小雨天 (葵涌廣場)

營業中

休息中

尼間野真係唔得...毫無特別, 又貴...米線?! 叫個廚去進修下先啦....個「缽仔」好vintage,....有D污遭...似車仔面多D囉...不過難食過車仔面....又係服務態度既問題....問D野都黑口黑面...今時今日咁既服務態度.....唔得既...

由於與同事也吃厭了紅樹林~所以今天我們選了小雨天~~在葵芳工作了一年~今天才第一次吃小雨天~~下午茶時段~吃任何飯麵均免費送冷熱飲品~我選了雲吞小雨天米線~湯底有芽菜~酸菜~蔥~etc~雲吞的味道是不錯的~米線也很彈牙~~其實我又不覺得有什麼特別好吃的~不過~也算是okay 的~

琴日同家姐黎食，未食先已經歷左一場.....尤於琴日係年十五完宵，各舖門上掛了一個「青」待醒獅到來採，拎返個意頭！我同家姐就坐正門口o係檯，望住個青~ 坐低無耐醒獅黎到，勁嘈！不過係熱鬧o既~ HAHA~ 近距離望住隻醒獅採青，採完噴返D菜出黎時~不幸噴左D落我個袋度~ 掃都掃唔切~\(‧o ‧)/熱鬧過後，舖面終於回復正常，我地叫左：$30 -- 小鍋米線(要雞翼、貢丸) 小辣+ 可樂$30 -- 小鍋米線(要滑雞、秀珍菇) + 凍奶茶$20 -- 蒜泥白肉(小辣) 小鍋米線好好味！滑雞好滑！雞翼都算係入味！貢丸就差d！秀珍菇都幾好！至於小辣問題~~我平時係食得辣o既人，小辣都唔係好頂得順~都好辣下~蒜泥白肉係半肥瘦之豬肉，整到類似臐蹄咁！幾好味！※整體黎講，食物味道幾濃，用料亦唔差！本人幾鐘意食！因為「小雨天」&「鄧媽媽」不嬲都頂到行~我就較鐘意「小雨天」喇！小鍋米線較有特色~可能我自己唔鐘意食無乜味o既「鄧媽媽」泡飯&米線掛~：P

見雜誌廣告寫得唔錯, 有日收工就同男朋友去試下, 店舖坐位較迫, 見價錢唔太貴, 咁既格局都可以接受.因為我地坐最入果張枱, 所以用左好耐時間先叫到人埋唻落單, 我自己就點左一杯珍珠奶茶同一碗米線, 等左一陣有個女侍應拎左杯好淺色既珍珠埋唻, 放低既時候仲話"茉香珍珠", 跟住我話"我要珍珠奶茶喎", 咁佢就check都唔check 並回左我一句"係呀, 珍珠奶茶呀~", 我見佢咁既反應唯有自己試味啦, 結果不出我所料, 女侍應為方便自己, 敷衍了事!! 見佢咁衰,我條氣唔順, 叫另一個女侍應換左佢, 點知...更不知所謂, 佢問我有冇飲過, 仲話我明知唔0岩仲飲~ 頂!!聰明!!唔飲過點知你比錯呀, 勁嬲!! 唔駛指意我再幫襯.\/."

今日係網上搵下V Day同gf去邊到食好.睇到小雨天咁多人評我又入黎講下先.因為佢都幾近我屋企同埋幾就腳,有時都會去下.只係有4個印象1)唔好食2)大件3)服務員十叫９唔應4)個個碗都係爛既去呢到食野次次都好似好緊迫．入去既時候好多拉客,拉到你入去，叫野次次都要叫幾次先有人理你.個空間又細好似背貼背咁.所有野都食過．．．樣樣都可以用"差"黎形容．宜家次次都係叫一碗米線+野食.次次上到黎隻碗都係個邊都係爛既.份量一個普通男／女肯定食唔哂，好似我咁大食就食得哂.不過米線就淋到好似食緊胡仔咁．其他野食又唔好得去邊，其實即係低檔車仔面，不過好多間都好食過佢好多．唯一優勝就係大碗得離譜．飲就更加唔去係到飲．．．有糖尿的話可能會病發....

晚上因要到葵芳找朋友, 所以先和林小B食晚餐:肉碎蠔仔粥- 味道還可, 但蠔仔有碎殼。醬爆貢丸米線- 貢丸都幾油同無肉味, 米線過腍。熱菜蜜- 開濃縮液不會太差。凍檸茶- 很淡的茶味, 加三塊不同厚度檸檬。服務- 有幾位亞姐係門口拉客, 但你入店後要等陣先有人招呼你。

