峇峇娘惹 (淘大商場2期) (已結業)

淘大多左好多野食 但娘惹菜就係第一次食下午時段幫襯 有下午茶餐單雖然份量對於男仔唔夠 但女仔就剛剛好 豬扒飯同雞翼麵就正正常常脆皮燒肉就唔太夠脆口 不過肉骨茶濃郁羅漢果吉仔茶出奇好飲

難得夠早起身食早餐，見到個餐廳名就諗住想食下咖央多就入咗去。餓餓地，就叫咗榨菜手撕雞公仔麵餐。個餐包咗個斑蘭咖央多同炒蛋連飲品。手撕雞麵唔差，有埋乾蔥幾香口。咖央多只係純粹咖央醬搽落厚多士，普通茶記做法，唔係馬拉食到嘅薄多士夾住牛油個種，有dd 失望。炒蛋都冇咩特別。係杯南洋咖啡值得一提，係用返煉奶沖出黎，係帶點點馬拉kopi ais嘅感覺。見隔離枱飲熱嘅咖啡/拉茶，係有馬拉感覺嘅。整體上個質素係對得住個價錢啦。

峇峇娘惹是一間星馬菜餐廳， 位於九龍灣牛頭角道77號淘大商場二期地下G234-237號舖。午餐 ～ 峇峇無骨海南雞雞油飯$66、 豬肋排肉骨茶配白飯( 馬來藥材) $67、 馬來拼盤(細)$52 、 咖哩薯仔雞球配油酥餅$38、 蝦球滲滲喇沙$62、班蘭咖央西多士$36、 南洋咖啡$6、 馬來拉茶。 🔸豬肋排肉骨茶配白飯( 馬來藥材) ～ 肉骨茶味道不夠濃郁， 我吃不到藥材的味道， 豬肋排骨有幾塊， 份量都唔少。 🔸蝦球滲滲喇沙 ～ 湯底香濃帶辣， 蝦球爽口， 湯麵掛湯入味。 🔸馬來拼盤(細)～ 網炸紫薯、雞翼、咖哩角和咖哩酥餅， 整體味道一般。 🔸峇峇無骨海南雞雞油飯 ～ 海南雞無骨食得好方便， 但可惜雞肉太奀， 沒有一點嫩滑感。 🔸咖哩薯仔雞球配油酥餅 ～ 咖哩偏辣， 味道正常。 🔸班蘭咖央西多士 ～ 班蘭和咖央太少了， 甜品有點失望。 🔸馬來拉茶 ～ 奶茶偏甜， 幸好熱辣辣加分。 🔸南洋咖啡 ～ 咖啡味道香濃， 飲得過。 沒有我期望的好吃， 整體普通， 有進步空間。

今日喺峇峇娘惹，試咗海南雞飯，佢有正宗油飯而且啲肌肉相對比較滑溜，配埋花生餸飯簡直一流，而且佢有多啲嘅配菜，相對承諾比較清新。重點係再加多個洞桔仔茶，作為結尾咁就真係perfect。

叫咗個肉骨茶，再加冰凍桔仔茶。醃咗肉骨茶先，佢有兩隻味畀我揀，一係藥材味，一係胡椒味包括有：三件大肉排、白飯同埋前菜。我叫咗藥材味，飲落個人成個暖曬好舒服，但係有少少燥熱嘅感覺。總括嚟講肉排有味道，值得推介。跟住就凍桔仔茶，清清哋食完油膩嘢飲返啱曬。

今日去咗淘大拎啲嘢畀朋友，拎完有啲餓，見呢間馬拉野嘅下午茶幾抵食就一於試下👍我叫咗食馬拉嘢必試嘅喇沙👏 揀咗魚腐做配料，另外加咗下午茶小食香茅骨(原本想加多個通菜，不過原來一個餐淨係可以加配一款小食，所以張單既通菜加完又減返😅)呢個下午茶$33包埋野飲黎講份量算係咁，有兩舊魚腐同半隻蛋加啲芽菜～喇沙湯底好濃郁，唔太辣，帶啲椰奶香，面頭嘅炸蒜同乾蝦米仔令到成個湯底更香更惹味😋米粉爽口，油麵唔會太淋👍不過我就覺得魚腐太淋太油，同我食開既好唔同，呢度淋到有啲難食🙈 香茅骨我諗住係真係每件都有骨，類似BBQ ribs咁，但黎到見到即係砌咗件嘅炸豬扒🙈 肉質仲要有少少鞋😅 唯一出色在香茅味都幾突出～青桔仔水即係青檸水，正常水準 (青檸都算俾得重手👍)下次再有機會食嘅話應該會揀魚蛋魚角喇沙或者蝦肉喇沙，希望會彈牙啲啦😅🙈(餐廳堂食都用即棄餐具，有點唔環保喔👎)

