尚廚

營業中

休息中

上網搵自助晚餐食，見到呢一間嘅主題喺《生蠔、松葉蟹腳、鴨肝自助晚餐》非常吸引，於是預訂咗星期六，佢嘅價錢八五折後要差唔多五百六十元。食物方面凍海鮮有龍蝦（但七點半左右已冇再供應，取而代之嘅喺龍蝦鉗）、松葉蟹腳、翡翠螺、紐西蘭青口、凍蝦同蜆。刺身就有吞拿魚、白立魚、希靈魚、三文魚同帶子。冷盤就有沙律、芝士、雜錦凍肉拼盤同挪威煙燻三文魚等。熱盤撰擇唔多，湯就有蘑菇忌廉湯同椰子煲雞，另外有款燉湯。即開生蠔就每人每次只可以拎兩隻，還有現煮粉麵檔，燒味就只得白切雞同燒鴨。生果同甜品就唔太吸引，雪糕就喺 Haagen-Dazs，有七種口味。飲品只得自己沖嘅咖啡、奶茶及檸檬茶，汽水果汁就要另外加錢。龍蝦唔得，冇鮮味，冇食到都冇損失，蟹腳都可以。蜆同青口就一般，反而翡翠螺幾好味。生蠔都唔算細隻，味道都正常。希靈魚個人唔喜歡所以冇拎到，三文魚都新鮮，白立魚就一般，吞拿魚食落有渣，最好食都喺帶子，鮮味十足。鴨肝多士，煎得好香，外脆內軟，口感一流，羊架都唔錯，燒牛肉就一般般，可能熟咗啲影響咗口感。

九龍東皇冠假日酒店1/f餐廳The Chef's Table 尚廚Lunch buffet，時間由12-230pm開始，訂座有折扣，魅力舒適的小木屋裝潢氣氛充滿了溫暖。自助午餐主題為「蠔得喜」食物由熱食開始: 燒味：燒鴨、油雞 海鮮瑤柱粥/白粥檔可自由配料 烤蕃茄、青瓜、青菜八款熱盤有茄子魚柳、 煎雞翼 、 pizza、 鹽焗秋刀魚、香辣醬炸雞、 生炒牛肉飯 、南瓜薯蓉、蟲草花蒸魚熱葷主打：燒香草紐西蘭草飼肉眼牛扒 (有四款醬料)中式點心四款：珍珠雞、蝦肉燒賣、牛肉球、什菌素餃即煮粉麵檔：有各式粉麵、蔬菜、丸仔及配料比較特別有：土耳其旋轉烤肉檔水耕菜自助沙律吧、 芝士及凍肉拼盤新鮮刺身四款：三文魚、吞拿魚、希靈魚、白立凍海鮮區包括：即開生蠔(每次限取兩隻)、紐西蘭青口、黃金螺、白蜆、熟蝦、 六款日式雜錦壽司及冷麵熱食區到此為止， 之後就係甜品區：葡撻、麵包、玉桂蘋果卷、雞蛋仔、豆腐花、色彩繽紛糖果吧和七款口味的 Haagen-Dazs 雪糕 水果四款：哈密瓜、菠蘿、火龍果、西瓜蛋糕款式： 荔枝慕絲蛋糕、芒果拿破崙. tiramisu、士多啤梨卷、心太軟、 黑森林蛋糕、芒果慕斯蛋糕、op

話說同老婆諗住食自助餐，見將軍澳有咪試吓囉，上Kxxxk睇見五舊幾一位，酒店嚟，點都唔會太差掛？就佢啦！一入到先講環境，裝修係冇忽似酒店，基本上佢只係爭部電視播埋賽馬直擊嘅話就直頭茶餐廳嚟咁！啲枱櫈擺得密到差唔多行唔到！嘢食種類少，唔點refill，味道茶餐廳級數，生蠔係生於第三世界級別咁細，全場唯一一樣好食少少嘅係kebab！服務態度仲勁！係一班著廚師衫嘅阿姐以對乞衣派飯嘅級別！最後我想講，食乜都好！睇open rice評語先好決定！因為我俾完錢先上嚟睇，一睇完已經知瀨嘢！

