川味雞烤魚大王 (隆亨商場) (已結業)

平時食開荃灣店的，今日番奶奶度，見呢度新開，就黎試下有無荃灣嘅質素先。我一家三口，每次食條大魽魚，都係勉強夠。今日加埋老爺奶奶，就要叫兩條了。食烤魚，我鍾意食魚多過加生料打邊爐。通常食完食唔夠飽先再order其他料滾滾下。湯底味道比荃灣店淡左啲我喜歡食辣，但只係低級組，所以order小辣。兩條魚味道👍🏻，魚肉好滑，但可以烤得香啲仲正。我地仲order左 ：西洋菜餃炸支竹（叫左兩碟，因爲索曬啲汁，超正）竹笙👌🏻豬大腸👌🏻牛丸埋單$879以後喺沙田又多一個選擇

話說有朋友仔話呢間好食， 特意有請本座到來試食火鍋就食得多，但係烤魚鍋香港又唔係常見，而呢間係以烤魚煲最拿手! 於是趁星期一幾隻腳搭去大圍一趟!可能係星期一，冇乜人，所以一去到就有位，地方都算清潔。店員有禮，不過有漏單要提醒兩次先上，呢點要留意食左D乜?原條魽魚唔食等於冇來過! 一上已經有好香的花椒味，魚亦唔簡單，先炸至香脆七成熟，湯一滾煮熟埋剩下三成 !麻而不大辣，魚味好出! 先炸後魚腥味完美地去了，淡水魚最大問題都俾佢完美解決了，勁!食雪花肥牛，未食一睇已經知唔係一般貨色，色澤同花紋都好平均，入口當然係半溶並且有甘香感覺啦! 和麻辣湯底真係好鬼夾，仲要係同魚湯! 廣島蠔蠔來講味道佢算唔錯，有鮮味。不過大家有眼所見，佢係上左五舊冰，所以要食就要俾D 耐性等佢溶，唔係就咁放落去出面熟晒裡面仲係舊雪!手打墨魚滑可能係主菜太出色，呢舊變得普通DD ，不過 OK 既，鐘意墨魚滑的朋友就叫啦!都唔係伏來的水蜜桃沙冰呢杯野幾好飲，而且水蜜桃味亦出到來，配住D 麻辣湯一啖冰一啖辣其方都幾爽! 滷豬肚   魚皮餃   炸魚皮   響鈴呢堆係標準火鍋配料，你懂的 >  ~ 冇又唔得，我地都係叫

之前去過荃灣分店食過, 宜家連大圍都開左分店, 今晚就相約朋友食左餐美味既烤魚火鍋~~係大圍火車站步行8分鐘左右就到餐廳, 入面有部分座位為卡位, 雖然座位唔算好寬敞, 但可接受...一入門口又唔會覺得好焗, 冷氣非常充足!!今次ORDER左條大既原條魽魚(HK$228), 選擇左"重慶麻辣"味, 呢度既辣分為大中小辣三個LEVEL, 我地就揀左中麻辣, 可能因為想就返香港人口味, 麻辣程度都唔會太辣...重慶麻辣湯底中除左魽魚之外, 仲有芽菜, 娃娃菜, 蘿白等既索湯配料, 非常入味~ 主食既魽魚本身已經預熟左8成, 上檯稍為再滾一下就已經食得! 麻辣味冇Cover魽魚本身既鮮甜味, 而且肉質滑而有點實, 食得出唔係死魚果隻煤質地...唔錯!!打邊爐點可以唔叫肥牛, Order左個"特級雪花肥牛(大) HK$98", 色澤鮮紅新鮮炸魚皮 (HK$30), 好香口, 就咁食就好脆, 亦可以放落湯底索左D汁,兩食, 正!!另一個索湯必食選擇有響鈴(HK$32)滷豬肚 (HK$38), 口感比較煙韌爽口, 唔會太硬, 不過滷水味唔太突出...手打墨魚滑 (HK$68), 分一小啖落去火鍋滾

