尚鮮日式燒肉漁市場 (已易手) 新餐廳

聽朋友講呢到間野好好食，所以BOOK左左7點系銅鑼灣食任食燒肉。到左呢個難減肥既年齡，都仲要食甘多野,仲要系肉,真係需要好大既勇氣哈哈! 佢系樓上店黎既,樓下有個姐姐會派單張同埋叫我地去食。入到去,職員好耐心講解，講解得好清晰,而且位置我覺得好獨立，仲坐得好舒服。黎左個海鮮拼盤，有甲羅燒、活鮑魚、貴妃蚌和珍寶蠔。佢好有禮貌，又話鮑魚面燒5分鐘(姐係個殼向上)。又話個甲羅燒要搞混先燒。刺身有玉子，三文魚，蟹棒，鮑片,帶子。帶子鮮甜，玉子個面仲燒過。可以食到放題甘，又食到燒肉真係好開心。最後埋單之後佢會俾你揀每人一杯movenpick雪糕，勁正呀。有朱古力，士多啤梨，雲尼拿，我揀左朱古力味。價錢真係唔貴，加埋一每人都係 $306，但係食到甘多野

上網成日見到有好多人推介e間餐廳價錢唔貴,又好似好抵食餐廳點食物都以平板電腦落單比起傳統既填紙落單夠方便快速飲品方面選擇都十分多罐裝汽水之餘還有罐裝果汁以燒肉放題來說食物種類都算多個人極力推介薄切牛舌 牛仔骨 虎蝦 鮑魚除了燒肉,壽司 刺身 炸物 天婦羅都不錯凡係Facebook讚好,就會有份海鮮拼盤不得不讚,海鮮新鮮燒鮑魚的時候,鮑魚都在郁值得一讚餐廳抽煙系統做得很好環境不會很煙霧,而且身上沒有很大陣燒肉味

之前一直都見到呢間,好似好吸引咁.但點知....唉女仔朋友極愛燒肉,但服務卻使我們失望.首先一去到,兩個待應居然可以係客人面前互問對方邊個帶位好🙄 其實我唔介意自己搵位坐嘅.坐底介紹d野個陣,完全hea住. 我唔介意自己研究囉好無野食就一般,不過不失. 所以就不多提.最嬲嘅係叫個待應換塊板.成塊板亂黎,搞到差d整親.仲黑口黑面.我地好聲好氣唔該前唔該後,但換黎咁....野食個d無乜大問題,價錢正正常常,但服務係絕對係差,簡直唔掂

第一次打食評，唔打唔得見咁多人讚好，又收得唔平（以放題價錢黎講），以為會好好食啦⋯⋯結果非常失望😞點解會有咁多個讚好？自己諗野食：除左個Movenpick 雪糕（每人只有一杯）& 罐裝野飲 ，都無樣野好食。燒肉薄到一燒就爛、刺身唔新鮮，最基本既三文魚 薄到透光，佢地師傅既刀功抵讚！熟食選擇唔多，當然多都無用，反正就係難食！服務：落單 野食又唔足，落左又話無落，叫佢換爐又扮唔記得！老實講，要搵間難食過佢既放題都唔易

又係時候同老公拍下拖，喪食一番relax 下無意間見到尚鮮燒肉放題既廣告，有燒肉、刺身，另送海鮮拼盤 （主要係被鮑魚同蟹吸引😍），價錢大概$300/位， 可以接受。主打既海鮮拼盤，相當豐富！生蠔、扇貝、鮑魚、大蝦、蜆、蟹，全部都好新鮮，不過冇得refill。👉👈燒肉同刺身就任叫，刺身都係d大路野，三文魚、甜蝦、帶子⋯還算可以，不過唔敢order 太多，要留肚食燒肉（haha)任食喎，當然唔好期望有 A 級和牛質素，但都唔算太差，正常水準。重有小食同Movenpick 雪榚，個人覺得有海鮮拼盤就值回票價！

原本睇食評都覺得OK嘅，幾個人去到 個接待都幾熱情，到落單先發現，青口 元貝 另外比錢單點，生蠔一位加18 本身野食埋單278+1咁都冇問題，D食物個別唔多新鮮...刺身類寫6個比3個，寫10個都係比3個 寫15件終於有多，比4件喇！ 有D野直程落幾次柯打先來一次 仲要少量咁來.... 由開始食到走 全場得幾張臺嘅人。仲要成日冇人應雞。 幾丁友食完埋單900幾蚊 個個肚痛。超伏......三個人落呢份錢去食其它都好過食呢間啦，最最主要 。唔覺意忘到佢地個廚房 真係好似垃圾房！（係接待後邊）

