山頭火 (已結業)

今日黎到荃灣廣場搵野食! 見到火頭山冇乜人! 出面既DISPLAY好似幾好味喎! 就試下啦!叫左2個定食~但因為我地唔係叫午餐! 原來星期一至五都有飲品送! 仲有即磨咖啡tim~ 滿心歡喜~黎到了~以為有即磨咖啡飲都幾好呀！點知飲落去！無味的！好淡好淡....至於定食方面~我地order左魚生飯定食同埋帶子蟹肉沙律定食首先！拉麵味道不用多說！我揀辣湯底 但係變左油而不辣！湯也不夠熱！其實真係唔好食既！而飯就比較正常！佢既材料用三文魚粒、帶子粒、蟹子、什菜、仲要玉子同芝士粒！飯加上芝麻幾香口！但一般不過不失既魚生飯定食一個！另外帶子蟹肉沙律定食既拉麵都係一浸油係面~而帶子蟹肉沙律飯既味道都係普通而己! 總括佢地既拉麵比較多油! 而拉麵質地唔夠煙韌! 拉麵入面會有2塊叉燒, 都厚身既, 但都係好油!定食配半隻洽蛋! 蛋很乾身!而佢地既定食飯味道一般~但比起拉麵就好d! 有待改善! 呀...百幾蚊一個餐...唔好食既午餐！失望!

年初四開工，臉上自然是年初四咁既樣。面對假期後抗拒工作的忐忑心情，午飯時間還是外出走走，與同事自組一餐開年午餐也不太差。山頭火是同事們的半家飯堂，然而對於以前一直也沒弄清是「火頭山」還是「山頭火」的我，卻是第一次的光顧。初四啟市本來料會等候一段時間，還好一行五人等了約10分鐘便能入座。日本拉麵店往往在拉麵以外附有白飯一碗，好讓客人在吃完拉麵後，將白飯倒進湯汁裡，吸收了湯汁的泡飯份外滋味，更吃盡湯頭的精華。山頭火也採用類似的形式，大部份拉麵均配迷你飯一客，除了迷你刺身飯外，客人大可將迷你飯倒進湯汁裡，一嚐較為日式的食法。叉燒飯拉麵定食 $71午餐定食均配豚肉拉麵一碗，客人選的只是配置的迷你飯而已。而當中能夠自製湯泡飯的大概只有叉燒飯吧。雖然拉麵是固定，湯底則有四款以供選擇。這天選了較為清淡的鹽味湯底，但始終是拉麵嘛，湯汁表面依然有一層浮油。先呷了一口鹽湯，口裡卻盡是芝麻的香氣！拉麵雖然只有一片豚肉，但麵底份量算是正常，偏向粗身的麵倒是爽彈，質感來說算是不俗。然而，豚肉煮得不夠軟腍，帶有過份的嚼勁。相反，叉燒飯上的豚肉粒來得更入味、更腍，叉燒粒炆煮得有如豚角煮般入口即化，雖然脂肪挺多卻不覺

一田魚屋爆場，唯有退而求其次食元氣，但驚星期日晚同樣都爆。記得由專家的神用完hair gam變身成嗰個日本搞笑youtuber，曾經做過一個蘋果訪問話呢間係日本人都覺得正宗嘅日本餐廳，特別係個牛油帶子飯，於是選擇咗佢，最重要唔使等位。喺魚屋企咗一陣，了起哂大家食魚生嘅慾望，求其喺門口menu見到有啲疑似魚生嘅物體，就狗衝咗入去。坐定先發現魚生菜式一隻手數得哂。最近似嘅呢個魚生飯一定要跟拉麵，講真，兩個都係主食，點啃呀?! 朋友最後食唔哂個麵。佢表示個飯底好好味，因落咗好多麻油。上面黑色係豉油啫喱，白色係芝士，好特別。分量超大，淨麵至少都有30cm x 20cm, 我一個人隊哂，勁有小林尊feel, 食到尾真係好累，其後我先發現其他枱都係叫一份全枱share, 汗。稀麻醬底，有帶子三文魚蝦魷魚三文魚子木耳蕃茄生菜，材料豐富，最鍾意有啲雪耳絲，爽口吸汁，另推薦要碟豉油wasabi送魚生。

之前去過覺得這間雖然好食, 但比較貴,但最近再來, 餐牌改變了, 拉麵分了細中大等級, 價錢只係差小小我問店員細中大即係幾多麵, 佢話細係80克, 中係120克, 大係180克!!我平時買的即食日本拉麵平均一包麵都係70克, 咁大既咪即係兩包半再多最後我叫左中SIZE, 男友叫了大SIZE...先來男友大SIZE的麵鼓拉麵...果然麵的份量非常多...他之前未轉餐牌時來這間都會叫多個叉燒飯, 因為他說飯非常美味, 但今次轉左餐牌, 麵的份量多了太多, 最後他當然食不完....到我的中SIZE鹽味拉麵到來, 湯底不太鹹我喜歡, 麵質不錯, 這個拉麵是再配炸三文魚飯一SET的, 炸三文魚好好食, 但兩舊都好大件...飯好彩只有半碗, 唔係真係食不完.. 餃子小食好好味@@ 但太飽啦真係...這間店變相減價了, 但味道還是一樣美味, 會再來!! 

