居食屋「和民」 (已結業)

尋日星期日6:15pm 黎到, 即刻有位. 我地兩個人食左:1.軟殼蟹沙律(軟殼蟹幾香口好食, 但有點咸, 沙律幾新鮮, 唔錯!)2.海鮮燒餅(海鮮唔算多, 但叫做煎得唔錯, 汁亦ok, 整體ok.)3.牛舌燒(要自己煎, 可能自己整得衰, 有點鞋, 所以唔識講好唔好食.)4.蟹籽蝦壽司(都係略咸, 但都好食)總結: 埋單$162.7, 唔算貴, 整體表現唔錯! 另外, 恆生卡仲有coupon, 食滿$150 可以送一杯$28 以下既飲品, 計埋就幾抵!!! 相片可參考:http://www.fotop.net/thxdtsdd/eat

尋晚同男朋友係文化中心睇完show，之後過左黎呢間和民。因為已經過左晚飯時間關係，所以冇人等位，但見到入面仲有好多未散既食客。侍應叫我地係門口等一陣，結果真係等左「好一陣」至入到去。入到去有位侍應同我地講話成間餐\廳都係吸煙區，攪到我同男朋友都「兩邊受敵，老實講，真係幾辛苦，如果頂唔到煙味的話就真係唔好黎啦~好啦，坐左一陣，水都冇杯，叫左個侍應好耐至過黎寫單…叫左一個牛肉煲($48)，一客炸雞翼($28)同一個炸芝士丸子($33)…牛肉煲：ok，不過份量真係少左d，同埋好咸…炸雞翼：好味﹗keep到肉汁，唔會太乾﹗芝士丸子：一般，冇咩特別…埋單計埋加一120蚊都唔駛。值得一提既係，個度d侍應個個都好似「遊魂」咁，叫佢\俾杯水你佢\就俾杯茶你，食野個陣見住佢\落錯隔離檯張單、拎錯野去隔離檯，唔知d野拎去邊…係收錢個陣動作最快…唔知係唔係夜得滯，佢\地精神狀態唔係太好？

晚飯等位問題都係未解決, 半粒鐘係必然.天婦羅拉麵$38, 香葱豬骨拉麵$38, 金槍魚刺身$48, 芒果酸乳酪梳打$18, 白桃酸乳酪梳打$18.入門口即送$18 飲品coupon, free 左一杯野飲. 天婦羅炸得很脆, 豬骨湯很濃豬肉很入味.金槍魚就麻麻, 好唔新鮮, 咬落去一pet 野. 而梳打就酸酸地好好飲.

七時許到達，門口已經許多人，還好有一張Ｌ形的小枱，真的很小，總比要等好吧，真的生意很好。益力多石榴汁，不像石榴汁，又不像益力多，反正很甜，沒有什麼特別。６色魚生就是Assorted Sashimi，份量超少，但全部各款都挺新鮮，不錯。牛舌燒有六塊，自己用爐燒，肉有點點凍壞了，鐵鍋燒後肉質彈口亦多汁，還可以。蒜香帶子蝦炒飯，不覺得有帶子，而且很油，雖然賣相很好，但仍是不太喜歡。再加天婦羅卷，天婦羅餡OK，但壽司飯不夠黏，有點奇怪。甜品是抺香丸子糖水，透明丸子沒有味道，加上幾顆紅豆在奶綠色糖水中，賣相好但味道沒有什麼特別。服務尚算可以。

上星期四同個friend去和民慶祝生日,八點去到仍然有好多人等緊位~ 三個人叫左六樣野:炸雞軟骨:和民必食推介~但份量好似越黎越少...炒烏冬:又係次次都會食,味道唔錯!蒜香蝦帶子炒飯:呢個好香好好味,正!和風Pizza:味道幾好不過凍左少少~蔥油汁炸雞:略為乾左少少,但酸酸地幾好食!鮮蠔野菜鍋蠔都幾新鮮,不過個湯咸左少少~和民既野食水準依舊差唔多,不過呢間既待應略為唔係太好service~

