川滿居 (京都廣場)

營業中

休息中

今日氣溫忽然驟降，中午就決定和朋友一齊去食下辣野，見到評語依家響銅鑼灣SOGO後邊嘅川菜都唔錯，就決定去試吓佢暖下身。上到去環境都闊落，好多四川面譜，連第一張枱都有啲四川仔都幾得意。餐廳有午市套餐都幾抵食， 大部份都係5-60蚊落到樓。我地叫左個：水煮牛：份量都幾大份， 牛肉片嫩滑， 都有8-9塊👍🏻仲有薯粉同芽菜， 湯底香辣野味有深度，食得出落左好多唔同既香料去煮。酸菜魚： 見到個個黎依間都食， 我都叫返份！ 一上菜真係哇哇聲， 大份到！ 魚片好厚身好滑， 所以食落口感好好😋湯底有少少麻辣既感覺，配上酸菜中和返又唔太辣，平時食開譚仔10小辣既我都食到，覺得辣得岩岩好，怕辣既朋友都可以一試。涼抹花甲: 依個又真係必食推介，首先花甲無沙！個涼拌汁啲蒜味勁野味，食下一隻又一隻，送飯一流！紅糖滋粑: 外脆内軟，都頗有驚喜，點埋紅糖漿令人欲罷不能，食完一舊又一舊。今個午餐真係食到肚滿腸肥！大滿足！

涼拌黄金皮蛋(bb辣) $48同平時嗰啲好似冇咩分別 一般干煸四季豆$66份量多味道唔錯 推薦👍🏻招牌香鍋(微辣)$26起麻辣、豬大腸、牛舌、鴨血、薯粉好似車仔麵咁有得自己揀想食嘅餸 加埋起嚟都幾大煲 嗌咗麻辣微辣 越食越辣但係又想繼續食 下次都會再嗌😆片皮鴨(一隻)$298唔似一隻嘅份量 而且肉偏小 椒鹽魷魚鬚$98外面層炸粉薄得黎好脆口 熱辣辣 推薦😋黄金蝦球$128沾滿左蛋黃醬 每隻蝦都好爽身同埋都幾大隻🍤籐香雞(bb辣)$66全部雞肉都好入味 好有滕椒味 不過份量偏小紅糖糍粑$58食得出即叫即整 好熱 外脆內軟 可以一試😌

心血來潮想食辣嘢很typical的menu但就正正滿足當日的嘴饞「水煮」當然要夠麻夠辣，否則何來過癮為食嘅關係，毫不猶豫叫上水煮牛肉同水煮魚牛肉嫩滑份量足2-3人，掛湯食的上癮呀魚塊厚肉稱不上新鮮但絕對得上價錢配料最喜歡蓮藕片，爽得來不失麻辣感薯粉更係不可或缺，煙煙韌韌略微淋身清炒萵筍調味不多，正好調和水煮帶嚟嘅油膩感清甜爽口極之推薦黃金涼拌皮蛋，吸睛打卡一流比過往調味有種酸酸甜甜感覺以白醋調味減輕皮蛋本身鐵銹味最後以啤酒作結川菜滿足成日嘅辛勞

平日晚餐都要等5,6張枱，見到咁多人排隊，應該有番咁上下水準。招牌香鍋果然係餐廳嘅招牌菜式，見到差唔多台台都有叫，自選配料選擇多，任選五餸起炒，醬料可以揀香辣、麻辣同醬香。白玉菇脆嫩鮮滑、雞軟骨香口惹味、牛柏葉爽彈可口、五花肉片肥瘦適中、墨魚餅鮮甜煙韌。烤加州爐魚好大條魚，食極都食不完！條魚應該有煎香過，所以魚皮有少少脆香的口感。始終係原條魚所以都有骨，但不多，可接受！香辣湯底，BB辣，但煮煮下都辣，係慢慢滲出來。配料有蓮藕、薯粉、木耳等，我覺得2人食的話已經不用再加配料，二人食一條魚做晚餐已足夠！因為份量真係幾多。愈食愈辣叫咗杯凍檸茶同凍奶茶，凍冰冰好解辣！餐廳可以提供圍裙，如有需要，可以向他們領取。

