川味雞烤魚大王 (隆亨商場) (已結業)

最近烤魚備受歡迎，於是就係Openrice 搵到呢間多人好評既「川味雞烤魚大王」啦🙆‍♀️位於大圍隆亨街市地鋪既「川味雞烤魚大王」，位置雖然吾難搵到，但由大圍火車站開始出發，都要行10-15分鐘呢。Menu 大致分為烤魚類，雞煲類同小菜類。烤魚方面，分為沙巴龍躉，鯇魚，海鱸魚同魽魚。 原本想揀魽魚，但可惜當日冇貨，唯有選左鯇魚（小半條， $188)😢湯底方面，有重慶麻辣，泡椒，剁椒同酸菜。 而我地就揀左泡椒，酸酸辣辣一定好開胃🤣配菜方面，分為鮮肉類，海鮮類，肉丸類，餃類，蔬菜類同雜項。我地就揀左：手包粟米餃 $38闊薯粉 $22炸支竹 $32等左一陣，鯇魚就上枱啦😍 乳白般既魚湯，上面放住大大條半熟鯇魚，湯底有好多配菜，如酸菜，蘿蔔，豆芽等。再過多一陣，魚湯開始滾起，烤魚愈黎愈香🥰魚肉結實，入口嫩滑，好正👍一碟粟米餃有成八粒，仲要係人手包既。外皮薄而內裡餡料好足，咬落去啖啖肉，粒粒粟米添加口感呢。極力推薦炸支竹❗️炸支竹吸收哂魚湯既精華，鹹中帶微酸又帶點辣，好惹味又好juicy😍厚切闊薯粉，煙韌彈牙，亦能掛到湯汁，好好味🥰另外，再加多杯椰子沙冰 $26超濃郁椰子味沙冰，配合呢個泡椒烤魚，一

以前成日去禾輋食烤魚, 點知食到店舖都執埋, 原來屋企附近都有一間烤魚 - 川味雞烤魚大王!店內整潔乾淨~原條魽魚 (大) - 要了麻辣湯底, 可以選BB辣味, 怕辣的朋友可以試試, 開頭完全唔辣, 但好香, 好多辣椒同花椒, 食到最尾尾先有D辣~湯底已有娃娃菜、蓮藕、白蘿蔔、芽菜、酸菜魽魚烤得皮脆肉滑, 皮好香好脆, 肉厚, 已開邊切開, 放係湯內好入味!黑毛豬腩肉片 - 大碟, 真係好肥美! $48碟出去買都未必有甘多!幼薯粉 - 最岩用黎食烤魚, 吸收曬麻辣味, 又香又唔辣, 仲幾QQ~2個人食唔駛$200/位, 唔錯唔錯!可以再ENCORE!

今日係情人節冇情人嘅人都要食飯㗎我同frd子就求其揀左間餐廳食啦因為我從來都冇試過食燒魚今日特登黎試吓Menu都係一開始揀咗個煲先之後就會再揀配菜我哋叫咗條酸菜沅魚等左大約七至八個字左右條魚終於到啦其實我好少食淡水魚但係呢條魚一放低超香噴噴因為廚房已經一早幫你煎到佢熟加埋佢啲酸菜嘅湯浸住煲一陣就可以食啦烏冬都好大碟下老闆以為係我哋叫嘅但其實我哋冇叫過最後搞清楚就攞走左啦叫咗個小食涼拌海帶小辣呢個涼拌海帶都好好食因為佢嘅麻辣味好正辣味又唔算太強烈但製作需時所以如果想食都要早啲叫仲叫咗一份午餐肉食我哋仲叫咗一人一個嘢飲加埋都唔使$200一個人

呢段日子除了新年賀品外，還有很多手信！ 今日跟朋友找了一間特色雞煲，位於大圍的隆亨商場！ 環境乾淨，藥膳雞煲 HKD 168 遞上來後重重藥膳味道香溢四射。有己子、圓肉、紅棗、黨心等。湯滾起後把全盤雞放進去。 老闆精心挑選雞隻又經過特別處理所以肉質嫩口，即使煲了一段時間！！ 香濃黑松露餃 HKD 48 共有5隻，每隻都包的盤滿缽滿一樣，脹卜卜的。 黑松露很容易找拍擋，而今次混入豬肉內更突出其味道。豬肉脂肪比例剛好，沒有渣。生菜 HKD 28 菜選擇有幾種但也很快賣掉。 幸好我們早點了一份，半小時候多後己賣完了！ 生菜份量大大份又翠綠，夠新鮮 闊薯粉 HKD 22 平時多吃己煮熟的薯粉😅 今日自己煮可以調節時間以滿足口感。 喜愛煙煙韌韌 山根 HKD 16還未落其他餸前，可先放山根，吸盡湯底精華。 仲有全新菜單推出 👍🏻👍🏻👍🏻