餐點種類多中西式都有但是個人覺得沒有到非常美味🤣就是飯店早餐硬要說最喜歡的可能是炒飯！有蔥油餅跟歐姆蛋是第一次看到用心程度給推～生魚片：都很新鮮，非常好吃甜點：很貼心做得很小一個 ，可以一次吃到很多種類，也會有先做的舒芙蕾，搭配煉乳和冰淇淋還可以，不過沒到非常綿密

1月6日晚上食自助餐，遇正一班酒鬼，加錢任飲紅酒，男男女女，大講大笑，完全不會理會場合和他人(通常酒鬼都係咁)，為了吸引一班酒客而影響其他真正想亨受食物嘅客人，就算食物美味都被影響心情，下次預訂自助餐要考慮埋這點。

其實呢間都食過好幾次，呢一次係食物種類最少既一次，生蠔都係最小型既一次，連螺都係有沙架，蟹腳唔知係咪浸咸水存放地超咸⋯最好食係豆腐花⋯甜品還可，keep到水準（可能因為係買既貨，唔駛餐廳自己做）。河粉都好食，係個清湯底都偏咸咗d，不過在無咩野好食之下，呢一碗河粉已經屬於佳品⋯我推介大家試下個魚蛋，食一口就會諗起20年前返大陸坐長途車時，在中途休息站食既魚蛋，怪味，我都好耐無食過呢個味，我媽都係食半粒就唔食啦⋯火雞真係唔知係咪擺咗幾日，乾到用鋼牙都會覺得難咬開（雖然我係真牙）刺身都係得啖笑，我揀爭鮮都會覺得仲新鮮⋯雞軟骨串都好似隔夜翻熱咁⋯服務員態度好既，但明顯人手不足（仲要未滿場）人頭優惠後大約$600一位，但這一餐係$300都不值⋯唉⋯諗住方便就腳揀返將軍澳食⋯食咗咁多次，越做越差⋯經過埋今晚，可以列入黑名單嚕⋯

屋企人見到尚廚breakfast buffet 好抵所以晨早就叫醒我去一齊食🥱😋.🌟Breakfast Buffet ($90).自助餐當然唔少得沙律🥗早餐都一樣有沙律吧可以按自己口味去整 都有蕃茄🍅、栗米🌽等等嘅蔬菜配搭.西式早餐可以話係主打例如有炒蛋🍳、漢堡排、香腸、薯仔🥔、茄汁豆 、燒蕃茄🍅等等仲有各式麵包 🥐🍞🥖加埋一齊就係一個豐富嘅all day breakfast!.中式早餐就有饅頭、炒飯🍚、炒麵、娃娃菜🥬等等仲有白粥 主要係碳水化合物為主😂😂.咖啡係呢度其中一樣最吸引我嘅野 ☕可以坐低慢慢食早餐同飲咖啡令人賞心樂事😌.雖然選擇唔算好多 味道亦都係普通但比起食物 更加欣賞酒店嘅環境加上無時限 只要係Lunch buffet前走就得 可以係呢度渡過悠閒嘅早上😎

這間餐廳真的做到了...................    一向只看, 沒有openrice account 的我, 都忍唔住開 account出食評, 這食評絕對真心個人感受, 不是打手. 入正提....本人一向對食物要求不高, 基本上入到口唔太差, 我都接受. 講返個自助餐, 餐廳坐位排得很密, 有些位置要側身行先過到, 經APP 優惠訂了這間餐廳, 我們一行三人被安排近窗位置算是比較好. 盡量不坐近通道便不會被撞, 食物種類不多, 味道屬於正常水平. 最不滿有以下幾點...1. 蟹腳 - 除左第一轉見到有蟹腳之外, 基本上全程放蟹腳的地方都係 "吉" 既. 本人出去不下10 次, 沒有一次成功夾到蟹腳. 最後忍唔住企係那位置等, 等了大慨4 分鐘後, 企隔離處理刺身的伯伯先過黎講 "唔好意思, 負責同事行開左忙緊", 跟手拿10數條蟹腳出黎. 4 分鐘看似不太久, 但我經過幾次都有人企在那邊等候. (當日有其他人和我一樣感受的可留言)   其實味道是OK 的, 比較咸左少少, 但可以接受明白酒店要控制成本, 但這樣不是任食的自助餐只會使人反感, 永遠不會再黎. (其實食過紅磡