行行下街見肚餓梨呢度試下,叫左個蠔仔肉碎泡飯2個人食,味道淡淡地,仲叫左個套餐有8隻大九菜餃,幾大隻不過都係一般啦,加埋兩杯野飲,埋單50蚊算抵

1月16日晚接女友收工,女友話睇飲食雜誌介紹,今晚帶我去葵涌食飯喎!我車去葵涌廣場泊車,女友帶我入廣場內二樓,我即時同女友講:『呢度我成日喎!我唔覺呢度有咩好食?!』上到二樓即見到呢間鋪,我同女友入去搵位坐,感覺佈局好簡陋,用最平價摺及摺,牆物用最平地塼堆砌成成。侍應阿姐行近幾有禮貌,但水或茶都冇杯,想話學之前食評講,自己去斟都唔見有水或茶。女友同我叫【蒜泥腩肉~$20元、骨湯肉碎蠔仔泡飯~$27元、豬軟骨麵~$27元& 香芋珍珠奶茶~$17元。】,蒜泥腩肉係普通腩肉切片,加辣椒油及較大粒蒜茸,因為醬料普通,所以覺得冇咩特別。骨湯肉碎蠔仔泡飯,湯底唔錯但幾鹹,除蠔仔、芹菜外,好似唔見有其他特別配料,都係普普通通。豬軟骨麵,豬軟骨有四件,而且幾大件幾夠淋,連軟骨都可以輕易咀嚼及吞食,麵普通獨覺冇特別醬料,鐘意食清清湯麵人士幾。香芋珍珠奶茶ok,但總覺呢咁環境及服務場,收$17元一杯都幾貴。現場覺得幾焗促,可能空間調節唔多夠關係?!埋單$91元我覺得稍貴,下次都唔會專登食,因車泊車都要每小時$14元,連埋單都過佰感覺唔多值,如果行街路經食碗麵都ok,但夜晚食飲冇特價,而且冇清水或清茶招呼,

小雨天我食過好多次..個人好鐘意..但我知道佢唔算係好正宗既小鍋米線..所以好多人會失望..不過我認為好我口味..正..十幾蚊大大碗...可以自己選..每樣加錢..最好味係雲吞..貢丸..大腸..個湯底本身有酸菜..炸醬..九菜..佢比起其他雲南米線淡口..唔太酸..又唔太辣..所以可能好多話佢唔好味..但我就正正鐘意佢淡淡地..又帶微微既酸辣....超正呀

在葵涌廣場行街行到累，這裡是醫肚平、正之選，一大鍋的雲南米線，包括了肉醬、酸菜、芽菜等配料，再加自選的材料，吃完實在飽得不得了！今次吃腩肉、腐竹雲南小鍋米線，腐竹滑且吸收了湯汁的味道，很好吃！而腩肉過肥且不夠味！下次唔好要腩肉要豬腸好味得多~~

環境方面：一般,冇乜點會打掃,全部摺黎,坐落都幾迫,幾間舖連埋,好旺日日夜夜爆滿,不過食過咁多次都未見過有昆蟲既,又未至於dirty味道方面：$17小鍋米線一大鍋,(兩一米線$25,每一樣$3)米線係超多,大量肉燥,所以好濃味又辣辣地;大量酸菜,多到食唔哂,配合得幾好味似係車仔麵形式既米線,超大鍋,唔係太肚餓既一定食唔哂,米線都幾「林」,但整體味道靠肉燥搭夠(或者可能係味精),唔錯次次食都係叫腐竹、滑雞,腐竹大塊同大量,不過味道普通;滑雞好滑,係大量滑雞,遺憾的是有時係有血生生地的另外腩肉似係譚仔個d瘦肉,但係冇味、肥、兼「鞋」的;金茹係淡的,仲好似係未煮熟,所以從來只叫腐竹和滑雞,不推介腩肉和金茹服務方面：係好多師奶同隔離果間一泡而紅係度爭生意,好討厭,每次行過都會問你一次入唔入黎食,不過我去親都係食小雨天不會去一泡而紅(比較起上黎打死都唔會去一泡而紅)成日落錯單,叫左腩肉會比滑雞;有次叫左兩個來到竟然比左三個我(價錢有計到三個)唔叫野飲,可以叫熱水or凍水,甚至係自行斟大大杯抵食方面：建議下午荼時間2點半去當lunch咁食,因為送野飲超大杯,呢下係幾抵,夜晚7點前去食dinner又

中午飯時間,到葵涌廣場逛逛,每次經過小兩天,都很多人,今天即本入內一試,叫了小鍋米線,加腐竹,魚蛋,雲吞, 米線好林,腐竹只得幾片,又硬,鱼蛋好醒,雲吞比超市急凍XX碼頭差好幾倍,湯底油淋淋,完全無骨或魚湯味,只有味精,最恐佈是那裝米線的窩,成個都是磞的,一Ｄ都唔衛生,磞碗是會藏細菌的, 以米線專門店,不能跟譚仔比,就算跟荃灣雲貴川(在四陂坊),也相差九條街,不會再幫親..

ｄ米線都ｏｋ既但係都唔算話驚為天人果隻丫仲有ｄ米線既樣同佢印出黎張卡既樣係爭好遠好遠服務態度方面真係見人見智係得一兩個係好咖咋其他果ｄ好冇禮貌我好mind既就係d杯杯碟碟瓦碗呀果d好多都係崩左一忽我行勻全場最四正都係我果個但係都崩左少少煮呀洗呀果陣小心Ｄ嘛正常黎講ｄ客人食野係唔會無啦啦整崩佢有咩理由隻隻都係崩．．．＝．＝如果崩左就買新既啦如果介親咁點算又影響形象

米線用瓦碗上料足但容易翻瀉三餸小辣米線辣醬一大舊辣味過重完全蓋過了其他用料及食物的味道

次次去親小雨天, 我都會嗌小鍋米線黎食嫁!!我最鍾意就係加滑雞同埋小辣, 配埋芽菜同酸菜黎食, d味道真係arm arm好, 回味無窮呀!!可惜佢d米線一時硬得滯, 一時又淋得滯, 要食到arm arm好軟硬度ge米線真係要靠運氣lu!!不過好彩佢ge味道搭夠, 加上大大碗幾抵食, 所以小雨天仍然係我ge至愛之一!!