川味雞烤魚大王 (隆亨商場) (已結業)

想食烤魚，上網發現大圍有即晚去試，星期六夜晚8點幾可能兩間鋪關係不用等位非常好！椰子沙冰好味有揶香，雞煲惹味夠滑，烤魚有幾款魚選擇今次選了魽魚，湯底有4款選擇今次選了酸菜湯底，有很多配料可選但今次三人叫了一雞煲一烤魚配料要留待下次多人才可叫

地理位置：餐廳距離地鐵站行15分鐘，可另選搭巴士餐廳環境：乾淨企理，座位寬敞，桌上有紙巾提供 ，抽風系統有進步空間食物質素：牛柏葉新鮮，所點選食物的份量亦足夠，推介簡選酸菜魚，少酸菜，因個人認為酸菜煲得耐會更味濃，另炸魚皮配合酸菜湯底是一個不錯的選擇，建議必選鬆化魚皮作配菜。雖然安格斯牛肉偏肥，但口感也不錯，菜式價錢合理👍🏻服務態度：員工熱情，主動協助顧客烹調烤魚你們亦搵個時間去食個烤魚火鍋吧❤️

本身約左朋友黎食烤魚，點菜時見到有重慶麻辣雞煲，於是最後就叫左雞煲，唔食烤魚。我地叫左一個重慶麻辣要微辣，全隻$218，份量足，雞件啖啖肉，煲入面仲有好多蔥頭同青椒，個汁好濃，幾惹味，朋友仲叫左個白飯添。另外我地叫左幾樣配料，分別係闊薯粉($22)、豬潤/粉腸(雙拼)$58同埋新鮮雜菇$36，當然唔少得要叫罐可樂啦。通常食完雞煲之後會加湯打邊爐，但朋友話一路食雞煲唔加湯打邊爐會入味啲，於是食到一半，我地就將啲雜菇、豬潤同粉腸放晒落雞煲到，果然啲配料真係好入味，而且豬潤同粉腸都唔鯹，口感唔錯，食晒所有野之後，最後就落埋闊薯粉，呢個係必叫，薯粉煮到透，吸收晒全部既精華，麻辣汁掛住喺薯粉上面，好惹味。我地兩個人都食到好飽，每人都係大約二百蚊左右。

咁啱今日去咗隆亨邨探朋友，諗住係附近食埋飯先走🤨 我想打邊爐，友人就帶咗我去呢間食重慶菜本身都驚驚地😅 因為我唔食得辣！但佢話有唔辣，所以就試吓啦😬 入到去氣氛好熱鬧，老闆同街坊一路傾計一路食☺️ 人情味好濃老闆同店員好熱情咁推介俾我哋😆我就揀咗椰子雞煲等佢滾左之後，就落咗半隻雞落去！在水滾就食得👍🏻首先梗係飲番碗湯先喇😋 超級鮮甜！跟住試啲雞好滑嫩‼️食晒啲雞之後先開始食其他嘢！冬瓜索哂啲湯好正😉安格斯肥牛好滑好有牛味，好食到唔記得相機食先😂 娃娃菜好新鮮份量好足、炸魚皮好香脆！慢慢食食足兩粒幾鐘好滿足下次絕對會encore‼️

早幾年住荃灣個個星期都去食一次搬走咗之後都真係冇乜機會去今日又去大圍做野即刻約定朋友收工去食呢度唔算近大圍站但行過去都唔遠呢間地方大過荃灣開頭我地早去7點半去到人唔算多但過咗8點就愈嚟愈多人9點直情坐滿人所以想食真係要早啲到啊呢個皮蛋係我每次都必點😍個汁真係正到冇得頂口水雞都係咁好味🥰嚟得烤魚大王一定要食烤魚啦😍我地今次揀魽魚平時我會揀沙巴龍躉但今日冇貨😣不過魽魚一樣好滑烤到個皮脆脆再放入麻辣湯滾一滾入曬味🤩🤩食辣野緊係配返支大啤啤啤去！爽啊😋

好想食烤魚，所以SEARCH OPENRICESEARCH到大圍有哩間烤魚店就黎試下～大圍火車站行十分鐘到就到左喇～都算幾方便！餐廳環境雖小，但唔會太逼，我覺得都幾舒服！我地嗌左個烤鱸魚- 泡椒味 $238 兩個人食，份量岩岩好，鱸魚食落唔多骨，啖啖肉本身鍋底已經有蘿蔔同埋蓮偶，芽菜，娃娃菜等配料，份量十足！另外我仲嗌左個溏心皮旦，一望落去，都有好多件！我覺得皮旦同個烤魚辣汁都幾夾！我另外再追加左一個闊薯粉，薯粉煮熟左之後索哂D辣汁，超級入味我地兩個人食，都已經飽住出門口，下次會試埋個雞煲！因為我見都有好多口味選擇！

