居食屋「和民」 (已結業)

我又食和民了..全因DBS優惠的吸引,但今天是同男朋友食!記得幾個朋前食過這一間,,總覺得銅鑼灣是最好的,可是今次比想像中好啊!!同樣地我又選了抵食特價的芝士年糕燒餅,但燒得比較林身,冷麵同天婦羅同樣好味,,,但二個人食天婦羅實在太多了.食極都食唔完咁,太炸了!!哈哈,,還食了新出的蒜香雞腎$29...細碟就細碟左點,但味道都不差,還有一些豆豆伴著的.待應可能見我食完冇咩野做的關係,他給了我一張意見紙,我見待應服務得十分好,我還寫下他的名字以表鼓勵!

粟米帶子pizza好好味~ 薄餅底, 係唔夠脆啫~ 不過都幾好帶子依舊夠甜, 芝士又夠多xx年糕燒餅第一次食呢度d燒餅, 有新鮮感燒餅黎度個時玩左陣冇估錯既佢\係一塊麵粉加左d年糕漿一齊煎個人而言, 覺得太多啡色個d醬, 好鹹除此之外幾好味既賣相差dd大蝦壽士用一隻好大好長既蝦整, 之後切件一個字: 正炸蝦好脆!!!又靚朱古力雪糕幾濃滑, 呢度唔係專賣雪糕餐\廳黎講可以接受既=)凍奶茶日本餐\廳... 凍奶茶冇咩期望, 所以冇失望仲有個d唔記得lu~不過服務麻麻... waiter 少愈叫愈走隔離台自由行同d waiter有爭執前後兩次

簡單黎講, 我叫左一個韓式泡菜牛肉石頭飯.個飯好夠熱, 泡菜同醬汁撈埋個飯都好好味.不過奇怪既係, 我撩完晒成碗飯, 只係找到一快好似手指公指甲咁大既所謂牛肉碎片!唔駛孤寒成咁呀嘛..........其餘既野我都無乜所謂, 不過呢樣真係令我覺極之反感!

好得意鹽燒和牛,加埋d蔥真係好正~!!仲有炸蠔..羊排..心太軟都係我的推介~!!

搭完360...就去左呢到食晚餐叫左個咖哩pizza..個pizza底好似D印度薄餅咁...而且脆都唔脆下..D料又側埋一邊..唔得...-_-可能呢d地方唔係食pizza的吧...跟住要左個焗芝士年糕又係失敗之作D年糕'痴'住晒...想分番開都要好大既力量...唉...還有的是一人一個的豬軟骨拉麵湯底有點淡...但整體上還可以吧..服務方面..入到去水都冇杯...MENU都冇個...乜都要問..差呀!~

24-3-08和朋友去完航天展, 便去了和民dinner.因為唔知食乜, 但記得有次去過.結果叫了:和風pizza, 鮭魚海鮮壽司卷(記住點埋d汁), 明太子芝士玉子燒(共4件, 一口吃晒), 秋葵牛肉卷, 海膽壽司(朋友說很正, 我沒有吃), 鰻魚豆腐鍋, 海鮮麻醬冷麵(最好多d麻醬), 鮭魚刺身x2, 焗海鮮飯(好味, 但幾細碟), 牛油帶子, 炸鱆魚餅.去和民食飯, 最驚就係等位. 這天是公眾假期, 有d擔心.7:00pm 去到, 只係等了一張大檯便到我地. 我地一邊等人, 一邊加下加下野食, 食到10:00pm. 有人不停幫我地加水, 係叫野食要大動作些, otherwise, 就算有好幾個waiter得閒都無人來. 後來仲比意見問題我地填.Bill = $570Remark: 又唔一定要“磚”低身落order至有禮貌既. 我反而唔想佢mout低.

上周六，又是一個令人懶洋洋的下午，約了友人到和民居食閒聯，和民是一個坐得舒適，吃得自在的好地方，在Openrice己是第三次介紹了。酒吧的食物，我們愛稱這些做佐酒小食；至於和民的食物，我卻愛稱它做佐茶小食，更何况和民的茶是任添加。個人對和民所提供的食物質素很有保留，在年頭也曾給它們一個喊面，但就是愛約友人在這兒聯天，喜歡那兒坐位坐得寬倘舒適;喜歡那兒不趕客,坐多久也可以;喜歡那兒燈光柔和......太多地方令我愛上和民。這次要了個帶子粟米比薩、兩碟雞軟骨和芝士焗豆腐。帶子粟米Pizza最敗筆的地方便是餅底很腍，不! 應該說整個餅都很"軟賴賴"很腍身。Pizza有那樣的餅底，即使材料多好味也是沒意思了。記得和民起初開張那時期，比薩是很有質素的，和我現在眼前的比薩比較，真是不可同日而語。明太子芝士焗豆腐--芝士汁混合了明太子，的確調教得很好。芝士味道不明顯，豆腐被表面那層橙紅色的的明太子芝士汁幅蓋著，混有少量像是鮭魚的味道，酸酸的汁料很令人回味。在和民，這味算是好吃。雞軟骨上次巳經寫過了，今次的食後感與上次一樣，依然不合格。

