山田海韓國料理

營業中

休息中

有時思鄉病發作，想食韓國醬油蟹我都會去呢間可能係全香港最好食既醬油蟹韓食店山田海。老闆同主廚都係韓國人，會改良少少迎合香港人口味。🦀好似醬油蟹咁加左少少辣椒同檸檬，可以減少腥味，第一次食既人會覺得更易入口。呢度拌飯都好岀色，未撈之前已經勁吸引，撈完加埋麻油真係食唔停口😜-#店主會同食客玩燒酒game #好識做生意 #咁又可以賣多幾枝 #掛住韓國.📍山田海韓國料理 (觀塘)觀塘開源道60號駱駝漆大廈三座3樓U室

試新嘢，又係位於最最最多人嘅🐪漆🏢好彩只係3樓，再高啲就一定要搭𨋢，lunchtime就食唔到lu!Menu無標明邊啲🌶邊啲🚫🌶 ，唯有睇圖同問人牛肋骨大醬湯 ($85) 軟豆腐海鮮湯 ($80)午餐有飲品送，主要係汽水仲有幾碟前菜送，個人覺得幾好食，份量又多！到主食啦~~~ 牛肋骨大醬湯熱辣辣，份量勁多，牛肋骨大大舊，有成4舊，舊舊都好多肉架，仲有勁多菜，好軟淋淋，好好味，湯底方面就同我想像中有出入，味道還好軟豆腐海鮮湯湯底有濃濃嘅海鮮味，辣辣地，好開胃，入面有蜆，青口，魷魚，豆腐，份量都係好多！湯底黎講我覺得呢個好味啲！P.S. 餐廳嘅poster寫住韓國總廚推介，大廚應該係韓國人，料理應該正宗啲！

話說個日攞口罩再速遞返屋企，既然家住西灣河，又有船直到觀塘，why not呢？坐呢架雪糕船都幾得意，可能細船，個日有有少少雨，都拋拋地，怕暈船浪既朋友仔要睇下天氣先XD搞完一大輪，我地又想搵餐廳食，結果一係未開一係好多人，雖然都好掛住個間pasta,但難得出去又想試下新野，行下行下就入左呢間啦～個時有限聚令，枱都spread out既，感覺都好安全同舒服，店員都好好，有堆小食肯定唔食架啦，我地叫店員攞走唔好浪費但佢地就換俾我地，所以都幾好丫!辣牛肉粉絲湯 $80其實我間唔中就會挑起想要呢個湯，由其個幾日XD 但平時去食韓野好多時選擇困難症或懶諗，都好快會篤呢類型既物體呢間好多蔥，好少牛，粉絲亦唔多，對於我呢種唔太好蔥既唔多開心，但男人就ok啦！ 但都嫌牛肉同粉絲較少鐵板烤辣醬豬頸肉 $95呢個都好食，但又冇天后個間好味，不過都叫入味，有生洋蔥墊底，感覺香得黎唔太油膩

30/5/2020去開觀塘，記得友人推介的工廠大廈內的韓國餐廳‘山田海韓國料理’。 我哋比晚市開店更早到達（因為聽聞好多人，我哋又冇訂枱， 所以早少少睇吓）最終5:50入去坐。叫咗：牛肋骨鮑魚湯（配白飯）：痴着骨嘅肉比較‘林’，唔係嘅話就比較‘un’, 有啲難咬。個湯吾算好濃，但係好飲嘅，入邊仲有大量粉絲。白飯撈埋落去都好食。豬手：分量頗多，味道同喺韓國食嘅好接近，滿滿的骨膠原，配上生菜同’有蝦仔‘的醬汁好好食。五花肉（for 燒的）：因為佢每一張枱都擺咗一個烤盤，所以唔叫啲生嘅肉來燒會有啲對佢唔住😅😅五花肉未算好厚切，不過都算有啲厚度，同埋係經過調味的。一碟有12塊都算多， 味道都幾好。另外佢提供左麻油加鹽，點五花肉食都好夾。除咗一坐低就送上好多碟小菜，另外仲送咗碟泡菜津白比我地。埋單$720。環境好似啲舊式嘅地道韓國餐廳咁，喺工廠區入邊來講真係算好多人嚟幫襯，基本上6:30打後已經滿座咁滯。顧客嘅年齡層都好廣泛😜😜

呢間韓國餐廳老闆為韓國人，但係佢無因應香港人口味而改變原有味道。 好似辣泡菜豬肉豆腐湯，味道同韓國食嘅一樣，好夠辣，料又夠，韓味十足。豆頭鍋飯絕不欺場，唔係求其比個石頭碗你就叫石頭鍋飯，上枱時真係熱到有吱吱聲。