去完歷史博物館聽講座後，我同老婆就去和民食，我上星期先同舊老細食完，不過老婆就未食過。六點幾，人仲未好多，個reception 冇人，我地咪等下囉，等等等..... 有d waiter 見到我地都唔理，等等等..... 都仲未有人出來帶位，咁我就行入少少，諗住等d waiters 見到我我可以叫佢地，點知都冇waiter 經過，之後有一對情侶又入來同我地一齊等，我好唔耐煩，終於見到一個waiter，我yup 下佢，佢先叫個reception 帶位，感覺d service 唔好。我地點了:1. 三文魚pizza - 是今晚最好味的，未食過可以試下。2. 生蠔雜菜煲- 麵鼓湯底幾清，生蠔太細，不過不失啦。3. 燒羊架- 上次沙田食好味d，今次普通。4. 牛油焗帶子- 帶子唔新鮮，元綠好味d。5. 芝麻豆腐芭菲- 幾好味喎，唔太甜，2個人食一杯剛剛好喇!坐得幾舒服既，不過佢個吊燈太矮，隔離檯個女仔"砰"一聲撞到個頭。我都係:-(PS: 唔值得排隊排咁耐。

3個人叫了4碟菜豚平燒(見呢個菜係本夏季既菜牌上，我想應該係季節限定既一道菜。)有點似蛋包飯，但蛋皮內包的有豬肉，椰菜+芝士，仲有d日式燒餅醬。呢個完全唔得，d蛋皮煎得好老，豬肉好“un”，佢有把日式燒餅個d鏟子俾我地切都好難切得開。白汁焗年糕: 味道不錯，但係d年糕好似少左d，而薯仔就切得大大舊。牛肉火煱: 都幾好，湯底甜甜地，牛肉幾好味，唔怕老。寿司: 名字忙了。佢有d沙律蝦係上面，下面既飯用蛋皮包，有d紫菜絲飾面。味道普通，並不是太特别。

上星期五lunch同男友同埋佢表妹去佐和民食飯, 我地叫佐個焗海鮮飯, 雞肉碢飯, 煎餃子, 炸雞軟骨同燒鰻魚飯糰. 本來表妹想叫芒果汁, 但點知話芒果汁未來貨, 後尾叫佐橙汁, 我就叫佐個奇異果汁, 好難飲.個焗海鮮飯麻麻地, 反而個雞肉碢飯好食D, 餃子, 雞軟骨同飯糰就普普通通啦. 一向都覺得和民既質素麻麻地, 但近我公司所以間唔中都會去食下既...

早幾日約左朋友係尖沙咀食ＴＥＡ，唔知食咩好，又醒起呢度有ＴＥＡ咁就入左去啦，可能係星期四啦，所以都冇咩客。我要求坐架位，佢地只係叫我等一等都好快安排到比我。我叫左個雞扒飯，朋友叫左海鮮焗飯同埋pizza大家share黎食，個海鮮飯味道真係唔錯，不過個pizza就冇上次咁好食啦，同埋每一塊pizza都只係得好似手指尾咁細既雞肉，但係有半舊都係肥肥既雞皮，都算啦。。。兩樣野都差唔多食晒既時候我個雞扒飯都仲未黎到，個時已經飽飽地家啦，不過叫左冇理由取消既所以叫人去跟跟啦，佢話拎緊出黎ＷＯ，不過都等左一段時間。。。。。終於都有得食啦，比我想像中差好多，Ｄ飯好難食可能因為有Ｄ沙拉油係度既原故掛，Ｄ雞肉都唔係好得同埋都係有好厚既肥雞皮，所以食左三份一就冇食啦！！仲有樣野係我坐個位後面係佢地放電腦同餐具既地方，但因為個度有Ｄ空隙，佢地一唔小心就會掟到Ｄ木筷子落黎，我都差Ｄ中兩次呀，好彩我坐開左小小者，唔係就狂比筷子插啦！！！

