峇峇娘惹 (淘大商場2期) (已結業)

尋日買左個海南雞飯外賣，買完返去食真係出曬事。首先個海南雞散修修，碎濕濕又成pat野咁，我都唔個係海南雞定海南雞蓉，唔講以為雞蓉粥添。其次個油飯，見到係有油飯既顏色既但冇油飯個味道，食緊一個有油飯顏色既白飯，我點解要油飯唔食白飯，真係唔明點解咁唔掂。最後份量明顯縮曬水，份量越來越少真係喊左。總括一下啦，味道質素下降，份量下降，價錢由合理變到唔合理，因為咁既價錢，質素，份量咩都差不如提高返啲品質先啦，越做越唔掂不如唔好做。一

聽朋友講岩峇娘娘既喇沙好好食，放工就黎試下先，呢間係餐廳主打食星加坡同馬來西亞既食物。本身好中意喇沙既味道，甘岩晚市有喇沙麵優惠，叫兩碗滲滲喇沙，第二碗有7折，而且唔一定要叫相同先有優惠，最後我地點左兩個滲淺喇沙麵。蝦球滲滲喇沙:喇沙湯底辣辣地得黎非常濃郁，蝦球多肉，只有尾部小小殼連住，蝦肉爽口入味，麵底份量十足。脆皮燒肉滲滲喇沙:厚切燒肉肥瘦均勻，非常吸引眼球，雖然燒肉係厚切但口感一D都唔鞋。整體黎講，晚市呢個價錢算係親民，一般喇沙麵份量感覺份量少，但峇峇娘惹既喇沙麵真係正。

星期日lunch特登行過嚟淘大，因為多餐廳選擇，今次就選個馬拉菜食吓，馬拉菜中我最like巴東牛肉，再加上一杯馬拉拉茶（要熱先最正），依間其實我食過幾次，質素保持到，味道正宗，一個字，正！

搬咗嚟九龍灣都有一段時間，都行過淘大好多次，成日都經過呢間峇峇娘惹就係冇食過，今日可能落雨唔洗點排隊，一於入去試吓啦。星馬菜一向都係我嘅至愛，色香味濃，啱晒重口味嘅我，呢個豉油豬扒好林有夠入味好好食😋魚腐喇沙湯底好濃，有少少辣，而且份量都好多，有兩塊大既魚腐同兩塊豆腐卜加半隻蛋，下午茶來講呢個價錢算係好抵食，餐飲仲可以揀馬來西亞嘅拉茶，幾好飲，同港式奶茶有啲唔同，拉茶既茶香味加咗煉奶，有一種獨特嘅甜味

【九龍灣馬來菜🇲🇾】經過九龍灣 又係好想食多士嘅下午 見到峇峇娘惹呢間餐廳 即刻諗起咖央 於是入左去*斑蘭咖央 西多士 $30唔知係咪我呢幾日都有食西多 感覺麻麻地 可能係入面個斑蘭醬 感覺敏華 百份百整得好食d 呢個配煉奶 感覺好甜*濱城百香果（熱）+$4呢個好好聞 好香 有粒話梅 飲落酸酸甜甜 又開胃好評 值得推薦👍🏻*手撕雞雞湯河粉🐔 $34 呢個好食 雖然細份 但適合下午茶份量 d手撕雞落左胡椒粉 好香 同埋 呢間鋪頭嘅河粉係唔會斷 攞筷子🥢夾起 呢個好勁 讚👍🏻*凍青桔仔茶🍊 +$3第一次試青桔仔茶 感覺好得意 酸酸甜甜 又開胃 鍾意飲檸檬茶嘅朋友唔好錯過 有驚喜👍🏻📍 地址：峇峇娘惹 (淘大商場) 九龍灣牛頭角道77號淘大商場二期地下G234-237號舖

