尚鮮日式燒肉漁市場 (已易手) 新餐廳

到銅鑼灣行街，今日天氣很好，心情好，朋友也決定到銅鑼灣尋找燒肉店，吃一個快樂晚餐。每次到銅鑼灣食日本菜，不便宜，但發現300左右也能到有質素的日本菜式呢，看到了樓下派傳單的姐姐推介這間抵吃日本菜，便走上3樓看看，很有日本感覺的地方，座位很大，而且還有很多的私人地方，有數個房是用以PARTY之用呢，這兒燒肉放題RELAX~因為有讚和分享面書，有生蠔及浜燒SEAFOOD，實在不錯，這些優惠也非常吸引～LETS GO…大家吃之前將肉片沾上燒肉醬汁，令肉片惹味。當大家吃得意猶未盡時，更可以要求追加肉片盡情食！所以實在不錯。牛肉肉質很好，燒到八成熟便可吃得，牛肉肉味很飽滿，軟腍亦易咬。每次吃燒肉，總是羨慕日本人，當地隨便走入一間燒肉店，便可以吃到高質素和牛，價錢低！想不到香港也可以吃到好的肉質～特別是牛、海觧的水準很高。11月份的天氣未算很冷，跟朋友吃一頓好吃的大餐慶祝一下，選吃任吃的東西就最好，搜尋了很多任吃放題， 一直很想吃燒烤類型的店，便剛好是這個不用加錢而有蟹蓋燒的店。這燒肉店地方大而舒服，燒肉可任吃，朋友也可以在2.5小時內任吃牛和海鮮等。甜品方面， 除冰箱的小甜點，Movenpick

星期三嘅晚上同朋友去左位於銅鑼灣嘅尚鮮日式燒肉漁市場食放題晚餐，星期一至四晚每位$278就能夠品嘗浜燒海鮮X燒肉放題餐廳周圍放滿日式清酒同日本模型，充滿和風感覺甜品同飲品類都係自助形式餐廳好先進的採用平板電腦點餐，方便快捷又準確！燒肉嘅選擇都幾多種類坐低冇耐侍應會先送上浜燒海鮮拼盤，嘩好豐富呀！有生蠔、鮑魚、大蝦、甲羅燒等等，鮑魚仲新鮮到會郁架，非常生猛！扇貝燒熟之後好鮮甜，記得要連埋殻上面嘅精華飲呀除咗有超新鮮嘅海鮮拼盤，我地仲叫左魚生刺身拼盤！鮮帶子幾好味，甜蝦都幾新鮮！蟹子沙律用料都幾充足，青瓜新鮮爽脆，蟹柳絲份量足仲有個黃金鮮蝦卷物都幾好食炸物類別竟然有我最愛嘅榴槤炸彈自助點餐嘅燒肉質素唔錯，燒雞翼同雞腿肉好肥美厚肉，肉質鮮嫩，正啊！燒牛舌都充滿肉脂香！大量燒肉無限任點，啱晒食肉獸啊！自選什錦蔬菜拼盤好新鮮又夠鮮甜最後甜品仲有一人一杯嘅Movenpick雪糕$278呢個價錢就有質素唔錯嘅燒肉放題食啦

尚鮮日式燒肉森仔於星期二去到銅鑼灣食一餐好既，慰勞自己一整天辛勞的工作。所以，就去到一間有得日式燒肉，同埋有海鮮刺身的餐廳。餐廳位置非常便利，位於銅鑼灣總統戲院對面。森仔放工過去，都係只需半小時。至於裝潢方面，餐廳亦花足心思。在餐廳以日式風格佈置，再用玻璃櫃放上各個海賊王的 公仔。整個餐廳佔用了整層，目測可以容納到60人左右。同時，空間感好大，不會很迫夾的感覺。所以，森仔好放心同女友談談心❤️❤️餐廳採用電子下單系統，方便環保。而系統更能明確展示了食物的樣子，方便客人選取！🤓而下的單很快就到來，大約五分鐘就上枱。所以千祈唔好貪心一次過叫好多，因為枱會唔夠放的🙈🙈🙈（ 森仔試過🤣）講反食物先。今次森仔就醒，早左一日預約枱子。所以，獲得餐廳早一日預約的大禮:海鮮拼盤一客。這個係按2人為一份計算的，一份有2隻鮮鮑魚，2隻生蠔，2隻海蝦同2隻貴妃蚌和1個甲羅燒😍😍😍😍這個海鮮拼盤真係超級新鮮，特別係鮑魚👍🏼👍🏼每樣燒完來吃，均是十分鮮甜，極有海鮮味道，值100分中的💯💯💯💯🤓森仔真係好想encore 。不過，這些海鮮係要逐件收費的，所以森仔都係食其他算🤦🏻‍♂️🤦🏻‍♂️因為餐廳係任食，所以森仔都叫左

