川味雞烤魚大王 (大河道)

營業中

休息中

荃灣一向出名多野食，今日我就同朋友去左試呢間<川味雞烤魚大王>。呢間餐廳位於荃灣廣場同千色匯交界，啱哂行完街過黎食飯餐廳有好多款不同配菜選擇，我地二人叫咗一個公仔麵、豬紅、鵝腸、響鈴同羊肉。烤魚方面，我地揀咗海鱸魚，湯底就揀左酸辣嘅小辣，條魚一嚟到已經聞到好香，再加上泡椒就更加令人開胃。另外羊肉非常新鮮，食落口感嫩滑，而且唔羶。至於其他配菜配埋湯底好入味，令人忍唔住不斷加配菜另外，我地見到餃子係即場新鮮包製，望落皮薄餡料多，下次黎到一定要試試最後飲品方面，我地叫咗百香果沙冰同柚子沙冰。 一飲落去好有驚喜，沙冰打得好綿滑，夏天飲特別清涼解渴，而且味道唔會好似糖水咁過甜。呢間餐廳好適合一班人聚會，就算坐耐左都唔會有種壓迫感，下次會帶埋其他朋友過嚟一齊食

在荃灣有川味雞烤魚大王。鐘意烤魚。因為越吃越有味道。不能急。期間焗住同朋友傾偈。改善彼此之間的關係。這餐飯特別好味。原條魽鱼。288元湯底：泡椒烤魚（酸辣）B B辣各款蔬菜33元。我點生菜.新鮮。發覺原來（醋加豉油）點魚肉系特別好吃啊！一碗白飯唔夠皮。吃多咗一包出前一丁。

一早都知道川味雞·烤魚大王是食烤魚和酸菜魚的星級餐廳，但是今次想試另類食物，所以就沒有食魚。今次決定點了半隻椰子雞煲，食雞同打邊爐。椰子雞煲一開始，店員放下椰子煲。煲內有新鮮椰子果肉和椰青水，仲有紅棗，味道清甜好味。之後，半隻砌得好靚的雞來到。店員十分體貼地問：「需唔需要幫你將所有雞放入鍋裏。」我當然是不用🤣🤣🤣。我要慢慢食，雞.雞.雞好好味呀！肉質彈牙和嫩滑，鮮甜美味，仲要好有雞味，係新鮮雞的味道！！！寬粉/蔬菜食完雞後用椰子雞湯底煮左寬粉和蔬菜，寬粉和蔬菜索左雞湯的精華，味道一流。而黑毛豚肉份量十分，一點臊味，是好靚的豚，味道值得一讚！脆脆韭菜盒味道一般，沒有其他食物帶給我驚艷的感覺。餐飲點芒果梳打，大大杯抵飲！推介指數90%

係荃灣搵野食，搵到呢間烤魚好似幾吸引。舖面望落好地道，入內冷氣好足，唔怕食辣野熱到流曬汗。每枱都有個電磁爐面，邊食邊加熱慢慢食都唔怕野食變凍。重慶麻辣烤海鱸魚 $268 第一次食怕太辣，所以只係揀左BB辣，常人接受到嘅辣度。一上菜已經俾佢賣相吸引，大大盤麻辣湯底，開邊嘅海鱸魚，上面鋪滿辣椒同花椒。等電磁爐烘熱會開始聞到麻辣香味，到煮滾就可以食得。魚肉入口幾嫩，口感結實，份量大份，淨係食魚都已經好滿足🤤邊食邊拆魚肉會食到淡麻辣味，拆完肉煲多陣先食就會濃味好多。一口魚肉搭一粒花椒，口中咬爆花椒又係另一種麻辣感受。兩個人慢慢食，滾左一個鐘左右條魚都冇滾散👍🏻雞湯紅薯粉 $28紅薯粉口感Ｑ彈，而且非常吸味。就咁食已經有濃雞湯鮮甜味。更加可以夾入麻辣烤魚湯底吸收濃湯，食落既彈牙又麻辣😝涼拌皮蛋 $32百香果梳打 $26大杯特飲，仲有粒粒百香果籽。梳打氣泡感，消暑之餘仲好解辣。食量唔夠大，食到魚就食唔到雞，唯有下次再幫襯。