峇峇娘惹位於淘大屋苑樓下，位置超方便附近街坊，早餐供應到12點，係其中一個假日早餐必要排隊嘅餐廳！｛榨菜手撕雞米粉 $33｝偏甜嘅榨菜同啖啖肉手撕雞，套餐仲有炒蛋同斑蘭咖央多士，炒蛋正常發揮，多士搽咗特別嘅斑蘭咖央醬，椰味幾濃！早餐包一杯飲品，今次就揀咗熱拉茶，茶味香加上煉奶，口感順滑，睇住啲泡泡好治癒😍Ü

峇峇娘惹係我近期食過價錢&味道都好OK嘅馬拉菜，因為我好鍾意飲肉骨茶，而且呢間店有馬拉口味/新加坡口味嘅肉骨茶比我選擇。我平時我去開油麻地個間食，今次咁啱出開九龍灣咁就係九龍灣食啦色點知。不過我發現九龍灣有Set餐選擇，而且價錢好似相對油麻地平啲1. 馬拉肉骨茶配白飯2. 馬拉炒排骨3. 小食拼盤首先肉骨茶唔夠濃味，料都唔多.④真係好普通嘅一碗嘢.小食拼盤嘅嘢都表現得好一般，唯獨薄餅配咖哩係好味。咖哩偏辣，配埋個薄餅真係食唔停口我而最後嚟個樣馬拉骨都係正常嘅。因為食開油麻地個間每道菜都好有風味，好正宗所以九龍灣呢間相對遜色咗啲•峇峇娘惹（九龍灣）九龍灣牛頭角道77號淘大商場二期地下G234-237號舖

峇峇娘惹 @淘大評分：🌕🌕🌕🌘🌑喺九龍灣開咗一間新加坡菜， 每逢食晏都好多人排隊，心血來潮非常之想食肉骨茶， 咁就試吓佢啦！新加坡嘅肉骨茶同馬來西亞唔同，佢嘅湯汁偏白，藥材成份冇馬來西亞咁多，同埋偏向落白楜椒，所以口感會少少辣但係好暖胃架！我會建議配埋油炸鬼食會更滋味！除咗肉骨茶之外我仲點左架央多，架央醬偏甜，但都可以接受！好可惜餐廳冇提供雞蛋，如果可以架央配雞蛋就更完美啦！整體而言，餐廳體驗都唔錯價錢平民，食物質素都OK可以一試。

呢間馬來西亞餐廳,下午茶時段真係好抵食!🤗星洲魚丸拼魚角滲滲喇沙配送一杯熱飲我揀左馬來拉茶$35另外叫一份下午茶套餐可以加配小食一份我叫左香茅骨(三件)$9🤩🤩😛星洲魚丸拼魚角滲滲喇沙 下午茶個細碗啲但無份量都唔算少 有半隻雞蛋、三粒魚丸、一件魚角、兩粒小豆卜、 芽菜、滲滲係油麵溝米粉、 再比左半粒青檸調味😆其實都好足料,味道唔差,但可能碗細但料多所以無咩湯咁😂比啲麵索哂，好似變左撈麵🤭但味道係好食,喇沙湯底有椰香夠濃至於小食香茅骨我比一百分! 新鮮即炸即上碟😋豬扒充滿好香既香茅味，而且夠鬆軟又juicy 加埋泰式辣醬，十分出色！重點只需$9 有三件其實份量都等於一塊豬扒🤩馬來拉茶 夠哂香滑 而且唔會太甜 讚讚讚❤️

2022-06-05同女朋友行經淘大🥳見到有間馬來西亞嘢叫峇峇娘惹🤰峇峇娘惹係馬來語，意思係土生華人🧔🏼‍♀️我點了星洲魚丸拼魚角渗潜喇沙 🍜37蚊碗，滲滲喇沙嘅湯少少辣，啲米粉沾上喇沙湯汁，非常惹味，份量正常☺️女友點了馬來豉油豬扒飯🐖46蚊碗，眼見豬扒超級乾身，但食落口好鬆脆😋試埋斑蘭咖央西多士🍞32蚊碟，蛋香味濃同即炸，夠熱多脆口，重斑籣味每件都多斑籣醬☺️☺️跟餐叫咗杯馬爽拉茶同南洋咖啡☕️拉茶好重茶味幾好飲😋😋整體環境幾好坐得幾舒服，食物方面下午餐，份量同味道都不錯，值得一試👍🏻👍🏻#峇峇娘惹#斑蘭咖央西多士#馬來豉油豬扒飯#星洲魚丸拼魚角渗潜喇沙#馬爽拉茶#南洋咖啡

