居食屋「和民」 (已結業)

3月29日....去睇光良演唱會前黎左呢度食飯...不過大失所望和民之前都黎過幾次..但前幾次都感覺OK的...今次黎就真係唔係好得囉食物如下: 一口牛肉- 本身無咩味道...無肉味...唔多好食炸海鰻天婦羅卷- 呢個平平無奇...味道不過不失炸芝士- 完全無芝士既味道=.=...炸雞翼- 成晚最好食係得呢個...蝦帶子炒飯? - 呢個炒飯都只係一般..D飯炒得唔係咁散..蝦肉好實.. 帶子好細粒..廣島燒餅- 呢個燒餅個醬汁係幾好味, 但係D餡比上次難食...同埋食完都幾飽下XDD服務唔係太得...唔識自動自覺加茶..次次都要人叫加茶先識加...呢個要改善下..食物上既速度都幾快..可能時間仲早(6時多) 埋單$22X - 唔係貴~但咁既食物..我寧願過隔離間鋪頭食了...後記- 光良第一次係香港開既演唱會真係好正...期待佢下一次再黎香港開\^0^/

今日和舊同事午膳於和民。兩個午餐﹐一是雜錦魚生飯﹐一是牛肉石頭窩飯﹐皆送飲品。石頭窩飯賣相吸引﹐蒜香四溢﹐色香味中已過兩關﹐誰不知“臨尾香”﹐味道方面因為石頭窩本身不夠熱而徹底的失敗。你吃過完全無飯焦的石頭窩飯嗎﹖後來看照片才醒覺石頭窩飯上檯時是一絲輕煙也沒有的。或許家中的一碗白飯也比這個要熱吧﹖雜錦魚生飯更是離譜﹐份量少得出奇﹐魚生已切成如小粒狀﹐居然數得出三文魚有三粒﹐八爪魚四粒﹐油甘魚三粒另加少許魚籽﹐白飯份量相信不夠一碗﹐一切有相為證﹐並沒有誇張﹐請看旁邊的木筷子作一個比例就一清二楚。以這個雜錦魚生飯的份量相信我要吃三個才夠﹐賣$58 (連加一要$64!)根本就是暴利。曾幾何時我也會偶然去和民吃午飯﹐一段時間無去﹐再訪竟落得如此下場﹐實在唏噓。還以為笑笑進軍香港後和民經營方針會比以前更積極﹐看來是我估計錯了。和民set lunch? sorry, 無下次。

去和民最少超過10次, 以往全都是晚上去但今天則第一次去食lunch.以往本人和太太主要去葵芳分店,但亦有去過幾次銅鑼灣分店及剛才去的新太陽廣場地庫分店和日本同事經常食lunch都去日本料理,對於剛才去的新太陽廣場地庫分店之服務態度及食物水準差了這様多感到非常失望,現在的和民香港management只把焦點放在一年要開幾多分店上。1. 剛才下午lunch time門口帶位的男仔態度極度惡劣, 不要說日本餐就是現今去茶餐廰都無可能有如此態度差是人存在2. 我們4人叫了猪扒定食,猪扒本身味度基本上不差,但面豉湯是暖的不是熱的,相信同事因lunch time多人飲所以預先"裝"定很多以方便一些。3. 4碗飯竟然有很多生米!相信是不夠水,今次亦係我第一次於日本料理食到生米!4. 凍咖啡的冰差唔多溶晒,相信係沖定又或者放左好耐都無人理,仲差過茶餐廰,一般日本料理的凍咖啡飲完成杯的冰仲大大粒係度5. 埋單又耐d菜又上得耐仲之乜都耐,d staff態度一般都不太友善。叫親佢好似想食人咁.基於以上本人相信今後永遠不會再去和民了,同時我亦會將今次情況知會日本以免香港和民影響日本和民多年來辛苦得來的知名度

同朋友去尖咀食晚飯, 佢地話事黎和民. 太陽廣場分店幾旺, 平日都要等位. 食慣食熟和民,都係叫返叫開o個幾樣,點知呢間分店o既水準極差-- 炸蠔-- 同元緑o既麵粉漿炸蠔豉有得揮! 完全食唔到蠔味!海鮮沙律-- 味道無問題, 但份量係平時o既一半一口豆腐-- 晒而且黐底!刺身-- 無乜特別, 中規中矩和式pizza -- 無味!火鍋-- 又係黐底!樣樣野食都唔係好掂!永久blacklist呢間分店!

