岩鹽日本料理 (利舞臺廣場) (已結業)

平時食放題就食得多，好少真係去食日本料理。之前聽有位朋友講過話覺得呢間日本料理質素高又好味，今日難得同朋友黎銅鑼灣行街，就趁呢個機會黎試下。前菜揀咗日本蕃茄沙津，見到話係用日本蕃茄，本身都半信半疑，點知食完先發覺啲蕃茄真係特別甜！嗰醬汁雖然都係酸酸地咁，但同平時出面食既唔同，味道相當唔錯，仲好開胃添！芝士玉子燒有驚喜，非常嫩滑，而且蛋味好香濃，好甜！趁熱食既話，啲芝士仲拉晒絲㗎！😙睇食評見好多人都有叫班㦸鰻魚三色卷，我地都唔執輸嗌翻份。朋友不嬲中意食鰻魚，不過我平時就比較少食鰻魚，因為驚有腥味。但估唔到呢個鰻魚三色卷都唔錯，鰻魚一啲都唔會腥，而且口感豐富，因為除咗鰻魚之外入面仲加咗蟹籽、青瓜等配料。本身想叫釜飯試下，但見隔離枱既雜錦燒肉御膳好似好吸引，最後抵受唔住誘惑叫咗份。😂有牛小排、牛脷同埋錦爽雞燒，用個爐仔咁燒幾過癮，味道亦唔錯，但略嫌份量較少。不過好彩仲有其他野食，有刺身、白飯、味噌湯、沙津、漬物。其中刺身相當唔錯，特別新鮮，仲好肥美添！👍🏽另外仲叫咗清酒煮花甲，份量唔算好多，但啲花甲又大隻又鮮甜，而嗰湯都好有鮮味，味道唔錯。夏日炎炎梗係要叫翻杯野飲，揀咗菠蘿青檸梳打，唔會太甜

是日朋友生日，早一星期便打電話預約晚上7時進餐。可惜的是餐廳沒有任何的生日服務，如寫字等。但食物質素穩定，價錢合理，那是個不錯之選。 雜錦燒肉御膳 $188當晚無揀到招牌釜飯， 反而被自助燒肉吸引，有得食又有的玩。有齊牛、魚生、沙律、湯、飯，能淺嚐到各樣食物。燒爐的火比較弱，可以一路食一路放置它在一旁慢慢燒。 誠意推薦！芝士玉子燒 $68最期待的一款，反而有點失望。看到不少食評推介，芝士的確有拉絲效果，但效果不大震撼。玉子燒頗甜，不太嚐到芝士的味道。而且放涼後的玉子燒，會有點過甜。串燒盛盒 $128擺盆十分吸睛，而且經濟抵食。8串包含了燒雞翼、牛舌、合鴨大蒽，雞軟骨、冬菇、紫薯、雞肉、青椒。一次滿足味蕾多重體驗。放涼了的串燒，還可以放在燒肉爐翻熱， 滋味不減。岩鹽 菜式選擇甚多，店員十分忙碌，但也盡力細心服務。日本餐廳來說，價錢相宜，值得一試。

朋友成日話岩鹽好食，要帶我去食，今日去開銅鑼灣終於食到。因為想避開放工時間，所以6點就到左，個陣岩岩入座，未係好多人。入去前有個玻璃位可以睇到廚師整釜飯，幾有趣。而入面環境好吾錯，又有梳發椅坐，幾舒服。呢個日本蕃茄沙律好fresh，醬汁酸酸甜甜，好開胃。而蕃茄係由日本空運，非常甜。好耐冇食花甲，所以點左清酒煮花甲。佢會用個爐一直煮住，飲左幾啖，幾清甜，非常岩食。我最鐘意係班戟鰻魚三色卷，用蛋皮包住鰻魚、飛魚子、牛油果，食落好有口感。朋友鐘意食芝士，所以我地點左芝士玉子燒，熱辣辣，拉出黎有芝士絲。聽講雜錦燒肉御膳推出左冇耐，所以朋友話今晚吾食釜飯住，試下自己燒肉。確實幾有趣，可以自己決定燒到幾成熟，有牛舌芯、雞同牛小扒。套餐重包埋刺身，有帶子、鮮蝦、三文魚等等，幾鮮甜。另外我地叫左杯菠蘿青檸梳打，好fresh！一開始驚好甜，但完全冇，幾解油膩。最後套餐重送埋Häagen-Dazs雪糕，當然食埋先走！

