川麵 (已結業)

🉐20款前菜小食選擇🉐CP值極高〈宜賓燃麵〉🍝 〈龍鳳麵〉🍜主食有分乾麵同湯麵，分別揀左一款黎試，宜賓燃麵揀左凍食，貪佢麵條夠彈牙有咬口，辣度黎講佢係主食入面最辣既一款，食川菜緊係要食辣架啦! 夠哂濃味，推介! 如果真係唔食得辣既，就可以揀龍鳳麵，其實即係雞肉湯麵，鹹香味濃。〈酸辣土豆絲〉🥔〈鹽酥雞粒〉🐔〈川式無骨鳳爪〉🐣🦵🏻既然前菜小食有20款選擇，我就試左三款，價錢黎講超值，都係幾蚊至十幾蚊，所以知道份量唔會超多，勝在過下口癮，又可以試下幾款嘛! 三款入面我就好推介鹽酥雞粒，估唔到又炸得幾香口，一d都唔油，一定要試!〈紅糖冰粉〉🍮 〈白茶奶皇球〉🍘甜品方面都有大約10款，而我就試左紅糖冰粉同白茶奶皇球，食川菜就會一定會嗌碗紅糖冰粉解辣，而奶皇球反而有驚喜，芋頭味既外皮包住流心奶皇，好正呀!

熟食中心經常隱藏咗好多美食，今次就去咗觀塘熟食中心尋寶，餐廳係售賣川菜就主，有主食、小食、前菜同甜品，價錢真係平到你唔信，由$4 - $36經濟又實惠。龍鳯麵我唔食得辣，就揀咗唯一一款唔辣嘅麵，可以揀粗麵或幼麵，我就揀咗粗麵，麵身爽口順滑，配有雞肉，肉質軟腍，切到細細件，容易入口。特色素蓮藕川式無骨鳯爪前菜同小食都係細細份，可以叫多啲唔同嘅野試下，對我黎講都幾辣，辣得黎有後勁，素蓮藕第一次食，幾特別。紅糖冰粉紅糖糍粑食川菜必食嘅甜品，呢個都有齊。冰粉配料有提子乾、花生和山楂，紅糖唔會太甜，冰冰涼涼幾好食。通常食糍粑嘅紅糖會淋係出面，而呢到嘅糍粑，紅糖會係入面，外脆内軟，而且又唔會好甜。芝士蛋糕唔食得辣就叫多樣甜品試下，口感細膩綿柔，芝士味恰到好處。

觀塘平時午市真的到處見到餐廳都有排隊等餐的人， 但原來有間隱世川菜小店在附近！價錢仲要好平，愛辣的不愛辣的朋友，在觀塘又多一個選擇啦！小店有多種川菜特色菜，例如宜賓燃麵，係中國宜賓嘅傳統小吃，原名敘府燃麵，舊稱油條麵。宜賓燃麵香氣濃郁，重油又重色，入口筋道酥脆。而且係乾撈麵，麵條又爽身又彈牙超級令人胃口。配料:芫荽、四川芽菜黃金豆花生碎、秘製醬料、青藤椒醬 皇牌除了各種麵外，更有小食同甜品🍮！老成都酸奶 芝士蛋糕🍰白茶奶皇球 泡芙 估不到小店提供不同食物種類，大飽口福呢！川麵 觀塘駿業街67號駿業熟食市場1樓42號舖

一向都鐘意去熟食中心揾好野食，今次去觀塘駿業街尋美食😋哩間川麵係一樓，真係又平又抵食🤩睇吓我叫咗乜嘢食？四川擔擔麵 $32勁鐘意食芫荽🤭所以加多$1再加多啲，麵底都幾多，另附送糖醋骨😋哩款擔擔麵同其它餐廳唔同，有鹹酸菜，豆，芫荽，要撈埋底嘅辣汁，味道又香又夠辣🌶麻辣拍青瓜$6川式無骨鳳爪$14哩2款前菜夠辣好醒胃鹽酥雞粒$10皮薄又炸到好香脆，值得試。紅糖冰粉$6好鐘意厚厚冰粉口感，配料有提子乾，花生同山楂，食完咁多辣嘢，食冰粉清凉可口😋朱古力泡芙（2粒）$4飲品可選完自行去雪櫃拎。雖然座位比較迫，到中午12：00左右已經開始座滿客，但食物質素都唔錯，價錢又夠平👍值得來試

