川味雞烤魚大王 (隆亨商場) (已結業)

心癢癢想食烤魚，老友話佢屋企附近有間好得的，一於慕名去試試。主打有烤魚同雞煲，價格如下。一心諗住食辣魚，一於叫條大魽魚+麻辣底。燒魚準備需時，落左先再慢慢度吓要加咩配料。有肉有海鮮有菜有餃有丸，款式都算齊備。除左火鍋配料，仲有頭盤小食可以選擇。麻辣魽魚（大）$228等十零分鐘，烤魽魚上場，麻辣湯底真的超香。魚皮煎過，韌韌地好好味。而魚肉部分是比較厚肉，鮮嫰。魽魚主要得一條主幹，其餘的碎骨不多，初食者都唔怕梗到架除左魚，湯底都幾多配菜，有蘿蔔同娃娃菜等。越煮越辣，越辣越愛。蒙古羊肉片 $68有羊味得來唔會太羶，大片之餘紅白分明。用烤魚麻辣汁煮羊肉片，都真係絕配，食到滿足感，正呀！墨魚嘴丸 $44係咪嘴就唔肯定，不過堅係真材實料。食到有墨魚粒，爽口。四十幾蚊有成八粒，街邊督魚蛋都要呢個價。容我說句「物超所值」。健力士黑啤 $20食得高興要啤一啤，當然要揀返我近期最愛的男人啤，廿皮一罐，ok 啦！坐位尚算舒適，有圓枱，有卡位。唯獨冷氣略為弱左少少，食辣最緊要夠凍麻

今日又心血來潮想再黎食尼間位於大圍的「川味雞烤魚大王」。之前食過好好味，今次就再黎食。黎到尼到緊係要叫最出名既烤魚。我地今次叫麻辣烤魚中辣：小半條烷魚。上次叫左小辣唔夠辣。所以要升級叫個中辣。同埋佢既小半條魚都好大條。夠晒兩個人食。我地仲要左三樣配料：烤響鈴，午餐肉，皇帝菜。首先，炸響鈴係必點。尼間既炸響鈴係即烤既。另外炸響鈴放落麻辣魚既濃濃湯底到滾幾滾，索晒湯底既汁。咬落去脆脆林林的，湯汁從響鈴中浸到口中，so hot，so spicy !!!👄👄正呀！絕配！另外，午餐肉就無咩特別啦，普通。係因為我老公鍾意食所以必點姐。佢餐餐打邊爐都要食午餐肉。仲有皇帝菜都無特別。只是本人想食下菜而已。但尼間既菜係比較衛生。明顯見到係會洗左先拎出黎。所以尼間既衛生係值得一讚的。

上次同朋友喺呢度食完個米線就好想試食呢個嘅烤魚今日終於可以過嚟食啦店員好有心咁提我地先選擇咗魚嘅種類咁廚房先煮魚我地再選配料令到成個等候時間短好多因兩個人食所以我哋就係叫咗細半條鯇魚今次魚放上黎聞落去好香個樣好吸引雖然我哋只係叫咗細半條鯇魚但係感覺份量好足仲大過我好個手掌一滾起立即筷子起動首先個秘製湯真心得推介我哋揀咗酸菜再叫加bb辣小小辣加埋酸菜單飲湯都好好飲魚不單大仲要厚身魚因為經過烤之後魚皮一下就吸湯汁後但魚肉仲有大大既魚既鮮味配菜加咗蘿蔔一路食蘿蔔既清甜出到蘿蔔都吸引到魚味相得益彰闊嘅紅薯粉加烏冬都食到出唔係平價野紅薯粉有口感Qq彈彈烏冬唔會有酸味放落湯食下面食下魚而魚卜都係推薦新鮮仲要爽口必點再加可樂同啤酒人生一樂也

是日O係附近做完野, 同行朋友至愛食重慶味道, 經過呢間就當然唔會錯過~呢度有好多唔同既配料同小食, 完全滿足到愛好食辣既朋友!招牌口水雞雞肉滑, 口水雞汁夠麻亦夠辣, 花生好脆, 配料青瓜都夠入味!涼拌海帶& 涼拌海哲酸辣口味夠醒胃, 而且夠凍, 大大碟好抵食!重慶麻辣烤魚(小半條鯇魚)小半條都好夠二大份量, 鯇魚肉好滑, 配料亦好足料, 有白蘿蔔土豆、大豆芽、大白菜及酸菜, 辣味越食越勁！粉絲(配料)係直身粉絲, 條條爽口唔會痴住, 吸收晒烤魚辣汁精華, 正!份量有三到四碗, 抵食!生啤食辣野梗係要飲啤酒, 估唔到細細間鋪頭都有生啤飲, 價錢都唔貴, 解辣之選!店鋪雖小, 但座位寬闊, 坐得舒服, 有圓枱亦有卡座揀~員工十分nice, 主動招呼客人! 讚!