一陣子沒吃辣，辣癮又起(⁎⁍̴̛ᴗ⁍̴̛⁎)今晚收工到銅鑼灣順便打卡一下bookmark 已久的川滿居(≧∇≦)我們點了：招牌香鍋 微辣，麻辣 $26 +小酥肉 $48 ⭐️非常抵食！ 大大件，炸微酥脆之餘，仍有肉汁！+貢菜 $38 🥬第一次嘗試，一是愛上，色澤鮮綠，口感爽脆，非常值得一試！ +牛舌 $46 🐮薄切所以10分入味，牛味香濃！+雞軟骨 $42 🐓香鍋必點！ 細細粒，容易食(⁎⁍̴̛ᴗ⁍̴̛⁎)而且沾滿了香鍋的麻辣醬，10分惹味！+鯛魚片 $42 🐟新鮮無骨！魚肉鮮甜！這個個香鍋份量多，有肉有菜，全都是自己喜歡的食物。重點是味道香，麻麻辣辣，超級惹味，絕對是白飯killer 😛我吃完一陣碗白飯仍然意猶未盡！當然白飯亦煮得剛剛好，粒粒分明，軟熟又香甜！我要再多吃半碗才捨得停口‼️涼拌花甲 $78麻辣多蒜，無沙，粒粒分明，明顯品嚐得出是新鮮的花甲，絕對不是冰鮮冷藏(⁎⁍̴̛ᴗ⁍̴̛⁎)比較少在其他川菜餐廳發現這道菜，這裏的品質不錯，可以一試！泡椒肥腸 $118新鮮！處理得非常乾淨(*ˉ︶ˉ*)完全沒有異味，但可以更辣一點~配了萵筍，變得更清新爽口。百香果檸檬茶 $36有淡淡的百香果味～清新解辣！ 桃之夭夭

今日同朋友喺銅鑼灣行完街，就周圍搵下野食，想食川菜，上網睇到呢間餐廳已經開業好多年，質素有一定保證，於是一於過嚟試吓上到嚟餐廳就算平日夜晚都好滿座，仲有兩間細房仔，可以比客人同朋友清靜傾偈食飯✨金湯酸菜魚$188酸菜魚，我哋叫咗BB辣，酸菜魚份量好多，魚肉非常嫩滑，個湯底酸味濃，辣味和花椒味屬於BB辣，好啱香港人口味，適合鍾意食酸但又怕辣嘅人，除咗魚片之外，仲有好多配菜，有萵筍，紅薯粉，紅薯粉配酸菜魚可以話係最佳嘅配搭✨片皮鴨（半隻）$168片皮鴨外皮酥脆鬆化而且肉質嫩滑，喺廚房剛剛新鮮熱辣燒出嚟，半隻片皮鴨約有12片，餅皮上菜嘅時候仲係熱辣辣，晶瑩剔透，厚薄適中，配以甜麵醬、京蔥條及青瓜一齊食一流✨黃金四季豆$68四季豆外皮包上一層炸粉，炸粉面有濃濃嘅鹹蛋黃醬，非常惹味，四季豆就算炸完都可以保留本身的爽脆口感✨紅糖糍粑$58用糯米和紅糖做成的，入口先是黃豆糖粉香甜的味道，接著是糍粑軟糯筋道的口感，點上紅糖醬，係最佳嘅中式甜品✨柑桔🍊檸檬茶$28柑桔味咸帶甘帶酸，同紅茶係絕配✨大樽裝號醇滑嘉士伯$32食酸菜魚，飲番支啤酒，簡直係最佳享受，呢間餐廳除咗唔同品牌嘅啤酒，亦都有唔同嘅紅酒俾大

