尚廚

營業中

休息中

因為疫情都好耐冇去食自助餐，見雙11其間有優惠就應朋友安排兼為友人慶祝生日，老遠由九龍走到入將軍澳食晚飯，可惜實在太令人失望，唔會再有下次，亦唔會推介，見議可以的勿選！其實西式自助餐來來去去食物都係咁上下，有啲熱食，冷盤，壽司，少許鱼生刺身，甜品之類一般，都冇乜驚喜。客人主要都係想能夠與友人團聚開開心心食返餐，希望環境服務可以補救，卻兩者都欠奉！🤬客人早到未能安排入座要在外等候是理解的，等候片刻跟著排隊掃安心做了一大堆功夫可以放行，原以為進入餐廳後放下背包手袋就可以開開心心去取食物，誰知只差幾分鐘，就在我想取食物時突然被喝停，廚部侍應從遠邊極冇禮貌一路大叫的走過來：喂，未夠鐘呀小姐，啲食物唔攞得！嚇得我以為自己係賊唔知偷食咗佢啲乜嘢食，但其實啲食物已經预早擺放好！跟著就同佢理論，既然外面接待已經讓客進場而又冇特別指示，兼距離正餐時間都不過5分鐘，為何酒店員工可以這麽不禮貌呼喝叫停客人？！酒店經理過來了解事件，卻又不停跟我說係原則問題。既然你咁守原則，5分鐘前接待就唔好讓客人入餐廳啦！究竟客人來食餐定食你啲所謂原則？！酒店業服務態度以禮待客啲原則又去哂邊呀？一進場就令到客人咁唔開心，實在

剛剛星期六日係皇冠酒店2日一晚的staycation，本來都唔想comment佢嘅自助餐早餐有幾差———可以話係我哩2年系香港8-10次洒店staycation 中最差的一個早餐。因為個自助早餐完全冇料到冇乜嘢食，所以亦冇影相（因為原本無諗住comment所以無影相）但今日上OpenRice 睇完佢一個今年2022/8/8 嘅post(主題係不一様的早餐）覺得好奇怪，個食客非常讚酒店的自助早餐非常豐富，post出嚟嘅相片上嘅食物的確非常豐富，但同我哋剛剛食完嘅自助早餐完全天淵之別，我就好奇怪打去酒店問個究竟，酒店回覆話個post上的食物內容係2年前佢地早餐內容，酒店話佢哋都覺得好奇怪喎⋯⋯如洒店所說所實，究竟點解個食客會post 番2年前的野，箇中原因就自行去考究。（哩個就係我comment的原因總之哩間洒店嘅早餐就無好野食，屋企人話仲衰過快餐店，快餐店都有塊牛扒😅。究竟哩間酒店有咩食，見下面參考：-update左（打交叉） 上前食客2022/8/8post上的食物內容-肉類：見過好薄嘅漢堡扒，但第一轉見過吓，第二轉想夾來試吓已經無啦，之後亦無再出現過，亦無見過有其他肉類。-三角薯丁1

沙律螺絲粉幾好食，熱食普遍還好，但覺得普遍都偏鹹。甜點方面，確實有點失望，大多都外表好睇但唔好食，只有雞蛋仔和葡撻還可，豆腐花完全唔滑，「鞋」過豆腐。最後，個人認為碗碟衛生麻麻地，有可見污漬（不是水漬），只好放低拎過第2隻😅

