就係啲嘢好快就凍咗，係一大敗筆。我地兩個人食咗三百蚊，我唔會話佢平。總括嚟講可以一試，但食物唔夠熱嘅問題一定要解決。

個名改得大了一點，所謂「全男班」，只是大王、專食Cheap野兄同我咁大把。而「抓羊宴」，只是一起吃一餐內容全是羊的午飯。大王急call，問有沒有興趣來一吃，順手為遲一點的聚會探路。同行的還有另一「男士Lunch」的中堅份子~專食Cheap野兄，當然沒有拒絕的道理。這裡接近水街的盡頭，落車時卻在水街尾，又剛巧下著連天帶雨，一口氣從皇后大道西跑上來，渾身濕透，都不要說不狼狽。這裡裝修簡潔，大王及專兄已一早來到，並已點了菜，所以一坐低便有得食。先來一人一個煎餡餅，餡餅貨真價實，餅皮是厚厚的，肉也不少，幾鬆軟不會實實的，作為包點去吃，不錯；羊腩麵湯底清鮮，沒有下味精，誠意可嘉。羊腩件夠件頭亦嫩滑，沒有什麼臊味，帶肥肉的部份甘香可口，吃羊腩吃不到肥油，是何等可惜的一回事。拉麵亦夠爽身，味道不錯；炸羊腩也不錯，趁熱吃時，外皮還是脆的。內裡仍保持有肉汁，不會乾巴巴的，雖然吃落沒有坊間的燒羊腩般香口，但也算是有水準。38蚊一客，食得過；再來是羊肉抓飯，羊肉是羊架，跟羊腩般嫩滑，口感亦鬆軟，不錯，但略嫌香料下得少，味道還可以有層次及複雜一點。飯粒圓潤飽滿，跟兩位食友研究了一輪都不知是何種米，亦炒得偏濕了