峇峇娘惹 (淘大商場2期) (已結業)

之前食過第二區既峇峇娘惹 今次同FD來食，甘呢間就第一次來食睇左MENU一陣覺得二人餐幾底，又有飯湯同兩款茶色肉骨茶好大碗都算唔錯，牛腩就辣左D啦，愈食愈辣魚柳幾好食，可能我本身鍾意食甜酸野美錄就太甜，甜過頭晚餐來講價錢合理

Enjoyed a wonderful catch up with friends in this delightful restaurant. I like the laksa here which is really nice. The broth is fresh and aromatic. Without overwhelmed chilli oil or coconut milk, the bowl of noodles is delicious and not greasy. The taste is authentic but portion is generous. The service was very efficient and friendly. Recommend this restaurant to any noodle lover in Hong Kong. Definitely worth trying.去咗九龍灣探朋友，喺佢樓下搵左呢間餐廳食。我鍾意呢度嘅叻沙，好好味。湯底有鮮味，唔會有太多嘅辣油或椰漿，所以碗麵唔會太油膩，好好味。味道幾正宗，份量夠大

上次去食峇峇娘惹時見到下午茶有班蘭咖央多士，所以特地為左佢而再去食一次。食完之後發現，今日VIP竟然唔係佢，而係參巴通菜！班蘭咖央牛油多士 ($30)依個價錢係包熱飲的，所以叫左桔仔茶。賣相相當吸引，而最重要的牛油亦好夠凍，同埋香港無咩地方可以食到班蘭咖央牛油多士依個組合，所以都值得黎試的。不過，如果佢塊牛油可以大執D蓋哂整個多士就好，依家實際上蓋到1/3，同埋再多D咖央醬就好了，價錢而言有少少貴。同場加映!!!參巴通菜($12)同場加映的參巴通菜！以12蚊而言都幾大份，雖然只係淥菜加參巴醬，但個醬都幾濃同幾多下，仲有少少辣添～如果黎食下午茶的話記得叫佢！呢間試下次再試，可以試埋其他野食！以下係我的評分（滿分為５分）： 味道：4分環境：4分服務：3.5分價錢：3分推薦程度：3.5分 

最近去完馬來西亞旅行，返到香港都想繼續食東南亞野食，所以今日去左九龍灣呢間峇峇娘惹食飯。今次點左娘惹喇沙，而餐廳比左好多唔同餸的選擇，我就揀左燒腩仔，再配左一杯凍桔仔茶。燒腩仔X娘惹喇沙 ($74)本身落單時無特別點麵要滲滲，仲擔心唔知會比左啲咩麵我，原來無特別指明的話都會係比滲滲的。份量非常足夠，而味道都好濃郁，同去旅行食的喇沙好相似，完全可以止到旅行癮！最出色係湯底，濃味而唔會過辣，我最後成碗湯係飲哂的。配料有芽菜豆卜同雞蛋，而燒腩仔就係港式燒味，無留下深刻印象，下次可以試其他餸。呢間試下次再試，可以試埋其他野食！以下係我的評分（滿分為５分）： 味道：4.5分環境：4分服務：3.5分價錢：3.5分推薦程度：4分 餐牌如下

收工同屋企人行過去淘大果邊食飯！呢間整體裝修不錯，充滿東南亞風味，而且門口有人排，所以，决定試下！食物：🌞🌞🌞🌞海南雞飯:個雞好嫩滑，處理得幾好，而且仲係油飯！正☺️☺️🤗🤗好味肉骨茶:味道都幾好，但略嫌藥材味淡左少少，而且骨份量都唔太多，食完唔夠飽😢😅😬😂油酥餅配咖哩汁薯仔:好好食，個餅好正，再加咖哩一流！👍🏻👍🏻☺️整體來講，其實唔錯，會再食！雖然我地3個人要同人搭枱，都可以接受！而且員工都有禮貌！👍🏻