觀塘駿業街熟食中心一向是打工仔美食尋寶地，雖然夠平，但環境不是太理想。不過這間川麵卻是例外，它除了價錢超級親民外，還企理乾淨，而且有冷氣，熱天也可來幫襯。川麵只買兩類主食：乾撈麵和湯麵，價錢由$26-$36，好平。小食甜品更平到唔信。我和朋友一人一碗麵加小食甜品，平均每人只需$46。四川擔擔乾撈麵（$32）第一次食乾撈的擔擔麵，可選涼拌或熱食，我選了熱食。幼滑麵條中有醬汁、蔥花、炸黃豆、花生和肉碎，拌勻之後，醬香味濃。另外每款乾撈麵都送糖醋骨一小碗，酸甜可口。川式牛肉湯麵（$36）和台灣牛肉麵的大塊牛肉不同，川式牛肉是薄薄一片，耐嚼有肉味。湯底通紅，辣而不嗆。麵條是粗身蛋麵，又爽又滑。最好食是那兩件紅蘿蔔，紅蘿蔔本身的清甜再吸收了香辣的湯汁，一流。小食：狼牙土豆（$10）普通的炸薯條，可是配上辣汁又好夾和惹味，啱曬我呢啲食薯條唔鍾意茄汁的人。甜品：紅糖冰粉（$6）甜品：紅糖糍粑（$8）兩款甜品都好好食。冰粉有提子乾、花生和山楂，冰涼香甜。平日食糍粑的紅糖醬是淋在外面的，這間的紅糖醬卻是在入面，真是外脆內軟，內餡甜絲絲，好食。

位於觀塘熟食街市一樓的川式麵店，地方不大，繁忙時間要等候一會。餐牌一頁紙，主食只有乾拌或湯麵麵食，另外加配各款前菜、小食及甜品，每款只是數塊錢，份量細細一碟，不妨每款配菜都試試，價錢相當便宜。乾撈：宜賓燃麵招牌拌麵，分別有凍或熱拌，芫茜、蔥花、花生、榨菜等，拌上店自家調製的醬汁，越吃越辣，十分惹味。麵條有韌性。每碗附送糖醋骨，醃得入味，炆得軟腍，骨肉一咬就分離。小食：鹽酥雞粒一口份量，炸得酥脆，充滿肉汁。湯麵：龍鳳麵（雞肉）湯底帶清香的雞湯味；麵條分別有粗或幼麵選擇，粗麵會較掛湯，雞肉份量蠻多。甜品：老成都酸奶酸奶加入葡萄乾及山楂乾，有助解辣。

以下是貴陽腔普通話對話：親友：「來一份辣，另一份不加辣。」店員投以奇異眼光親友解釋：「娃娃不吃辣。」店員回：「加一點吧，不辣不好食，食辣好！」小學雞時同屋企人去貴陽探親，喺黃菓樹瀑布前扮過苗族姑娘(嗰陣未拜讀衞斯理先敢著)，用過大搥摏過糍粑，坐過小船(真係要自已船自已撐嗰隻) 泛舟於怪石嶙峋、奇峰羅列之上。而最深刻，係我成個trip都冇啖好食，因為辣係當地文化，而我當時係個唔食辣嘅妹豬。雖然唔太食得辣，但當時一兩樣菜，辣住食我都會食，其中之一就係「米豆腐」。「米豆腐」係貴洲人嘅主糧食之一，涼拌、煮湯或熱炒都好食。味道同口感好難用文字形容，總之就係好鍾意食。但偏偏喺香港呢個美食天堂，我未曾見過有川菜餐廳有做呢款菜式，kinda sad。直至前幾日，畀我揾到雖然唔exactly係，但算較貼近嘅呢種涼拌小食！正宗米豆腐有啲似涼粉咁一大磚，煮時再切成條或粒狀再落鑊烹煮。而涼拌食多數係條狀，親友嘅整法係加入花生米、紅油、麻辣、醋、米酒、糖、麻油同芫荽等，而今次喺呢度食到嘅成個combination都相當類似，基本上唔係難整，但好味嘅重點係個米豆腐嘅口感，同埋個麻辣嘅功力！米豆腐未到最正宗嘅質感同