仔仔的慶生飯.都唔知食乜好.突然想起將軍澳嘅（假日皇冠酒店-尚廚）呢間Buffet我哋之前已經食過兩次.兩次都令我哋都算唔錯.啲嘢食都好多選擇.每次都有食生蠔🦪.啲蠔都幾鮮美.經過家人相量.便決定揀選「尚廚」作為仔仔啲慶生飯.便在綱上預定咗今日星期四嘅「蠔得喜自助午餐Buffet」共四位.用餐時段12:00至14:30 .我哋喺「PopCom」商場平台花園進入尚廚.這個門口進入便是接侍處.估唔到今日係平日都咁爆.入座排隊都等咗十分鐘.好彩四個人被安排到牆身一角四人枱唔使係大堂正中同人迫.之前我哋嚟食都唔係咁多人.環境清幽.食物款式超級之煩多.依家好嘈好熱鬧.好似係大酒樓飲茶咁.行去睇吓有啲乜嘢食.已經被人撞到幾次.啲人好似唔使錢咁.今日入座率都有九乘九.唔理咁多睇吓有乜嘢食先.總括來講比之前少咗款式.我哋係綱上預定閑日七五折.再加1服務費費.即係實際每位＄288元但係呢個價錢都還算可以啦！呢度係有生蠔🦪食.生蠔🦪唔算大隻.食落都好鮮味.有少少海水鹹味.無沙.每人每次祗可有兩隻.要食就要排多幾次隊.日本🇯🇵和食刺身祗有四款唔多.本人喜愛三文魚.其他的沒有點選。海洋有蜆🥠/東風螺🐚中蝦🦐📌

上網買咗佢哋個自助餐套票，轉系食生蠔嘅，嚟到嘅時候出邊非常之多人排隊，不過職員都非常之有禮貌，而且安排得非常之好。入到去食嘢嘅時候，佢哋生蠔嘅質素呢都非常之新鮮，另外都有其他嘅海鮮例如松葉蟹，青口，蠔，蜆肉，，各樣海鮮都唔錯。至於刺身方面，佢哋嘅三文魚同埋白蠟都好正，赤身就爭少少。最滿意嘅一點都係佢哋嘅甜品，佢哋嘅甜品種類非常之多，而且仲好易任食Häagen-Dazs嘅雪糕。其中最推薦佢哋一個忌廉泡芙，幾乎只可以攞到一轉，之後已經俾人攞晒，另外佢哋個奶凍都好正，雖然好似轉移左視線但係佢哋各樣食物嘅質素都唔錯，值得一試

之前去staycation 食過黃金海岸同北角海逸酒店既自助餐，都覺得好好食，好享受。所以完全都冇諗過今次幫襯既酒店自助餐，水準可以差到甘😢。完全係用難受黎形容。主打既 松葉蟹，好咸😢好霉，我懷疑係咪要咸味黎遮蓋猩味？第二主打係蠔，好細隻😢吾太新鮮同猩；第三主打鴨肝，食左半啖冇期望過，吾識形容。刺身方面得4款，三文魚 吞拿魚 馬刀貝 黃色吾記得咩魚，總之得呢4款，連我最其望亦覺得最基本既蝦都冇。。。冇。。。壽司得4款…我想講樓下爭鮮啲壽司仲好食😭 老公原本好期待食牛同羊，點知啲牛好生…啲羊架好似岩岩係微波爐叮出黎既甘。天，每人4百幾五百蚊，究竟食左啲咩落肚…未試過食自助餐或者放題，食完可以甘空虛😮‍💨 我哋全家一張相都冇影，食自助餐可以冇意欲影相，大家自己估我哋有幾失望。

又要前文提要吓先，由於同老婆入咗嚟將軍澳嘅「九龍東智選假日酒店」宅渡假，整個套票包入住當日自助午餐、標準客房、免費借用單車及翌日自助早餐（$1,100+10%），都算抵玩。前文就分享咗個自助午餐，依篇就講講個自助早餐，享用地點都喺晌番對面「九龍東皇冠假日酒店」嘅「尚廚」。噚日自助午餐嘅入座率就可以講空前盛況咁，目測都有9乘滿，而今朝（喺星期六嚟），可能時間尚早，才7:30am左右，成間餐廳暫得幾枱客，環氣氛變得較清靜，點坐都得，當然揀番個窗口位啦，加上高樓底環境，悠閒舒服。自助早餐唔知收幾錢位，而確認信亦話只喺「simple breakfast buffet」，睇過啲食評都知唔會好多嘢食，所以，可能打咗底，以早餐計，選擇都唔少，又覺得OK喎。不過，好老實，跟之前同樣喺宅渡假時包早餐嘅酒店比較，如「黃金海岸」、「帝逸」、「富諾特東薈城」，呢度確喺明顯低一、兩班。但既來之，則安之，事事比較亦意義唔大，反正，食得幾多吖，夠食、啱食咪OK囉。飲品區對比噚日午餐，除咗種類選擇少咗，每個種類嘅款式亦無咁多，就以飲品為例，主要就喺茶啡同橙汁，再有啲檸檬片沖吓檸水、檸茶。先一杯橙汁配沙律，之後就再一杯