國慶假期, 人較少,等位都易d今期新menu都幾o岩胃口,所以點了大部份飲品都係新野,印度櫻桃喎ok,一定有人話好藥水味炸蠔-都幾肥美,但炸漿略厚金槍魚卷-醬汁好韓風,幾清新蕃茄xx pizza-原來係厚批,上(木台)只係暖暖地,唔推介燒雞軟骨-friend話似係先用水”卓”熟,再係咁”易”燒下我同意,因為d雞肉似白”拾”多過似燒炸軟殼蟹沙律-竟然係最後上,炸蟹好油唔知係咪請左d新店員上菜好混亂,隔離加單,張單又入埋我地到要做多d training

那次第一次入去食lunch，d人成日話好食，咁咪諗住試下啦！但見到個餐牌，選擇唔多，有d失望。牛肉鍋同埋芝士年糕都唔係特別好食，俾我揀我會選擇去魚一丁多d！

今日去到尖沙咀已經4點幾, 完左lunch, 唯有食甜品la, 叫左個芝麻豆腐芭菲, 同個waitress講話唔要芝麻雪糕要紅豆雪糕ga嘛, 又唔記得轉俾人, 仲冇左D紅豆蓉添, 算la, 一樣咁好食, 又有雪糕又有布甸又有蛋糕, 都係28蚊ga, 幾抵！

近呢兩次食魚生﹐兩次都一樣唔新鮮﹐真係好失望﹗真係好難食架﹗d 肉仲要係霉架﹗新出的蝦壽司﹐都唔係幾好﹐個蝦頭(已炸)雖然係好多膏﹐但係唔知點解會係苦的。

It was last Sunday lunch, we went there at 1pm without reservation, surprisingly the restaurant was EMPTY! Lots of tables available. Definately good place to have conversation, spacious and quiet. We got 7 people, ordered 8 dishes, total $300 dollars. The dishes are TOO SMALL to share with a big group like us. Only good for 2-person dinner I would think. Dishes taste alright, I especially like the "Terriyaki beef asparagus roll" and pizza. Yum! Dishes came fast, except one: 鰻魚飯. (I didn't know a

我一共去過兩次, 第一次尖沙咀店, 顧客不多, 可能因較新, 而且要搭上一樓,服務非常好, 或者想做好口碑, 我們不知應點什麼食品, 待應均會耐心介紹, 所以留下非常好印像。第二次時代廣場店, 當時已有知名度, 又得到雜誌廣泛推介, 當日到達仍未full, 但竟安排五人坐四人檯, 加上其中一位朋友屬肥胖型, 即變成六人坐四人檯, 我們已要求許可時轉卡位, 侍應亦說會替我們留意, 相隔十分後, 我們見其中一張六人卡位埋單, 為怕待應忘記替我們換檯, 於是提提佢, 這一提, 一共提了三位不同的待應, 大家同一反應拋下一句"等等"便走過, 一等又是十分鐘, 突然見到一位待應帶領兩位新入來的女顧客坐到我們要求的卡位, 當時我同幾個同事都呆左(二人坐六人位?!), 見她們安頓後, 我便示意其中一位待應過來, 要求索取投訴表格, 他聽後很驚便行開, 然後一位較高級的待應過來, 細細聲向我們道歉, 細聲到連旁邊的同事也聽不到, 說有些待應較新, 可能做錯了, 請見諒, 但我說一共跟三個同事說過同一要求均沒理會, 他唯有繼續說唔好意思, 會立刻安排卡位給我們, 最後要求剛坐下的兩位女顧客跟我們換位,

兩個人去叫左兩個燒拉麵加燒帶子。。嘩D麵同自己買十蚊幾包番去煮無分別。麵未發好，又唔林，湯又咸，燒帶子6粒細細粒。。唔會再去啦。。。早知帶我個FRIEND過海去福福好過