今日九龍灣行街食個Tea，好耐好耐無食過肉骨茶，所以今次要食啦！！岩岩到下午茶時間，所以要等位啦。入座前員工會講明全場搭枱。所以枱分左一半，中間有透明隔板，係迫小小但都算可以接受。下午茶餐牌豬肋骨肉骨茶-馬拉藥材我就加左5蚊要埋白飯，上到枱都算好大碗。不過上菜個職員不停用普通話講話好熱，燙死我了🤷‍♀️🤷‍♀️🤷‍♀️🤷‍♀️咁？我俾唔到反應佢🤔咁都真係要讚下，個肉骨茶真係好熱，入面材料都好多，有4件豬肋骨，3件冬菇，同幾粒豆卜嘅。。個肉骨茶好香藥材味，都好濃味配飯一流，所以我竟然食晒成碗白飯！！星洲魚丸配魚角喇沙Um。。。呢碗喇沙好似食緊魚蛋粉😂個喇沙唔夠濃味，魚蛋魚角就係好普通街市買到嘅。個粉淋左小小，所以呢碗粉麻麻地青桔仔茶。桔仔酸梅特飲飲品方面又幾好飲喎！用料充足，味道剛好！都幾有馬拉風味嘅，值得一試

峇峇娘惹呢間馬來西亞菜餐廳都有唔少分店，黎開九龍灣就想試下食馬拉菜。我地都比較遲食，所以唔洗等好耐就有得入去食。🤤叫左兩個套餐連飲品。☕️參巴肉片炒四大天王🥬🥒🥦有四種蔬菜，秋葵、芥蘭、茄子、通菜都煮得幾入味，肉片份量都足夠，微辣，食落好開胃，好岩送飯食。😋巴東牛肉🐮呢個餸菜比想像中辣，如果唔係太食得辣既朋友就盡量唔好叫啦，不過整體牛肉肉質唔會太韌，而且好好味。

好少食到平靚正既馬拉菜！今次呢間抵食又好食😚！本來都係heahea地諗住食完就算但因為咁所以決定都係值得為佢出一個post～直接快閃入正題🪄🪄😆🐔手撕雞滲滲喇沙$54：午餐價錢包埋飲品算OK！重點係佢啲飲品唔係普通檸茶咖啡咁簡單係有啲特色飲品揀 例如薏米水記憶中好似仲係凍熱同價同埋唔洗加錢就飲到！手撕雞份量超多 食極都有 浸哂落喇沙湯又勁吸味 肉質唔鞋口 幾好🪄！滲滲姐係油麵加米粉～煮得恰好 口感軟身有彈性 份量正常 唔錯🪄！喇沙湯係靈魂所在 椰子香氣撲鼻 湯底非常香濃又完全不辣其實我反而鐘意少少辣🤣！配菜有半邊蛋同3件豆腐卜都係啲好吸味既食物 索盡喇沙精華 好味呀🪄！🐡魚腐滲滲喇沙$52：基本上所有野同上面個碗一樣～只係魚腐分別魚腐我試咗一件魚腐浸湯都好入味 但冧身咗啲個人覺得手撕雞正啲！

🍭呢間星馬菜餐廳係淘大都開左一段時間了，剛開時好多人排隊，一直都未有機會試下，今日終於可以試下啦喇沙係呢間餐廳嘅招牌菜嚟，湯底好香濃，香茅骨足足有五大塊，啖啖肉好正，仲有豆ト，雞蛋等等嘅配料，大滿足呀湯底都係好香濃，魚腐有4個，仲有豆卜，雞蛋等等嘅配料，味道唔錯，唔會太辣整體食物唔錯，份量好足夠，食完一碗真係好飽，鐘意食喇沙嘅朋友千祈唔好錯過，好抵食，可以一試

