峰壽司 (已結業)

我本人唔係咁中意食蟹柳架~但係佢d蟹柳壽司真係勁正~~蟹柳勁大塊,再加d沙律醬,真係好好食呀!!!!仲要一d都唔貴"12/碟"~哈哈~仲有一個推介,就係麵是湯,9/碗~~唔係味精湯o黎架,有白羅白片同豆腐~好正呀!!!!不過佢有個最大既唔好處,就係等勁耐!!!!仲要係一次比一次耐!!都唔知係我黑仔,定越o黎越多人去年!

星期日同三個Friend去食.如果早的到便更加好!等左好耐: 2hrs....不過真係好多人入到去叫左好多好多壽司三文魚, 海膽, 海螺, 帶子, 北寄貝沙律, 小柱, 特大鰻魚,阿拉斯加卷....etc.非常正...特別係海膽同特大鰻魚...必吃!鰻魚大又夠厚...海膽甜到... x 10新鮮到超哂班!是日推介蟹柳手卷都好正...好多蟹柳...唔會一味多飯.有個酦梅海蜇就麻麻...酦得滯....好似食話梅. :S另外個蜆湯不錯....都幾多蜆食. 服務不錯....經常加茶...唯一的單亂左少少.出餐頗快....good.環境因為新開所以夠光猛~一定會再去!食左接近200但係好飽好飽~我諗食150已經ok~

我自己食過後就覺得好好味!特別係蟹柳手卷!!講真，雖然係日本人開既店，但呢度始終係香港，唔係日本，點都唔好以同日本既比較！而且ｄ材料係日本運過黎，點新鮮極都有限啦！所以我覺得已經好好O家喇!我問過侍應,D野都係即叫即整,所以會耐D,雖然我都等左好耐先黎...但我估應該係多單先咁耐!因為我食果陣時個場FULL晒的。我自己就覺得呢間野好好食!至於服務態度我就覺得有D侍應好好,有D真係麻麻喇!

個日放工六點幾去已經好多人排緊隊不過番檯都算快唔駛七點就有位我坐bar檯坐就唔係坐得太舒服不過一路食一路睇住d師傅即場整即時胃口大開特別推介火焰壽司系列外面燒熟哂但入面仍然保留住D魚既鮮味仲有特大帆立貝壽司都好鬼正又大又鮮甜反而三文魚就麻麻地唔駛試都唔係損失我地兩個食左十二、十三碟埋單都不過$180 簡直又抵又正

峰壽司因為顧客多,貨如輪轉,我相信他們的壽司應該是新鮮的。但是老實講，我旅居日本多年，嘗試過大大話話不下一百家壽司店，知道什麼叫做比較正宗的壽司。我可以說一句，峰壽司的質量其實非常非常的低。比方説 他們的三文魚壽司，你可以看到魚肉沒有應有的一層層乳白脂肪，所以味道不香，不甜，口感也不豐富。為了掩飾下價貨的缺點，峰壽司的三文魚上加了味道辛辣的洋蔥，破壞了壽司的鮮味。還有他們的魚背（），本是壽司中的美味，而且每一條魚只能生産一點點，所以在香港能吃得到是很難得的。但是峰壽司的魚背不知道為甚麼，就是缺少了魚脂，口感也比較硬，不知道是不是用的魚跟正宗的有分別。不過説 到底，價錢便宜，如果你要求不高，也喜歡跟人家擠一下，還是可以去吃他們的9蚊一碟的壽司，水平很低，但是價錢平，你還有什麼好説呢。

自從呢度開業以嚟都幫襯過佢好多次，總之諗起食迴轉壽司就一定揀佢，因為貪佢D食物夠新鮮亦算多選擇。不過唔知點解食後覺得好口渴，係咪豉油都加咗味精呢？又因為呢度時常要等位所以發現佢門口o既燈箱櫃同玻璃之間好污糟，仲有好多死咗o既昆蟲，雖然舖內好清潔，不過作為食肆應該係乾淨同衛生都好重要嘛(包括門面)。希望佢哋能盡善盡美啦。

第一次黎已經知呢度要排隊等位,所以一放工即刻黎(6pm),果然唔使等叫左不同類型壽司:1.蟹柳壽司(多肉鮮甜)2.海鰻壽司(肉質鮮嫩)3.蝦沙律壽司(口感豐富)4.火灼貝柱(天然鮮味).....太多不能盡錄兩個人食左9-11碟,都係$168,我覺得好抵不過試過漏單,叫左兩次都未黎,結果要取消

心血來潮想食壽司, 峰壽司一定係首選啦!必食及最愛的係:海膽壽司蝦沙律壽司特大海鰻壽司蟹柳壽司(超甜超正)帶子柱貝(order時個waiter話無, 但係竟然發現bar枱又有喎! 奇!)每次食完都有好滿足的之感覺!

幫襯"峰"已有6-7次, 唔係講笑, 真係未有一次排過隊, 秘訣是"timing", 我去幫襯的時間分別是上午11時30分, 下午3時, 下午4時, 晚上11時等等, 從來都是直行直入. 由於每次都係我老公用日文order, 關西師傅Yuki san 已經認得我地2個, 佢孖生細佬也加入了"峰", 兩兄弟都咁有型而又手勢好, 難得!