川味雞烤魚大王之前經常係荃灣店食，已經係好多次嘅回頭客！今次經過大圍原來有分店！即刻試試keep唔keep到水準先！原條魽魚（大）$228因為唔食辣，所以叫左酸菜湯底。非常喜歡哩度嘅湯底，係白白地色嘅魚湯，而且唔會太酸，怕酸的話亦可以先夾走部分酸菜，未開始打邊爐就要先飲一碗！而且湯底已有少量娃娃菜、白蘿蔔、芽菜和百福豆腐！魽魚皮烤得香脆，有孜然香味，魚肉非常嫩滑！好想可以自己食曬成條！特級雪花肥牛（大）$128份量合理，色澤紅潤、新鮮，而且食落有牛味！唔係cheap貨。新鮮雜菇 $36這碟雜菇包括了雞脾菇、冬菇及金菇，份量充足，樣樣新鮮，尤其雞脾菇特別鮮味。整碟而言份量足夠三至四人分享。另外，值得一讚的是，這家店環境寬敞，光線充足，店面的廚房亦眼見衛生；更重要的是我們全程用餐時，店員都禮貌友善，小至加湯、加單等都會主動幫忙，工作效率高，上菜速度亦很快。Menu:

去完大圍同事屋企探b，知道我鐘意食酸菜魚嘅佢熱情招待我到佢附近餐廳食，話我一定會鐘意！酸菜烤魚我地揀左海鱸魚，上菜非常大條，魚肉好嫩肉仲無咩刺，滑得黎肉質又唔會糊爛。湯底除左帶住魚嘅鮮味外，仲有一種獨特嘅焦香味和濃郁的醬香味，回味無窮！藥膳雞煲雞煲用咗多款藥材如紅棗、黨參等，雞件好滑嫩厚肉，湯底同雞肉都帶有強烈香氣，但有不減少肉香味，暖身又暖胃！我地仲嗌咗蓮藕、油麥菜、竹笙同雜菇，清清地之餘仲吸收晒藥膳湯嘅精華！☺份量大碟且價錢唔貴，下次有機會一定要再encore~~

因為住大圍站附近，當然揀大圍店啦，大圍火車站行去大約7至10分鐘，幫襯過接近10次左右，今次係同老婆兩個人黎，提早幾日訂左枱，今次6點半準時去到可以坐到個4人卡位，好舒服正呀！今次仍然保持水準，份量好足，今次都係食大魽魚小辣，除左魚之外，配菜有酸菜，大豆牙，蘿蔔，薯仔，仲有當辣椒啦，個人揀小辣覺得最適合，就算加左火鍋湯後亦然好夠味，然係加左黑豚肉超正，餃類都係必叫之選，白菜餃，西洋菜餃好味，手打蝦滑好新鮮好食，蟹棒，油麥菜，最好再加埋個烏冬結尾，烏冬掛住曬辣湯，真係正正正!好快又會再黎過架喇，😋😋😋😋😋

今晚過開去大圍做野，放工就順便約個朋友係果邊食飯。做野做夜左，朋友就提議可以渣車去隆亨果邊食火鍋或者烤魚。哈哈，有人諗埋食咩，我緊係話好丫無問題！去到泊好車，因為唔熟路，都搵左一陣先搵到間野。坐好之後，我突然間唔係好想食烤魚食到出晒汗，所以最後選擇左打邊爐，打邊爐永遠都無問題😂地方幾企理，起碼坐得舒舒服服，又可以睇到電視，電視精表示滿意🤣椰子雞煲半隻：第一次食雞煲，啲雞係同個煲分開上，幾得意。啲雞幾新鮮。黑毛豬肉片：好有豬肉味，無雪味，肥瘦岩岩好，啲紋理都靚墨魚滑拼蝦滑：2隻滑都好好食，好彈牙。牛百葉：份量唔算少，食落好爽口，好吸味。正！手包白菜餃：人手包，好足料。好味😋竹笙：個人打邊爐必備，吸晒湯嘅精華！西洋菜：好細心，張啲菜切開一半，方便打方爐，又方便食果陣唔洗咁麻煩。讚崎烏冬：個湯正，最後食呢個所以一定正！Zero x 2:火鍋良伴🤣可能因為引街市關係(一定係，除非唔係)，所以所有野都好新鮮！簡簡單單都已經好好味！

第一次食烤魚，就貢獻左卑 川味雞烤魚大王。 友人住附近，經常幫襯烤魚大王，聲稱不論雞煲定烤魚，通通都好味又抵食。 今日終於有機會嚐試到。烤魚都有分唔同size，不同價錢，更分三種不同種類辣味。 我地order 剁椒烤魚-原條鉗魚(小)-中辣($208)，分量足夠兩份用，滿滿辣椒鋪在魚上，好正，烤魚盤內配有配料，有酸菜、白蘿蔔、豆芽等，好吸味，辣到好正！我地另外叫左闊薯粉($22)及皇帝菜($28)，呢兩款同辣味火鍋永遠都係最佳拍檔，吸味又好味。仲叫左個小食-涼拌皮蛋($32)見到openrice好多人叫沙冰，雖然餐牌唔見有，都即刻問店員，可以就咁叫👏🏻👏🏻。 叫左杯椰子沙冰($26)，味道fresh，又可以解解辣。