今次透過kkday book午市自助餐，時段為14:15-16:15可以食到兩個鐘，嚟到九龍東皇冠假日酒店嘅尚廚食buffet。而午餐嘢食其中以特色凍海鮮盤為賣點，包括即開生蠔每人每次可拎兩隻、松葉蟹腳、青口、黃金螺、白蜆、熟蝦.... 除此之外，仲有四款刺身、六款壽司、沙律、八款頭盤、中西餐湯、黑椒燒牛肋條、意式焗蟹肉蘑菇蛋餅、燒紐西蘭草飼肉眼牛扒、燒羊脾、中東旋轉烤肉檔、即煮海鮮粥檔、即煮粉麵檔、鐵板燒。十多款甜品、七款口味的Haagen-Dazs雪糕及朱古力噴泉，以及任飲即磨咖啡、紅茶、果茶、檸檬水。比起其他自助餐都算抵食，雖然熟食選擇唔算太多，但都對得住呢個價錢。

種類少 d 食物唔refill 重要收埋唔再出蠔細但味道還好 但太早收 就唔好厚住面皮話任食啦燉湯/甜品還可以晚餐都咁慳皮 午餐更加唔洗諗 地方遠 質素普通 種煩少 收得貴 雖然買一送一優惠先去食 但真心唔抵x

由於疫情關係，仍未出外旅行嘅機會，除咗行吓山、郊遊吓，「宅渡假」就成為另一放鬆心靈選項。之前好幾次「宅渡假」都喺揀晌新界區或離島區，而今次就揀咗入嚟將軍澳嘅「九龍東智選假日酒店」，整個套票包入住當日自助午餐、標準客房、免費借用單車及翌日自助早餐（$1,100 + 10%），都算抵玩。不過，雖然入住喺「假日酒店」，但午餐、早餐都喺晌對面「九龍東皇冠假日酒店」嘅「尚廚」餐廳享用，皆因「假日」本身喺無餐廳。酒店正正位處「將軍澳」站上蓋，黐住「PopCorn」個大商場，位置就非常便利。作為酒店食自助餐嘅地方，一般個場都幾大，呢度樓底都幾夠高，一邊又喺落地大玻璃窗，對住商場平台，所以，感覺都幾唔錯。而最估唔到，今日喺星期五，即喺閒日，入座率目測都應該有9乘，可見大家都要靠食餐自助餐嚟舒緩吓抗疫疲勞。 我哋原本喺被安排住晌裡面近食物枱嘅位置，雖然，枱與枱之間都有啲高身嘅透明膠板隔住，但始終都多人，老婆就想食得安心少少，所以，要求坐出「門口」位得唔得，相信呢組位置喺以前客滿時，想多做幾組客人而設，依家就啱晒我哋，得幾個人同我哋諗法一樣坐出嚟。餐廳有另一個連住平台入口，基本上，喺唔多人行過呢個位置。 

作為酒店，服務及食物質素都有待提升。目測一半以上侍應像從茶餐廳挖角過來。刺身服務員整晚心不在焉，叫三次錯三次，做三餸飯的阿姐比她專業得多。經理埋單時竟然在客人背後壞話「唔係呀嘛！竟然冇實體咭」。我心諗「唔係呀嘛？咩嘢年代？我兩年冇帶銀包出街，得兩間舖真係冇電子付款，一間日式拉麵，一間新開張。」最後其實佢有 Apple Pay，佢一係真係唔識，一係唔想煩，兩樣都係死罪。食物方面，海鮮不鮮，中湯不盪，除了鐵板燒值得一讚以外，大部分濫於充數，將貨就價。