早兩日本少爺想食辣野，隨從A話不如食雞煲，我屌！又係雞煲有冇d新意思！ A:有～不如食烤魚，食法同雞煲一樣不過由雞變烤魚。 好～就試下新野，唔好食炒左你黎食！估唔到呢種川菜會開係舊式屋邨，裝修都唔錯，仲有vip房，不過佢冇俾個vip房我好唔俾面主菜烤魚有魽魚同鯇魚揀，我今次就揀左魽魚～條魚係整得幾好，剛剛熟，但要快手d食，否則d肉滾多兩滾就老～至於個湯底係...麻而不辣，就算食到尾聲湯底煲左成個鐘個辣度先算得上剛好意外地好食既炸魚皮，好脆身而且冇油益味。呢個肥牛雖然同我食開果d頂級肥牛有距離，但價錢都有距離嘛，計性價比呢碟牛係值得推介的～起碼係好過d任食打邊爐既肥牛先仲有呢d~我特別推薦墨魚滑， 配麻辣湯底一流拿，整體味道就幾好啦，但佢呢個長方型盤既設計，底下個爐根本cover唔晒，淨係得中間位夠滾可以淥野食，d辣油又會因為咁浮晒去邊位，搞到d野食真係唔辣～呀A,我今次唔炒你但你同我寫份意見書俾鋪頭老細唔該

間餐廳唔算好就腳，大圍站出再行十分鐘左右，好彩依家天氣唔熱，加上有天橋一路過去，都唔會麻煩。第二印像係：原來係舊屋村下面既餐廳？！非常擔心會唔會變做茶餐廳風味架！好彩食完confirm完全無伏！涼拌川辣味魚皮 $68分量好多好足料，魚皮夠厚好有咬口，花生烘過微焦好香脆，青瓜絲非常新鮮，撈埋d汁食好惹味！雞絲冷麵 $46當個lunch食都得，冷麵質地幾好，爽口唔會痴埋一舊舊。雞絲肉好上面布滿芝麻，非常香口！招牌口水雞(例) $68仲有半隻同全隻揀，不過例牌既分量已經好多，俾左上庄，肉質細滑唔肥！雞下面放左青瓜塊，好爽口！紅油抄手 $38呢個係有失望既，紅油抄手個汁明明係有辣油加醋，食落酸酸辣辣既，佢竟然俾返口水雞個汁我....唔係唔好食，不過似俾人呃左。雲吞分量多，皮薄亦食到粒粒豬肉，有咬口！屋村鋪食到呢個質素的確唔錯，價錢亦唔貴。下次有機會行過都會再黎食！

突然興起想食烤魚，搜尋之下發覺沙田新開了川味雞煲烤魚大王，記得在荃灣頗有名氣，來到沙田開分店當然要食下！首先點選了口水雞，黎到見到辣油好多，嗅落好香好重麻味，食下當然無令我失望，雞肉嫩滑，麻勁之中還帶點辛辣。雞肉沾滿了麻辣醬汁，赲食赲過癮，胃口全開。黎到烤魚店，當然要叫條烤魚打邊爐，為左健康d ，叫左大條鯇魚配酸菜湯底，魚微微煎過，所以就算浸落湯底魚肉都唔會散開同埋可以保留魚既鮮味，黎到時不同的香料已經覆蓋（有酸菜、蘿蔔、豆腐，香菜等。）大半條魚，湯底酸酸的，非常開胃！魚皮烤得香脆，魚肉嫩滑，可惜周邊的位置火較少，鍋既2邊不易滾食完魚當然打下火鍋，點了本地手切肥牛，牛味香濃，入口即化！響鈴吸盡了湯底的精華，見響鈴大細不一，應該是店家自製，必食！勁辣牛丸，未食睇個樣已經知佢辣，咬落彈牙，辣味出眾但又唔會遮蓋牛味，正！手打墨魚滑非常彈牙，配合酸菜湯底味道更突出墨魚鮮甜味