豬大人與青蛙喜愛的歌手合體開演唱會,難得青蛙搶到門票, 可以跟豬大人好好享受一個充滿靚聲的夜晚! 好不容易等到演唱會開幕、亦即是我倆前往觀看的晚上, 我倆事前先在荃灣廣場覓食, 行了數圈仍苦無頭緒, 到底要光顧那一所餐廳之下,豬大人突然說, 就試''山頭火''吧~好的, 一切聽從豬大人的意見!!也許時間尚早的關係, 店內食客不多,我倆選擇了一張轉角型的卡位就座。看看餐牌, 食物款式可供選擇的不多。結果, 我倆都研究了好一陣子才能下到決定要吃甚麼.......北海道十勝甜豉油豬肉飯 ($48)份量比想像中少, 豬肉更只有兩塊 = ='豬肉的質感偏韌, 而且主要是靠表面的甜豉油調味,本身並未有醃製過。 所以若豬肉沒有沾上醬汁的話,無味道可言.............至於用上珍珠米, 粒粒分明﹑亦富黏性, 是青蛙最愛~配上其香而不是太甜的豉油, 三兩下已被青蛙掃光 ^^如果醬汁可以再多一點點會更完美!!忌廉蟹薯餅 ($24)其實這個價格, 只有一塊都幾貴。由於青蛙有多次在不同餐廳點蟹餅食而中伏的經驗,所以對這裡都是抱著「試過就算」的心態。意外地, 蟹餅很好吃喔~首先即是炸, 入口非常熱辣辣

係荃灣廣場行街,見到依個餐廳d套餐,有飯有麵,於是咪入去試下先lo...我叫左吉列豬扒定食我點左級,係細size,吉列豬扒定食上到台,都唔細wor..另外碗麵,重多左件豬肉tim,味道小咸幾好而仲豬扒點醬就重好食,外"趣"內軟,口感正

收工唔想去咁遠, 所以近近地就響荃灣廣場搵食. 響呢個商場搵間唔太貴又食得飽既食肆實在唔多, 諗來諗去最後都係揀山頭火.門面好日系, 乾淨光猛.睇下呢輪有無新野食先, 舊有既餐都有, 不過而家分左大/中/細 SIZE, 似響日本既食肆.最後都係要左"炸豬扒定食S"($110)+豉油味拉面豉油味湯底較濃味, 拉面質地好彈牙爽口, 有一片义燒.炸豬扒幾厚, 個皮炸得好夠脆, 好香口, 唔油. 豬扒肉質都幾有口感.另一個要左"燒餃子定食S($97)+鹽味拉面.鹽味湯底較清, 但又好夠味, 拉面質地都係好彈牙爽口, 有一片义燒.燒餃子煎得幾香口, 唔油, 豬肉料都幾多, 點埋餃子醋一流.整體食物簡簡單單, 飯係珍珠米, 而且唔係好貴, 服務亦都好好. 

之前食開個海鮮芝麻醬冷面係最好食，幾大碗兩個人可以share食。繼此冷面後推出左一款新的辛口海鮮冷面，就黎試下喇。賣相及味道都算唔錯，至於另外多加左款小食「十勝紅豆麻薯」，就真係一個字''難食''！麻薯應該係軟同埋‘煙un'感，但係佢唔係..佢係硬而粗糙嘅...唔講以為係「十勝紅豆鹼水糉」。本身仲叫左個牛油粟米食，點知粟米係用豉油碟裝嘅，佢塊牛油同隻碟差唔多大同厚...所以同佢取消左（大家唔好學）..唔叫就得喇。

今日路經荃灣就去呢個商場搵下野食，開頭牛之達人梗係想搵牛，可惜嘅係，十點幾，都冇物鋪頭仲開緊，正想離開之際，見到有間拉面仲開緊，就入去餵五臟廟，都係個句，識食一定係食基本野，就叫個最基本嘅鹽味拉面，肉幾靚仔，肉同肥肉嘅比例幾好，唔會太瘦或太膩，不過湯底普通，唔係話整左好耐，亦有鹽味唔算太濃，可能師傅都怕太咸，麵質非常好，不過份量唔算多，男仔食可能要加底╴總體嚟講都ok，有機會嚟荃灣可以再食其他拉面！

週日陪同小女到荃灣開派對，未達前到附近荃灣廣場先用午膳。隨便在商場閒逛，發現拉麵店特多，最後挑選其一享用。一碗叉燒鹽味拉麵，叉燒偏向瘦身，但都算腍，肉香頗濃。拉麵麵質都算富咬口。湯底因加鹽後口味固然帶鹹，油份合理，但豚香則不甚突出。加$17追加一只流心蛋，切開蛋汁溢出，火喉OK，建議減少醬油醃製時間。燒餃子餃皮薄身，菜肉比例都算合理，食味OK。

