峇峇娘惹 (淘大商場2期) (已結業)

𝑀𝒶𝓁𝒶𝓎𝓈𝒾𝒶 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎🌟手撕雞滲滲喇沙🐥 （$54）個人唔鐘意食油面，所以淨係要米粉。佢既喇沙味道唔算特別濃，但食起黎幾香口。湯入面仲有個青擰仔，加左之後酸酸地，味道提升左唔少🤩本身擔心雞絲冇調味會好淡口，但係連埋喇沙一個重味一個淡味又幾好食。🌟 馬來豬扒🐖乾炒公仔麵 （$68）唔知係咪馬拉野比較濃味，佢既炒公仔面顏色好深（我覺得幾靚😂）。😂食左一條覺得調味好好，收水收得好，唔會太乾身，夠咸又夠獲氣！豬扒亦都預先用香茅醃過，所以非常入味同埋好淋好易咬。另外加入左乾蒜同芽菜令成個面唔會寡。但係食到尾又覺得有𝘥太咸😂😂😂飲左好多凍奶茶🥤。佢既馬來拉茶☕️好特別，奶茶上面有一層好厚既泡😙 飲起黎冇中式奶茶濃厚既感覺，但係有種好香同順滑既感覺題外話，食食下隔離枱塊隔版（係一塊好大既膠版）突然跌左落黎，打到我個頭😅😅😅😅有少少嚇親😢🥺📍 峇峇娘惹九龍灣牛頭角道77號淘大商場二期地下

..性價比幾高嘅一間星馬菜😆下午茶時段真係勁抵食，每個餐只係廿幾三十蚊😗同埋覺得九龍灣呢間分店裝修得特別靚，坐得幾舒服而且服務態度都好好🥰.🥘咖喱手撕雞乾撈 $56雖然賣相唔係太靚，但味道比想像中好食🤪個咖喱汁好開胃不過幾辣下，唔食得辣都唔太建議嗌😎.🥘香茅骨滲滲叻沙 $56喇沙真係佢地招牌黎，甚至可以話你唔食喇沙可以唔使去呢間餐廳😂之前食開脆皮燒肉喇沙，不過今次諗住單叫個餸同人share所以揀咗香茅骨😌睇圖都見到超級足料，足足有五大舊骨，啖啖肉😚湯底好香濃，仲有豆卜、雞蛋等等嘅配料，大滿足🤩.🥘脆皮燒肉 $59雖然8塊肉就六十蚊都幾貴下，不過每次去到定都會食，層皮好脆好脆，肥瘦均勻😋不過今次好似淡味咗少少🤣.💰人均消費: ~$70.🍽味道: 3.5/5🏙環境: 4/5👨🏼‍🍳服務: 4/5💧衛生: 4/5💰價錢: 4/5.📍峇峇娘惹九龍灣牛頭角道77號淘大商場二期地下

某晚因為夜歸，附近食肆都已經收晒鋪咁滯，唯獨得返佢同埋隔離老麥仲未收鋪。由於唔太想食老麥，之前又食過兩次峇峇娘惹，味道尚算OK，所以都揀咗佢，叫咗個外賣「馬來西亞咖喱雞」配黃油飯，仲送埋個熱嘅吉仔水....一拎到返屋企拆開，份量係OK，但味道真係完完全全唔掂！本人平時食嘢都需要幾濃味，亦都幾食得偏鹹嘅食物，但成個餐真係食完要洗腎..... 黃油飯食落口已經係偏喊，但都算啦，試一試個咖喱雞，真係同食一堆鹽無分別，我最初見到啲雞塊係煎雞球再撈落啲咖喱汁度，所以有部分雞球係只沾到少量咖喱汁，夾咗一舊嚟食，啲雞係喊到完全食唔出係一舊咩肉，只係食得出係一舊勁鹹嘅肉類物體，再試一試啲汁，都係勁鹹，食咗兩舊雞都已經頂唔順，由於唔知係咪啲雞太鹹搞到啲汁都鹹埋定係啲汁太鹹搞到啲雞勁鹹，所以決定試埋入面舊咖喱薯仔... 哇！鹹到係不能入口！屋企人見我平時呢個乜都掃乾淨嘅垃圾桶都話食唔落，佢哋都大膽試咗件雞，都話鹹到離L譜果隻！鹹成咁，到底係個廚師無試味都落多咗鹽，無論係個汁、雞同飯都係勁鹹！咁嘅嘢食真係會有人食？恐怕都唔會有下次！