尚鮮! 樓下姨姨出盡力咁派傳單，同朋友亦物色緊晚餐，睇價錢唔錯，就聽佢講上左三樓開飯一入門口飲品櫃，大眾野，但有一款未見過既啤酒! 但喉嚨唔太舒服，都左餐廳俾壺水我自己黎就算標準卡位，幾寬幾好坐，仲有usb頭，除左可以叉落單既平板，仲可以俾你叉電!真係好少見燒肉店可以叉電!share餐廳facebook仲有海鮮拼盤送，有鮑魚，蠔，凡立貝，虎蝦同甲羅燒，估唔到都幾豐富!!凡立貝燒到出汁再收水就食得，厚肉又夠甜鮑魚餐廳教話先燒面再燒底，咁先唔會粘住個殼!食落幾鮮幾彈牙!甲羅燒，燒到半固就食得!但我同朋友都鍾意熱d，所以得煮得偏乾少少，甜得黎有蟹膏香蟹籽沙律，份量唔多，但沙律醬有點多lol 幾好食既~刺身任點，北寄貝夠爽夠甜，帶子都唔夠佢甜! 飽片夠香，幾有驚喜第一round要左少少試下水溫，日式燒烤同韓式的確有唔同發現日式燒烤既食材都會切得較細，好似雞翼會開邊咁第一round食既肉入邊，牛舌同牛仔骨好食! 牛舌薄切，口感一般但夠香夠腍，牛味唔錯牛仔骨既牛味最濃，最愛~牛柳粒有點難燒，成日食燒烤都唔識燒，燒太耐又會又乾又柴，燒唔夠又會中間唔熟呢度既size唔錯，偏細少少，容易控制熟成程度，口

約朋友食飯，食放題就最好。乜都有啲，自己鍾意食乜就食乜！今次依間質素非常唔錯！四位訂枱有得送龍蝦刺身同浜燒海鮮拼盤！入去坐咗冇幾耐，職員就拎咗一盤龍蝦刺身俾我哋，刺身好新鮮好鮮甜，食完之後，個龍蝦頭就會用黎煮粥，整完再俾返我哋。海鮮拼盤入面就有：生蠔、生蝦、鮑魚、甲羅燒、大蜆！最吸引嘅當然係鮑魚同甲羅燒啦！拼盤啲野多到一次過放唔晒落去！甲羅燒入面有蟹膏同鵪鶉蛋，都幾香口！食烤肉主要都係食牛肉，呢度嘅款式都幾多，而且肉質都唔錯，味道幾香，仲分咗幾種唔同嘅口味！另外當然仲有啲係豬肉、雞肉同魚類。刺身壽司都算幾多選擇，一開始梗係要叫一大盤食咗先。壽司都整得好吸引，火炙三文魚好肥美！大大件令人好滿足！食到咁上下，開始叫啲香口炸嘢，有炸魷魚圈、炸雞軟骨、炸雞翼、炸榴槤波等等！全部都即炸所以嚟到係熱辣辣嘅！炸榴槤波可以當埋甜品添！蔬菜類都係食燒粟米同菠蘿，菠蘿酸酸甜甜，食完野整返幾件，去除油膩感一流！甜品有好多蛋糕仔放喺雪櫃，可以自己拎。而Movenpick雪糕就每人有一盒，有雲呢拿、朱古力同士多啤梨揀，始終都係雲呢拿最好食！