一入去已經想，．點解好似奇怪左咁既？原來，平時卑躬屈膝既侍應們，而家變得好無禮貌”１．講野唔係對住人．已經幾次了．講完就走。２．唔係跪下來落單｛呢樣唔緊要｝．仲要人有人講，佢落完即走．．．３．補叫野食時，佢係好似同張單打架咁｛ｚｉｐ｝張單入去．４．倒水，是不知不覺的．．．．．算啦，好耐無食．．．．．．可能轉左。叫左三文魚刺身．熱枝豆．自燒牛舌．餃子棒，冷面．炸蝦壽司卷．炸蠔．．．．．炸蠔最後再叫，上得好快．．．一咬．好厚的粉皮．．三文魚刺身，少肥，但比較薄。枝豆好似花生一樣比我地食食食．．．．燒牛舌＋牛肩肉，香又好味．．．．餃子棒，比上次食的好味．有ｄ　雲耳？冷面，面質好好味啊．是朋友的女朋友介紹～ｇｏｏｄ！炸蝦壽司卷，都好味．不過沒什麼特別。今次我們請看戲．朋友和女朋友請食飯．多謝哂．．．．．．．．．．．．．．．．．＊ｕ＊

食羊肉串燒,,,乾爭爭,,冇羊味,,,,勁柴,,,唔知自己食緊咩食帶子粟米pizza,,,帶子大小得5毫子大小豚平燒,,,必食,,,好好食叉燒拉麵,,,冇特別,,,但係係我可接受程度是日喉嚨痛,,,飲水勁快,,,waiter唔識主動倒水,,,亦係一開始落完單都唔俾杯茶我,,,,好差同埋所有野都係唔熱嫁,,,喊面

牛油帶子- 好香牛油味, 不過都幾油脆雞翼- 好脆, 好多味一口豆腐- 咩味都冇蒜香海鮮炒飯- 食過幾間蒜香炒飯, 依間最好食秋葵牛肉巻 - 唔鐘意食牛o既, 都忍唔住食左一串炸鱆魚餅- 麻麻, 可以不試碟碟都細細碟, 可以試多幾樣野, 最岩2口子黎食^^不過因坐近bar枱, 所以環境相當嘈

呢餐晚飯係二月二日我同四個老友既晚餐!叫左豬扒鍋,牛油帶子,焗芝士年糕,什錦火鍋,大蝦壽司卷,海鮮庥醬冷麵,草莓巴菲同朱古力雪糕!味道方面,大部份既食物都唔錯,豬扒鍋既吉列豬扒,係我十分之欣賞既,此店做得很不錯!焗芝士年糕係應節而叫,味道不錯,煙靭的口感幾吸引!牛油帶子油多得滯,係比較遜色既一道菜!庥醬冷麵個庥醬好開胃,又係做得不錯的一味!草莓巴菲同朱古力雪糕,此店的甜品水準有保證!

1:30要返學黎呢到食個lunch先起行叫左「什錦魚生壽司飯」「芥末墨魚」個什錦魚生飯唔係幾抵食因為得好少魚生不過d魚生尚算新鮮=$59芥末墨魚...份量極少雖然味道好好但係真係好唔抵食下次唔會再叫...埋單=$94作為一個學生...自己一個人食94蚊的lunch真係有d奢侈!睇黎黎緊o既幾日都要慳下個口先得喇!

聖誕的郵輪假期後,約了友人給附手信但忘記帶出來,不要緊,大家還活著,只要我還健在,下次給對方也不會太遲。今年08年是首次約友人到尖沙咀的和民居食屋只因那兒是約友人的好地方。一日不見如隔三秋,何況我與友人隔了多日沒見,也忘記我們到底隔了不知多少個秋,太多廢話要傾,所以大前題是在這幾少時一定要選擇一個坐得舒適傾得自在的環境。喜歡那兒坐位坐得寬倘舒適;喜歡那兒不趕客,坐多久也可以;喜歡那兒燈光柔和。千千萬萬個理由叫我喜歡上和民。試問只是每人附出最低消費的一杯價值九元的雪糕便能與朋友一起在這舒適如酒店的環境下一起享受把茶談心的樂趣,又可得到侍應勘茶遞水的服務,何況茶介是免的,那絕不是茶餐廳,或酒巴所比美。話說回來,我那喜愛吃的個性怎會咁心只叫區區那九元的雪糕呢?把茶談心也有口喝的時候,order了兩碟雞軟骨再加一碟雞腎串及一杯綠茶雪糕和紅豆雪糕。老實說,除了雪糕外,全部食物都只是一般。雞腎串雪到沒有了味道,質感韌如橡皮。雞軟骨也只是靠調味料調味,裡面竟然有些是雞肉來,這些倒令我覺得有些驚訝!。綠茶雪糕和紅豆雪糕是來貨,與一般超市買到的雪糕沒有兩樣。但算吧!醉翁之意不在酒,反正來的目的不是為了吃

(29/12/07)和姊姊的late lunch,兩點半仍要等一陣。和民沙律(半份),姊姊說全份有個汁,好味d架。牛油焗帶子,好油,不過挺鮮甜喎!脆雞翼,非常好味、冶味!脆脆的,"熱氣"也照食。刺身盛岡冷麵,很彈牙!KimChi三文魚刺身少許。朱古力蕃薯球,係朱古力脆皮cover黎o既!口感不好,而且俾朱古力味蓋晒蕃薯味。齋沈朱古力粉咪好o羅!

小哥莉今晚心血來潮來了和民等食晚餐\。出去左逛了一圈回來便剛好有位。此店第一次光顧，店內感覺比想像中大。我們叫了和牛刺身﹑海老忌廉汁意粉﹑一口豆腐﹑蒜香海鮮炒飯。和牛刺身薄薄的5片，入口即溶，而且味道新鮮，不過5小片要$68。海老忌廉汁意粉都是近來的推廣item，鍾意它夠creamy，加埋芝士粉更好食，海老只有5小隻。一口豆腐都幾好食，不過說不出有什麼特別值得一試的原因。蒜香海鮮炒飯以熱鍋上，所以很夠熱，炒飯夠蒜香，海鮮料算足夠。整體來說食物質素不錯，只是依舊份量很小，不夠飽肚。服務員一次也沒有主動添水。