約咗阿妹落荃灣食嘢吹吹水，喺路德圍行嚟行去唔知食乜，靈機一觸，行左過對面諗住食雞煲，入咗去川味雞烤魚大王，最後竟然係食烤魚一向對魚興趣不大嘅我，坐低見到隔籬枱嗰一大盤烤魚完全深深地被吸引着，我哋叫咗重慶麻辣烤魚揀咗海鱸魚，冇咁多骨，中辣剛剛好唔會太辣，上枱香到呢？即刻想起筷，但係姐姐話滾起先食得魚肉又嫩又滑，加埋鹹酸菜一齊食，非常惹味，最後食埋薯仔入晒味點餐紙其實有好多選擇，但係得兩個人又唔可以叫太多野唔想浪費，最後只係加咗腐竹和粗薯粉，兩位吸味選手遲啲涼啲可以再過嚟打邊爐，食雞煲，慢慢食吹吹水

雞煲真係食開有條癮明明前幾日先encore左兩個椒麻雞煲 今日又忍唔住想食🤣🤣今次趁妟晝人流無咁多試下呢間地道既烤魚雞煲店川味雞烤魚大王 (大河道) =====================位置🏠餐廳位置係正沙咀道球場對面，地鐵站行過黎就大概十分鐘左右，舖頭唔難搵到，但搭地鐵黎要少少腳骨力，如果搭巴士係大河道或者戴麟趾落行過黎就岩岩好啦！菜式選擇📜一行二人叫左半隻重慶麻辣雞煲加必叫薯粉🤪再額外加配左涼拌萵荀絲同墨魚脆卜卜！雞煲🥘重慶雞煲最緊要就係多辣椒多花椒！醬汁都好惹味，加埋薯粉落去索汁岩岩好！一兜薯粉都幾多，兩個人share都夠食！但小編貪心d覺得如果雞件切得大舊d口感會再好d!!涼拌萵荀絲呢個有驚喜，第一次食，口感爽脆，一絲絲幾掛汁，個涼拌汁調味亦不錯！墨魚卜卜脆呢個係類似豆腐卜反轉加墨魚滑落去炸，口感幾得意，炸得好酥脆，我拎左舊黎索雞煲汁，又幾鬼夾喎🤣🤣重口味never die🤣#雞煲 #烤魚 #荃灣美食 #火鍋

香港人一年四季 都鍾意雞煲打邊爐🤣🤣今日同老公試下呢間 川味雞烤魚大王，見到好多街坊，熟客主打雞煲 烤魚 地方唔算大，小店運作 但風味就好足夠啦🥳🥳揀咗麻辣雞煲 ，一上枱 夠麻，夠辣，香噴噴👍👍花椒好多 配上洋蔥芹菜，香氣撲鼻 店員全程幫我哋 炒雞😌😌雞肉好嫩 雞骨脆口，鹹淡適中 夠麻夠香，bb辣啱啱好🥰🥰雞件入味又夠嫩 配菜最正 ，洋蔥 最入味👍配菜選擇都好多 仲有小食添 涼拌類，亦都係佢哋嘅主打呢🙂魚片頭好有魚味非常彈牙，一大碟🥢豬膶拼粉腸。絕對新鮮豬潤起晒沙，切得夠薄！半分鐘就食得，非常爽口嫩滑，有鮮味😋😋粉腸脹卜卜清理得很好，值得讚配上雜菇就最吸味啦，配上醬汁非常惹味，最尾食埋個出前一丁，雖然邪惡但一定係絕配😍😍人頭$200鬆啲，味道正宗，服務又好，有下次！

🕖時段-星期四夜晚平日夜晚都幾full 店內大約18個位 去到得返一張4人枱 好彩有位有得即刻入座👍🏻_▫️花雕醉雞煲(半隻) $188店員好有禮貌 會睇住水滾後就幫手轉細火焗多一陣湯底 隻雞好滑！打邊爐前"不"起哂啲雞肉就唔驚煮得太老鞋左個湯酒味唔算太濃 但未打邊爐前當雞湯飲都幾好味👍🏻 _因為得2個人食所以食左半隻雞都嗌唔到太多其他邊爐料 每人唔洗$200✌🏻 抵食+好食之選😋 _▫️黑毛豬腩肉片 $68▫️魚皮餃 $42▫️萵筍 $42