今日難得放假，就去左銅鑼灣行街街啦。經過見到樓下有人派傳單，好似好吸引喎。之前都好似食過一次，一於再試下先。上到黎見到，呢度環境好好，全部都係卡位。而且有呢個抽油煙既工具，咁就唔使怕食到成身臭臭啦。呢個海鮮拼盤真係超正超新鮮，又夠大隻。入面有帶子啦，蝦啦，蟹啦，生蠔啦，仲有鮑魚tim。雖然呢度唔係專食刺身既，不過呢度既刺身都好新鮮。食落唔會有雪味，仲舊舊都好厚tim。而壽司方面，都有唔少款揀。呢個火炙牛拖羅壽司我就覺得最正啦。外面熱熱地，舊牛亦都好香好重牛味。最後仲有甜品，movenpick雪糕，為呢個豐富既一餐畫上左完美既句號啦。呢餐計返都係300幾一個人，但質素超好，性價比高，下次都一定要再黎食呀。

星期五7點鐘左右突然想食燒肉，打左3好多電話都話full左，最後呢間以以留枱，心諗星期五流流都仲book到，都驚伏架。上到去可能都早啦，得幾枱人，服務員態度都唔錯，$298加一食兩個鐘，燒烤，刺身，好多日式野都有，大部份食物都係任叫，飲品大部都係任飲。落單用pad落的，夠快夠環保。食物又來得快。本身都驚d野食麻麻，因為星期五無咩人，點知又唔錯wow, 個虎蝦好好食，新鮮又甜，牛肉都唔錯，但我覺得呢度個五花腩比牛更好食。另外清酒著花甲好好食，我地2個人叫左5次.呢個價錢其實真係抵，仲有movenpick ice-cream. 好飽haha最後有一樣野值得贊既就係，佢竟然有usb比客人差電，好貼心

終於來試了宜間放題，朋友介紹話不錯雖然燒肉放題，但都有海鮮海鮮拼盤有幾款海鲜，都幾吸引不過只有一次，不是任食 最鍾意甲羅燒，日本食過一次。。宜間餐廳整得幾好食好有蟹膏味，夠濃 唔錯好想叫白飯食但叫白飯唔抵食。。。。所以冇叫。。。hahaha海鮮拼盤值回票價燒肉質素可以，牛仔骨花紋靚，好嬾又有可能因為我燒得好我就鍾意燒海鮮蝦、蜆、魷魚就任食的，辣酒煮蜆好惹味價錢與其他餐廳差不多但這裹有燒肉，海鮮，刺身，壽司都萛抵食

尋晚同舊同學黎食，海鮮盤幾新鮮，其他野食就無咩味道，餐單食物種類好少，炸物，壽司，小食，燒肉每種大約十款左右或以下，但係10款入面竟然係唔同味既腸仔4款，豬頸肉3款，雞翼4款😅同學不斷同我講依度好少野選無咩野食。好彩尋日店舖少客，出菜都算快，炸物是熱的，服務都幾好，十點幾趕住收鋪就拿拿聲黎執枱，哈哈，都明白既，要收工。不過唔會再黎幫襯嚕！3百幾有好多間多野食，質素好既放題可以選擇。

之前上網見到宜間餐廳有送海鮮拼盤，價錢又唔貴。所以來試下 我地share左餐廳fb, 之後就好快有海鮮拼盤 有甲羅燒，郁既鮑魚，蠔 果d, 望落都係新鮮既！好彩我地有訂座，見到格離枱因為冇訂座而冇海鮮拼盤係到嘈，又話要唱衰間餐廳見個侍應幾好禮貌，傾左幾句 條款又真係寫左要訂座先送既，冇得怪餐廳。 所以大家記得要訂座講返食物， 海鮮拼盤掂既！最好食係鮑魚，差d想單點叫多隻但黎到放題餐廳，梗係食任食既野刺身都ok 既，火灸壽司整得不錯 燒肉就一般，牛仔骨幾好食 整體來講，算係ok 收貨！

