峰壽司 (已結業)

是近日的"人氣店"....好多人排隊..但有d 名過於實~~唔係話差, 而無想像中好...本人覺得壽司多左d 醋(所以酸左小小)...&可能係新店, d waiter唔熟手, 成日落錯單.但,佢地都幾好禮貌

夜晚六點半到黎到,已經見到有十幾人係到等緊,如果肯搭檯既話就可以早d入等左大半個鐘就有bar檯位,坦白講雖則我肥,但個位真係好窄,兩個人要記住收埋個手肘先得,亦幾乎無位比waiter serve.叫左明太子手卷,軟殼蟹卷,白飯魚壽司(圖),鹽海螺壽司,吞拿魚壽司,toro壽司,長鰻魚壽司,蟹柳壽司同旦壽司.明太子手卷-好多明太子,不太咸,幾好軟殼蟹卷-軟殼蟹好細舊,唔脆白飯魚壽司-幾鮮味鹽海螺壽司-都幾咸,真係唔駛點醬油吞拿魚壽司-好新鮮,入口有少少溶既感覺toro壽司-做緊promo,$25一客,太肥><蟹柳壽司-標榜同街個d唔同,但sorry,真係食唔出有咩分別長鰻魚壽司-唔太肥,表面燒過幾香旦壽司-唔合格,一d旦味都無另外壽司飯既醋份量多左d,有d酸,同埋廚房間中有朕酸既怪味飄出黎,影響食慾

星期日下午三點左右, 只須要等5分鐘, 首先見到輸送帶上的壽司大部分都無蓋, 跟住見到玉子壽司上有一隻飛行物體, 跟住豉油樽無豉油, 隔離個樽又係無, 再隔離都係無...order 了特大鰻魚壽司, 好快就來, 都ok啦! 當然要試下峰蝦, 白板上寫住今日介紹喎... 等了好耐, 問個侍應, 好cool 咁話今日無... 再order燒北海道蟹腳, 又等了一輪... 又再好cool咁話無!!! 個鹽柱貝幾有新意不過就太多鹽...甜蝦ok... 跟住見到個師傅係雪櫃到攞左幾包血淋淋的吞拿魚出來, 都無胃口再食...

地址: 銅鑼灣白沙道12號地下電話: 3188-2440 傳真: 3188-2436

上次兩個人去食，叫左三文魚，甘蝦，小柱，芥末八爪魚同海膽壽司。整體上都算幾新鮮，我覺得海膽壽司幾抵食，$25比出面平D，而且真係幾有鮮味。芥末八爪魚壽司就幾特別，唔算太攻鼻，幾容易入口。其他壽司就一般啦，不過不失咁。服務態度方面，其實我覺得佢地都算唔錯架啦...(可能因為個經理晌度掛)不過食物黎得好慢，(因為我地座order檯)等左成半個鐘先有第一碟黎，如果肚餓D真係唔掂，呢樣真係有待改善!!

睇到報導話呢間迴轉壽司d壽司飯係用人手"扼"製,就心思思想試下, 6點9去到已經要等成20分鐘檯了,之後見到愈來愈多人等~間舖頭好光猛好新淨,坐迴轉吧可看到來自日本的師傅在整壽司, d師傅個個都面帶笑容,感覺很和藹可親~黎得呢度,緊係要睇下d壽司飯係咪真係咁好食啦~果然比出面其他迴轉壽司店的軟"屬",又唔易散,幾好味,不過size比較細,一啖可食晒成舊~呢度d 壽司都有好多款式, 有火灸壽司又有d係淨係加鹽同檸檬汁食的, 幾特別~不過個炸生蠔壽司係我落單叫的, 拿埋來的時候唔夠熱, 蠔味又淡~仲有佢d 單(落單order)有d價錢係錯的, 明明寫住$12的火灸墨魚壽司, 拿埋來的時候卻用了標價$20的碟上, 有點誤導食客~