喺公司附近都食到悶悶地，所以就過嚟淘大搵食！最平40幾蚊已經有個魚蛋粉依個價錢冇得輸！雖然我哋都冇嗌到呢個最平嘅餐😂馬來咖喱香茅骨飯個咖喱幾惹味撈飯一流😍個骨即係豬扒都好鬆脆，又夠乾身！豬潤肉骨茶呢個配搭都幾得意呀！平時肉骨茶係配一字骨㗎嘛，呢度竟然配豬潤，不過其實食落都真係幾唔夾。同埋肉骨茶係可以揀味道嘅，唔一定係得藥材味！豬扒滲滲喇沙叻沙又係好夠味， 會想飲晒成個湯。唯一唔滿意係塊豬扒冇分開上浸到林晒😓

🔅峇峇娘惹尋日就同3個朋友去試下呢間主打馬來西亞菜嘅峇峇娘惹😎我同朋友分別叫咗4個主食加一個小菜🤪🤪🏆 脆皮燒肉呢個真心好食！首先佢個皮好脆，肥膏有少少，但食落去唔同我哋食燒味鋪嘅燒肉咁油膩，因為佢燒脆咗個皮，令你就算一啖咬埋肥豬肉位，都會好香口，推到另一個層次。就連我朋友唔食肥豬肉位，都大讚話正😎🥇手撕雞喇沙喇沙湯底食落去唔會話太辣，相反勁重椰奶味，食落去好香濃🤩加上手撕雞好有份量，唔會話得一兩執咁少😏🥈咖哩手撕雞乾撈呢個係估唔到咁好食🥰咖哩味勁重，手撕雞份量好足，咖喱汁好滿，所以成碗都撈得平均，每一條手撕雞定麵都可以沾上咖喱汁，所以你每一啖都可以食到咖喱嘅辣味🥵🥵🥵💂🏻‍♂️胡迪警長提提你，呢碗咖喱嘅辣度，係每一啖都刺激你味蕾🥵🥵🥵🥵所以如果好似我咁.......三哥只可以食10小辣嘅人，揀之前諗諗🤔️或者叫定杯凍嘢飲🥵🥵🥵🥵🥉香茅骨喇沙 / 海南雞飯香茅骨就好似香茅豬扒咁，正常發揮🙂但要提一提就係呢個海南雞飯🥲🥲坦白講，胡迪警長個肚就真係好差嘅，唔熟太生，我都會痾啦🥲咁呢間嘅海南雞飯呢，我朋友平時都好食得生嘢嘅，佢都覺得呢間嘅海南雞偏生嘅！你會望到，佢雞肉個位係仲有紅色架‼️‼️‼️‼️‼️‼️