去過呢間餐廳食lunch & tea兩次，食過佢個豬扒炒公仔麵，幾好食！不過直到有次食dinner , 入左枱叫個香茅骨雞湯河粉，唔多好食，個湯清到無乜味，(大概15分鐘左右)就想叫過第二樣野食，點知見到出面好多人等位，唔想咁急趕咁食又唔想阻住人，於是就叫外賣拎走返屋企先慢慢食。點知佢個外賣到左無耐，個職員行黎用啲唔太禮貌既態度同我講”你介唔介意比返張枱我哋”，其實我就唔介意既，不過佢問我既語氣真係唔太好，比人趕枱故知然係唔好受，不過我都明白做生意想翻枱賺錢，所以唔洗趕我，我都諗住外賣返屋企唔坐係度食咁唔自在。通常繁忙時間/放題限時90分鐘就話姐，但我真係未曾試過坐低食野半個鐘就被趕枱。係30分鐘！！！唔講我枱上既野食仲未食晒，坐低半個鐘都唔夠就俾人趕走，仲要叫我交枱既語氣態度都唔好！即刻都已經唔想食，走！真係如佢哋所願，即時埋單走人，比返張枱～但無下次了！

好耐冇去淘大，今晚屋企唔煑飯，就約咗老公一起去食嘢。淘大條食街多嘢棟，老公從街頭睇到街尾，跟住扑鎚食馬來西亞餐。雖然已經喺七點幾，餐廳人唔多，我哋睇咗餐牌，二人餐的食物唔啱我哋，所以決定散叫。老公嗌咗海南雞飯，我要咗個馬來椰漿飯配巴東牛肉，外加一個豬潤肉骨茶。海南雞飯最先上，俾嘅沾醬分別喺辣椒醬，黑豉油同薑蓉，我試咗少少辣椒醬，係正宗配海南雞飯的，幾好。油鷄飯望落唔係太油，除咗鷄，仲有青瓜、紅蘿蔔粒同花生等配料。老公話啲鷄肉都幾滑，最緊要係冇骨，但係啲飯就唔夠香。我碟椰醬飯到喇。首先要講嘅係巴東牛肉，煮得幾冧，辣度啱啱好，配上椰漿飯，非常之開胃。配料方面同海南雞飯一樣，亦都係青瓜、花生同紅蘿蔔粒等，呢碟飯仲俾咗一個可以依照客人要求烹煮嘅蛋，我就選擇咗要一個太陽蛋。另外仲另上一小碟辣椒，我本來以為喺參巴辣椒，但原來係甜辣醬，呢個唔正宗，要扣分。碗豬潤肉骨茶要讃。首先係啲豬膶，非常之爽脆，有七、八塊咁多，係屬於煮得啱啱好，咬落彈牙嗰種。至於個湯，因為係星加坡式，所以係胡椒湯底，佢非常之清甜，夠辣，飲咗成身暖笠笠，啱晒喺清涼的晚上飲，碗湯內仲有啲油豆腐，吸晒啲湯汁食落去真係好美味。因為係肉骨

算幾好的早餐，峇峇娘野 早餐逢星期一至五冇收加一服務費，但係星期六、日 公眾假期就會收取加一。早餐 我吃 榨菜雞絲米粉 加央多士 炒旦腸仔 老闆吃 豬扒米粉加央多士 炒旦腸仔。兩杯啡共$75。味道ok ，價錢合理 。榨菜不會好咸我自己喜歡，豬扒好大塊架🤣🤣🤣！平時早餐不多人 但星期六日要排隊

淘大商場都有不少餐廳，是日又有點想吃喇沙，一於就峇峇娘惹啦，餐廳都唔算細，好快都可以安排入座。 手絲雞滲滲喇沙 剛好到下午茶時段，手絲雞滲滲喇沙下午茶比午餐更划算，當然份量可能比午餐少，但下午茶來說也算足夠。味道不會太辣不會太咸，濃濃椰香味，最中意麵底有米粉同油麵滲和著。 斑蘭咖央西多士 西多士入面夾著一層厚厚的斑蘭咖央醬，啖啖夠甜美，另附上煉奶，愛甜人士有福了。 參巴通菜 加配價+$12，十分經濟，通菜份量唔少，參巴醬甜甜辣辣。 馬來拉茶（熱） $0跟餐免費加配，拉茶香滑順喉。 檳城桔子酸梅特飲 （凍）+$6

係淘大行到攰攰地諗住食個下午茶～唔係太肚餓粉麵食唔落～少少哋整份多士食吓先～唔係好多地方有榴槤醬多士～所以諗住試吓～見佢有馬拉嘢好似好吸引～如果好食～下次晚餐揾次試吓先榴槤醬多士冇用焗爐烘～不過都暖暖哋～似普通方包多D～咁不如改名榴槤方包～榴槤醬超級甜又唔好食熱咖啡似係即溶咖啡又係又甜又冇啡味～超級搵笨 咁嘅服務質素加食物質量～$29加一$31.9自動將一毫子變整數～$0.1都要賺盡～下午茶勁失望冇下次