想食一下川式麵食刺激一下味蕾就去咗位置於觀塘駿業街熟食中心嘅懚世小店小店佈置簡約外形白色為主調 牆壁上亦有一啲可愛清新嘅畫 餐具亦有心思有店logo下午兩點到來都見到不斷有外賣同不斷客人到店餐牌係一張紙咁 用筆圈自己所選嘅美食 好方便今次揀咗四川擔擔麵（撈麪（熱））$32本身以為四川擔擔麵通常有麻醬撈 呢啲係冇嘅 反而有嘅係辣辣地嘅肉醬小量鹹酸菜炸豆芫茜咸香帶辣咁麵口感亦有彈性 好開胃 大大啖咁食伴送嘅糖醋排骨亦直到炆得好琳好入味前菜揀咗特色素蓮藕 $6開頭以為真蓮藕 原來係麵筋形狀嘅小食 呢個味道帶酸辣小食揀在單骨雞翼$9 單骨雞翼有三隻香脆可口 又即叫即炸 又有肉汁比平日m記嘅更加好食😋 重有今次嚟食到想食嘅川菜甜品老成都酸奶$6 酸奶有山楂乾 青葡萄乾解辣一流 紅糖冰粉$6 冰涼透明嘅冰粉似啫喱伴紅糖亦唔會過甜 有埋花生 芝麻同亁果亦都係解辣之選😋罐裝飲品，只需$4 好抵 同覺得Cp值好高 主菜麵好經濟其他點嘅嘢食每樣都唔過$10一款加埋一盤上都幾精緻店員亦十分親切 想下次再嚟食其他嘢#川麵#川菜#四川擔擔麵#老師成都酸奶#觀塘美食#觀塘扺食#like4like#hkfoodi

🌶 宜賓燃麵 $32可以揀凍或者熱麵質就好似粗麵咁 但係會再滑身啲 唔會好似食橡筋咁口感幾爽身 🌶都有2-3 宜家都仲回味緊食完會掛住嘅感覺🤤🤤🤤配料有炸豌豆 花生碎等可以走芫荽同蔥😂😂每碗會附送糖醋骨醃到入晒味 一咬即離骨😍仲可以用啲汁黎撈麵變咗酸辣 呢個好鐘意😌😌小食🌕白茶奶黃球 3粒外層應該沾咗茶葉去炸入邊有流心奶黃餡唔會太甜🐓鹽酥雞粒 佢唔係台式嗰隻木薯粉漿但都幾薄粉同有肉汁調味唔會太過咸🍡紅糖糍粑 兩條第一次食中間夾心嘅版本同樣粉漿幾薄 可以再多啲黃豆粉🍨紅糖冰粉配料有提子乾 山楂粒 花生粒冰粉有解辣作用 好滑溜❣️🗣原本想食埋芝士蛋糕但驚太飽 老成都酸奶都想食不過當日賣哂 呢到可以加底同加大糖醋骨 強烈建議加大真係幾好食 性價比高仲有湯麵同其他小食絕對會再嚟食當日平日1:30 左右都爆場自己睇時間去啦🤤😂

今日喺觀塘做嘢，又到午飯時間上網搵到呢一間川麵，評價唔錯又抵食，就走過去醫一醫肚。🐮川牛肉麵 $36湯底有牛肉鮮香味，濃郁，有數片牛肉，尚算嫩，有紅蘿蔔，好清甜入味😁，帶少少辣，鍾意食芫荽，專登加多一蚊要買芫荽🥰麵條彈牙唔會太林太硬，剛剛好。小食都有幾多選擇，而且好抵食，點咗數款試下先☺️🥢白茶奶黃球 $10呢一個好好食，外層炸至金黃香脆，糯煙靭軟糯，入面嘅奶黃流心，小心燙口。🥢紫薯餅 兩塊 $8唔好睇佢外層黑黑的，就以為係炸燶咗，其實係因為入邊嘅深色嘅紫薯影響左，真材實料，紫薯餡料滿滿的，清甜綿滑。🥢涼拌老鼠二耳 $6 麻辣拍青瓜 $6份量都頗多，發揮正常都都好食🍼老成都酸奶 $6呢個十分推介，有山楂碎同花生碎，山楂碎同個酸奶好夾，再加埋花生🥜碎，脆卜卜嘅口感，食落口感同味道都絕對有驚喜😍如果喺呢度返開工，食個川麵都係一個唔錯嘅選擇🤗

時移世易, 以前鍾意舒舒服服咁樣食啲cozy 野, 但而家越嚟越鍾意幫襯小店, 覺得有親切感人情味, 仲可以試到啲特色嘢食今日喺熟食中心搵到呢間店, 係響門口轉右上一條樓梯就到, 不過可能潮濕所以行路嘅時候要小心啲!你喺度嘅食物價錢大眾化, 我嗌咗個招牌撚面 $32，上面有好多唔同嘅配料 例如花生芫荽蔥，再加埋秘製配料，成個組合都不錯！每日我哋都會配糖醋骨，即係左上角！之後我仲加咗個酸奶 $6，食完啲少少辣嘅嘢，食返幾啖酸奶，即刻中和返個口味～之後好搞笑仲叫左四個麥樂雞，只係需要$5🤪🤪好味！

