川麵 (已結業)

今次係觀塘熟食市場發現到呢間食四川野既小店，餐牌上面寫既名起初唔太睇得明好彩有店員幫手介紹，最後我地就叫左店員推介既宜賓撚麵，另外就叫左個手工涼粉宜賓燃麵可以揀熱食或者凍食，凍食係撈麵，天氣咁熱就試下撈麵啦個麵底望上去有D似公仔麵，但佢呢隻麵口感彈牙過公仔麵好多，而且佢個秘制醬汁麻麻辣辣真係幾惹味，店員真係冇介紹錯而佢地既涼粉切得比較厚身，所以較有咬口另外餐牌上面仲有前菜、小食同甜品我覺得狼牙土豆比較特別，係波浪形薯條再加上佢地秘製整法好入味又辣辣地，比平時出面食土豆絲更入味甜品就係紅糖糍粑，熱辣辣，外皮脆卜卜，入面夠煙韌仲有黑糖夾心整黎黎講價錢都唔太貴，野食比較特別

啱啱襯個朋友喺觀塘做嘢過嚟搵佢食lunch佢帶我嚟到熟食中心本來諗住應該唔地方都係比較污糟點知上到來一樓又有個新嘅感覺餐廳用上左白色燈，俾人感覺好舒服同埋乾淨餐廳面積唔大，一眼望得晒店員招呼都唔錯，仲好有禮貌。食物價錢都好貼地，另外加小食都係每樣幾蚊咁打工仔食多幾樣都唔心痛四川擔擔麵我以為係會好重花生醬，但係其實佢係肉燥拌麵為主，麵條帶韌性有嚼口。川味牛肉麵湯頭色澤非常之濃郁，亦都帶香麻味道，紅蘿蔔亦都非常之入味，牛肉份量亦都唔少，夠飽肚手拍青瓜有別於一般嘅上海菜，呢間小店並沒有用上蒜蓉但辣味偏重，很香口。咖喱角價錢真係超級性價比高，$5有4件童年回憶即刻返晒嚟！紅糖糍粑每次去親川味小食呢啲舖頭，都一定必點之選炸出嚟好香口，熱辣辣而且紅糖做咗流心，一滴都唔會曬

觀塘駿業熟食市場開左間麵館專食四川辣麵鍾意食辣既我點可以錯過宜賓燃麵屬於川菜因其油重無水點火即燃，故名燃面辣椒油好香，唔會死辣仲有炸黃豆同花生拌面花椒味厚重麵條彈牙有勁道如果食得辣一定要試呢隻麵酸辣粉一上台見到滿滿既紅油仲有好多芫荽同炸黃豆夠酸夠辣好惹味紅薯粉煮得好夠透吸收晒湯汁味道夠晒煙靭好味鹽酥雞即叫即炸，上台仲係熱辣辣雞粒炸得香脆內嫩10蚊分量都比得好多，抵食忌廉泡芙食完咁多辣野，最後食個甜品泡芙空氣感十足入邊充滿忌廉夠軟滑

[ 川麵 ]喺觀塘成日捐窿捐罅搵好嘢食，發現原來駿業熟食街市入面新開咗間四川麵店，價錢非常親民，一於入去食吓👀👀✿ 川式牛肉麵 $36湯底偏辣，但辣得好過癮。麵條比較幼身，食落好爽口。配料有牛肉&紅蘿蔔🥕牛肉都唔會好韌👍🏻 紅蘿蔔炆得好淋。✿ 宜賓燃麵 $32呢款麵食可以選擇熱/凍，個人喜歡熱撈。落咗秘製醬汁、脆豆、蔥花拌嚟食。隨麵仲有糖醋骨，酸酸甜甜好開胃。 ✿ 鹽酥雞粒 $10呢個價錢可以食到鹽酥雞絕對喺超值！仲要份量都唔少，食落好香口，一口接一口👅✿ 紅糖糍粑 (2條) $8之前食過嘅紅糖糍粑普遍紅糖都係淋喺面頭，今次食呢個好特別！紅糖擺咗係糍粑入面，一咬有流心嘅效果，糍粑非常煙靭🤤🤤鐘意食嘅必點。總結🫦價錢親民，但食物質素絕不馬虎！午市都好旺場，而且見店舖不停接外賣，睇嚟幾受附近上班族歡迎👩🏻‍💻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿川麵地址: 觀塘駿業街67號駿業熟食市場1樓42號舖電話: 23883212✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

第一次黎呢間隱世小店，位於熟食中心，但係佢真係好值得食。佢個menu十分簡單，我同媽咪叫左定食B餐。裝修明亮，感覺舒服。一去到就見到好大個招牌，感覺都幾別緻係有d日系的感覺前菜叫了牛油粟米，十分好食，不乾身，微甜，又夠香呢個芝麻八爪魚同平時日式既唔同，又獨特香味，值得一試小食係黑糖糍粑，十分脆口，流心的黑糖，味道絕佳川式牛肉麵，夠麻夠辣，麵十分彈牙，牛肉份量也多擔擔麵係撈既，夠晒特別，味道較濃甜品就揀左黑糖冰粉，十分解辣今次整體感覺良好，店主十分有禮和善，會再幫襯。