第二次食啦，水準一樣👍🏻生蠔一樣有半價，只係$98就有6隻！刺身嘅一定會叫活北寄貝同埋赤貝，好鮮甜又爽口！個魚生飯，2-3個人食岩岩好，d魚生好足料！無論少人定多人食，都一樣好！

同朋友喺時代廣場行街，行完有啲肚餓，想搵間餐廳。知道利舞台多餐廳，所以我哋嚟咗啲頭搵野食。今次揀左日本嘢。好彩平日呢到唔使等位，好快可以入座啦。餐廳環境都幾寬敞，可以同朋友傾偈，有私隱度。餐牌見到餐廳嘅款式都幾多，有魚生、串燒、炸物、定食等等，仲有酒精類。1) 八爪魚意大利風沙律 (⭐⭐⭐⭐⭐):作為開胃前菜我哋揀左八爪魚意大利風沙律，賣相唔錯，酸酸甜甜，而且的醬料都幾特別，同八爪魚都幾夾。2) 班戟鰻魚三色卷 (⭐⭐⭐⭐⭐):出面比較少機會食，三色卷層次豐富，有埋啲蟹籽，增加口感。白飯應該係用日本米做成嘅，食落香口。3) 黑豚肉串燒 (⭐⭐⭐⭐⭐):之後仲有串燒，叫左燒黑豚肉串燒。呢個係我比較喜歡。特製醬料配黑豚肉串，非常好味，又唔會太鹹。串燒大概有兩三件，豚肉肉質唔算煙韌，亦都唔算肥膩。總括而言，覺得整體食物質素都唔錯，下次有機會都會嚟幫襯。

依間都可以話係令我開食評既其中一個原因。事關我睇左好多網上既食評，先搵到依間餐廳，佢既評分好高，九成以上都寫到有讚無彈，所以決定一試。其實之前都無食過釜飯，所以今次叫左依個鵝肝帶子釜飯。咁果度有教點寫釜飯啦，當你差唔多食完啲飯，個鍋底係有飯焦既，可以用佢跟埋既紫菜加一壺茶，撈成茶漬飯食。講下佢啲料，帶子一啲鮮品味都無，鵝肝味道好淡，好似無煎過咁，飯就無乜特別飯香。佢好似專用日本岩鹽，不過食唔出。之後撈左茶漬飯，淨係食到啲紫菜味。一個字形容個釜飯，「無味」！非常唔明白點解可以咁多好評？餐名: 鵝肝帶子釜飯價錢: $128 hkd評分: 3/10餐廳: 岩鹽日本料理

好耐未黎過利舞台原來有好多新餐廳今次又去食日本野不過朋友話依間有D特色就係一定要食釜飯，佢話有少少似煲仔飯😆門口已經有個師傅喺度整釜飯即叫即整即蒸真係第一次喺日本餐廳食到熱辣辣嘅煲仔飯👍🏻餐廳原來都好大好寬闊兩人都會比張卡位真係超正👍🏻👍🏻👍🏻勁鍾意舒服relax嘅地方✨✨✨餐牌款式都非常多價錢都好大眾化就算係斧飯定食和御膳都係$100左右但係賣相已經值門票㗎✨✨✨☝🏻和風牛肉釜飯係咪好正呢😂我都估唔到原來個定食係有沙律、魚生、湯斧飯熱辣辣，足夠兩人份量☝🏻八爪魚意大利風沙律開胃小食，最鍾意係甜酸汁同沙律☝🏻班cake鰻魚三色卷班cake皮有啲甜，唔係好襯不過勁鍾意燒鰻魚嘅香味下次再嚟嘅話，可以食鰻魚，超正！☝🏻芝士玉子鍾意玉子嘅人，真係一定要叫！又大又厚，又有蛋味！😆😆😆☝🏻梅子豬肉串燒、大蔥鴨串燒大蔥燒得最正，好有味！如果啲肉燒得「勁」D就更好味香口！☝🏻菠蘿香檸冰，正