有好幾次經過已留意到此店，可惜沒時間幫襯。適逢今日年初二放假，時間尚早，見有位子就試試。只點了叉燒鹽味拉麵($98) 和飲品, 整體份量偏少。首先喝一口湯，大失所望，那豬骨湯味很明顯是湯粉溝出來，而且油份太重，食兩啖已覺很油膩。麵條中規中矩，沒什麼驚喜。叉燒用上五花腩肉，份量足夠，但脂肪太多，令油膩感加重。本來配菜可減輕油份，但整碗麵只有一點白葱和一粒酸梅 (後來看相片應該是有筍、木耳、魚蛋，不知是否過年的關係，那配菜也慳番）這樣的價錢，但這樣的質素，我想我不會再幫襯了。

拉麵在香港飲食市場已經佔有一席位 ,我是喜歡日本料理，但是，拉麵從來不是我特別喜愛日本料理之一，而家每區開好多拉麵店,我有去過日本，日本當地拉麵店好味好多，我暫時在香港末找到好好味拉麵，今日去開荃灣時候經過筌灣廣場見到山頭火，曾去過TST店1次，反正末吃過這間分店,一於試下這間分店,這間人流好少,不用等位,立即点了叉燒拉麵(68元)+橙汁(18元),橙汁先來到,味道都OK，橙汁偏酸,拉麵有些小似油麵，麵質都OK,環境就唔錯，服務只是一般,整體來說，荃灣分店比TST好些小食物水準湯底我覺得不算太咸，可以接受，但是，個湯勁多油,這個要改善一下拉麵我覺得麵質都OK,感覺似油麵叉燒我覺得好鞋,並不是太好吃橙汁我覺得一般,味道偏酸服務我覺得一般環境這裡都幾好番吃試過就算了，未必再光顧價錢84元有些小貴

今日到荃灣做嘢，見到有出頭火，識得食，一定食呢間。舖面有全套臘制拉麵食物模型，連套餐都做埋，非常精緻。店面簡約衛生，傳統日式拉麵店格局。麵豉拉麵$68每次都只會點麵豉拉麵。呢度湯底全部由豬骨熬制，上枱時仍然有一層厚油喺面，但就令湯麵一路KEEP住熱辣辣。，再配埋牛油粟米(需要另外叫，每份$20)，麵豉湯頭濃到化不開。麵條煙韌彈牙，屬中形麵條，食落都幾掛湯。叉燒鬆軟入味，配料有我至愛嘅木耳同漬筍，一絲不苟，味道複雜而豐富。辣味麵豉拉麵$71同行友人嗜辣，就試辣味麵豉拉麵，外表異常嚇人，深紅色湯底見到都覺得辣，但呷一啖湯只有少少刺激，香味提升，但麵豉味反而減弱咗😅半熟醬鍋雞蛋$17山頭火嘅拉麵本身唔包雞蛋，所以每次都會另外ORDER。雞蛋煮熟後用醬油(日本豉油)泡浸，令蛋白成淺啡色，入口有淡淡鹹香。雞蛋焯到半熟，一切開，蛋黃成啫喱狀，只係呢隻蛋已經比其他拉麵舖做得出色。

明明尖沙咀分店總是排著長龍，荃灣分店卻在星期日晚上也很輕易地找到位置，太幸運了！門口有著傳統的日式帆­布，上面寫著店名，一開始我還以為是「火頭山」，被朋友笑了很久。店員也笑容滿面，坐下來不久以後，餐就到­了。這裡的餐我認為份量是很足夠，甚至對女孩子而言有點太多，一個拉麵（說是小碗的也不算太小），搭配一個­小沙律，你還可另外選擇搭配一個小白飯或是小魚生飯，男生朋友看見都很興奮吧？我特意選了四件壽司，起碼份­量相對地較少。拉麵可以選擇四款湯味，這天吃了鹽味的湯，有淡淡的咸味卻不是太濃，我自己個人而言是蠻喜歡的，因為有種比­較清新的口感。再來魚生質素不錯，大大塊的三文魚是我最愛的喔。另外再跟朋友點了一道北海道牛肉薯餅，咬下­去滿口都是像薯蓉質地的薯餅蓉，雖然牛肉略為小塊可是有豐富的薯蓉包圍著，我很滿意喔！

星期六同男朋友睇完戲之後係商場行左陣唔知食咩好,又唔係太肚餓見到山頭火唔係太多人,唔使排隊就入左去食啦我地點左兩款拉麵 包括鹽味拉麵同豆豉拉麵鹽味拉麵味道比較清淡,麵有雞蛋味道,食落都唔錯有木耳,日本魚蛋,豬肉同粒紅色酸梅係面麵身不算太彈牙但係食落都唔錯湯底飲落都幾爽。麵豉拉麵味道較重,岩男仔食多D,我個人比較鍾意食鹽味拉麵 女仔應該覺得這款味道剛好價錢方面係$68 一碗拉麵加1服務費,~$75一個人。其實仲有其他定食款,不過見好多食評話百幾唔抵,我地又唔太肚餓所以就食左一碗拉麵啦份量岩岩好。環境方面都幾舒適,一家大細或者情侶,兩三個朋友仔黎食都係一個選擇。