山頭火 (已結業)

星期日黎呢到食依然冇咩人同女朋友黎左呢間食，嗌左兩個餐分別係三文魚+三文魚籽飯吉列豬扒飯入正題，先試佢拉麵，我地嗌左鹽味湯底，味道還好唔會太咸，配菜份量足夠，一人份量岩岩好，麵質唔算硬亦唔太軟，每個餐仲有半粒蛋，味道似普通烚蛋，呢碗拉麵尚算合格另外吉列豬扒飯，分講塊豬扒，上枱夠熱夠脆，可惜肉質偏硬身，佢俾ga汁亦都太甜，但份量還算多。三文魚則比較咸，但食味道岩岩好，夠香，有約半碗，連埋碗麵食一個人絕對夠飽，而三文魚籽食落口冇異味（曾經食過有d鋪頭食落口似眼藥水）飯，粒粒飽滿幾圓潤，不過飯香唔夠，其實香港已經好難食到飯有飯香最後仲有薯容，唔多講，因為真係唔好食唔抵食，冇牛肉味亦見唔到牛肉整體黎講味道唔錯價錢合理，唯獨薯容同半粒雞蛋味道普通，豬扒有待改善，但我個人黎講係可接受服務態度好好，我杯水飲左兩啖佢即刻又幫我加水，又唔會催我嗌野食，環境唔錯，會再去幫襯

又是荃灣廣場 我兩好像明知山有虎，偏向虎山行 黃金時間冇人排隊都入去試，結果都是一樣失望囉！點了一個豉油拉麵及帶子蟹肉飯拉麵定食，先講個定食帶子蟹肉飯普通不過，蟹肉與帶子原全食不到有蟹同帶子的味道，如果餐牌上不是寫著蟹肉我真的不知道是什麼，帶子看到樣子便知是帶子，如果蒙著我的眼睛食落我都可以估到是帶子，拉麵選了麵豉湯底，但味道和我點的豉油拉麵好像一樣，不知是誰的錯 到拉麵個麵與叉燒可以的，可惜是犯上了兩大問題湯底有澀味 筍有(壓) 味，在日本賣這款拉麵的價錢應該約350-450日元左右但很定好食過山頭火，最後是服務原先覺得幾好，又有服務員不停為你加水，可惜負責收錢的哥哥感覺好hea ...... 呢間真係冇下次。

公眾假期的晚上，四處都是人，正值晚膳的時間，等位是家常便飯，路過山頭火，居然不用等，心知可能質素一般，但只求醫肚，就這吧。日式餃子: 最大問題是不熱的，只是室溫，單是這就不合格了。而且味道略咸，$42的價值...更覺不抵。北海道牛肉薯餅: 薯味香濃，反而吃不到有牛肉味，但內脆內軟，合格。拉面+魚籽三文魚飯定食拉面: 湯底是鹽味，不算重味精，還可以。面質較淰，不是個人所喜歡的。魚籽三文魚飯: 三文魚碎和魚籽都很咸，拌上飯都是略為咸了點，一般。

總共叫左兩樣野,一個炸雞球定食($88),有雞件三件,迷你拉麵一碗,白飯半碗。一客牛肉薯餅($16)。首先講一講拉麵,我叫既係鹽味拉麵,湯底一試就知係沖出黎,而且只係得少少咸味。麵底普通,叉燒口感正常,但完全冇味。而炸雞球係整個定食中最失敗,一上枱已經見到佢油光满面,明顯係因為油既質低同埋炸既時候油溫唔夠高,令雞件流失太多水分並吸收左大量油分,出黎真係成件脫左水咁。調味係香矛同鹽,而且過多,好咸。而牛肉薯餅係冇牛肉既。同埋竟然可以食到麵粉味…如果想試真係可以唔使試,好難食 ! ! !

連續幾天茶餐廳，今晚想吃好一點，放工獨個兒走去食拉麵。七點半左右，可任揀位任坐，心感不妙。但既來之則安之，挑了碗麵豉拉麵。先呷口湯，味道不太似樣，只勝在夠熱，麵條還好是爽口，但豚肉卻是頗韌，欠缺肉香，整體水準很麻麻，難怪只得小貓幾隻。據聞這裡的沾麵會好得多，若有機會的話，便試試，但無需強求。差不多的價錢，我必定會行多幾步去食拉麵台風，雖然預了要有排等位。

連續第二天與朋友Christmas Shopping，今次轉戰荃灣，行完一輪未有斬鑊，九時多到尾站荃灣廣場，既然沒有收鑊，唯有找個地方醫肚。荃灣廣場自兩年前左右翻新過後，多了許多各式各類食肆。我們由四樓掃到落二樓，最後決定光顧山頭火吃拉麵。荃灣廣場內的日本菜餐廳特別多，一田百貨內有拉麵、白熊咖喱、魚屋，還有元氣壽司、峰壽司魚屋、和民、石燒、味千拉麵等等，要在云云食肆中突圍而出實在不容易。我們來到山頭火的門口，外面沒有人等的，入到裡面，亦可以見到空枱處處，店只是大概四成滿。其實人少少倒也不錯，起碼地方寬敞唔迫夾，靜靜地一點也不嘈。店內大多是二人或四人枱，都是卡位式的設計，令人坐得舒服。餐牌一本，第一頁已經寫到明，如果麵質要偏硬偏軟或走蔥等特別要求，請客人要自己向店員指示。餐牌是中、日、英對照，每一款麵或定食都有詳細介紹。原來山頭火在日本已經有五十多間的分店，但在香港似乎名氣還是不大。拉麵主要有四款選擇，鹽味、豉油、味增、辣味味增。配料的選擇比較少，只是蛋、叉燒等幾款。每碗麵大概八十至一百元左右，另外需要加一。當我們坐下時，店員隨即遞上冷水，吃拉麵配上冰水是日本的傳統，這店的店員很友善及會

每次來到山頭火，我都只會獨孤一味叫沾麵。今日途經荃灣廣場，看見引頸以待的新店終於開張，新menu還引入許多新菜式，像北海道函館有名的魷魚筒飯、三文魚薯餅、北海道粟米等，全部都非常吸引，所以今次決定嚐嚐別的。煎餃子一客$42，優勝之處是餃子皮夠薄，外層煎得金黃香脆，非常可口。不過餡料口感欠佳，未知是否因為免治豬肉刴得太過火。豚角煮是我很喜愛的日式家庭菜之一，外表有點像我們的東坡肉，但更嫩更美味。豚角煮一般用上肥瘦相間的五花腩來熬燉，直接豬皮及肉質完全變腍，山頭火的豚角煮雖然大大件，但肉質軟嫩，口感入口即化，而且帶著甘甜味，沒有油膩感，配拉麵剛好。拉麵有四種選擇，包括鹽味、豉油、麵豉、辣味麵豉，我選了鹽味。相對於豬骨濃湯又或是醬油拉麵，鹽味拉麵的口味比較清淡，湯底顏色清澈，的確有點像「清湯拉麵」，它主要以雞殼來熬煮，然後用鹽調味，感覺挺清新。美中不足的是，拉麵的麵質不夠彈牙。現時新開業期間，凡惠顧燒牛肉拉麵定食、大腸煮拉麵定食、豚角煮拉麵定食三者其中之一，便可以獲贈5.3特濃牛奶軟雪糕。口感幼滑，奶味特濃，軟雪糕迷萬物錯過哦~