小雨天 (葵涌廣場)

營業中

休息中

呢間鋪成日都好多人等位~~D位好迫~~真係唔掂跟住最近加左價~~所以本來好抵食~依家就差唔多~~講特別又無咩特別~~ 不過一碗就有好多, 兩個人SHARE 就差唔多~~

記得以前初初食小鍋米線, 真的愈食愈上癮,d湯底正, 配菜又正, 鍾意食佢d酸菜同埋肉碎,但現在唔知係咪佢d客多到唔休做呢, d質素真係差左, 食米線除左湯底緊要, 米線本身都好緊要, 但係佢現在d米線好林, 沒有以前的口感, 咁仲未算, 試過有兩次佢遞鍋米線上檯時,d米線仲唔夠熱, 要我叫廚房再整過, 希望佢地能夠做番以前的質素咁就好, 最好就注意下衛生情況啦......唔係佢就加價加得唔合理啦! 過年後佢地已經每款食物加了$2蚊呢~

呢間鋪頭由細做起, 當初只係一個細鋪, 做到宜家5 鋪相連, 厲害!!厲害之處係佢o既米線抵食, 同夠辣, 而且我最鐘意佢個骨湯米線讚佢係價錢相宜, 抵食大件彈佢就係味道重, 一定要飲野解渴

嗌左個小鍋米線, 有芽菜有酸菜有肉碎仲有加三蚊既腐竹.碗野算唔差, 最鍾意d 腐竹滑嘟嘟, 唔會另外搵d汁煮.不過環境真係唔好, 雖然冇咩野俾我見到, 佢俾我既感覺好污糟.

記得第一次去食既時候佢俾我既印象幾好，因為我鍾意佢地小鍋米線既湯底，有香濃的胡椒味。但之後去食就冇咁好喇，一來食物質素下降，二來衛生實在麻麻，再加上環境唔舒適。不過價錢ok，所以仍會幫襯。

甚少係葵芳搵食，適逢跟同學們打滾，他們說得上經濟兼味道唔錯就一定要試下哩樹喎。我叫左上海麵加兩個“食送”連野飲（中辣），三十蚊有找，味道麻麻．．．地方細細又擠逼，坐得好唔舒服，有ｏ的位都幾熱幾焗下ｏ架！全場爆滿，人山人海，都幾誇ｏ架！上到果層，跟隔離ｏ既「一泡而紅」各不相讓，互立生意。個feel真係有點似羅湖商業城ｏ架！好想食阿媽煮ｏ既上海麵添～

同意下面既食家, 2既米線都係$23 .一坐底, 張都冇人抹過, 好DIRTY !最衰係油菜得一款!另肉碎泡飯冇味, 好似食白泡飯一樣...佢D 野一味得個大字, 唔好味叫人點再幫襯!反而位就鬆動D ,2個人都可坐4人!仲有.. ... 佢搵員工係電梯拉客, 搞到好似商業城咁! 好CHEAP 呀!

17蚊一煱米線，加餸都是公價三蚊一款，唔加餸都夠飽，因為本身一煱都有好多配料，加一杯冷or熱飲都是加5蚊，而份量大過一般茶餐廳，所以有好多人幫襯。

豬軟骨湯飯:豬骨湯底,配紹菜一鍋鍋上(都幾大兜),另有一碗白飯跟,感覺上覺得好底食,豬軟骨有四五塊,有小朋友手掌咁大塊喇,味道略為淡.D骨好淋好脆.肥瘦適中,另外仲有豬骨筒湯飯,酸菜肉碎湯飯都o係$25蚊,如果想飲野要加$5-$15不等.雲南過橋米線:$17蚊一碗,每款(食送)加$3蚊.都o係一鍋鍋上,除了大兜之外,買相幾豐富.(因我加了雲耳及雞肉)味道就普普通通.總結o黎講,比我想像中好.

我只幫襯過一次,但應該唔會再去!食過一次上海麵,味道偏淡麵身淋....食到我扁晒嘴,之後要買雞蛋仔吃

如果你要去呢間食，倒不如去隔離o個間食...隔離o個間係一泡而紅的媽媽水餃...裡面o既泡飯好足料，擔擔麵OK，水餃都好美味!!!不論環境、乾淨、味道、服務各方面都一定好得過小雨天...大家不妨試試!!!

我每日都會去葵芳陪我男友食晏...有日走o左去呢間食，一去到就已經有好多人...食完之後，就發覺d麵食冇乜特別...雖然唔係差，亦都唔算係上上之選囉！

非常好生意，勁多人食。我都試過一次，好就唔叫得，不過都唔係太差� 。

車仔麵形式既米線<br />碗野冇記錯好似17元,有芽菜酸菜同埋唔記得乜野,其他每樣餸 加三元.<br />加左腩肉同豆卜,碗野用小鍋上,但唔覺有乜特別,d味道十分普通,腩肉又肥得滯.<br />而且餐具油立立,都唔知點洗,我都要用紙巾卒過先敢用.<br />總結兩個字:唔得<br />