同朋友嚟呢一間麻辣香鍋食🥰叫左招牌香鍋，份量好多！不過大胃王既我地，全部都k.o晒!🤭🤭🤭！▫️ 招牌香鍋 $256⭐️⭐️強烈推介⭐️⭐️ 呢一間招牌香鍋幾好食，材料好多選擇！而且有分好多種辣度，朋友仔唔食得好辣，今次叫左小辣～佢都大讚好食，唔會辣到噴火！🥰今次我地都點好左好多材料😝食材包括小酥肉、花甲、四季豆、萵筍、雜菇、田雞！🤡當中小酥肉都幾特別，口感有d似豬扒，幾軟身！但我最鍾意食萵筍、四季豆、雜菇，爽脆+入味，份量都多!🤭送飯非常好!.▫️ 京蔥牛肉配麼麼皮 $88😋一向都係京蔥愛好者既我，呢一碟菜色京蔥份量真係好多，好香口！而且牛肉又唔會過老，醬汁調得都幾好味，唔會過咸～唔錯！可以配麼麼皮一齊食，不過個人黎講都係鍾意送白飯多d，食麼麼皮好快飽，食唔得太多～.▫️ 酸辣木耳(涼拌) $46⭐️⭐️強烈推介⭐️⭐️ 酸辣木耳係涼拌既菜色，超入味！味道夠酸夠開胃，唔會好辣，食落爽口，配搭少量蘿蔔絲，更有口感😊.▫️百香果檸檬茶檸檬茶當中帶有百香果味道，酸酸甜甜，清新又好飲，可以解辣！

《川滿居》銅鑼灣一向都係美食集中地🥳今次到訪既係主打川菜既川滿居~ 到訪當日walk-in啱啱好有最後一個位😎 成晚都keep住full，如果想食要記住訂位！！▪️▪️▪️▪️▪️▪️▪️▪️▪️▪️▪️🔸片皮鴨 ($168半隻)雖然食四川菜食片皮鴨好似好奇怪🤣 但係鴨肉係意料之外嘅高質~除咗鴨皮香脆之外🤪鴨肉油脂感都十足😤 食完滿足感滿滿！🔸招牌香鍋 ($26+任選5餸起)香鍋可以自己揀唔同嘅配料~食得香鍋，梗係揀啲容易入味嘅配料😍例如薯粉，腐皮，配埋辣辣地嘅調味非常上癮🥳 食完都唔會好口渴值得一讚😝🔸紅糖糍粑 ($58)食川菜每次一定要食~ 又脆又甜😍🔸酸梅湯 ($18)食辣嘢最適合叫既飲品之一~酸酸甜甜除咗解辣之外🥰仲好解油膩😍▪️▪️▪️▪️▪️▪️▪️▪️▪️▪️▪️設加一服務費▪️▪️▪️▪️▪️▪️▪️▪️▪️▪️▪️今次幫襯📍: 銅鑼灣駱克道491-499號京都廣場6樓▪️▪️▪️▪️▪️▪️▪️▪️▪️▪️▪️#波比出沒銅鑼灣 #銅鑼灣美食 #hkfoodie #hkblogger #foodie #hkfoodblogger #hkinfluencer #hkkol #hkfood #hkfoodlover #hkfoodstagram #hkigfo

已經第三次來食酸菜魚，實在太正，地點又就腳，一出地鐵站對面就到餐廳。自助點餐，用QR code很方便。都幾多大陸人識得來這裏。金湯酸菜魚，點單不到5分鐘就上菜，本身以為是放了很久，應該會魚肉很淋，不過魚肉其實很鮮甜又爽嫩新鮮，然後發現每台都必點。酸菜湯底的味道又酸又辣很開胃，平衡得到五香，加上水昌薯粉真是一流。招牌香鍋選了少油少咸，麻辣味道反而更突出，五款配料各有千秋，雞軟骨、田雞、油麥菜、萵筍和五花肉片。最喜歡五花肉片和萵筍，爽口入味香濃，五花肉片爆香後更加香。藤香雞令人舌頭麻痹的藤椒粒加冰凍雞肉，愈食愈上癮，最重要是雞肉夠鮮滑。百香果檸檬茶甜甜地又香百香果味道，感覺清涼解渴。