有幾個月無食過和民今趟覺得差左飲品:巨峰酒梳打水-比笑笑好,至少唔會成杯都係冰不過酒的比例都係太少柚子酒梳打水- 朋友話幾清新食物炸雞軟骨-去親居酒屋必點,覺得白木屋(香港那間未去過)同和民係最好食魚翅tempura-炸漿太厚,而且配沙律醬,好似不合口味鹽燒雞翼串-比很久很久以前點過,有進步(那次左仲上俾我地,結果著他們換過)海鮮沙律-上週食過笑笑的海鮮沙律,覺得和民的有點吝嗇,海鮮得蟹子,三文魚和八爪魚xx pizza-以前很多蔥,今次得好少甜品:草苺芭菲-朋友話質感好怪喎心太軟-本來想食芝麻豆腐芭菲,但係賣哂,叫心太軟又漏單千辛萬苦至食到覺得朱古力太”杰”,做不到軟的感覺

叫左和風一口牛肉,和風海鮮飯同埋蕃茄PIZZA,和風一口牛肉,和風海鮮飯都係迷你version,前者牛肉煮得過火, 失了真,後者唔錯,而pizza就好香蕃茄醬,海鮮活特別是扇貝有鮮味,無雪味可以一試,因為出面有好多價錢差不多,但更難食既店舖總數$114.4,佢真係找返$0.6尾

同舊同事去文化中心睇話劇，順道約埋幾個舊office o既,姐姐仔飲杯野/食個快飯。要同時cater飲野同食野，就因應其中一位o既提議，黎和民。自己不嬲唔太喜歡呢類居酒屋，嫌佢要排長龍等食，野食又係特別掂﹝曾食過銅鑼灣店，普通啦﹞。Anyway，一試亦無妨，畢竟就腳嘛！七一假期前夕，大家都冇咩mood做野，同舊同事六點唔夠就o拿o拿聲較腳走人。六點半左右黎到，個場仍然頗「吉」，侍應俾左個最入面o既六人位我地。坐低不久，幾位姐姐仔陸續黎到。先選飲品，其中兩位姐姐仔好快俾佢o既咩美白纖體系列吸引─o係果汁度加一枝類似D咩激白激淡斑定膠原蛋白之類o既野，果然有諗頭！我就要左一杯荔枝酒溝鮮榨西柚汁，個西柚汁同酒係分開上o既，半隻新鮮西柚連榨汁碟上，保證鮮榨，都幾有趣，配甜甜地o既荔枝酒，幾適合夏天飲呢！六個女仔，三個淨飲，三個食飯，共叫左兩份炸雞軟骨、一份三文魚卷、煎棒餃子、和風沙律、串燒併盤壽司同炒烏冬。雞軟骨叫左兩份，當然係因為味道唔錯啦！三文魚卷係用米紙包住煙三文魚同椰菜絲，雖然唔係好覺有三文魚味，但椰菜絲都幾爽脆，點個酸酸地o既汁，都ok啦！煎棒餃子、和風沙律同串燒併盤就係普通水準，唔

噚日陪朋友係尖咀食lunch, 小弟近近地揀左呢間和民~未入去前, d服務就有點兒失色: 門口個知客影都冇, 小弟仲以為未開(當時係下午一點)! 我地兩個人行入去企左係左約十秒鐘先有人帶位, 雖然個人覺得未係過份, 但以和民一貫的待客之道黎講, 就真係令人失望~上食物的次序都令人質疑~ 明明係我地果台落order 先, 同樣的沙律, 卻遲過隔離台約五分鐘先有, 仲要係催order 先有, 唔催o既話係一樣食物都未有, 唔知要等到幾時~ 小弟心唸, 沙律咋喔~ 當時間店唔算好多人, 搞咁耐, 仲要"先發後至", 總說不過去吧? 而且我朋友係尖咀返工, lunch 得個一個鐘到, 時間咁少仲要等咁耐, 令到小弟都好唔好意思.....講番d 午市定食, 小弟叫左個海鮮石頭飯~味道中規中舉, 不算十分好味, 所以小弟也說不出個所以然黎~ d 帶子(不太sure 係米帶子來的)冇乜味, 但d三文魚幾滑, 應該係半生熟的. 不過份量就真係好似小食咁上下喇......我朋友叫左個牛肉飯(唔記得左個名), 但食落真係冇乜特別.....我地仲叫左牛油焗帶子同炸雞軟骨, 味道有番一慣水準~ 呢個係唯抵得讚