傳說大圍出名食雞煲， 今次特別和朋友慕名而來！這間店距離大圍港鐵站約15分鐘路程， 位於田心街比較冷清的一角。 今日是閒日，店舖人流也不算多。由於朋友不太吃辣 ，這次點了個麻辣小辣雞煲， 對於我這種吃辣的人來說，小辣基本上和無辣差不多。我們點了一隻雞， 份量十分充足， 本身雞煲的醬汁非常濃烈， 所以每一啖雞也非常惹味。食雞煲的規矩， 食完雞之後加湯打邊爐。 我們點了一些火鍋例牌菜式， 如肥牛，炸響鈴，餃子等等。基本上火鍋配料非常正路。 特別欣賞安格斯肥牛， 口感幼滑，肥瘦均稱， 牛味十足。價錢大約每人幾百元， 可是我和朋友在這裏待了足足三小時， 計番時間其實幾抵。

今日同條菜同埋老母三個人食地方闊落乾淨坐得又舒服叫咗個海鱸魚最開心就係有沙冰咁就叫咗個益力多沙冰同水蜜桃沙冰咁我老母就叫咗杯金橘檸檬豆粕索晒啲辣汁，食完之後爽到你飛天啲雞肉實而不銀，同埋有得變辣汁啲肥油都有好多快金菇朔晒啲汁之後先甜可口蘿蔔碌極都唔會難仲要有埋啤酒飲添價錢都好平民化唔會湯到你一頸血抵食抵食一班朋友食有得一家人食有得同事食又得叫咗金菇同埋竹笙睇落都好新鮮個雞煲好香啲肉好靚碗碗碟碟都好乾淨過爐都好勁唔駛1分鐘就滾老細又好靚仔仲要有埋牙籤提供添室內裝修啲相都幾近下，啲款都好靚同埋坐嘅位都唔係太迫叫咗中辣不過都不算太啦同埋佢有三個優惠Facebook就有小小折大眾點評就勁多折OpenRice有神秘優惠添如果有電話嘅話可以唔需要用餐牌就咁數個Qr code就睇到「烤魚」味道鮮甜可口食材新鮮服務態度良好種類款式多飲品多元化老少咸宜地方歡堂裝修別緻提供室外吸煙下次一定必試又有電視睇又有冷氣嘆

在店門口已聞到陣陣麻辣味，口水都要流出來， 令人非常期待叫得川味雞烤魚，當然以雞煲同烤魚為主菜，烤魚有鯇魚、龍躉、海鱸魚同魽魚四款，再選味道（麻辣/泡椒酸辣/剁椒/唔辣既酸菜）至於雞都有幾款味揀，亦有淨邊爐湯底， 任均選擇今晚朋友仔唔食辣，好魚既我地當然食烤魚，點左半條鯇魚，再加配菜，配菜選擇都唔少，打邊爐最大路既餸都一應俱全，仲有少見既新鮮魚卜（以魚為主打既店果然有魚卜）至於菜類選擇亦多，連萵筍都有 （其他店好少見）， 真係好岩鍾意食比較另類餸菜既朋友除左打邊爐配菜，仲有啲涼拌小食花多眼亂，樣樣都想食但唔想浪費既情況下我地點左酸菜小半條鯇魚、黑毛豬腩肉、皇帝菜、濶薯粉唔係好大食既，小半鯇魚其實都好夠二人食，仲可以食多啲其他餸，條魚煎到脆，再放入奶白色既酸菜湯，一上枱就好想食，但湯未夠熱，稍為煮一煮更好酸菜湯內既配菜有酸甜菜、黃牙白、牙菜、蘿蔔、豆腐，好足料，條鯇魚皮香肉好滑，好有鯇魚味，非常新鮮，但鯇魚畢竟多幼骨，食魚飲湯時都要分外留神，唔識食魚既可能點其他少骨魚較好黑毛豬腩片用酸菜湯煮過，味道非常夾，雖然未熟時見幾多肥肉，但煮完又唔肥膩喎，好好味澱粉質有好多選擇，濶薯粉正🤤煮到透，

沒有太大飯隱的我，有時喜愛撈麵，鍾意加幾多餸都可以。 記起大圍的《川味雞烤魚》下午時段也有便過去了！價錢很抵食，只係由 HKD 6 到 HKD 12 而已。仲而且很多款色選擇！ 今日點了撈米線、重慶麻辣湯（BB辣）、生菜、火焰芝心丸、午餐肉 BB 辣是最少，只用來提提味。麵軟硬度適中，麵、餸份量也是滿滿！ 除外，還有滋味小食 — 茴香雞翼，有4隻 （HKD 28) ，味道炸得金黃色脆，添加了茴香調味料更帶出來。 雞肉熟到剛好，沒有血水。 晚上有雞煲、有烤魚... 😎吃完後又經粉紅橋回火車站，非常方便並不難找。 熱辣辣的天氣點了益力多沙冰HKD 26 ，夠凍之如冰粒也打同size，不會滿口都是。最緊可解辣又解渴！