朋友帶我來依間食，入去見到食客坐滿都好旺場呀。地方尚算乾淨，食店通風唔錯，唔會好大陣川辣味。店員相當殷勤有禮，一按鐘仔速速現身。食物都好多選擇，除了香鍋，仲有酸菜魚和好多小炒都好吸引。今次食住香鍋先，留下次再來。見價錢都好經濟，食物都好足料，味道啱我口味，唔錯唔錯。招牌香鍋 (9款配料) $330香鍋至少要選5料配料，見到有好多心儀選擇，結果揀下揀下就揀了9款。入選佳麗分別有鯛魚片、花甲、魷魚鬚、墨魚餅、蓮藕、腐竹、黑木耳、白玉菇和薯粉，原來每款配料份量都好多下，所以加加埋埋成座小山咁，見到勁大鍋，真係驚驚食唔晒。朋友不太吃辣，醬料方面就揀了醬香就就佢。醬香味道濃郁，鮮香微辣帶點甜，而且好有鑊氣，食落都好惹味，款款配料都好入味。當中薯粉最索汁，粉條幼身軟彈口感，好美味。其次是腐竹好掛汁好嚼口。魷魚鬚就滋味爽口。蓮藕薄片爽脆。花甲鮮味不過肉唔多呢。白玉菇脆嫩鲜滑。鯛魚片肉質細嫩鮮美兼無骨，口感爽滑無腥味。墨魚餅大件鮮味彈牙。黑木耳爽口Ｑ彈都好大塊。糖醋蝦球 $128蝦球大件啖啖肉口感，外層炸粉唔厚但就好酥脆，內裡蝦肉鮮嫩爽口彈牙，加上糖醋汁酸甜可口，愈食愈開胃。酸梅湯 $18酸甜開胃，味

突然之間想食烤魚，趁星期六weekend冇咩野做，於是又search下有咩介紹⋯見多人比讚，於是臨時臨急book定位，同男朋友來試試。晚上6點多就來到京都廣場川滿居，應該未到peak hours, 人唔算多，同男朋友可以揀坐卡位。我地揀左烤加州鱸魚配鴨血，再叫多個小炒蓮藕仔炒牛肉⋯蓮藕仔炒牛肉（小辣）炒得很有鑊氣，好惹味，一定要配白飯一齊食⋯牛肉焾，再配上其他配料，蓮藕仔有少少酸甜，同牛肉幾夾，幾開胃，食下食下就清空晒😆😆 食完小炒，烤魚就剛剛上。烤加州鱸魚，小辣鮮青椒條鱸魚幾大條，烤到約8成熟左右，而當湯滾開後，散發出陣陣鮮青椒味，配上鱸魚，有鮮味同埋魚肉都滑身，容易入口。而且有不少配料，薯炒，蓮藕片，青瓜，木耳，枝竹⋯幾豐富呀😆可惜配上鴨血就有一點格格不入，我地問有冇辣椒油啦，服務員同廚房師父講，後來結了一小碗紅油😆😝，配上鴨血，味道唔同晒，鴨血亦都大件和挺身。男朋友食到好津津有味呀😋可能我係湯怪，會不期然地飲下烤魚湯底，但會適可而止。我地冇叫其他飲品，純粹飲熱茶⋯會叫服務員幫忙refill….服務員見我要飲茶，都有問係是否味道出現問題😅 其實我覺得配熱茶去飲烤魚，呢個combin

招牌香鍋 鍋底$26 + 自選配菜小酥肉 $48 超有驚喜，外層炸得酥脆，入面肉嫩有肉汁貢菜 $38 好少見，口感爽脆，絕對值得試蓮藕 $22 係香鍋不可缺少嘅配菜，大大片爽口腐竹 $28 炸得好脆，好似食緊響聆咁薯粉 $28 口感彈牙個香鍋真係好抵食，份量好多！重點係味道‼️真係好食，麻麻辣辣超惹味～絕對高質😍水煮牛肉 $158份量多到嚇咗一跳！超水準超正宗😍牛肉肉質鮮嫩軟腍，辣湯調味好正，鹹淡適中，揀咗BB辣，最啱唔食得辣但偏偏又鐘意食辣野人士😋另外仲加咗薯粉同金菇，索滿湯汁十分正👍🏻辣子雞 $98雞粒一口size，好細心己經去骨，可以大大啖食～炸得脆卜卜，而且夠乾身唔會太油👍🏻加上花椒辣椒爆炒出晒味，惹味🤣涼拌黃金皮蛋 $48金黄色的皮蛋晶瑩剔透，非常吸睛，蛋黃流心軟滑，配上微辣的醬汁夠晒醒胃酸梅湯  $18 食辣野最啱飲酸梅湯，解辣之餘有消滯！自家製，味道好濃郁，唔會過甜👍🏻檸茶 $18 正常發揮店舖座位闊落坐得舒服，裝修有心思，枱面好乾爽唔會油luplup，衛生整潔加分👍🏻店員都好親細有禮貌👍🏻川滿居 (京都廣場) (銅鑼灣)銅鑼灣駱克道491-499號京都廣場6樓