呢條公共屋邨嘅商場陸續進行翻新工程，街市近馬路嗰邊開咗好多唔同形式嘅食肆，呢晚就試試川味雞烤魚大王。座位以四人以上為主，不過同同類型餐廳相比編排得唔算擠迫，但如果同行嘅人數少嘅話就要同其他人搭檯。佢哋除有烤魚同雞煲外，仲有其他湯底嘅火鍋，以及川式小食如口水雞、涼拌青瓜等等。我哋係為烤魚而來，晌重慶麻辣烤魚、泡椒酸辣烤魚、剁指天椒烤魚、酸菜烤魚之中周旋。最後試咗泡椒酸辣烤原條魽魚，雖然平時都算食得辣，不過呢次想食得輕鬆啲，所以就揀咗小辣。等咗陣店員就拎咗呢盤份量十足嘅烤魚嚟，原條魽魚開邊浸晌奶白色嘅湯中，並鋪滿泡椒、辣椒、酸菜、芫茜、唐芹、京蔥、蘿蔔、大豆芽同紹菜等等，配料大多數都係可食用蔬菜，比例亦唔少。等啲湯煮滾就食得，途中要不時用匙羹將熱湯淋晌魚身上。魚皮食落有烤過嘅焦香，肉質滑溜，湯嘅味道微酸微辣帶甜香，仲會愈煮愈濃郁，不過飲完都無乜口渴嘅感覺。分別輕輕一咬呈青黃色嘅泡椒同比較矮小嘅辣椒，強勁嘅辣度即時晌口腔四散，建議唔太食得辣嘅人士要小心。我哋另外加咗啲火鍋料試試，黑毛豬肉片，鬆化而唔太癡牙。紫洋蔥，可以令個湯底更甜。爆沙豬皮，爽口無異味，仲吸滿湯汁精華。食物講唔不上非常出眾，

無諗過係屋村嘅鋪頭都有呢一種嘅味道呢間鋪頭好似係旺角先至會存在嗰啲。有好好味嘅雞煲同埋好好味嘅小食當然佢個名係叫烤魚啦，不過我男朋友唔係好好烤魚，所以就叫左雞煲啦今次我地。我其實未見過啲爐可以咁樣融入喺張枱度。呢個設計都幾方便。而且一張六人嘅枱有兩個爐都幾貼心！ 雞煲烤魚嘅鋪頭嚟講，佢嘅menu算係幾多嘢揀！ 無論係肉，海鮮，菜既item，佢都有好多選擇。 佢既雞煲係用瓦煲上，份量都幾大，而且用瓦煲上有好經典嘅感覺。雞煲係正常既半隻$148，兩個人食半隻差唔多啦，因為有唔少洋蔥，所以個湯底都幾甜。我地叫左中辣，辣度剛好，唔會太heavy，又夠過癮！我哋分別叫咗響鈴同埋墨魚滑。墨魚滑基本上係我每一次去食雞煲都會叫嘅火鍋材料。一間鋪頭嘅墨魚滑好唔好，完全反應曬佢間鋪頭其他食物夠唔夠鮮。真心覺得呢個墨魚滑好好食！佢唔係淨係得個魚膠，入面仲有一啲質地幾爽嘅墨魚肉。食落去好有口感，而且好香墨魚味 另外因爲我真係菇嘅fans, 所以叫咗個雜菇拼盤。 有金菇，冬菇，秀珍菇同雞髀菇。菇類都算幾多，而且好新鮮！全部都好甜！ 最鍾意雞煲放菇係因為菇可以吸哂雞煲入面嗰啲精華既麻辣味道！ 另外叫咗呢個豬腩肉