又有一段時間無食過燒肉放題啦今次就揀左依間有齊燒肉 燒海鮮 刺身 壽司 甜品既燒肉店 每人$278 另加一服務費💰 限時2小時-黎到第一件事當然係要share佢地既Facebook page先 (記得早一日book位呀)因為會送返個海鮮拼盤 店員仲教埋我地點燒有鮑魚 蠔 虎蝦🦐 帶子同埋我勁鍾意既蟹甲羅燒🦀 甲羅燒好正好好味🤤 記得唔好燒咁耐呀-因為大家都鍾意食蠔 所以再加左$18任食燒蠔-任食食物可以用tablet落單刺身叫左D三文魚 帶子 甜蝦 油甘魚 全部都新鮮 所以之後又再叫多round 特別推介帶子同甜蝦-燒物類選擇都幾多下 有幾樣推介‼️▫️辣酒煮蜆 ▫️清酒煮蜆 ▫️牛油栗米粒🌽 全部用鐵兜裝住 幾好食 必叫😋 但蒜蓉金菇就唔夠味-另外燒菠蘿🍍 牛舌 肩胛梅花同樣唔錯 仲有得叫生菜包住肉黎食-燒到咁上下就叫左D壽司🍣 不過舊飯就比較大舊-仲有炸物 鍾意食榴槤既記得叫榴槤炸彈 好香榴槤味-另外有2個飲品櫃可以自己拎罐裝飲品 有汽水 啤酒 茶等等-最後仲有每人一個movenpick雪糕🍨 我地就叫左朱古力同士多啤梨味

不知所謂！ 環境-》差！座位舒適度-》差！通風系統-》差！食物味道-》差！食物種類-》差！飲品種類-》差！甜品種類-》差！食到一肚氣！伏伏伏伏伏！！！千祈咪中伏！

抵食推薦！銅鑼灣食燒肉海鮮放題，朋友話抵食來試下，個人係食肉獸，推薦食物1）牛仔骨牛仔骨入口軟身，唔難咬，容易熟，易處理，食多幾塊，完全無問題2）海鮮拼盤有生猛新鮮鮑魚，蠔，虎蝦，仲有好多香港人最愛蟹膏，鐘意既朋友可以點白飯！絕配，流哂口水宜個唔係任食，店員話只要share fd 就會送一盤一人一份👍🏻👍🏻👍🏻👍🏻 3)環境唔錯，乾淨整潔，食物上得快，冷氣好勁（怕凍女仔要帶衫），抽風一流，食完真係少燒肉陣味，唔錯😚😚😚最怕食完成身臭，哈哈，抵讚

所有肉類全部垃圾 超難食 從來冇食過甘難食既燒烤 牛冇味 海鮮唔新鲜 食物又少 成晚食到想嘔 好心佢比小小質素 我知佢唔係好貴 但係d肉類 比返d人食既野人地先 唯一可以讚係員工服務好

見到Facebook 宣傳影片，即刻打黎試。$278一位，2個鐘，Like FB 送海鮮拼盤(有蟹甲羅燒，有連殼鮮鮑魚有連殼帶子)。每位自選加$18可以任燒珍寶蠔。似乎係燒野，但海鮮，刺身都唔錯(三文魚，帶子個啲)，唔食牛都可以叫到成枱野，食既朋友有成版比你燒。一入到去講清楚哂點燒，燒幾耐，點用pad 點野，幾點Last order, 個職員仲有時間可以同你傾多幾句，唔會係甘迫你叫，成個場慢慢食，其實2個鐘咩都夠，Encore 左啲蠔(只限晚上)唔錯，最窩心有自選單點，你落左單仲有職員同你確認，講唔明唔係怕你比唔起，係怕你點錯食得唔開心，有得單點鮮鮑魚，元貝，龍蝦，海膽，青口...)仲想點野飲就汽水，道地。自問，我收貨，上野快無漏單。