大圍雞圍食黎食去都係海福果邊,冬天就ok,夏天就真係熱到嘔。今次搵到間行遠少少既川味雞,起碼坐得舒適,又有冷氣,成間鋪抽氣都唔差,食完成件衫都冇乜味。招牌就一定係叫雞,因為驚愈食愈辣,所以叫左少辣,2個人叫半份就夠。麻辣岩岩好,唔會愈食愈苦,雞肉充滿左d汁醬好入味肥牛一碟,厚身有牛味,2人食就係好似太多叫左油麥菜,菜就新鮮,洗得乾淨,蘿白厚度適中,掉左個煲度唔洗煲好耐都食得平時食雞煲要飲好多好多水,呢間又唔需要wo,就咁叫左支烏龍茶就夠,睇黎味精應該好少,值得再去多幾次

小店估唔到裝修都唔錯，都係有啲心思周圍都有竹！地點係比地鐵站有點遠，但都好容易搵！———-花雕醉雞煲—-半隻雞（$168）一嚟到就好香既花雕酒味！個湯底等佢滾左之後，先將成個雞放晒落去湯底入邊！再蓋上等去滾！佢嘅湯底本身都有啲淮山紅棗， 似係藥膳雞煲湯底，都唔錯㗎！———-雞湯米線（$18）湯底好有雞湯味！米線嘅質地都唔錯！彈牙容易入口！仲有啲酸菜配菜！抵食！我發現，瞬佢雞煲既湯底加呢個米線食！係一流！好正！

平時打邊爐同雞煲就食得多，今次嚟到大圍除咗食雞煲之外仲有埋烤魚呢！其實出街多數都係食魚生，好少叫魚食，所以都怕唔啱口味。好彩今次同行嘅朋友食開，我哋今晚點嘅係酸菜烤魚，雖然餐牌寫係小半條鯇魚，但係份量都唔細㗎！魚骨都算多，但係好易撩出嚟，就算平時好少食魚嘅我都無難度呢至於雞煲我哋揀咗全隻藥膳雞煲，唔會好重嘅味道，入口啱啱好！我哋仲叫咗好多材料㗎，唔少得娃娃菜、枝竹同埋響鈴，不過太肚餓啦都冇影到，之後嚟食再影過！

今晚同老友去左村口搵食，呢間食過幾次，味道同氣氛都唔錯的。屋村餐廳來説，係企企理理的。大家注意，烤魚係必食的，真心推介要試一試。烤魚可以揀麻辣、酸辣、剁椒同酸菜，頭三款都係辣的，怕辣人士可選酸菜味。芸芸眾汁之中，我還是最愛麻辣，因為夠曬香吖！order 紙仲有其他火鍋配料可以同條魚一齊烚吓烚吓，種類尚算齊全，應有都有。烤魽魚- 麻辣味$208條魚係即烤架，叫左細條，但其實 size 都唔細。等待麻辣汁滾起之時，真係超難受又享受因為真係越香越餓呀！等食時間，唯有影多幾張靚相。除左魚，仲有好多蔬菜、蓮藕、荳芽等等，配料多多。夠多辣椒辣子，好香。魚皮同埋魚皮上的魚油烤得好香，魚肉就夠曬滑，配埋辣汁食，真係超正。黑毛豬肉片$48我地仲 order 左豬肉片，一客有成十幾片，五十蚊有找。唔算好滑，但幾有豬味，啖啖肉，絕對對得起個價錢。新鮮豬紅 $26豬紅廿幾蚊，又係一大盤，麻辣豬紅。街坊價，好抵食。手打烏冬 $18很大個的讚崎烏冬，食落彈牙又滑嘟嘟。烏冬放入辣湯內好索汁，而且大份夠飽肚，十分和味。芒果沙冰$26多到滿瀉，係杯的 double 份量，cp 超高。濃芒果味，甜度亦適中，食麻辣都可以飲

第一次食烤魚就嚟咗這間大圍的川味烤雞。地鐵站行過嚟唔係太遠大概廿分鐘。啱啱適合鍾意走路嘅我同舅父。舅父話這間餐廳不錯不論雞煲或者烤魚通通都好味又抵食。我自己比較欣賞是他們的 秘製麻辣豬耳，秘製麻辣木耳。兩張非常有口感而且仲有酸菜蘿蔔豆話配搭。辣得好正。加埋她們嘅凍飲簡直係最佳拍檔野味又好味。我自己另外叫咗杯沙冰雖然係比較凍但係配合食辣嘢係非常好。整體感覺唔錯。最緊要裏邊嘅食物係衛生而且環境舒服。令我覺得好好嘅feel😊