自從第一次食過之後,我已經不能自拔了!上星期我放假同朋友在九龍唱完lunch　ｋ，好想食’峰’，於是就自己一個專登過海去食．我食過’板前’ｄ海膽，都新鮮，但唔甜．但峰的真係好好味．蝦沙律軍艦係一定要食的，真係正，於是叫埋蝦沙律手卷，誰知係熟蝦，果一刻我真係想唔要呀！明明同一個名，點解一個係生，而另一個係熟呀！我已後都唔會再叫這個手卷呀！蠔天婦羅壽司，ｄ蠔新鮮炸起，好好味呀！芝士薯波，熱騰騰，ｄ芝士勁正，不過一個人食真係好溜

前兩天"鼠"了出去下午茶,那時約4:30見不用等位,真的太好.一坐下已一手取了2碟蟹柳壽司,(以$12這價錢出面是吃不到的),緊接著是三文魚壽司,北寄貝沙津壽司,甜蛋壽司,.......,結果一口氣吃了近10碟.飲杯茶,又要趕回工作.辛苦搵來志在食,能忙裹偷閑,停一停,放鬆,人生一樂也!

因為家住kln,平日都好少可過海，但一早已好痕食峰壽司，所以等左幾個月終於的起心肝過海。星期六大約6點鐘去到，拎飛等左1個鐘(粗約估計1小時叫25-30個no.)，7點05分終於有得食!!! 我同bf 2個人正常食量食左以下咁多野(全係壽司;)蟹柳x 2 <-- 非常好味又抵食，我覺得正過板前tim!海膽x 1 <-- $25一碟幾抵因為海膽份量不少亦算新鮮!!魚背x 1 <--我好鐘意，感覺非常油潤，又係好味過板前!鰻魚x 1 <--都幾好~峰蝦(2件款) x 1 <-- 好爽，但蝦味冇牡丹蝦咁正，只屬ok, 有d失望!油甘魚x 1 <-- 唔掂，元氣都好食過佢!!火灸三文魚x 1 <-- 比我預期中好食呀~~非常唔錯!!scollop x 1 <--色澤爭d但係食落又幾好食腐皮x 1 <-- 我冇食唔知阿拉斯加卷x 1 <--面既三文魚子好味，配搭就不過不失蛤仔麵豉湯<-- ok, 比一般好飲overall~ 覺得好味過板前少少啦~ 會再去! 希望不久之後kln會開分店同間鋪大d呀唔該!!!!

尋日差唔多6:00放工的時段, 三個人要淪落坐到ORDER枱, 全部BAR枱位已FULL. 叫了三文魚,甜蝦,海螺,帶子(全部都係壽司),鰻魚手卷等....第一碟到的是三文魚壽司, 竟然有條短短的頭髮於三文魚面上, "拿拿聲"叫侍應換過, 她向我們只說了一句"唔好意思", 就係咁多....講多句都好似唔願意咁,呢D就係叫做服務態度....經過今次遭遇,永遠都不會到呢間鬼地方食野, 想嘔呀!(1) 9蚊壽司- 物有所值(飯少,但WASABI多)(2) 三文魚,甜蝦等唔新鮮(3) 侍應服務態度唔掂, 反應遲鈍;

(受朋友既曱由經歷影響, 至今才是第一次幫襯~~)哈哈哈, 獨行俠一向有好處...今次更勁, 一個人左閃右避咁穿越晒門口既一團人,終於見到門口個哥哥, "唔該一位丫~", 呀哥哥望一望入面就話"埋邊丫" 咁啦~~ 受盡門口一孖孖既情侶冷眼, 都唔理得咁多!! (明既, 等咁耐仲要比我zip入去先~)先細心檢閱menu, 價錢range 比較大, 有平有貴, 話就話貴, 其實係可接受的. (以下全是sushi) 三文魚子-- $25, 值得食, 冇強勁既醬油味, 可食到魚子味.三文魚-- $9, 值得食, 大大片魚, 大大堆洋蔥已夠睇頭!鯖魚-- $12, 普通, 正正常常咁lor~亞拉斯加卷-- 有三件既, 冇咩研究入面乜野餡, 好似有牛油果, 魚, 露筍向入面, 面頭就有幾粒三文魚子點綴, 值得食.鹽魚背-- 得呀! 魚背肉爽, 配了檸檬同鹽, 味道特別! 好清新既感覺! (有唔鹽既, 不過相信有鹽會好味d)小柱-- 下次未必會試, 我以為會好似元氣果隻小柱咁鮮, 原來係乾憎憎, 碎濕濕既, 可能煮熟左卦?梅子海哲-- 貪得意試下, 我都好食得到酸野既, 但呢個真係投降! 哈哈, 食

已經去過幾次峰壽司. 個人認為真係好多款式,好抵食.而且仲好注意衛生添! 試過見到日本老闆指點員工做得唔好既地方.值得讚許呀!首席推介:峰蝦,帶子,同埋就算係蟹柳都好好味囉~~~已經介紹過無數朋友去喇~~~是次消費: 每人百多元...(差不多啦~晚飯嘛,依個價錢真係好ok架喇~)