去到淘大晚餐間間都要等位係唯獨呢間冇咩人膽粗粗入去先點知一試就好難忘平時食過啲咩媽咩媽，覺得都係麻麻地今次食咗個招牌巴東牛肉飯個汁好惹味，跟住蛋又可以撈飯配菜有啲花生都好好食跟住嗌左個燒肉咖喱撈麵燒肉好夠份量好多舊 咖喱好惹味椰奶味都好重，不過食到一半就會開始膩

好耐之前食過油麻地分店覺得價錢同味道都唔錯 今次就趁下午茶時段嚟到九龍灣分店試吓🤓 ✿ 手撕雞滲滲喇沙 ($40)下午茶細碗啲但份量都OK 食完都夠飽🤰🏻麵底係兩溝 分別係米粉同油麵手撕雞分量超多 食極都仲有 浸晒落啲湯度好惹味😆配料有芽菜 豆卜同半隻雞蛋🥚湯底方面好濃郁！ 唔太辣 椰香味好重🥥 不過湯嘅份量略嫌少咗啲 食下食下俾啲麵索哂 冇乜湯咁🥹✿ 豬柳漢堡濃茄湯通粉常餐 ($44)常餐配左炒滑蛋同牛油/班蘭咖央西多士🍞湯底幾濃蕃茄味 唔會太濃太酸仲有啲蕃茄肉喺入面🍅瀦留漢堡幾厚身 不過偏鹹～✿ 常餐 - 班蘭咖央西多士+炒滑蛋多士揸滿班蘭醬 椰味好濃🥥 多士烘得香脆啱啱好😆炒蛋正常水準 冇特別～✿ 凍青桔仔茶(+$3)即係青檸茶 茶底同青檸好夾酸酸甜甜咁🍹✿ 凍馬來拉茶 (+$3)茶味好濃郁 甜甜地幾好飲 但又唔會好似泰式奶茶咁甜☕️

🏠～峇峇娘惹～～～～～～～～～～～～～～～～～～～～～～～～～～～前幾日晏晝去左九龍灣 然後見到呢間環境唔錯既餐餐廳就膽粗粗入試下店內環境好乾淨 光線亦足夠🍜～手撕雞滲滲喇沙～湯底係有椰香既喇沙湯 啖啖都係喇沙味 非常入味配料則有豆卜、蛋、芽菜唯一有小小美中不足既係佢既幼麵有小小索湯 所以無得攤慢版去食環境～📸📸📸📸📸服務質素～😊😊😊😊😊好味指數～👅👅👅👅性價比～💰💰💰💰消費 HK$60/1人🏠～ 峇峇娘惹📮～ 牛頭角道77號淘大商場二期地下G234-237號舖

馬來西亞菜我都係好鍾意！但係要搵好食嘅係有啲難度😂🔥椰漿飯（辣）惹味，可添辣醬（sambal醬），好味⋯不過如果正宗有埋魚仔就好啦！😎😆🔥又係拼盤啊！😂你唔好睇得我寫嘅食評都知我好鍾意叫拼盤😝呢個小食拼盤好豐富，不過味道中規中矩，始終都係炸嘢冇乜技巧可言😝

環境好新好乾淨，係淘大附近嘅居民食堂午餐手撕雞滲滲喇沙 $54麵底混合兩種麵，有米粉同好似拉麵嘅麵，湯底係我鍾意果種椰香濃郁嘅喇沙，散發少許蝦米鹹魚醬嘅味，配料有芽菜、蛋同豆卜，非常好味午餐豬梅肉肉骨茶-星洲胡椒 $62湯底淺色，原來都好濃郁嘅胡椒香辣，配料有油炸鬼、豆卜同花菇，好入味，梅頭肉片厚切新鮮，肉質彈牙，不過配飯有啲怪小食 香茅骨 $ 9其實係豬扒切條，香茅入味，肉質硬啲餐飲可以免費揀柑桔檸檬茶同薏米水，我地揀左薏米水，好得意，微甜又唔似清水咁淡而無味