山田海韓國料理

營業中

休息中

大約七點半左右到達, 都仲幾多空位下, 所以好隨意就塭張枱坐低左。坐低睇緊MENU, 咁就拎左D前菜上黎, 都有D驚喜, 因為款式都算多。當中以泡菜最為推介, 好爽, 唔會覺得鹹, 但就有D辣 咁就叫左個辣年糕2人鍋 (小辣, 但都覺得好辣) ,  不過原來2人鍋都係得一個麵!!其實份量都算幾多。 由於第一次光顧, 朋友心思思想試, 所以仲ORDER左個南瓜牛肋骨, 諗住食唔晒就打包。點知, 南瓜牛肋骨超級大碟 (對於2人份量黎講)南瓜好霖, 好甜, 都幾好食!! 而牛肋骨都OK, 不過可能太大舊, 有一舊唔算好熟但冬菇, 白蘿蔔, 紅蘿蔔都好好味!!  

因為係官塘跳funky dance,所以周不時經開附近。一走入依個工商廈範圍，就有好多派傳單阿姐，通常我都只會笑一笑，唔會收。但嗰日經過（我估係老闆）講純正韓文，又有禮貌咁遞張傳單俾我，起初我都笑拒絕，但我見到係食店，而且想揾間近跳舞嘅地方，跳前食少少打底先，所以返轉頭收左。一來自己鐘意韓食，二來心諗韓國人整嘅，應該比較正宗吧。咁就去幫襯下啦。平日5點半去到，入到去裝修唔錯，都有4-5枱客係到。見到一半枱上面有燒烤爐，可能晚市有得BBQ吧。（可能用手機打，相片返轉晒）叫左個餐，有韓式年糕同壽司，跟餐仲包配菜同甜品。壽司：唔錯，分量夠，有約十件。好香麻油味係紫菜上面，入面有黃蘿蔔，蛋，肉腸..其他仲有不過唔記得左。味道幾夾，有韓feel。年糕：用上韓式條形年糕，無過軟，食落仲幾有咬頭。配上煮蛋一隻，仲有兩條紫菜粉絲卷。依個卷就麻麻地，一咬散晒，粉絲較乾，我食左一條就無食啦。個汁，可能就返港人口味，無韓國食嘅咁辣，我自己額外加左少少韓式辣醬就岩岩好。是日甜品：甜橙三件整體服務不錯，自動添茶，老闆仲問我要唔要加配菜。環境乾淨企理。下次會再試下其他。

店內寬敞，播韓劇，坐得舒服，很適合約朋友吃飯。來過兩次，每次都不會失望。每個餐$70 不用加一，抵吃啊。前菜應該是自製的，好吃，而且不同日子還會有不同款式。吃過牛肋骨大醬湯，有點辣，也很惹味。還有'火文'牛肋骨，是用紅棗煮的，想不到的夾，感覺好補。有一次的甜品是韓國打糕，rice cake, 好特別；另一次是紅豆沙，和中式的不同，較稀，而且好像好紅棗味，個人覺得不錯。老闆是韓國人，懂普通話和英文，但看來不懂廣東話呢。看到泡菜海鮮鍋(二人份量) 很足料，希望下次可試試！