小雨天 (葵涌廣場)

營業中

休息中

小雨天既招牌菜應該係豬軟骨同骨筒湯飯,我幾鍾意食軟骨,所以去親都係食豬軟骨湯飯.熟法同平時食開有d唔同.粉麵邊到都食到,有機會去小雨天不防試下豬軟骨湯飯幾特別架!

湯本身係冇酸辣味的,主要係靠辣椒油同酸菜帶味,米線唔硬有彈性,米線本身除了配有酸菜,芽菜,蔥外還有炸醬,份量都唔少,炸醬唔乾身幾野味~料既份量亦唔少~鹵水豬大腸夠味,有彈性唔韌幾好味.雞肉連點皮同肥膏,雖然唔知係新鮮定雪藏的,但沒有雪味,不錯~雖然依度唔係話坐得好舒服果d,都係圓台加張圓登,但我同朋友食完係度傾計坐左好耐,都冇人趕~平日2點至7點送野飲~$25

同事問我今日lunch食乜好??自己衝口而出話去食小雨天!!事隔多年,終於打破心理障礙食番米線,真係發神經。呢度日日都人山人海,小雨天同一泡而紅日日係葵涌廣場搶客,幾個阿姐爭未拉你入去坐,其實都幾鬼煩。呢度大部份客都係吃小鍋米線,除左呢樣就係豬骨泡飯,講真都無乜選擇咁。小鍋米線($19)本身已經有酸菜、芽菜、九菜、炸醬、芫茜;另加豬腸($3)。坐左無耐,米線到。聞落無左我以前好抗拒個陣味,望落都好似幾好味,終於踏出第一步,飲啖湯....好似有d胡椒味;米線唔太淋,有d咬口,可以接受;我覺得所謂炸醬,就好似台式肉燥,不過味道幾好,加埋芫茜、酸菜,就係一種化學作用。豬腸切得好薄,無乜質感,味道唔係好濃,ok啦,以$3有呢個份量,絕對可以接受,如果再吃的話,加雞翼都唔錯,因為同樣係$3有2隻雞中翼哦。加五蚊有飲品,凍奶茶大大杯,味道普通,要黎解下味精都ok既。

可能各人口味唔同啦~~見樓下都有人話唔好食,,但人地咁多人幫襯一定有佢既好處既如果你答我：因為大份姐d野我會答返你：唔好食既野,,比一大份你,,你會keep住去食咩??所以小雨天一定有個人之處佢地宜家加左價都係一樣- 好生意我食過米線同泡飯,,米線d肉碎同埋d酸菜真係好正泡飯我食過肉碎同濠仔,,幾好味我放親lunch都係同d fd去呢間架!!我地覺得好好食!!仲有d阿姐好好傾同好好笑架!!support小雨天!!!!

初開時時常到來食小鍋米線, 因有純白豬骨湯底, 份量亦夠, 尤愛上海麵, 小熱辣更好味。可是, 後來不知是否成本關係, 變得很差, 湯底只是普通無味湯, 要辣的話, 就只是厨房替你加枱上的辣椒油, 不像以往特別的辣料, 很失望。不會再光顧。

依間野環境差到爆,味精太濃,服務惡劣,而且十分dirty﹐食都食到你牙痛!!真係打死都唔去啊!!!

係唔知幾多年前，我第一次食米線就係呢間野，佢個時得最角個位的舖位，但印象中係唔好食，得個平同大碗。之後就無再去過，同埋亦令我覺得米線好難食。唔敢再食，直至到朋友帶我去荃灣好多人排隊個間米線到食，我先知乜叫米線，乜野係比人食0既野，雖然間野好殘，感覺上唔乾淨，但其實唔係，d野仲好好食。所以食過好野之後我都無再去小雨天，因為真係好難食。直至近來份工係返葵芳，d同事死話間野好食，係都要去先再去一次，但環境比以前更dirty，d野唔駛講都係咁難食，我當時叫小鍋米線，但只可以有一個餸，仲要冇野飲都收我廿幾差唔多三十，好貴，結果我清清地要左個腐竹小鍋米線，都係一樣得個大字，但唔好食d湯好似無味咁！d米線好淋，結果食左半碗都無我就收手。我終於明白d唔係住係葵青區0既人或未係呢區讀書，或唔係成日黎，d人就會去呢間野，覺得人多一定好食。其次係d人無食過荃灣個幾間正米線，都會覺得個間野正。

個小鍋米線係好平,好多米線但不過食完飽到嘔.我係下午茶去食ge....佢送野飲...飲左杯野......飽到嘔呀....>u<衛生我覺得一般.....因為佢d湯係d工廠大廈到送過黎ge....都唔知佢清唔清潔.....

我就覺得幾好味,, 有D 食上忍既感覺

唔知點解我就係對雲南米線情有獨中~~~我覺得比起旺角香格xx 好食好多~~~以前覺得麵館仲好食~~~可惜執左....我最鍾意食小鍋米線~~~好味~~~小雨天我覺得不過不失~~

第一次食.. 見佢平平地...D野食一般...環境更唔得囉..夜晚番到屋企就肚痛...冇下次...

救命,呢間野dirty 到爆炸.上次我同個fds去果到食啦,比碗面嚇死,食下下有蟲wo,咁岩比我見到有隻甲係到行下行下,食到我火都黎埋,之後我叫d火記睇下,佢就笑住口話:「無野既.」走我碗面wo,無奈...我下次都唔去食ar~食食下入院都似~

佢既野唔係太好食... 但唔知點解成日都咁多人幫襯!!真的唔明白

朋友食過次次都肚痾收場。坐位迫，味道差，招呼九流，一字記之曰：走。

第一次食,門口真係如食家所講有幾個女人好似大陸咁在離門口都幾遠下既位置拉客,有d怕怕,個門面其實真係好"up dup", dirty, d位超迫,如果唔係朋友要黎我都唔會去試!我未坐好腳下巳踩了幾條米線,好嘔心...我叫左骨湯龍蝦丸上海麵- 唉~骨咩湯呀, 味精湯就真, 超重味精, 唉~個腎有事既人千萬唔好去哩間野tim呀!上海麵係粗麵既形式,不過係幼身既版本, 都唔錯~龍蝦丸有5粒, 大大粒, 見到一塊塊既假龍蝦,唔打得都睇得, 一定唔係自家製,所以真係幾想知佢地o係邊度入貨的成碗野其實兩個女仔既份量,如果好肚餓都係最多食倒3/4, 唉~ 我終於都知點解又dirty, 又唔係特別好食既地方都會爆, 因為唔係好唔好食, 最緊要就係食到你嘔都重有