尋晚係有史以黎生平第一次去和民食晚餐，點左以下菜式：１）豚平燒- 上時好熱，好快就凍，芝士豬肉勁少，椰菜菜勁多２）７件三文魚剌身- 中等偏薄，味道OK，芥辣無味３）生牛肉沙律- 汁OK，但牛肉勁，有渣４）辣辣泡菜炒飯- 個石鍋唔熱，麻麻地(午餐有同樣菜式好味D，熱好多)５）牛油帶子- 不過不失，唔可以話好好味６）炸雞軟骨- 份量少(食過第二間有好多)７）檸檬,柚子,橙特飲- 原來係DIY自己搾汁($45一小杯)，味道勁淡總數$284/2人如要求唔高，會覺得好好味，但當你食過一Ｄ更好的話，你會覺得不值一談。。。註：可能係分店問題，但我唔會再去食第二次囉！

係呀, 這間分店的水準, 無論係食物和服務, 都係比較差. 我在這裡吃過兩次, dinner n lunch都試過, 但都係唔得, 平時覺得好好食的, 係must order 的食物都唔掂. 所以唔會再去這間了.

三母女一起食lunch(都幾難得)，地點由媽咪及細妹話事。她們揀和民，理由很簡單-未試過，我當然沒異議。　幾款午市套餐中，介紹了我覺得最好食的海鮮焗飯給細妹。她都幾滿意，不過我試了一啖，覺得葵芳店做得好食一點。媽咪及我就分別點了燒三文魚飯及海老日替，也許該日廚部不在狀態，兩者都味道一般。最後額外點一個明太子燒年糕，家人都覺得太咸，反而幾合我口味。　整體而言，細妹幾鍾意和民，覺得環境舒適食物都ok；媽咪就覺得元朗的日本料理店比較好味抵食。其實兩個都有道理，不過對我而言同屋企人食飯就是開心，如此簡單!

2005年9月17日八時左右來到這裡,本來打算如果見到多人等位就去第二度食野,點知黎度都係等左一陣就有位喇,可能今日係某節日的正日關係吧.一口豆腐:應該是用炸的方法來處理的,外脆內滑的燒羊架:羊架不算肥美,但燒得頗香口,幾惹味.芝士火鍋:芝士味都算香濃,還帶點酒香,蘸都包食真係一流.和民海鮮燒餅:端上來是仍然是熱辣辣的,這個很重要,因為燒餅要趁熱才好吃,凍了就風味大減,海鮮不算大多,反而我覺得椰菜絲伴著甜甜的汁來吃是很捧的事.燒麵豉飯糰:不知何解,我一向都對飯糰情有獨鍾,這個和平時吃的有點分別,這個飯糰被燒得脆脆的,比平時吃的更加惹味.年糕煙肉卷串:這個我不太喜愛,年糕較硬,如果軟一點就更加好.甜蝦刺身:很夠冰凍,淨食不點任何汁醬亦已經很好吃了.什菌「魚圭」魚燒:包著鍚紙端上來的,打開即熱氣四散,香味亦隨之飄出,什菌很淡口,味道不錯,三文魚雖然燒過,但仍能保持嫩滑的感覺.「魚圭」魚茶漬:很迷你,三文魚份量偏小,茶不太夠熱,如能改善此點會更好.

未吃飯已去了文化中心看電影節,看完後已九點幾,就近近地和妹妹二人來吃點東西. 來到也等了十五分鐘才有位,平時一定不會等,但妹妹很肚餓,所以懶得又找地方. 坐低已立即點了和民沙律,芥辣鱆魚,汁燒海螺同海膽釜飯. 和民沙律食過N次,也不會預期有驚喜,只係餐牌中較light的選擇. 芥辣鱆魚份量超少,味道亦麻麻. 燒海螺超咸,唔點汁都咸到死,唔掂!釜飯等了好耐都未到,原來侍應落錯單,幫我寫了海鮮燒餅(但侍應覆單時也是說釜飯的),本來想取消,但妹妹未飽,又繼續等. 輾轉終於上枱,還要慢慢等飯熟,最慘是味道好唔得,成鍋只係白飯加面頭好少好少又好腥的海膽,只係貪得意試下,一定唔會有下次.看來和民的QC真係做得麻麻地,去過好幾間分店都比開業時的質素明顯下降了.

叫左雜菜拉麵,個湯底係辣既,幾好味。煎餃子,煎到好脆,個皮都幾薄,唔錯。唔知咩煎餅,太多麵粉,味道還可以