諗住近近地喺將軍澳附近食自助餐，慶祝家人生日。一行三人去食，兩人有食蠔，事後又屙又嘔帶眼鏡中年男開蠔師傅手腳極慢，皺晒眉頭又界爛啲蠔。自助餐質素還好，食物選擇不多，呢個價錢可以唔洗encore。事後仲要洗多幾百蚊睇醫生

官網早前有折扣lunch buffet計埋+1$350/位酒店buffet黎講 算幾抵食但款式就真心唔多一round都食哂比較感興趣既野·生蠔 幾新鮮 但個廚師開蠔速度待改進·羊扒 夠羶 但少韌·土耳其烤肉 要夠厚面皮叫師傅拎即切果啲先好食·刺身 得四款 全部試晒 得三文魚可以擺入口·冷盤海鮮 有黃金螺 松葉蟹腳 青口 蝦 蜆蝦同蜆幾新鮮 厚實 黃金螺ok既 有少少沙 松葉蟹腳好鹹😭青口唔新鮮 可skip·葡撻 好食！甜品款式都唔算多 食雪糕好過·雪糕 係哈根大師 味道選擇都算多·飲品得4款 茶 咖啡 兩款特飲，汽水要+$$其他都係啲 煮下麵 煮下海鮮粥 食下點心 炒下菜 燒味飯 咁個人而言 對呢啲不太感興趣

同同事一大班人貪近過來試吓不過沒期望就沒失望雖然價錢折左但係食物質素都打折生蠔🦪細隻到跟本吃不到肉，要排多幾轉去攞全場爆滿但只有一個職員負責開蠔，開場時排隊等得比較慢其他海鮮/刺身都只是不過不失，長腳蟹腳很幼很少基本上主攻熟食為主，但是燒羊架同一口牛都煮得好靭好蘇部分食物只出一次就沒有再出，手快有手慢無蛋糕甜品種類算多，全部都係一啖大細，雪糕不是獨立杯裝，口味都算多平日如果隨便找一間都應該很多選擇

呢間自助餐，呢幾年都幫襯過不下10次無他嘅，又平，又方便，質素又唔差，呢個價錢嚟講都算多嘢食我早餐，午餐，下午茶，晚餐都有食過，由疫情前未有”staycation”呢個概念，我已經會嚟食，耐唔耐想食buffet又唔捨得食咁貴又會嚟食吓。呢度食評不嬲好壞參半，個個人標準唔同，有人覺得好麻麻，我都會照嚟。環境係一般d，但始終覺得性價比高。可惜，今日嚟食，出現咗d我接受唔到嘅嘢。我寧願食到昆蟲，起碼最多腸胃炎，痾嘔吓。但係今次個炒菇入面有舊玻璃🥶🥶🥶🥶🥶🥶好彩屋企人見到，冇畢埋入口⋯⋯唔好話吞落肚咁驚，放咗入口𠝹親咀，或者梗親牙都咁好啦雖說係酒店，但係經理收咗個碟，話叫廚師check吓就完喇🥶🥶🥶 嗰陣先係啱啱開始食沙律，但嗰個section嘅嘢我哋都唔敢再食喇🥶🥶🥶 唔知會唔會有d碎d嘅玻璃就大鑊🥶🥶🥶