住左大圍好多年，附近既食肆都同老公食過，今日食新野先，呢間烤魚開左無耐，平時經過見到都坐滿人，等左一陣就有位，一入去果陣辣味好香呀，正！啱晒無辣不歡既我呀。茴香雞翼 （4隻）$28推介，即叫即炸，熱騰騰，好香口，下次要叫8隻先夠招牌口水雞（例牌）（中辣）$68我好鍾意食口水雞，雞肉好滑，花生好脆好食，仲有青瓜都入味。涼拌粉皮 （大辣）$48麻辣醬伴粉皮，雲耳，粉皮好滑好大碟，抵食。紅油抄手（BB辣）$38叫左BB辣，真係唔算好辣，唔食得辣既朋友應該可以接受到。涼拌川辣味魚皮（中辣）$68 店長推介這個小食，比較多人點，第一次食涼拌魚皮，原來魚皮係咁爽脆架，口感好特別值得一試，出面好少食到呢味魚皮。重慶麻辣烤魚小半條鯇魚（中辣）$172 我同老公都鍾意食辣，叫個重慶麻辣烤魚小半條鯇魚（中辣）先，嘩原來小半條都好大條呀，成個盤咁大條，條魚好新鮮，味道好麻辣好香呀，仲有好多配菜有蘿白、薯仔、酸菜，芽菜、真係好好味呀，我地食晒成盤。手切安格斯肥牛粒 $98半肥瘦牛肉粒，好正，加入去麻辣湯底滾滾下真係好好味呀，推介推介。店員服務好好，有卡位坐得又舒服，估唔到屋邨都有咁好味既烤魚食，食到好飽足，下

朋友話係大圍屋村有間隱世食麻辣的食店，對辣不嬲喜歡，所以約左朋友去試下。位置唔算好遠，港鐵站行過去大約10分鐘到。閒日都好多人等位，等左約10分鐘。我地兩個人，點左以下食物：重慶麻辣烤魚小半條鯇魚（中辣）$172 有得揀（BB辣/中辣/大辣/唔辣（即酸菜））都好大條，其實唔覺係小半條，感覺上新鮮同麻辣既味好夠，連配菜都好好味。招牌口水雞例牌（中辣）$68 雞好入味，辣度適中，青瓜墊底有驚喜，d青瓜都好入味。手切安格斯肥牛粒 $98 牛味好重，係麻辣湯底下d味更出。涼拌粉皮 （大辣）$48 呢個大辣好夠辣，平時食開用麻醬食粉皮，用麻辣食別有風味。茴味雞翼4隻 $28 外皮脆，內有肉汁。好味紅油抄手（BB辣）$38 專登試左個bb辣，諗住可以下次同不適合食辣的人黎試。唔算好辣，但好香同有好有麻味，唔食得辣的人可接受。涼拌川辣味魚皮（中辣）$68 脆，特別的魚皮食法，我第一次試魚皮食落口卜卜聲，好特別。值得一試。份量得好夠，因為太飽有d食唔晒呢。

好耐冇寫食評，但為左呢間川味雞我決定要用十分鐘打幾隻字😄兩年前 佢仲係河畔區個時 已經成日去食宵夜 好鍾意食佢既肚絲 豬耳 青瓜 當然仲有烤魚！😍每樣都好令人回味 點知佢兩年前無聲無息結束左 我就一直好懷念 （但又懶得去荃灣食），兩年後老闆娘仍然保持到食物質素，水準。最喜歡係親切感 ！今晚食左茴香雞翼 ，不過落少左辣粉所以感覺爭d 😜但即叫即整熱辣辣最好味！仲有嗌左泡椒鳳爪 辣度剛剛好 好刺激味蕾！👍🏻 最後出場有重慶麻辣烤魚 今次嗌左小辣 ，條魽魚（唔知有冇寫錯魚名😅）焗完後魚皮好香口 ，平時唔鍾意食魚皮都覺得讚😁 魚好滑👍🏻 因為得兩個人食，嗌左個枝竹同雜菇拼盤做配料，不過不失啦😂 但湯底略嫌唔夠麻呀😅依家擴大左要收加一喇.. 所以貴左 🙄 不過我一定會再黎食架 祝老闆生意愈做愈旺！🎊