居食屋「和民」 (已結業)

其實一向都聽說和民的大名,但因怕等候,因此卻步有日下午茶時間,見人潮散去,一家又未食午飯,就入內一試食物不錯,價格合理,但最驚喜的是有兒童餐具,我囡囡很開心,也食多點呢!而侍應也很細心,知道小孩子不能渴熱茶,就給我囡囡一柸湲水還付上飲管呢,囡囡吃了不少(平時同她外出吃,她都吃很少呢),好高興的一餐,(要知道不是很多餐廳會供應兒童餐具,就是酒店亦沒有呀)

兩個人點了四個食物和兩杯飲品。埋單$208，味道明顯差晒，服務亦比以前差左，但勝在坐得舒服，都還可以。點了泡菜炒飯（出名多油但好味）、蜆意粉（味道OK）、豚平燒（必點）、湯年糕（可以不點）。兩款特飲係milk base 的，味道係蜜瓜味和芒果，都OK 啦。不得不提就是service 差晒，無以前咁好熱情有禮。

今年三月份一個晚上去尖沙咀和民慶祝生日,因用某銀行的信用咭食指定套餐會有折之前食過好多次和民,感覺普普通通但尖沙咀這間真令我們好難忘,套餐有炸雞中翼,入口覺得幾熱,誰不知食食下見到雞骨有血,骨旁的肉仍是透明白色的,根本未熟透!雖然肯換過另一碟,但大家都食左一半,幸好之後無肚痛晚上門口有大堆人等位,其實餐廳裏面有好多枱客已走,枱遲遲未執,可能不夠人手,故無安排門口等位的客入坐吧

朋友生日,諗了好耐都唔知去邊度可以切埋蛋糕, 結果去了和民, 服務勁好, 俾了張卡位我, 主動幫我雪蛋糕, 我話要個蛋糕就幫我上碟+燭, very good !

係日本食過一次和民，係香港就第一次，叫咗三樣嘢食，一杯嘢飲，最後發覺嘢飲質素最好，個d鐵板上既食物好快就凍，但係都唔覺冷氣好大．．．唔知點解d嘢食有d乾身，好似翻整過咁，所以決定搵過間食第二輪食咗-　豚平燒（唔係好記得喇）-　海鮮年糕（好似係咁上下喇）-　明太子豆腐-　桃味梳打環境都幾嘈，想傾偈有d難度

以前仲係靚妹嗰陣,响和民做過,那時只有堪富利士道一間店,未有分店,而家都執左了對佢有d情意結,但對佢d食物無興趣,由其是當你知道佢廚房的內部運作,我可以話唔識煮菜的都可以在此做廚,咩都一包包pack好晒,只要加熱即可唔係話佢唔好食,人地係請專人來調較份量的,但無咩誠意,所以廚房的都是靚仔,又平又好使,你覺得好食係因為佢d材料份量真係有人精心研究出來的你覺得唔好食係因為唔識煮野的靚仔煮壞了好的食材!!呢篇野我只係想舒發下!!

好耐無去, 咁o岩又係個頭就決定去。3個人﹐點左唔少野:廣島Pizza - 餅底薄又脆﹐有薄片豬肉﹔木魚﹔燒汁底。但嫌汁少攪到好乾﹐個汁少少甜酸其實可以做得更好。泡菜石頭飯- 味道一般﹐但熱辣辣有美味飯焦﹐香辣泡菜再加大大隻生蛋比你撈撈下。每次食都食得好開心!!滑蛋豬扒窩+ 白飯(另+$10) - 豬扒略嫌有些韌﹐但因為個汁+洋蔥+滑蛋太惹味所以下次都會再叫。炸雞軟骨- 好似以前好食D咁﹐有幾粒仲有肉"lang"住舊軟骨。ok喇!和民沙律- D菜麻麻地新鮮﹐個和式醬汁就幾香既但上高個pat碎蛋醬夾埋好似有少少奇怪。可能係個人口味問題。我叫左個chocolate mousse,而我朋友叫左個綠茶雪糕紅豆圓子(唔記得個名lu)。我個朱兜力慕絲令我變做朱兜~ 唔難整得難食既甜品都可以搞到咁難啃佢地都好叻! Somehow, 個mousse有D一粒粒jelly-like texture好似未溶既gelatine咁! >。< 嘩~~~ 真係食兩啖就要放低。仲有呀﹐除左有粒粒之外仲好水添。唉! 整mousse, 先要打起cream, then就係蛋白要打起但唔好太over, 打過火

昨晚原本想去悠悠食飯，不過去到見到有個牌寫著星期日休息，於是轉咗去呢度食．可能早的關係大約6點半，直入唔駛等位．環境都OK，不過啲sofa好像無咗彈弓一樣，一坐落去成個人都跌低好多．叫了一個味噌三文魚煱，一個蝦壽司，一個焗菠菜．之前都食過個三文魚煱，仍然幾好味．個焗菠菜就有d唔係禁對辦，個圖影到有好多菠菜，不過實物就相反，面頭有４隻好像餃子的東西，菠菜只係圍邊．個蝦壽司就普普通通．

