居食屋「和民」 (已結業)

尋晚同男朋友係文化中心睇完show，之後過左黎呢間和民。因為已經過左晚飯時間關係，所以冇人等位，但見到入面仲有好多未散既食客。侍應叫我地係門口等一陣，結果真係等左「好一陣」至入到去。入到去有位侍應同我地講話成間餐\廳都係吸煙區，攪到我同男朋友都「兩邊受敵，老實講，真係幾辛苦，如果頂唔到煙味的話就真係唔好黎啦~好啦，坐左一陣，水都冇杯，叫左個侍應好耐至過黎寫單…叫左一個牛肉煲($48)，一客炸雞翼($28)同一個炸芝士丸子($33)…牛肉煲：ok，不過份量真係少左d，同埋好咸…炸雞翼：好味﹗keep到肉汁，唔會太乾﹗芝士丸子：一般，冇咩特別…埋單計埋加一120蚊都唔駛。值得一提既係，個度d侍應個個都好似「遊魂」咁，叫佢\俾杯水你佢\就俾杯茶你，食野個陣見住佢\落錯隔離檯張單、拎錯野去隔離檯，唔知d野拎去邊…係收錢個陣動作最快…唔知係唔係夜得滯，佢\地精神狀態唔係太好？