一直都覺得九龍灣冇咩野食 今次去到淘大 見到有呢間 連鎖馬來西亞野 星期六晚唔駛等位1. 梅頭肉星州胡椒肉骨茶（$56）（7/10）有分馬拉藥材同星州胡椒 我懷疑我叫錯左 我應該係鍾意馬拉藥材 黎到同幻想中唔同 個湯好淺色 胡椒味真係好重 但梅頭肉好淋 可惜係佢冇得refill肉骨茶湯2.咖喱雞球椰漿飯 （$62） （8/10） 本來為影相想轉碟豆花椰漿飯 但要加$10 但餐牌上明明普通椰漿飯同碟豆花係一樣錢 覺得唔抵所以冇加咖哩好惹味 都重椰汁味 仲有個醬 咖哩撈飯點少少醬 正！ 要彈嘅係個椰漿飯其實冇咩椰漿味 同埋似雞扒多過雞球3.斑蘭咖央多士 ($26) (7.5/10) 我係咖央控 所以本來已加分 但多士黎講真係太唔脆 普通啦4.參巴通菜 （$42）（7/10）都參巴醬甜甜地 幾特別 但略厭太油5.馬來拉茶 (+$6)拉茶好滑整體其實係好食 同性價比高 兩個人食四樣野都係每人一舊水 而且份量都多

今日過開九龍依邊 探下屋企人既老人家搵左陣 見到淘大廣場都幾多野食因為有得泊車 老人家唔使行得太遠到步都成2點 見到依間 馬來西亞野睇menu 都幾吸引 星期日都仲有下午茶價錢由30$～50$ 款式都幾多下因為我哋有四個人所以就嗌咗五樣嘢同埋啲小食黎share第一個係雞絲撈麵 雖然份量唔係好大 但係佢個汁少少辣撈埋啲面同埋啲雞絲食都幾好味第二味就係依個魚腐喇沙 味道唔錯又唔會太辣 喇沙味都幾香跟餐就可以可以要杯凍拉茶加咗幾樣小食當中包括呢個咖央西多士同通菜 整體來講下午茶3x$到$40 有咁嘅味道算幾好食同抵食 推薦推薦

裝修走懷舊傳統風格的峇峇娘惹，今天下午茶時間客人不多，坐著感覺舒適悠閑。發現原來馬來西亞餐廳不只有喇沙和肉骨菜，下午茶也有些輕鬆（？）一點的選擇，我們今天選了黑椒五花牛肉馬拉包和馬來常餐。黑椒五花牛馬拉包 （配熱飲）$30 黑椒醬汁味道頗濃，牛肉嫩滑少韌馬來常餐 （豬扒雞湯公仔麵，炒蛋+斑蘭咖央多士）$46煎豬扒公仔麵正常，多士香脆，斑蘭咖央醬塗得慷慨，甜度適中南洋咖啡 （凍飯+$3）咖啡比想像中苦澀，侍應說他們是用練奶不是糖水，所以另外給我們一支練奶嗜甜的下次還是要奶茶好了😊

淘大商場峇峇娘惹1）豬扒公仔麵咖央多士炒滑蛋公仔麵都好大一碗，多士要加錢，冇咩特別2）肉骨茶藥材湯未好友新加坡嘅味道，因為之前喺新加坡食過，呢碗湯底藥材味好重，但係裏面嘅排骨就唔係好多但係價錢同份量成比例3）馬來西亞咖喱牛肉飯呢個牛肉唔算好多，飯就比較室咖喱好味但係個人覺得太辣4）星洲魚丸喇沙喇沙湯底好好味，魚丸好正

本身都覺得呢間唔錯，每個月都起碼有一兩次會嚟呢度食早餐，而真心覺得而家上菜速度越嚟越慢，嘢食質素亦都下降咗不少😭以前咖咉多士好多獎架而家薄薄一層，另外米線份量一樣少左，以前次次都排晒長龍，而家真係冇咗啲個情況，唔知係咪大家都覺得質素下降咗呢！Hope that will be better soon ,本身嘢食都幾好食