呢間馬來西亞菜假日都有人等位食嘢，由於太多人等位所以就買外賣就算🙈今次就試吓椰漿飯啦~🍴 巴東牛肉飯 $68 (6.5/10)份量都足，巴東牛肉有八舊，食落都淋，唔會痴牙，肉質比較似牛腩但乾身少少，個味道係重香料味，香香辣辣，另外配咗個汁，點牛肉好食好多，甜甜辣辣有少少似沙嗲汁但再偏甜少少，辣嘅後勁都幾重會食到出汗🤣椰漿飯超級乾身，有啲太硬，有微微嘅椰漿味，唔算好香濃，但個質感真係食隔夜冷飯再乾啲🫠煎蛋係全熟嘅雞蛋，煎得都香口有燶邊，加埋花生菜譜口感都幾豐富嘅，如果個飯冇咁硬咁講嘅話應該會好食好多😂正正常常，唔會中伏，味道係OK的！🍴 青桔仔水 (5/10)叫錯咗青桔仔水，本來想要青桔仔茶嘅。得1.5粒桔仔🤣青桔仔味道比較酸，覺得同普通檸檬水差唔多味，冇咩特別。推薦指數: 6.5/10講真個味道係OK的，唔難食，但冇咩驚喜，如果椰漿飯做返冇咁乾身濕潤少少會好好多！

今日又有新發現對於我嚟講喺淘大都有好多唔同類型嘅餐廳，見到呢一間就好似另外一個同類品牌，但係呢間嘅份量用料同埋價錢都係好好多！性價比高好多！好少見到拼盤大份係低於$100，呢個大拼盤有六樣嘢都只係賣$82！價錢非常之合理！而且六樣都係非常之好食！除了咖喱醬比較辣之外但係個咖喱係好香，如果適合一般香港人，可能個咖喱減一半辣會比較好啲！蒜蓉炒菜一般，雖有啲菜變黃左，但係份量係非常之足夠！最後勁推介就係馬來西亞肉骨茶好味道啦！夠熱，而且有三條排骨！湯入邊仲有好入味嘅冬菇，呢個真係一百分喇好味！

淘大而家開左donki, 行完買完行過對面, 見到呢間舖頭有喇沙粉面食, 仲有下午茶添, 就坐低試下先叫左魚腐滲滲喇沙連餐飲青桔仔茶$33, 另外加配了參巴芥蘭$12魚腐滲滲喇沙湯底濃郁, 椰汁味濃, 滲滲粉則係米粉加油面, 口感豐富, 魚腐咬落有口感彈牙及有魚味, 魚腐吸收埋濃湯汁, 都好好食, 另外仲有芽菜及半邊蛋做配料參巴芥蘭參巴醬微辣好味, 配上芥蘭都唔錯青桔仔茶酸酸澀澀都好得意, 喜歡飲檸茶嘅朋友都可以一試魚堅總評性價比 4👍(以5👍為滿分)

因為疫情嚴重，而家買外賣多。呢間早餐外賣真係小到嚇親，我已經唔係特別大食既人，但呢個份量2-3啖已經食完….根本唔夠飽！有圖有真相野食ok既 但份量真係有待改善🤦🏻‍♀️

好耐無嚟九龍灣，原來好多舖都轉咗了，疫情下好多舖都無開，有開都無堂食，娘惹係少有做堂食。餐廳以磚做主打，無論牆壁, 地定檯都用上磚，當中最靚嘅係檯面嘅Aqua 色磚😍。單價都可以，大概50幾蚊一個餐，星期六日加一，粉麵飯都有，配飲品。點咗個豬扒飯配拉茶，豬扒飯好夠熱，但蛋唔熱嘅配幾片青瓜同花生，豉油好味，豬扒有啲乾。