喺銅鑼灣去食嘢就有好多選擇，尤其是係食日本野，咁所以呢要喺呢個區域裏邊一定要做到環境舒適、食物美味，睇得。今次就去到一間叫做岩鹽嘅日本餐廳，地方位於利舞台頂層，去到店長安排左一個卡位俾我哋。今次叫咗頭盤、小食、串燒及一個釜飯定食。頭款呢一個係八爪魚意大利風味沙律，味道酸酸甜甜，感覺清新。八爪魚都唔會煮得太耐，剛好。第二度小食就係pancake鰻魚卷，通常會係食鰻魚卷壽司，但今次用一個pancake包住，外皮軟滑而鰻魚燒到甘香肥美，一個很好嘅配搭。另一個串燒就係味增醬汁燒豚肉，食落去味道其實等於梅子蒸排骨，鍾意有嗰種味道嘅咁就啱口味。最後係一個燒牛肉虎飯定食，成個.裏便有面試湯刺身沙律，而家苦返嚟嘅時候呢仲俾埋個漏斗，作為一個計時器，當個漏斗完成之後就可以開蓋。整個份量好大，如果係屬於大胃王一份子嘅就啱晒啦。味道唔錯可以一試。

閒日過海食晚飯已經好耐無試過，今次為咗試吓呢間日本🇯🇵料理，一早訂咗枱同朋友去咗聚一聚😚上到利舞臺廣場16樓，一出𨋢已經有人喺外面等位，閒日喎...真係咁正斗🤔？！進入餐廳途中，已覺得空間感十足，坐位大部分都係卡位，有2⃣️人亦有4️⃣人嘅，而我哋被安排坐喺餐廳最埋邊4️⃣人卡位，都幾闊落，坐底後開始look look 👀個menu，有單點有晚市定食，仲有素食餐同夏日精選套餐俾大家選擇。淨係單點種類選擇都好多，搞到order時我哋都❤️大❤️細，様様都想揀都想食😋......咁最後揀咗乜嘢食，請看下方分享🤗P.S 由於Meun內嘅食物選擇繁多，冇特意影俾大家睇，唯有留待大家睇完我嘅食評之後去品嚐一下吧🤤

weekday放工約咗朋友過嚟唔知食咩好，見到呢一間岩鹽覺得ok就入咗嚟試下。帶位姐姐好好人，好有笑容，好彩今次安排到卡位，環境舒適，光暗適中。首先點咗八爪魚意大利風沙律，賣相幾好，食落去味道新鮮，總共有六塊，好薄食落去有口感。和風牛肉釜飯呢一個係定食，有沙律、配菜同埋刺身，仲配埋麵豉湯。和風牛肉煮得啱啱好，唔會太老，仲加埋啲飯焦，感覺一流。如果冬天食就更加正。合鴨大蔥串燒，合鴨同大蔥非常配合，一口大蔥，一口鴨，食落唔會非常油膩。食串燒真係唔係泰國餐廳既專利。另外我同朋友嗌咗一杯青檸梳打同荔枝梳打。夏天飲就非常啱嘞，青檸仲有好多片，非常新鮮，而且份量亦都好大杯，唔會好多冰。個青檸梳打仲好味過某啲泰國餐廳添。最後兩人埋單400蚊，喺銅鑼灣呢個價錢同埋有咁嘅環境食日本餐算係抵食。

訂了枱，3個人點了不同的set lunch, 1個係熟食sushi set+ 1 生食 sushi set + 1 sashimi set 配上沙律、蒸蛋、湯、烏冬，另外點了燒油甘魚餃（好香口、好好味！）、串燒盛合（燒牛舌、雞串等）、蕃茄沙律（至愛、新鮮、柚子醋好夾）

在一間優勝的日本餐廳，魚生和天婦羅的質素是不用置疑的。 這些基本東西岩鹽日本料理就自然沒有令我失望！鰆魚柚子和風沙律十分新鮮，刺身的數量亦都足夠，不會太少。但我覺得鰆魚扒大根煮才是主角！ 魚肉煮得剛剛好，十分鮮嫩，可用匙羹把肉骨分離。 大根煮汁香甜濃郁，用來拌飯簡直一流！刺身真的要來多一半才能大快朵頤！釜飯的漏斗計時十分有創意，海鮮味十足！ 香橙雪葩的味道有點仿真，但賣相吸引值得一讚！ 七百幾蚊的二人御膳，都算合理。