呢間我8年前食過，仲記得有片皮鴨。今次再食，我比起以前更著重味道多過款式，太多花巧野只會忽略美味。海鮮有生蠔，龍蝦，松葉蟹，青口，螺，鮮蝦，蜆；刺身有三文魚，馬刀貝，希零魚，吞拿魚；前菜有沙律吧，冷麵，壽司，芝士，南瓜忌廉湯；熟食有燒味，蒸比目魚，鐵板燒例如一口牛，雞軟骨，八爪魚，豬肉片，秋葵，冬菇；肉食有牛西冷，雲耳蒸雞，燒排骨，吉列蠔，肉丸，魚柳，鴨肝；麵檔有喇沙湯底，雜丸；甜品有巴斯克芝士蛋糕，焦糖泡芙，拿破倫，芝麻竹炭卷，TIRAMISU，歌劇院，黑森林，朱古力噴泉，可麗餅，HAAGEN-DAZS，雞蛋仔，葡撻。水果奶茶咖啡。龍蝦無味，松葉蟹都仲有鹹味，蝦都新鮮，想有特色，可以剝蟹肉龍蝦肉落南瓜忌廉湯，提昇層次享受。熟食就正正常常，鐵板燒系列比較鹹，喇沙湯底比較辣。甜品比較出色既係歌劇院，香滑朱古力味，但巴斯克芝士蛋糕太淡芝士味。地點:皇冠假日酒店入面，POPCORN有出口去到酒店門口。環境:攞野食位置都方便，一眼睇曬，行出行入距離唔會太遠，但冇環境可言。價錢:$550一位，平食之選。服務:可能我地坐太入，執碟比較慢。

因為疫情都好耐冇去食自助餐，見雙11其間有優惠就應朋友安排兼為友人慶祝生日，老遠由九龍走到入將軍澳食晚飯，可惜實在太令人失望，唔會再有下次，亦唔會推介，見議可以的勿選！其實西式自助餐來來去去食物都係咁上下，有啲熱食，冷盤，壽司，少許鱼生刺身，甜品之類一般，都冇乜驚喜。客人主要都係想能夠與友人團聚開開心心食返餐，希望環境服務可以補救，卻兩者都欠奉！🤬客人早到未能安排入座要在外等候是理解的，等候片刻跟著排隊掃安心做了一大堆功夫可以放行，原以為進入餐廳後放下背包手袋就可以開開心心去取食物，誰知只差幾分鐘，就在我想取食物時突然被喝停，廚部侍應從遠邊極冇禮貌一路大叫的走過來：喂，未夠鐘呀小姐，啲食物唔攞得！嚇得我以為自己係賊唔知偷食咗佢啲乜嘢食，但其實啲食物已經预早擺放好！跟著就同佢理論，既然外面接待已經讓客進場而又冇特別指示，兼距離正餐時間都不過5分鐘，為何酒店員工可以這麽不禮貌呼喝叫停客人？！酒店經理過來了解事件，卻又不停跟我說係原則問題。既然你咁守原則，5分鐘前接待就唔好讓客人入餐廳啦！究竟客人來食餐定食你啲所謂原則？！酒店業服務態度以禮待客啲原則又去哂邊呀？一進場就令到客人咁唔開心，實在

剛剛星期六日係皇冠酒店2日一晚的staycation，本來都唔想comment佢嘅自助餐早餐有幾差———可以話係我哩2年系香港8-10次洒店staycation 中最差的一個早餐。因為個自助早餐完全冇料到冇乜嘢食，所以亦冇影相（因為原本無諗住comment所以無影相）但今日上OpenRice 睇完佢一個今年2022/8/8 嘅post(主題係不一様的早餐）覺得好奇怪，個食客非常讚酒店的自助早餐非常豐富，post出嚟嘅相片上嘅食物的確非常豐富，但同我哋剛剛食完嘅自助早餐完全天淵之別，我就好奇怪打去酒店問個究竟，酒店回覆話個post上的食物內容係2年前佢地早餐內容，酒店話佢哋都覺得好奇怪喎⋯⋯如洒店所說所實，究竟點解個食客會post 番2年前的野，箇中原因就自行去考究。（哩個就係我comment的原因總之哩間洒店嘅早餐就無好野食，屋企人話仲衰過快餐店，快餐店都有塊牛扒😅。究竟哩間酒店有咩食，見下面參考：-update左（打交叉） 上前食客2022/8/8post上的食物內容-肉類：見過好薄嘅漢堡扒，但第一轉見過吓，第二轉想夾來試吓已經無啦，之後亦無再出現過，亦無見過有其他肉類。-三角薯丁1