窮遊香港-初試椰子雞煲.平時食得太多重口味野轉行食清d健康d所以竟然唔叫麻辣 叫左椰子雞.初試⭐️半隻椰子雞（$188） 諗住好淡咩味都冇點知 👍🏻食落感覺係椰香味重👍🏻帶清甜感覺 仲有極小既中藥味 唔錯（厚椰肉既海底椰 紅棗 杞子 桂圓）😍桂圓咬落甜甜地 有小小蜜糖味比我一粒一粒咁搵出黎食哂.👍🏻店員主動話水滾 會幫我地煮雞👍🏻同埋幫我地煮埋 坐定定等食就得 加分.👍🏻岩岩煮好既雞勁滑 帶有椰甜味‼️最好拎起哂d雞先‼️如果唔係會煮到好老 唔好食我就一啖滑雞 一啖湯（湯我飲左幾碗😂）食完再叫火鍋料（菜單睇圖）.火鍋料 比較特別既有 黑松露餃子勁重黑松露味～會爆黑松露汁但小心煮太耐 煮爆隻餃即使爆左 都好重味...鐘意黑松露可以叫呢個.之後都搵下邊到有好味椰子雞試試先😂.#川味雞烤魚大王（大圍）地址：大圍田心街1號隆亨商場地下隆亨街市H86號舖.⭐️評分：味道：4/5 旁邊個呀姐係咁話麻辣好食...好過份環境：4/5服務：4.5/5 幫你煮到岩岩好滑雞衛生：4/5抵食：4/5

剁椒烤魚好好味，酸辣適中，啱哂我同老公撐枱腳，連續兩晚都來，之前食開大陸的探魚和其他烤魚，味道感覺不錯但不及呢道，而家不需要上大陸，亦可以同家人或朋友來大圍吃烤魚

陪完朋友隻狗狗去睇獸醫 太陽都落左山 愈黎愈大風🥶 朋友提議食d熱野可以暖笠笠 話附近有間烤魚幾唔錯 可以一戰我地叫左個魚甘魚 又真係唔錯喎🥰魚肉鮮嫩多汁 而且好爽口彈牙 湯汁簡咗麻辣(小辣)怕辣嘅人都可以試下 惹味得嚟又唔係話好辣 辣度同譚仔5小差唔多之後嗌多個雞湯烏冬 個湯十分之鮮甜 勁有雞味！我地試下將佢擺落個烤魚到浸嚟食 d烏冬吸哂d湯汁 無得彈呀 之前間唔中會返深圳食探魚、爐魚(嗰啲烤魚專門店) 不過 以後都唔洗luuuu😚😚

兩個人食， 本身諗住食雞煲， 但係又驚會太飽， 所以都係叫餸。選擇都幾多。 全部都係叫左小辣， 因為朋友唔食得太辣。 小辣唔太辣， 下次可以叫辣啲。夫妻肺片份量有啲小， 啲牛展同牛肚都夠爽，有口感。涼拌青瓜 都夠爽， 但係可以再涼啲同香少少。口水雞 半隻。我本身都鐘意食雞，驚例牌得幾舊， 所以叫左半隻。 份量都唔少。 最後食唔曬，打包。啲雞肉質幾好。唔會太淋。 啲花生好香，好夠味雞湯薯粉 比較少見， 通常薯粉都係麻辣架嗎。 啲薯粉都幾好。 想食辣可以加埋啲口水雞汁同夫妻肺片汁。 都有平時麻辣薯粉效果。涼拌皮蛋， 皮蛋都算多， 而且有2款唔同。 幾好。

一去到明明未坐滿客，都被安排一齊坐，呀姐態度勁差！明明有位都大條道理講到好似坐滿人咁 本身都中意去食下魚，以後唔使指意再幫襯今日食左川味錦繡口水撈米線$58米線過熟，一夾就斷川味錦繡有豬耳，牛展，青瓜份量唔算抵食 味道一般 偏淡

本身以為烤魚同埋米線係兩間鋪頭，行入咪線鋪比人問我係唔係 Walk In 都係第一次 😓個侍應話晚市無套餐，諗住都行左過黎就試吓啦，老實講味道唔係好差，但性價比真係嚇人。個麻辣手撕雞 $78 ，細碟到一個點.... 仲有得個麻字，個辣呢！？我叫左個雞湯紅薯粉就正常啦，友人叫左個涼拌粉皮，$48 同樣好細份，最驚嘅係個粉皮係浸喺一碟同麻辣手撕雞嘅汁入面，what!? (黑人問號）兩個人埋單 $186，又唔好食，個老闆態度又差，一定唔會返黎囉。