在家抗疫左好耐⋯⋯因為要採購，等到四點餐廳無人就黎食個下午茶～下午茶大部分都係南洋麵、粉，咁都係喇沙咖喱干路同普通公仔麵或美極麵價錢由三十幾至四十幾蚊不等咖喱雞絲乾撈油麵包一杯嘢飲，加$3叫咗杯南洋奶茶，奶茶正常但個杯好瘦～咖喱有啲辣都好味嘅，雞絲都OK夠粗身，但係個份量真係好細⋯⋯食幾啖就冇嗰碟好淺另一個茶餐豬扒公仔麵配咖吔多士炒蛋，炒蛋夠滑，多士夠多醬、厚身都好食。豬扒公仔麵⋯⋯豬扒夠冧唔夠香口，公仔麵無味⋯⋯埋單90唔算貴，勝在無人🤣

今日嚟到九龍灣食D東南亞野食，見到佢藍蝶花飯好吸引仲可以免費升級北海道七星米🤤 😋 餐廳地方闊落唔會逼澀👍，叫咗個無骨海南雞飯（7分），巴東牛肉藍蝶花飯😍（8分），咖央西多士比較甜(6分)，份量好足所以飽住出門口😋😋😋另外之前都係食開珍珠米，七星米真係再更加粒粒分明，同埋每粒都好飽滿，真係好口感😋餐廳服務也不錯👍😍1月1日～2月28日藍蝶花飯免費升級日本北海道七星米(除油麻地分店)峇峇娘惹地址：九龍灣牛頭角道77號淘大商場二期地下G234-237號舖

🇭🇰峇峇娘惹連鎖馬來西亞餐廳 食物都保持到水準今次係👩🏻家姐第二次黎食啦😆🦐蝦球滲滲叻沙(💰$62)摻摻意思係油麵加米粉 配菜有半隻蛋🥚豆卜 芽菜 四件蝦球🦐🦐🦐🦐蝦球肉質爽口 叻沙湯底幾有椰香🥥 惹味濃微辣麵條掛到湯 湯稠身 芽菜粗身肥肥的豆卜吸哂叻沙湯味 整體唔錯😉😉 是值得回頭既 -🐔手撕雞滲滲叻沙(💰$56配飲品)-☕️馬來拉茶香滑甜甜的 但又唔會過於甜膩 幾好飲🤤🤤

好耐未過過嚟九龍灣淘大呢邊，食店又轉曬，煥然一新，今日選咗一間，東南亞色彩餐廳，食lunch。店員好有禮貌，帶我哋張枱坐近窗邊，裝修環境好有特色。午餐都有好幾款選擇， 飲品選擇都有啲特色。 我叫咗一款LD202 馬來咖哩香茅骨飯$52，碟飯都唔係hea，香脆金黃豬扒， 配菜:有三片青瓜，香脆花生，啲辣菜脯配粟米豆豆，半隻烚蛋 。可惜我唔食得辣 對我嚟講碟咖哩汁就有啲辣呀，薯仔細細，大概兩口食曬，飲品熱青桔仔茶，青桔仔一開二配香濃紅茶可以幫我解一解辣。LD01 峇峇無骨海南雞飯$66， 配熱洋參菊花茶+$4。 海南雞好嫩滑唔肥，配油飯都唔油膩。一樣配菜:有三片青瓜，香脆花生，啲辣菜脯配粟米豆豆 。唯一不足就係午餐都需要加一。

陪媽媽行淘大, 飯市時間都頗多餐廳選擇, 最後選定這家峇峇娘惹餐廳。馬來拼盤(細) , 包括油酥餅, 香茅雞翼, 咖哩角, 還有芒芋春卷, 每樣都是2件。其中油酥餅最好味, 但口味最有趣的就是芒芋春卷, 味道是甜的。豬肋排肉骨茶配白飯, 肉骨茶可選馬來藥材味或是新加坡胡椒味, 如此均真的劃分, 足可見其認真及貼心。手撕雞滲滲叻沙, 叻沙的味道香濃, 讓人停不下口。尤其喜歡粗麵與米粉混合的口感, 比較有層次。吃飽飽再喝杯傳統拉茶, 少甜剛剛好。埋單出門之後發現下午茶也有很多選擇而且更抵吃, 下次再去試好了。