病咗幾日，好想食啲香口野，上次嚟過京都廣場，見到有間叫「川滿居」嘅川菜，在廣告牌上見到菜式好似好可口，決定今日過嚟一試，發現食物味美，服務一流。👍🏻👍🏻因為午膳時間客人人數眾多，雖然我得一個人，但姐姐好好，開咗一間房比我入去坐，然後仲細心推介食物。餐牌所見，午市期間嘅食物好多，有大香鍋、酸菜魚、抵食嘅午市套餐，最後我決定叫咗個宮保雞丁（$78）、孜然羊肉配六張麼麼皮（$98），再配一杯熱檸茶（$18）。😋😋宮保雞丁香辣惹味，辣味緊緊包著肉質嫩滑的雞丁，仲有好有咬口嘅腰果，食過停唔到口，撈飯送飯一流！🥰🥰而孜然羊肉可算係我最愛！因為一路都好鍾意孜然味，而且佢嘅羊肉好嫩滑，孜然好入味，一啲都唔會騷，用麼麼皮包著黎食，非常香口！我一定會再嚟幫襯！😍😍川滿居地址：銅鑼灣駱克道491-499號京都廣場6樓

-🚩 川滿居 (銅鑼灣)銅鑼灣駱克道491-499號京都廣場6樓—————————————————————🤍餐廳推薦度：🤍🤍🤍🤍（4/5）❇️每人平均消費：$300 (Dinner）⭐️打卡指數：🦖🦖🦖🦖（4/5）🤡服務：🦖🦖🦖🦖🦖（4/5）🍭味道：🦖🦖🦖🦖🦖（5/5）最近食酸菜魚食上癮，今日搵埋朋友就去銅鑼灣，再試吓呢一間川菜餐廳。餐廳用QR code自助點餐，每一個小菜都可以自選辣度，質感。我哋叫咗舖頭最出名嘅酸菜魚，同普通嘅酸菜魚一樣，入面都係有薯粉，薯粉唔會太淋，非常爽口。蔬菜方面，我哋叫咗炒萵筍絲，雖然味道足夠，但個人認為欠缺鑊氣。小食方面，我哋就叫咗鮮椒田雞、夫妻肺片同埋魚皮田雞個人覺得份量較少，田雞斬到好碎，青椒太多，同埋味道比較淡。夫妻肺片味道比較一般，同埋切得太大塊，比較難入口。魚皮就係我想推薦嘅小菜，味道啱啱好，夠麻又唔會太辣，啱晒我又鐘意麻又唔食得辣既人，同埋魚皮超級爽，食到想encore🤤甜品方面，我哋叫咗紅糖糍粑，我同朋友都係第一次食呢款甜品，糍粑用糯米製成，再點紅糖漿，唔會太甜膩，食完都濃味川菜再食返比較淡味嘅甜品非常配合。今次推薦菜式：🤍魚皮，糍粑，酸菜魚🤍

第一次喺銅鑼灣食呢間川菜，味道質素都唔錯～香辣魚皮($68)辣度係小辣，魚皮好爽口，份量都幾多，配上紅蘿蔔絲同芫茜食好清爽👍🏻金湯酸菜魚($188)上到嚟都幾大兜，湯底真係金黃色，酸度好夠✨，魚肉大大塊，肉質嫩滑，冇骨，食唔到泥味，配料有基本嘅薯粉、芽菜等等，亦都有少見嘅冬菇、杏鮑菇，食到原粒嘅花椒，對我嚟講酸辣度足夠，好送飯👍🏻👍🏻京蔥羊肉($98)羊肉份量都幾多，唔會好騷，京蔥好香，炒得好惹味🤤🤤附上有6塊麼麼皮，可以包住啲京蔥羊肉一齊食，正～回鍋肉($78)啲菜好甜！唔會好辣，腩肉又唔會好肥，唔洗食到成口油～又大送飯之選，唔會太咸，好好味😋😋紅糖糍粑($58)第一次食，糯米團軟糯，面頭煎得金黃色，夠香脆，點黑糖漿食好正，好似有種魔力咁食唔停口✨