為了farewell一個韓菜控的男同事，特特去了他選擇的山田海韓國料理。剛坐下來，侍應立即奉上韓國的前菜，放滿一枱。我們叫了海鮮雜錦鍋+烤牛肉拼盤、炒飯⋯⋯。每款前菜各有特色，但我特別喜歡泡菜和不一般的蘋果沙律，幾乎都是我吃光的。之後，男侍應(可能老闆）幫我們再加，完全不覺得我們煩，還很友善地教我們如何燒得更好味！海鮮拼盤種類繁多：有蟹、青口、蜆、帶子、鮑魚等等，而且很新鮮美味。牛肉沒有醃製過，很新鮮，原汁原味，烤得恰到好處。

今日咁啱係觀塘返工，終於食到平時排晒長龍嘅韓國餐廳。一坐低就有六個小菜，全部小菜都係自家製，每日都唔同。喺觀塘黎講都唔算平，不過大份，可以3個人share 2個餐。我叫咗鮑魚牛肋骨湯，入邊有大大隻鮑魚，食落去好爽，有牛肋骨同牛展，仲有粉絲同蘿蔔，自己一個人真係食唔晒。

本身嗰日呢去到觀塘駱駝漆大廈係諗住食一間西餐廳嘅，點知去到呢由於冇開門，間鋪去到初十二先啟市，所以我哋就去咗同Chan隔離嘅呢間韓式餐館。由於我哋喺門口已經聞都好大浸香味，諗都冇諗就衝左入去食。入到去發現空間都幾大同埋都幾多位，見到仲有韓國人喺度食飯，即刻覺得應該幾好食😋由於我都算幾大食，本身就諗住那一份豬手再嗌多個湯飯，點知問一問啲員工佢哋話個豬手兩個人一定食唔晒太大份，就建議我哋食生菜包，不過佢哋都話都幾大份架有機會兩個人都食唔晒！唔理咁多啦，因為我真係好肚餓同埋我都真係食得幾多野，最後帶咗一個生菜包同埋一個微辣海鮮豆腐鍋。主菜未想到之前，啲員工首先送咗九陽嘅小食俾我哋，超級豐富，份量亦都唔細！泡菜仲有兩種添，我覺得兩款都好食，比起超市買嗰啲真係好食20倍🤩傾左陣計大概10分鐘內就上咗個海鮮豆腐鍋，由於朋友唔食得辣，所以員工就話特登幫我地整一個微辣嘅海鮮豆腐鍋。超級好食勁多料！！！！ 由於太肚餓嘅關係我都唔記得咗幫佢影張相。之後再嚟咗個生菜包，超級巨型啲豬藍玉大概有二十幾塊，而且快快都超級厚，有四五層，一層瘦一層肥膏咁，好正💖💖💖 仲要俾咗極大量嘅生菜同埋白菜我哋去夾啲肉，加埋生菜

今日心血來潮想食韓國嘢，即刻諗起喺駱駝漆嘅山田，晚餐時間一個人去擺四個人枱，都有啲唔好意思，食完即刻走人主菜都未上，淨係食配菜都飽左一半！非常傳統嘅韓式前菜，足足有成六款，仲要任加～ 突然覺得主菜俾貴啲都值得呀！特別鍾意佢嘅青瓜同薯仔喺韓國嘢入邊，我最鍾意食石鍋湯飯，特別係豆腐海鮮鍋。田山嘅海鮮鍋係我係香港食過最足料嘅一間，雖然要$110一個，價錢唔平，不過真係好食而且大份！有時話要佢哋一碗落左一盒韓式豆腐，有時食啲連鎖韓國餐廳嘅豆腐鍋食完覺得唔夠喉，仲想再食多啲滑豆腐，喺山田就唔會有呢個煩惱，share埋俾人都得呀！不得不提，由於落足海鮮，個湯底好鮮味，唔會淨係韓國嗰隻紅色醬味，like！！-雖然餐廳比較嘈，而且有得食燒肉，就算唔係食燒烤嘅客人，出到嚟都會成身燒烤味，不過以好味程度來講，一定會再幫襯！

今晚來到觀塘工廈覓食，上左一間傳統韓國食店。一入到去，播住韓國mv，落左單之後就有成7,8碟前菜俾我地食住先，好彩無叫得太多野食，唔係一定食唔晒😂btw，前菜係韓國傳統既款式，響香港出面好少食到咁多款！而每款味道都唔差！剩係泡菜都有兩款，一款新鮮，一款醃製。其實呢間店以傳統韓食為主，不過我除左叫海鮮湯之外，亦膽粗粗試叫左個燒五花肉同生菜包，因為近排好掛住韓國既傳統燒肉！由於佢唔係出面燒肉店set晒爐，所以佢係用gas爐燒肉既，係咪好特別呢😁肉既質素都非常好，醬料亦好惹味，包埋生菜，辣椒，同響韓國食既味道非常似！好慶幸響到食到呢間韓國菜，下次一定會再來的！