峇峇娘惹🇲🇾「抵食馬拉菜」‼️下午茶過嚟食，都好抵食！不過大食啲嘅朋友應該要加多個小食先夠飽🙌🏻星洲魚丸拼魚角滲滲喇沙✨$35星洲魚丸即係魚蛋🐟佢嘅魚蛋就唔會好彈，普通魚蛋，佢個面係米暹同黃麵，都幾特別，個豆卜都幾吸湯，唔錯🙌🏻濕撈米暹配香茅骨🍖$38米暹係好似啲爽口嘅粉絲咁🤣佢個醬辣辣地，配埋芽菜同蛋一齊食，都幾開胃！佢個香茅骨就冇乜香茅味🤣不過炸得幾好食！幾酥脆！熱馬來拉茶（下午茶餐包）🫖$0幾重茶味🥰又唔會太甜！整體：🌟🌟🌟🌟性價比:🌟🌟🌟🌟食物：🌟🌟🌟環境：🌟🌟🌟📍九龍灣牛頭角道77號淘大商場二期地下G234-237號鋪人均消費：～50/head

下午茶時間到，我地點左豬扒滲滲喇沙，加配埋煎餃子同香茅雞翼，飲品點左奶茶。喇沙湯味道一般，下午茶份量比較少，一陣風咁就食完了，好彩加配左小食，岩岩好！下午茶黎講真係好抵食！

哩間峇峇娘惹一開張已經好想試，但個佢日日排長龍就放棄咗，咁岩果日中秋冇咩人就入咗去試.我同男朋友兩個人食，我叫咗個海南雞飯配油飯飲岩鹽咖啡，男朋友果日就叫咗個香茅骨雞湯粉飲百香果汁滿心期待食但係真係有少少失望，首先我個海南雞飯係油飯，但佢嘅油飯係比較乾身，雖然食落係好香口，可能馬來西亞嘅海南雞油飯同泰國嘅唔同？哩樣我就唔肯定. 雞份量正常嘅，唔鞋口。另外岩鹽咖啡一開始好似齋啡咁，但擺咗陣佢d味就好出👍🏻香茅骨雞湯粉開頭以為係雞，但原來係豬扒😂 不過d豬扒好入味好香香茅，百香果汁就正常野👍🏻可能一開始期望太高，日日有人排長龍，食完會有失望感，唔會專再去食囉

都有一段時間冇喺九龍灣食lunch 今日就想食馬拉嘢多啲 所以就嚟咗呢間午餐要排隊嘅星馬餐廳吃飯🍽 午餐要十二點先有 我地十一點五十分入到去 但見到佢地安排都幾混亂😵‍💫魚腐滲滲喇沙 一嚟就試咗佢嘅湯底先 湯底入口好濃郁 有好香嘅椰奶味 飲落口好順滑😺 魚腐同豆卜吸晒啲湯 非常好食 滲滲就掛唔到汁 所以就一定要飲住湯咁食豬肋排肉骨茶配白飯 可以揀星洲胡椒或者馬拉藥材 我地就揀咗星洲胡椒味 唔知係咪食咗喇沙先試呢個 覺得佢嘅胡椒味唔算好突出 係鹹鹹地帶微辣😂 但豬肋骨嘅肉唔係好硬 好容易已經可以骨同肉分開 個人覺得都唔錯嘅青桔仔水 青桔仔茶 好少見餐廳用桔仔沖野飲 本身以為佢有好多粒桔 點知佢係切開咗一半嘅 味道都幾好😗不過服務真係一般 又見到佢不停錯單 人地食魚腐 佢又比咗雞絲😕 好混亂 碌咗卡又唔比翻信用卡底單人 食物好都冇乜用

之前都有堂食過 覺得都可以 前幾日就響晚市時間叫咗外賣，包括麥皮蝦，咖喱雞球加$9 蝶豆花椰漿飯，之後店員話無哂蝶豆花俾普通椰漿飯我價錢無變，我拎到番去發覺係普通白飯，同埋咖喱雞球係一個餸 飯先係另外加錢唔知點解會放係同一個盒仲要得五粒雞球。完全唔值7x蚊 。我哋有懷疑過佢係咪俾錯咗另一個客嘅餸我哋，但店員有打開睇過仲同我哋講依個係椰漿飯，之後極速關上蓋，好難唔令人懷疑佢係知道仲格硬俾我哋。可能諗住外賣無得追究？係佢哋社交平台投訴都無人理！無下次！