晚上9點到 入座無人提我地 原來好多食物都無得點！點解menu 無咩available 可以唔話俾客知？燒肉比不上日式燒肉店，d肉食落好似膠膠地，街市低級肉質刺身比不上大x屋，無冰底，暖暖地唔新鮮，無咩味道蠔只有大隻，一樣係唔新鮮落單叫10件來6件，自動cut數，做咩要叫人自選數量落單？不如你按人頭俾！全晚叫天婦羅，一件都無黎，佢一句話部機壞左無單，真係吹漲！！都唔知食左d咩落肚，300？150都唔值呢到唯一好既係地方大 坐落闊落不過侍應汁枱無禮貌，我一邊食佢一邊汁，問都唔問聲呢間，絕對無下次

跟朋友即興 happy Friday 6點book枱 間間爆 呢間有位仲可以食1930 限時120分鐘刺身+燒肉為主加埋18元任燒蠔 每人大約345 元係貴少少 但時間夾到就試下額外收費食材都多 青口 貴妃蚌 逐隻收錢 無試刺身唔錯 整體新鮮 特別推介 帶子刺身 有鮮味 其次 吞拿魚 甜蝦都是中上肉就牛舌幾好 其他就無特別 牛味不是濃 質地正常 一般反而雞腿肉不錯燒海鮮強烈推介虎蝦 正 肉質不錯又大隻花枝 魷魚質地中上 要自己調味清酒煮蜆 好味 清酒濃 放在錫紙兜等牠開口唯蜆有沙 要洗下其他海鮮就一般講到燒蠔加18元無所謂但隻隻抽獎咁 有些金屬味濃又刺口 有些質地怪 有些正常想不想抽獎呢 就自己諗反而炸蠔正常 想食蠔 不如叫炸的 不用加錢其他炸物正常無特別特別一提 食店用平板下單 所有嘢清楚快捷服務都好好 有招呼 有收碟 有計傾值得一讚整體來說 如果食黃金時間都是選擇特登去食就動力不大

第一次忍唔住寫食評，我即日book 位，去到發現即日book 係咩優惠都無，咁都算反正唔預佢有，係個staff 走黎講我先知原來睇相有既甲羅燒，鮑魚，龍蝦剌身等等都要另外比錢，或要早一日book 夠4人先送！唔緊要啦自己無睇清楚，唔怪得人！點知其他野一樣中伏，野食小，咩都要加錢，出去雪櫃一睇，真係所有做放題既餐廳黎講最小選擇既一間，甜品得啫喱，蛋糕仔3款，飲品得大陸康司傅系列，全部甜野，烏龍茶都無！茶都無杯，食物唔新鮮，蜆一兜5隻可以4隻係死既，蝦未放入口用筷子夾已經散晒，連螺肉前菜都有怪味，冷烏冬係暖既，個湯汁仲要無味似水咁，烏冬勁淋，燒肉就普普通通，無咩肉味，刺身無冰底都算，上枱近乎暖既，完全唔敢再叫，鯛魚刺身腥到爆，甜蝦都係無味既，同埋叫幾多件都無用，自動同你打折，寫4件黎2件或跟本無黎過，除左炸野食完無問題之外，無樣正常，最嬲既係咁既質素收298一個人，呢種貨式我198都嫌比多，呢個價錢我去其他放題大把選擇，難怪成晚都坐唔爆，下次一定睇清楚先入坐

係Facebook 見到宜間餐廳好耐了 見海鮮拼盤好吸引，又有任食燒蠔 最初見到fb有人講話中伏，但抱住最多咪中一次既精神，好彩冇人地講到中伏咁嚴重share餐廳fb就會送海鮮拼盤優惠海鮮拼盤有甲羅燒，鮑魚，蠔，蝦，帶子甲羅燒超正，好多蟹膏鮑魚係新鮮，燒果陣會郁 蝦係任食 ，應該係虎蝦，都幾大隻 因為4人同行，所以我地有燒蠔任食 雖然啲蠔燒完會縮水，但任食就冇所謂啦另外一提係海鮮拼盤內既海鮮想再食可散叫 價錢都係$10有找，算係良心食店 相信冇咩餐廳會做到咁平.. 值得一提係餐廳都幾細心 刺身冇放冰底，要新鮮先做到 冰本身就有好多細菌，刺身放落冰到只會更加衰，好多人以為刺身唔放冰就唔新鮮 🤦🏻‍♂️其實掉返轉燒肉款式唔算多，但肉質ok 最後仲有movenpick 雪糕，正！ 出面買都要$20幾 總括黎講，$279再加一，算係抵食冇人地講到中伏咁誇人地都要交鋪租，人工，電 等等 要知足，有咁多海鮮，燒肉，刺身都話唔抵 又話啲海鮮唔得，我食完覺得完全冇問題唔知佢地平時食咩海鮮🤷🏻‍♀️