在將軍澳皇冠酒店staycation package包埋個早餐當然要去試下啦！可能都幾多人喺酒店住，去到餐廳，客人已經坐滿九成，早餐係自助形式，於是急不及待即刻出去攞嘢食。早餐都好多款式，有煙肉，太陽蛋，薯餅等等。另外一碟拎咗啲香腸，薯餅，火煺，太陽蛋，最特別就係有個粢飯，粢飯好好食，真係印象難忘，無得頂👍重有好多唔同嘅款式嘅點心，有燒賣，牛肉，素餃，糯米雞，一般酒樓味道。最難得仲有粉麵，有師傅專人煮車仔麵，任你點，有魚蛋，牛丸，水餃，菜及不同種類的麫，早餐大致上都好豐富，種類都唔少，加上飲品也任飲，CP值高。

網傳尚廚係一間超多不同款式食物餐廳，今次特登卜枱感受吓。去到餐廳好多人，竟然要排隊入，好誇張。餐廳環境一般，似高級少少cafe，枱與枱之間擺得比較迫。沙律菜好多款式、好新鮮、超級吸睛👍三文魚好fresh ~一試難忘。燒味有叉燒、同埋貴妃雞攞咗少少、叉燒就麻麻哋比較柴皮😪燒牛肉大約五成熟、食起上嚟好軟冧、點心有燒賣粉果一般酒樓嘅貨色、普普通通。甜品也有很多款、比較喜歡芒果拿破崙幾好食、朱古力歌劇院也不錯。仲有飲品任飲、有橙汁、蘋果汁、檸檬茶、咖啡、掛住食都唔記得影相😌

之前嚟過一次食呢個「蠔得喜」自助午餐，雖然食物選擇都唔叫多，質素都尚可，最吸引就係任食生蠔（咁餐廳都用呢個做賣點啦），用酒店網預購有折，二百幾蚊，都叫做OK啦幾抵食嘅。於是相約朋友第二次嚟食，就覺得唔同咗兼食得唔係太高興。原因係今次戴眼鏡開蠔男師傅，好明顯有意放慢手腳開蠔，甚至假動作抹下個星盤，又或者沖水沖好耐，好似搵好耐都搵唔到隻蠔個入刀位呢d，都真係唔係我疑心大，而係戲味太濃。雖然唔肯定呢個做法係公司為慳成本order師傅咁做，定係師傅唔想咁辛苦自己咁做，但作為顧客，餐廳生蠔已經係每次只可以拎兩隻（又已經係細細隻嘞），而一路排隊一路睇住個師傅0.5倍速咁開蠔法，我覺得作為一間酒店直情downgrade咗（其他staff係冇問題嘅)，去到一個位我真係忍唔住要出個食評，希望餐廳有所改善，寧願你收貴少少，好過做埋d無謂嘢。排緊隊時你又唔可以食住其他嘢，餐廳以慳錢角度睇都算叻嘅。第二次去甚至覺得熱食選擇都少咗，上次有pizza，今次就冇嘞。其他食物唔會有咩係好差，但又冇乜令人喜出望外嘅食品，始終選擇比較少。同埋見到個開蠔師傅咁真係影響心情影響食慾。希望之後睇到食評係有讚返有改善，如果唔係真

第一次在尚廚吃自助晚餐，但食物質素並不是五星級酒店。龍蝦肉質比較硬，松葉蟹腳好鹹，建議和沙律一起吃，生蠔味道OK，但每次只可以攞兩隻，要吃六隻便要排三次，浪費時間。第一次攞的鴨肝是焦味，第二次是正常。白切雞不夠滑，熱燻亦不多，燉湯好味😋。西冷牛扒味道一般。甜品多選擇有雞蛋仔，士多啤梨拿破崙，Häagen-Dazs雪糕。可惜沒有pancake，也沒有窩夫和栗子蛋糕。如果沒有會藉買一送一券，不會到訪。