同朋友祝生日, 話想食好味既日本野, 前掛成日見人係IG POST岩鹽既海膽飯, 好似好好味咁, 就一齊去試食. 原本BOOK左位8點, 但遲左10分鐘, 店員已經黑晒面話比唔倒位我地, 叫我地由頭排過, 我地都好理解…等左15-20分鐘佢, 結果都比左位我地.一坐低, 就即刻叫左真岩海膽丼, 個丼真係同張相一模一樣, 超高既海膽山, 加埋三文魚子同吞拿魚溶, 仲有紫菜托底, 相對之下飯量真係極少, 一啖海贍+魚生淨係夾倒半啖飯,$268真係非常抵食! 所有食材都好新鮮,味道同質地都好對路, 雖然有點腥但有海水鹹味, 而且色水夠深, 唔似雪左好耐既平價海膽! 三文魚子鹹香味夠, 完全唔洗落豉油! 吞拿魚溶加蔥花, 非常美味! 紫菜仲要好脆, 証明真係即叫即整! 個海膽丼兩個女仔食一個已經好夠飽, 唔好睇佢碗細細, 海膽+魚生份量真係非常多, 好油好滿足…我地另外仲叫左個串燒, 味道幾好, 肉類醃得好入味. 個人最中意食小蕃薯, 甜得黎又有點香烤味, 正!總結黎講, 食物勝價比非常之高, 值得推介!!

最近朋友介紹我去銅鑼灣試下呢間叫岩鹽既日本餐廳 話貪佢野食夠創新得黎又好食一開menu發覺原來都幾點多選擇添我地首先叫左個八爪魚義大利風沙律一片片既八爪魚配上一片片爽口既青瓜同洋蔥再加埋有義式風情既sauce 做starter真係一流第二味係紫薯蓉特色卷一般加州卷就食得多紫薯蓉特色卷我咁大個人都係第一次試咋呢隻特色卷特別在於個配搭將一層芒果放係表面 入面再配上白飯紫菜薯蓉同埋主角-紫薯蓉！有創意跟住我地再叫左個清酒煮花甲一個字：鮮！肥美既花甲經過清酒同薑蔥一煮成煲野鮮甜到非筆墨能形容花甲肉仲要又新鮮又大粒食曬花甲肉真係想連個湯都飲曬佢最後我地叫左個和風牛肉釜飯個waiter教我地食曬餸先淨低d飯就添茶變做茶漬飯一飯兩食 兩款口味 正食得日本野唔多唔少都會食少少炸物所以我地再叫埋個雜錦天婦羅有蝦 有蕃薯咁最特別係佢款炸左既麵香脆到食唔停口飲品方面我叫左個巨峰梳打比想像中大杯同濃我朋友怕飲凍野所以飲左杯生薑蜜聽佢講都唔係差下次可以一試

釜飯依款日式料理唔算好普及，難得係銅鑼灣有一間專食依款食物既餐廳，就同友你約埋一齊試下餐廳位於利舞臺，門口個廚房已經望到師傅燒緊釜飯餐廳有套餐，不過如果想食釜飯既話套餐選擇唔算多，所以我地散叫，覺得價錢都差唔遠餐廳既釜飯有好多款最後我地揀左廣島蠔釜飯（$118），兩個人分黎食可以叫多啲其他料理食飲品叫左菠蘿青檸梳打（$38），菠蘿既甜味加埋青檸既酸味，好清爽好飲日本紫薯蓉拌薯仔沙律（$68），真係好特別賣相好靚，成件藝術品咁味道仲相當唔錯紫薯甜甜地，質地同薯味濃郁既薯蓉相似，加埋蟹子既鮮味，好有化學作用釜飯就係重點！需要計時，漏斗設計，玩味濃，好有趣。有大大隻蠔！仲有幾種食法，可以加茶變茶漬飯！。