我和朋友於下午6時入座當時入座率都沒有30%但可走單叫天不應伙計全都可能只是餐\廳陳設食品相比平時差炸物太油炸得好\"老\"身投訴只有因為食物係油炸的一定會好油唯答案和民漸走下坡了

今次黎覺得無論野食同service都差左,無左果種居酒屋feel,反而似係快餐多d一口芝士得幾件,同埋比較油膩牛油帶子硬左d雜錦刺身算係比較好,都叫做新鮮海鮮炒飯勁細碟,味道普通...無左鮭魚子炒飯啦,好唔開心...唔知咩雞卷, 清清地幾好和風pizza,每次來必食,可能今次唔係即刻食,凍左少少,口感又係唔及以前

31/1/07 我同一個朋友去食飯,位時個接待除左比張飛我地外仲比左張優惠券係送一杯贈飲,我地叫左3樣野,和風pizza(切開6塊),鰻魚卷壽司(一條切開6件),炸天富羅(8-10件),贈飲要左杯奇異果汁。隔離䒷 係三個外省人講國語既,佢地點菜時係用國語既,一路講國語一路指住個餐牌比個侍應知要乜,點完後侍應走左去落單,佢地又想叫杯可樂,咁叫番頭先個女侍應啦,用國語"我想要一杯可樂",個女侍應冇反應,只答"纒 ...",根住點菜個女人就用番廣東話講"可樂呀",女侍應答"哦",之後走左去落單,我聽到隔離個女人用國語講"為什麼在這裡做的侍應普通話咁爛"意思係話點解連普通話都唔識聽同講。我地等左成半個鐘都未有野食到,好奇怪地隔離台果三個外省人遲過我地叫佢竟然上菜先,我地咪叫侍應追囉,初頭以為佢冇落單添,之後都慢慢上菜啦,食飽飽就埋單走人。番到家開始有鱓 肚痛既跡象,抽住抽住咁,柯左一次,但都仲係好痛,唔理照訓覺到左聽朝早身,都係有鱓 痛但又唔係想柯果隻,岩岩收到個朋友sms,佢又話食完野後番到家好肚痛,凌晨三點起身柯左一次,嘩...我地懷疑鱓 野食唔乾淨,一係鱓 Å 有問題一係杯野有問題,我去

上星期唔知點解老婆仔又收到和民card寄黎一張一百蚊現金券,梗係食得唔好嘥,食咗佢!!我地揀咗新太陽廣塲地庫果間,訂咗6點半,去到門口鬼影都冇隻,但係入面有客食僅嘢喎,奇怪!?我同老婆仔決定沖入去自己揾位坐,結果終於有人過嚟嘞,佢帶咗我哋坐裹面卡位,唔知以為可以靜靜地,原木格離係員工休息室,Ｄ員工制服入,便服出,又有Ｄ便服入,制服出,好似坐咗係彌敦道咁,非常熱閙!Ｄ侍應好似未瞓醒咁,我問佢哋Ｄ嘢又聽唔明,佢同我哋講嘢,我又唔知佢哋嗡セ,叫佢哋加茶又叫到我口水乾都未加,唉.....可能店長冇比佢哋休息所至,請店長請記住"今天對員工不好,明天努力找員工!"再講返Ｄ嘢食,我哋叫咗1)鮭魚石狩鍋--個汁OK,Ｄ薯仔幾好味,但Ｄ三文魚唔新鮮.2)明太子芝士豆腐--好似臭豆腐,對臭豆腐唔抗拒應該冇問题.3)鐵板棒餃子--最好食,夠哂大隻.4)軟芝士伴牛油果--麻麻地,Ｄ包林哂,唔好食.和风煱海鲜飯--都係麻麻哋,冇セ特別,唔寫.Ｄ侍應上菜果陣會講句"失禮哂"嘅日文,好彩佢哋都知,點解同太子果間差咁遠嘅,可能唔同老細啩!

本人一向都冇迷戀和民, 今次同佢既粉絲去食, 3個人叫了5個菜, 各自一杯野飲~~ 好像少了很多選擇!! 侍應真的發夢, 真係冇俾茶...味道不會太好, 好像吃不飽, 一人90大元也吃得不夠暢快....還是喜歡其他的居樂屋!!!

前陣子唔記得因咩事泥食lu~ 呢間和民算係幾好食咖! 其中有個牛舌燒, 燒完之後肉汁相當豐富, 好味!! 仲有第一次試和民ge cocktail, 都幾好飲, 直得一飲呀!!但其實最重要唔係d野食, 係d waiter呀!! 佢地個個都好似發夢咁!! 問佢乜都唔識答~ 又成日上錯野食, 總之就係十下十下咁啦!! 不過又唔係無禮貌ge...

早幾日有分公司同事過左黎，咁咪同佢去和民度食野囉！野食都一般無咩特別啦，剩係樣樣都好似咸左少少咁...但係d 侍應生服務真係好一般，叫左杯生啤，就咁一杯酒要斟幾耐...我前後叫左三次，到最後果次我重要有少少唔客氣咁講「我已經追左杯啤酒三次啦」，咁果個女仔先話「即刻到」同即刻去斟比我...寫單又漏單又錯單咁，真係遊魂咩！最攪笑係唔止一個係咁，係個個都差唔多未訓醒咁先慘嘛...