朋友住大圍 ，一直都好推介樓下一間食烤魚同埋雞煲嘅店舖 ，除咗呢兩樣嘢之外佢哋仲會有一啲特別菜式！ 見到門面都覺得企企理理， 等我入去坐低體驗下先！裏面嘅裝修都幾特別，掛滿咗佢哋嘅名菜，越睇越肚餓！ 出面有好多唔同嘅調味料， 自己鍾意點樣「混醬」都得！由於我哋得兩個人 ，所以都係叫咗雞煲，下次多啲人先至叫烤魚！ 不過見到隔離枱個個都食烤魚，真係流口水呀！雞都有分size(半隻或者一隻) ，湯底都有唔同嘅味，有四至五隻湯底口味選擇， 而我就選咗藥膳湯底同埋半隻雞！基本上成個雞煲都會有員工去幫我處理 ，唔需要自己動手， 佢哋會因應我哋淥啲乜嘢而去調教大細火，真係一大享受！服務一流！店員都好有經驗 ，雞係啱啱好熟，唔會過老！當一開蓋嘅時候，就聞到極香嘅藥膳湯底味（ 裏面有紅棗、龍眼、杞子…… 等等），加埋香滑嘅雞肉！正！有咁靚嘅湯底，當然要食響鈴啦！吸曬啲湯，非常好味！佢有一個雜菜籃，食咩菜都唔使諗，直接叫一個雜菜咩都有！呢個有薯粉我都係大推！本身已經煮熟咗！當然都會有生料畀你落喺個雞煲或者魚煲度喇！ 但係我想試下呢度嘅廚師手藝，就要叫一個已經煮好嘅薯粉啦！同埋佢係清湯底 ，非常吸引！見到佢

喺大陸食得多烤魚，但係香港就係第一次😂所以今日平日就搵咗喺大圍隆亨邨嘅呢一間川味雞烤魚大王。隆亨邨喺大圍區一條歷史悠久嘅屋邨，距離大圍火車站大概10分鐘路程左右，所以都唔係太遠👍🏽大概八點去到，以平日來計，都坐咗好多枱客，由於得返大枱，侍應就招呼左我哋入房仔坐😂 由於我哋今次係來食烤魚🐟所以都冇太多懸念，揀咗最抵食嘅酸菜烤魽魚，同埋少許嘅配菜😆 落單嘅時候我都特意問侍應，兩個人食嘅話，揀邊一個size會好啲😯我見小、大、特大嘅價錢都唔係差得好遠（$208；$228；$258）🤭 店員都好誠實咁話兩個人嘅話「小」都夠食OK！😈大概等左20分鐘😂 一條香噴噴、酸菜味洋溢嘅烤魚就端上我地面前👍🏽 味道：👍🏽👍🏽👍🏽👍🏽口感：👍🏽👍🏽👍🏽👍🏽👍🏽鮮嫩：👍🏽👍🏽👍🏽👍🏽👍🏽總括嚟講呢一條烤魚性價比我覺得都幾高，雖然點了「小」，但食落一啲都唔小，而且配料有很多嘅酸菜、芽菜、豆腐⋯⋯魚皮上仲有好香嘅烤味🤣✔️涼拌皮蛋：味道不過不失，但我認麻辣味可以更強，適合唔係好食得辣但係想試一試嘅朋友😊✔️餃子雙餅：自家人手包制，皮薄餡靚，大大粒肥豬肉同配菜均勻，食落口啖啖口感🤤✔️闊薯粉：有別於出邊食比較Q彈，但是薯