而家食飯最大問題，應該就係面對越嚟越犀利嘅加幅，🥹尤其是係旺區更加係走唔甩捱貴飯。但即使係咁樣都好，更加令人更有衝勁去搵一啲性價比高又飽肚嘅餐廳咁就自然可以為荷包減省負擔。😳以觀塘當然就係其中一個貴價地帶，但喺長時間發掘底下都搵到一間物超所值，性價比極高嘅小店。😚佢就位於觀塘熟食街市嘅一樓，雖然唔太顯眼，但係只要一搵到就會俾佢價錢所吸引，就係川麵🤭川式牛肉麵— 🍜$36可以做到啲乜嘢？ 可能每日車費都已經係差唔多呢個數，如果係用嚟食一餐嘅話好多時都可能得區區幾個選擇，🍜但呢一度只需要$36就可以食到正宗四川嘅牛肉麵，真係點計都非常之抵。至於四川牛肉麵就同台灣嗰一款基本上都唔一樣，🥩牛肉就採用一片片嘅方式，就好似食四川燒烤一樣，🥩至於個面稍為闊身少少，但係整體都以偏淋身，相對就會更加索到湯底嘅味道。🍜川式嘅那當然亦都係非同小可，當然呢一度會將辣到稍稍降低，但味道上依然保持正宗。🌶️首先個湯底就確實係店舖自己親手每日炮製，用足材料落足辣椒同牛肉，為求個湯底夠晒天然，飲落去亦都唔會覺得非常鹹。🌶️至於牛肉就有少少似沙嗲牛肉嗰一款，碗麵裏面仲有大大嚿嘅紅蘿蔔，就咁一碗麵都已經夠晒滋味同埋飽肚🥕之後

🍜🍜川麵🥢🥢中午成日係觀塘都食到悶，一路都無去發掘熟食市場既午餐，同事今日話不如去試下，原來上到去都有驚喜喎！一樓已經係一間鋪咁，環境都唔差，唔係成地濕晒既情況👍兩人去食飯！叫左以下:🔸龍鳳麵(雞肉)配 拍青瓜 - 湯好清，你以為佢無咩味，原來唔係呀，雞肉味濃，清而不淡。麵質開頭望落以為係米粉，原來係台灣麵線咁，麵線好易煮糊，但控制火喉岩岩好。拍青瓜爽脆有紅油，川式涼菜好開胃！🔸川式牛肉麵 配 鹽酥雞粒 - 牛肉麵有好香濃川椒味，湯濃色深，牛肉多，肉質唔韌，軟腍入味。唯一就係覺得湯內紅油較多，都唔敢多喝。鹽酥雞粒，熱辣辣，香脆惹味好似巴辣脆雞粒！整體來講，餐廳環境係舒服，估唔到熟食市場而家都唔算污糟，味道幾好！店內飲品櫃，+4 有一般紙包飲品/ 汽水，真係貼心！雲吞麵價錢，川式麵午餐，都幾抵食呀👍

見到好似新開，又想食辣野就入去睇下有冇位，始終lunch時間，好彩勉強有位，雖然地方細，但都叫乾淨企理。叫左個川式牛肉麵加一個土豆小食加一罐氣水，剛好$50。唔算貴，但計返份量又唔平咁。

觀塘·川麵別有洞天 糧尾恩物 川味小店小食幾蚊雞 平到你唔信雖然位於熟食市場 但環境企理✨宜賓燃麵 $32-非常好食 香味好足-有炸菜、香茜等等 -入口先係炸菜嘅咸香味 麻辣再慢慢出嚟✨涼拌手工涼粉 $26-屬於微辣-入口酸甜 辣味在後面湧出來-涼粉口感好特別 都真係似中式涼粉-主要係涼粉表面比辣油包裹住✨狼牙土豆 $10-超級香口嘅麻辣薯條✨ 紅糖粒粑 $10-超脆 煙韌軟糯-一咬紅糖漿爆發✨老成都酸奶 $6-解辣一流-濃郁奶香味 上面加咗啲配料帶點咬口✨紅糖冰粉 $6-滑溜香甜 加上花生提子等等配料-做甜品又得解辣都得