家人生日想要吃日式放題，在開飯啦搜索🔍看到有評論指不錯，姑且相信試一試，結果三文魚顏色看上去很淡也有一層灰色的表皮未𠝹走，四人同行可以吃珍寳蠔，哪知沒有蒜蓉辣椒🌶️等，只有齋吃蠔沒有配料醬料，但是燒好后筷子夾到一層奶白色的汁沾在筷子上，咀嚼起來很梅爛的，毫無口感可言，蜆燒了幾隻貝殼都緊閉，你如何相信是新鮮的呢？天婦羅🍤炸蟹柳好快沽清，但也不是即炸，上桌時已經只能用丁點暖的溫度形容，醉雞翼好易粘網上，一夾即皮和肉分離了⋯⋯四人買單1168只是吃了几片牛舌牛肉，下了單又經常漏了給我，我特意下一張12只甜蝦結果只上來了4隻，這樣的情況全晚都在發生，證明是人為造成的，而不是不小心看走眼！比較起大X喜性價比差別太大了！一女伺應服務動作較慢，不主動且越叫越走，直情趕住找男伺應談笑風生⋯⋯海鮮種類少，不生鮮！無醬料無味道！飲品只有雪碧可樂忌廉汽水🥤罐裝茶類和果汁等不到🔟款，小童120cm已經收278一個成人價錢，很貴，論食材更加不值！生日當月出示證件八八折，但沒有吃到一半，已經有中伏的感覺！絕對不會有第二次了！我不會再用錢試它會不會改變了⋯⋯1168已經足夠了！慘痛經歷！

無樣好食，蜆煮極唔開口，前菜螺肉有蠔腥味，雞腿菇帶酸，加佐$18任食燒蠔，食佐兩隻，味道又係好得意。燒肉叫做正常d, 牛舌、牛肉同豬腩肉無事但一定無日式燒肉的水平，沙律亦勉勉強強接受到，最穩陣就係食炸物，雖然唔抵但叫做正常及放心食用。星期六6點去到，食到7點半都係坐得7成滿，就知道有幾伏。成餐老婆一路食一路呻，食佐一粒鐘，食到7成飽，收兵叫停，唔好辛苦自己，最後忍唔住寫佐人生第一次食評，獻出第一次。

兩個舊同事突然過咗嚟約食LUNCH。公司行過去唔使三分鐘，好方便。飯餐四十八蚊起，比現金唔加一， 包無酒精飲品。用平板落單，幾方便。我叫嘅豬軟骨飯，豬軟骨入味，夠腍滑，飯都夠食，同埋起碼有蔬菜伴住食，OK呀。咖喱雞飯，可揀白飯或者烏冬，賣相靚，但係味道就一般，雞肉裡面唔會有肉汁，可能唔加咖哩重好食!?魚生飯有帶子，三文魚同吞拿魚，中間仲有啲薑片，少少蟹子蛋絲同青瓜絲，魚生都生鮮，夠食。

去得食放題，唔多唔多都係想食下刺身。一來佢d刺身唔會用冰盆。二來甩單甩到傻，每樣10件佢唔來，每樣20件又係唔來。每樣5件又係唔來。每樣3件終於來！大佬我一行四人得隻碗仔，好肉酸羅唔該。侍應有禮，不斷解釋。當然投訴既絕對唔只我一個。難為左佢地。結果食放題食到餓住走！好彩對面有車仔面。

所有優惠都必須早一天預訂，切勿即興前往。在前台等了十五分鐘都未能進入，整個餐廳只有一人接待、執枱、帶位，餐廳滿是空枱，只有四枱客等候竟然要花上十五分鐘。四人惠顧可任食燒生蠔，質素尚可。刺身沒有冰上，最離譜的是未到九點已有數種刺身沽清，三文魚鮫等熟食更早於八時四十分剛入座時已沽清。壽司等上半小時才上第一轉，而壽司枱的三位哥仔得閒到玩手機，我不知道他們是在忙什麼生意。燒肉質素相當一般，叫做放得入口。衛生情況。。。那隻蝦子不屬於我，而我不知道它已放上幾多天。最差勁的是，沒有人收碟，九成碟子是家人自行收入餐車，這樣的服務要加一，太糟糕。