大圍有一間隱世烤魚好正之前其實都嚟過幾次但因為今次錯有錯着嗌咗第二個湯底忍唔住寫一次推介俾大家本身我離開呢間度食都係嗌開麻辣味經過老闆介紹之後佢話鉗魚比較鮮甜同多肉但同時又唔算好多骨所以每次都會點呢一種魚由於我好鍾意佢呢度口水汁嘅嘢食所以配料我唔算嗌好多因為我嗌多左半隻口水雞同麻辣豬耳之前經過老闆介紹佢話口水汁撈雞湯薯粉勁好食所以我哋次次都有點 $18 仲要好大碗我地點左半隻口水雞分量十足上面放左好多花生同芫荽 仲有芝麻雞肉一啲都唔鞋口 好滑而且無雪味 最欣賞佢個口水汁真係整得好地道好正宗基本上喺呢度必點嘅推介豬耳 咬落有聲 好好食 用黎配薯粉真係好味本身我哋嗌咗麻辣湯底但係今次搖身一變居然變咗奶白色嘅先知原來佢哋俾咗酸菜烤魚我哋帶有辣辣地嘅酸菜湯底非常清新又開胃簡直對呢個湯底另眼相看成條魚好大條而且個首先用油煎香過先再落成條魚肉都好香口兩個人食唔停口好彩夠大條呢個黑毛豬我哋都係第一次點估唔到品質上乘呢個價錢真係超值食落去非常之有肉味加埋個酸酸辣辣嘅湯底真係絕配最後我哋都忍唔住嗌多咗個薯粉因為個湯底實在太正

山長水遠，天氣又熱，😂雖然這樣但是我們為了周圍食好野，這個宗旨而出發。原因只是朋友一句話，家附近有烤魚食辣好味，我們就試下先。屋村附近來說環境都算不錯👍🏻我們大約8:30來到,店內人滿滿，我同朋友等了不用十分鐘，都👌🏻吾算耐。魚是必㸃之一，我問店員介紹那種魚唔會好多骨，推薦了海鱸魚。🐟於是我們點了海鱸魚🐟。海鱸魚🐟真是吾多骨，而且魚都幾大條，肉質鮮嫩不錯，中辣味道可以接受，很香的辣，有內地風味，配菜用了娃娃菜同芽菜。👍🏻👍🏻👍🏻👍🏻👍🏻👍🏻👍🏻例牌招牌囗水雞，雞肉都比較滑身，份量一般，味道可以濃少少更好。點了青島啤酒🍻食辣魚正，🐟🐟🐟重點是吾多骨又入味。下次再去朋友家聚會，我會試其他口味。

川味烤魚大王Kay Gor 收工無野做當然係搵朋友食飯啦今次就去到大圍睇下有咩搞作啦聽街坊推介有間隱世烤魚幾好食甘就真係要試下啦， 打聽到係龍亨村一間地道餐廳2個人今次就叫左個烤魚同招牌口水雞食招牌口水雞都幾chill ，雞件好滑好入味有正宗風味，Kay Gor 推介送酒之於重點當然係烤魚啦，今次叫左個爐魚，店員推介因爲魚骨比較少Kay Gor 真係好怕有骨既魚，所以好怕食魚食落口果然新鮮，魚骨較少又大條易分出來湯底叫重個重慶麻辣超入味又好食原完同深圳食既無分別，唔洗再搭車返大陸食啦喂坐位舒服泊車容易，渣車既我都方便入左村泊門口都得，不過要收費啦P.S Kay Gor 開左專頁啦, 多多支持

今晚去咗隆亨邨食飯， 因為附近都好多食肆，所以都搵咗一陣間， 最後就嚟咗呢間， 食烤魚。 一入到去，就聞到香噴噴嘅烤魚 ，有好多人都叫咗一條烤魚 ，我哋都望咗一陣，見到都唔錯， 所以同屋企人叫咗一條烤魚、同一隻雞。 烤魚一嚟到 ，陣陣香味 ，上面有好多酸菜， 酸酸辣辣， 真係回味無窮， 最緊要就係條魚燒烤過， 很香口， 點上去的醬汁，' 魚非常之嫩滑 、鮮甜、 有魚味！ 當差不多食完鱼的時候，我哋就開始將雞當咗打邊爐， 雞非常之滑， 而且好有鮮味 ，唔係雪藏雞 ，啲魚汁滲入咗雞 ，簡直有另外一番風味！ 我哋幾個人都覺得呢一間烤魚服務一流、 水準一流 ，下次都會再嚟光臨!