突然好想食韓國嘢，第一時間當然諗起工廈入面嘅「隱世」韓國餐廳山田海，午餐好抵食，前菜非常豐富，今次去到有6道前菜，包括泡菜，蜜糖薯仔，苦瓜，菠菜芽菜，辣椒青瓜同西芹，好新鮮、好惹味，仲送白蘿蔔湯同汽水，每檯仲有一壺茶可以任飲，未食主菜都已經飽飽哋。午餐主菜入面，Seefood閏最鍾意食佢個石頭鍋飯，配料有豬牛雞同海鮮揀。今次揀咗牛肉石頭鍋飯($75)，石鍋好夠熱，起到飯焦，脆卜卜。飯面中間有隻蛋，加埋大量調味好嘅牛肉、瓜絲、蘿蔔絲、芽菜、菠菜，撈勻一齊食，每一啖都有好多料，次次食完都大滿足！美味指數：5⃣/5抵食指數：4⃣/5再食機率：100%

lunch 黎食最抵食食韓國野有小前菜基本野吖但呢間係有6款既！係6!!!!我地兩個每次都要食到refill😌🖤韓式辣冷麵我其實黎左食5-6次 每次都係食佢因為真係唔係到到都食到呢碗又勁大份量 我好大食 但我都係食唔哂男友都會覺得驚訝我竟然食唔哂。。辣既程度係岩岩好 好吊癮佢有埋d 雪梨做配菜 一度令我以為係蘿蔔🖤辣泡菜豆腐湯超濃味泡菜 起身第一餐食真係夠哂開胃好多豆腐 撈飯食真係一流呀我地仲會加埋小前菜既泡菜落去🤣

駱駝漆工廈越開越多食店，其中山田海韓國料理都算係老店之一，韓國人打理，平日lunch time 無book枱都難食到，今次係平日晚飯時段嚟，得一丶兩張枱係吉，都算幾滿座啦。韓式泡菜八小碟，新鮮泡菜(醃製時間比較短，口感爽脆)丶傳統泡菜(味道重，辣D，口感較淋)丶糖漬蓮藕片丶酸蘿蔔條丶菠菜丶芽菜丶茄子丶白蘿蔔丶青瓜P.S. 新鮮嗰種泡菜，有時要自己問老闆先會提供，每次泡菜種類都唔同的其他地方嘅生牛肉未必夠膽食，但呢度嘅生牛肉好新鮮，帶甜味，食過幾次，我腸胃無乜異樣(當然要視乎返個人體質)，好好好味😋牛肋骨大醬湯，係每次嚟必食嘅，肉質已經忟到好淋又入味，原個石鍋上，熱辣辣，可以食到成碗飯，推介👍🏻

其實呢棟建築物都幾難搵得到 係樓下搵左幾個圈先搵到個入口 其實本身想去一樓 點知去左三樓 咁就求其搵左間韓燒黎食 睇完個menu 其實個價錢都算貴貴地 亦都唔知個份量大唔大。最後決定叫左個燒牛肉，辣醬八爪魚，豬肉石頭鍋飯。首先講下個燒牛肉先啦，一開始以為會係普通韓燒咁台中間會有爐，點知唔係，原來係會有個gas爐加個鐵板，然後自己放上去燒，睇到盤牛肉，心諗好似中左伏，點知食落係真心唔差的，食落軟滑多汁，。石頭鍋飯就正常野，無咩特別。個個辣醬八爪魚就唔係太岩我地口味，可以pass。彩蛋就係會送左一人一杯野飲比我地。

今日同同事去呢間到食lunch, 間餐廳咁大，待應得個兩三個，淨係叫落單都用左10分鐘先有人黎，等左半個鐘，咩都冇，我地問佢，佢話張枱號check唔到落左咩，叫我地講多次叫左啲咩😓，又解釋話今日入單個系統亂左，會幫我地跟跟，我地以為好快有，點知等左40分鐘，都仲未有，我地再追，最後足足等左個飯50分鐘，又搞錯左野飲，餓都變唔餓，等到冇晒癮，重點係我地要係10分鐘內食晒個咁熱嘅飯，然後滾水淥腳咁趕返公司，要我地追咁多次，等咁耐，真係唔會再去食！！！