🥢荃灣 充滿香烤味道肉質結實重慶麻辣烤魚#食好西荃灣美食 #食好西火鍋指南 🥢每次時經過荃灣一間烤魚店都好多人，好似感覺都幾出名，今日特登去咗試吓，見到餐牌有鱸魚，鯇魚，魽魚，同雞煲，麻辣小食等等，都幾多選擇，就入咗去試吓🥢麻辣烤魚 - 鱸魚 (BB 辣）$268烤魚有得選擇幾種口味，今日點了麻辣味道，有bb 辣，中辣，大辣，點了bb 辣，辣度非常輕微，烤魚味道唔錯係食到經過香烤嘅味道，唔似坊間用炸的魚身，魚肉多了種烤過的香氣，而且魚肉結實啖啖肉，只有少量魚骨，吸收了麻辣湯底精華🥢黑毛豬腩片 $68 軟滑半肥瘦的豬腩片感覺，剛剛好恰到好處🥢寬薯粉$15平時食麻辣最鍾意就係配搭寛薯，呢隻寬薯粉最特別嘅係，由開始食魚時已經掉咗落去煮，煮到尾都會非常實淨 ,好似煮唔腍咁，懶人可以一次過掉曬落去唔洗怕煮到過熟🥢可樂 $15 🥢烤魚雞煲種類多款選擇，仲有好多唔同辣小食，店舖細細位置唔多，格局似茶餐廳大排檔咁，環境雖然似茶記，需注意需要收10% , 今日被安排坐在旁邊小舖入面，靜靜哋都算幾舒服，鐘意烤魚係真係烤過有種香口的味道，唔怪得次次都經過好多人食📍 川味雞烤魚大王 (大河道) (荃灣)荃灣大

雞煲烤魚店] 食過返尋味！上星期先食完，又想食~雖然話雞煲大把選擇，但呢間環境同份量都好啱我，原來荃灣有分店就去試埋~今次仲發現其實呢到可以一次過滿足晒我多個願望~1. 雞煲癮2. 涼拌小食3. 香口小食4. 大大杯飲品仲有意外驚喜!巧遇老闆娘~ 仲聽到佢手機鈴聲係P1X3L~用阿仔手首歌做鈴聲，成件事好sweet ar~🔹涼拌皮蛋🔹 擺盤好靚，仲有埋青瓜~皮蛋好入味~青瓜好爽甜~🔹重慶麻辣聽到廚房炒雞嘅鑊氣聲！上枱係我食過咁多間最靚嘅~份量夠，2個女仔食啱哂~雞肉嫩滑，啖啖肉~🔹蜂巢豆腐🔹用黎索哂啲雞煲汁，正！同特別覺得佢啲紋好密，所以好鎖汁~🔹炸魚皮🔹好抵食！勁大碟~又好脆~唔會鹹，食到唔停口~🔹出前一丁🔹真野~有埋味料包嫁，哈！🔹大大杯野飲🔹凍檸茶 & 芒果梳打唔會太甜，又夠份量，解渴又滿足~

荃灣大河道的川味雞烤魚大王，位於大河道的天保大廈，雖然不是很大，但坐得舒適。有川式小食、小菜、米線、烏苳……。名為川味雞烤魚大王，以烤魚為主，桌上設有原裝的電磁爐，所以一邊食熱辣辣的烤魚，還可以加配有幾十款的火鍋配料可選擇。小半條鯇魚裡面有配菜，薯仔、白蘿蔔、娃娃菜、芽菜……等等，辣度可由各人喜好選擇。鯇魚經燒烤過，面上有頗多的芫茜、豆鼓及花椒，鯇魚很新鮮，味道麻香辣，所以特別惹味！也非常好下飯！加多個配料油麥菜，吸收魚及麻辣湯的味道，與小炒及灼菜相比，別有一翻川式風味！雪梨海底椰及可樂，冰凍的飲品，特別配麻辣的烤魚！餐廳的川式味道正宗惹味，材料新鮮，下次食烤魚還會再選擇這間！