適逢母親節，很多客人，有些沒有訂枱，請到店員說希望盡量滿足大家❤️還有落力聰明的小店員也很讚👍🏻食物保持一貫水準😋泡椒烤魚是至愛，個人覺得偏辣，所以小辣便夠了。配料價錢略貴，還是可以接受的

之前經過幾次想試好耐今日即興約埋朋友一齊黎食朋友教路叫我 事前打電話去留定條大魽魚唔係就好快賣晒由於同行朋友唔食辣 所以叫咗個唯一無辣既酸菜烤魚另外再加咗娃娃菜, 細安格斯肥牛, 蜂巢豆腐同埋響鈴每碟配菜既份量同價錢都算合理落單一陣好快就上哂配菜先 主角烤魚就等咗大概15-20分鐘等既期間一直聽到廚房炒野整野既聲 上咗魚之後見到盤入面原來都有少少配菜個人覺得魚既肉質同味道都幾好唔食辣既朋友都覺得幾好食加埋響鈴同蜂巢豆腐吸晒湯汁 好入味之後仲加碼叫左豬肉片同烏冬烏冬又係吸左湯汁好正不過掛住食同傾計唔記得左影相😝下次黎我諗住試下小酸辣或者雞煲🤤

上星期三同朋友去沙田大圍食烤魚，我每次食烤魚都會食辣鍋，今次同行朋友唔食辣的（其實我都只係食到少辣），所以就叫左無辣酸菜烤海鱸魚，個魚又幾好味啵，夾埋酸菜魚肉味道加鮮更好味，加配肥牛同皇帝菜，肥牛大大件，皇帝菜亦好乾淨同新鮮，配上厚肉又唔算嚡嘅海鱸魚真係唔錯喎。烤魚煱中大量酸菜，大豆芽菜，仲有嫰豆腐加白蘿蔔，其實唔加菜都夠食，不過兩個人食量唔大，如果加埋米線就一定勁正！下次搵辣妹同我一齊食重慶麻辣烤魚，間餐廳仲有港式火鍋湯底同雞煲唔一定要食烤魚呢！

早幾年前，有大概半年的時間在大圍實習，一星期總有一天要到旁邊的米線大王買涼拌魚皮及午餐，後來又養成了晚上過來吃烤魚及魚皮的習慣，現在有時間過來吃的機會變少了。這裡有時候人會很多都要排隊等候，今天可能比較晚到，剛好不用等。烤魚吃過很多次了，這次則點一下各種涼菜及小吃。紅油豬耳 $42一開始點了中辣，但辣度不會太強。豬耳量也算多，惹味之餘其實算蠻開胃清新的。涼拌粉皮 $48涼拌粉皮也很足料，有木耳、大蔥、青瓜和芫荽，我是喜歡吃這些配菜。茴味雞翼 $28雞翼炸得金黃香脆，不會覺得油膩，因為剛炸好，所以拍完再吃得時候還是熱騰騰的。紅油抄手 $38紅油抄手也是份量十足，不過我們一開始點錯辣度，不然再辣一點會更好吃。涼拌川辣味魚皮 $78終於到我最愛的涼拌魚皮了！這不是到處都能吃上。爽脆的魚皮配上花生、大蔥和芫荽，還有惹味的辣汁（這個要了大辣很夠辣），真的吃多少次都不會吃膩呢。臨走的時候還加了一份外帶的涼拌川辣味魚皮回家跟媽媽分享，太滿足了。

由細到大就最喜歡食魚，我覺得烤魚係世界上最好的發明呀，既可以食到魚的鮮味，又可以配搭不同的菜式，食完不會太餓。這次跟一樣愛食魚的朋友，找到一間在大圍隆亨商場的烤魚店，這家店在openrice 寫的是在街市，其實在商場，走了一圈才找到。我們本來是想點原條魽魚(大) 的，可惜晚上7點多已經賣完了，店員建議食小的，Size 不太有太大分別啊。魽魚沒有太多骨，而選用的四川麻辣口味是微辣，但不會太辣。 辣汁滲入魚肉，帶出鮮甜魚味，又去除魚腥味！ 配菜有芽菜、蘿蔔等比較吸味的蔬菜，愈食愈開胃呀！ 不過，只是麻辣湯底欠缺至愛的麻子，不夠過癮！