雞煲烤魚店］過咗立秋早晚都涼咗啲，雞煲引又起，今次試下呢間喺隆亨商場嘅川味雞烤魚大王，大圍站出黎行條天橋就到。🔹涼伴川辣味魚皮🔹$78前菜黎講非常足料，除咗大大塊嘅魚皮之外，仲有青瓜絲、花生、京蔥等配料。魚皮爽口彈牙，送酒一流。🔹重慶麻辣雞煲(半隻)🔹$188未上菜已經聽到廚房嘅鑊氣，炒過嘅滑雞煲一打開已經見到滿滿的蔥頭花椒。半隻雞嘅份量都好足，雞肉鮮嫩，就算我地叫BB辣都已經好惹味。🔹金牌手打墨魚滑/蝦滑(雙拼)🔹$82食晒雞件之後就加其他配菜打邊爐，墨魚滑同蝦滑都睇得出真材實料，見到粒粒墨魚肉/蝦肉。入口仲食到脆卜卜的蟹籽，口感豐富。🔹田園雜菜 🔹$35 & 🔹幼薯粉🔹$28食雞煲最鍾意喺最後加啲菜同麵索晒啲湯汁，每一啖都充滿咗麻辣精華。食到出晒汗，個嘴又麻又辣，爽！

荃灣真係有好多烤魚同雞煲食，今晚荃灣友帶我去食呢間夠哂地道，小店大約只有10多個座位，雖然今日係平日，而且仲未夠7點，但係已經差不多坐滿。朋友推介食烤魚，因為我唔食得辣，所以揀左個唔辣既口味，酸菜味，魚就有鯇魚、海鱸魚同魽魚三款揀，店員推介食魽魚，呢款魚比較冇骨同埋魚肉味較重，一上檯已經聞到個湯底非常香濃，少少酸味，但飲落好清甜，條魚都幾大條，條魚係先煎過，再烤，所以魚皮好脆，但魚肉依然好嫩滑，另外仲加左個墨魚咀咀丸，好彈牙。

荃灣食街雞鍋🌸花雕醉雞鍋（一隻） $268🌟🌟🌟🌟🌟超濃郁嘅花雕醉雞湯，藥材味深濃，醉雞肉質鮮嫩可口，店員話好貼心咁樣幫你在水滾時放半隻雞再煲內🌸新鮮魚標 $48🌟🌟🌟🌟🌟超新鮮魚標，完全沒有腥味配搭花雕醉雞湯完全非常之夾🌸黑松露餃子 $68🌟🌟🌟🌟🌟鍾意黑松露嘅朋友，千祈唔可以錯過，黑松露味濃，內裏還有豬肉碎味道非常之夾🌸蒙古羊肉 $88🌟🌟🌟🌟🌟喜歡食羊嘅朋友都不能錯過這個蒙古羊肉，每塊厚度有點口感，蒙古羊肉羊味比較重，但係完全沒有羊臊味🌸油麥菜 $33🌟🌟🌟🌟🌟超新鮮的油麥菜，非常之爽脆🌸百香果梳打 $26🌟🌟🌟🌟🌟大大杯百香果梳打，味道唔算太甜🌸可樂$15======詳情======川味雞烤魚大王 (大河道) (荃灣)荃灣大河道91號天保大廈地下F1號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #荃灣美食 #荃灣好去處 #香港美食探店 #香港探店 #我是吃貨 #打卡熱點 #打卡美食 #著數報料 #夏日打卡日常 #夏日打卡挑戰 #羊肉控 #黑松露控

天氣咁熱好想食酸辣，涼拌等食物，突然諗起酸菜魚，一於放工就去食烤魚喇。上次跟朋友食過呢間覺得幾好，魚肉厚身又多肉。先叫一些涼拌小食刺激一下味蕾，開開胃口先。【紅油豬耳】豬耳的味道脆爽， 含有大量的膠原蛋白和營養元素，柔韌爽脆的口感，配上了麻辣的味道，十分醒胃。【夫妻肺片】有牛舌、牛肚、牛肉等主要食材，進行鹵制，然後切片，再配以辣椒油、花椒面等輔料製成紅油澆在上面，麻辣鲜香滲進所有食材內，麻香四溢，味道香濃。【酸菜烤海鱸魚】問過店員海鱸魚比較少骨，所以叫了原條海鱸魚酸菜味口味，鱸魚原條預先炸到半熟，肉身很結實，肉質挺嫩滑，酸菜菜香濃鮮味，魚肉慢慢吸收湯頭的酸菜香氣，惹味十足，配料有白蘿蔔片，嫩豆腐，大豆芽等，索盡酸菜湯底精華，酸香鮮甜，胃口大大打開。天氣咁熱好想食酸辣，涼拌等食物，突然諗起酸菜魚，一於放工就去食烤魚喇。