小雨天 (葵涌廣場)

營業中

休息中

本身住附近，因為無咩食，所以叫外賣，其實之前都叫過，一個還可以，多過一個又唔齊，仲要得好耐。之後有一日落去食~又貴左，如果唔係無咩選擇都唔去.落order勁耐，叫杯水，十世都無人應...食物已經無咩質素，服務.........如果可以都會唔選擇佢啦~~

星期六放工~男朋友話想食小窩米線．於是近近地黎左葵涌廣場呢間小雨天..去到果陣．已經2點幾都仲係咁多人～差d要等位！一坐底．我見佢地張餐牌竟然有新野出－北京餃子妹(一見到～已經知道佢跟同一層既【北京餃子妹】爭生意．連個名都係叫餃子妹)...於是我就諗住叫黎試一試佢同【北京餃子妹】比較一下邊個好食d．由於我自己又想食小窩米線．所以就問個侍應小窩米線揀餸可唔可以揀韮菜餃～咁正常做生意就緊係可以嫁啦．點知個侍應話唔得．咁我為有淨係叫餃子食啦!韮菜餃: $15有6粒..比起附近果間【北京餃子妹】貴$3．不過如果係好食既話都冇所謂! 一咬落去果下都幾多汁..但係d餡比較散同韮菜既份量冇【北京餃子妹】咁多．個人口味都係認為北京餃子妹好食d..當我食完我d餃子之後．我竟然見到隔離台有幾個人分別食緊小窩米線．但係佢地d米線入面都有我岩岩食完既果d餃子．我個心即刻沉左一沉．諗返起個侍應又話唔可以咁樣加埋叫．點知人地又得..果刻真係都幾嬲!另外我男朋友叫左罐可樂.點知到我食完野罐可樂都未黎.期間已經吹左d侍應3次.但係都仲未拎黎.搞到我男朋友又扯晒火．其實可樂只係罐裝.又唔洗沖.都唔明點解要等咁耐~我叫果

食左幾日雲桂外賣~今日又決定貴d都去小雨天食一次先,(諗住佢外賣份量多d,,都抵d ge=.=自己安慰自己)叫左腩肉米線小辣多青($25)..唉!x100番到hm一打開,,,係唔滿lor,,,食落都知d份量真係少左好多!!!唔知有冇搞錯ge!!!+價不突止,,,仲要質量都差埋,,都唔知佢點做生意...真係要會去少d!!!

昨天一坐低一看..嘩..什麼嗎..好生意就加價??淨米線都加左1元加送都加左1元..往時我食開..25元有飲品加二送現在28元..= =二送加飲品個伙計仲好笑- -說..成本高所以要加價..唔係好難頂~又同我說..檸檬都加左一元- -我心想..什麼都加..我以後都不去吃了

本身都係叫開外賣ge我...因為今日拎住好多野,,就坐左係到食啦,正值lunch time,勁多人~坐得好迫...勁唔舒服!!so我一直都唔中意呢到堂食///咁一睇張menu...漲價!!食開ge米線面底...$20+左$1每+一個餸$4又+左$1...去搶咩...我叫左雲吞米線$25...堂食個小窩...睇落大...其實我可以話俾大家聽比外賣個碗仲細=.=我食完都唔覺得好飽,,,堂食真係好唔抵!!and我諗我以後外賣都未必會去小雨天lu...去雲桂抵好多///

叫左蒜泥白肉+ 豬骨湯牛肉湯飯+ 雲南米線+ 兩奶茶白肉冇蒜泥...只有蒜粒.....感覺俾人呃湯飯一開始幾好....食落好似食d冷飯菜汁咁....不過d 湯都算好飲米線算係ok.....雞肉幾大舊....腩肉太過碎奶茶就重茶味~~~好飲其實我諗如果尼....叫豬骨湯面會好好多....

今日又去buy外賣番屋企食,,,叫左腩肉腐竹米線(中辣多青),腐竹第一次試~好啦,咁返到hm,,一打開成湯面都係辣油,橙紅色!嫌好似中辣咁!!我驚辣得濟會肚痛,,就'筆'番起d,,再試>先辣得適中,,,不過見到呢樣都冇咁嬲~最嬲係我叫佢多青,,佢竟然一d青都冇俾我!!仲要連酸菜都冇俾我lor!!!唔通小雨天酸菜都係列埋入''青''度計?!好無奈又好激氣,,冇酸菜同芫茜蔥,,成碗米線當堂唔同左味>>變得唔好味!!!and仲有第一次試ge腐竹原來勁大塊,,佢係冇cut ge lo..超大塊!(下次都唔會叫)and今次d米線同腩肉d份量都明顯少左(好快食完,平時食好耐),,今次會俾low mark少少(因我去個時得幾'木台'客,唔係busy啦!!都可以一張單落左兩樣野!!但應會再幫襯ge...

呢間米線都幫襯左好耐ga la,,,一直冇俾過食評,,now俾一次先啦=]其實我可以講次次都係拎走食,,(+$1)(becoz個度本人覺得坐得不太舒服,,好逼下!)講米線佢唔係人地雲南米線個d湯底,,但我覺得都幾ok d味道都較得幾好,我本身都幾食得辣,,但呢到ge我覺得少辣已幾好味,,,中辣就辣得濟,,今次叫左腩肉水餃米線,,,少辣,,in fact我覺得價錢係略貴左少少,,但冇法~係呢頭唔算多好食米線舖揀,,

今日見個肚餓餓地..諗住食碗.食完可以頂足成日肚..之前自己都有黎過小雨天食幾次..以前都覺得佢幾口味.不過點知依家水準不繼下降!!!佢d米線好淋.開頭都仲夾到幾條既..後尾果d已經碎晒..小辣真係好小.小到都唔覺得有辣.以前小辣都已經ok辣~為獨是我嗌杯凍柚子蜜幾好.夠晒多柚子..

豬軟骨湯米線$27.- - 湯底好味..... 好勁的黑胡椒味, 而豬軟骨太大舊,唔夠淋! 三樓間XX D 豬軟骨好味過佢好多!蠔仔泡飯$27.- - 蠔仔唔夠大隻, 又少料! 隔離間XX 好D !呢到美味唔稱得上! 只可以用抵食黎形容! 廿多元填飽個肚!

假日午後路過,在此小食,見有豬軟骨和豬骨筒這些少見的食物,即時想試,叫了一個豬軟骨泡飯.一鍋三長三短的豬軟骨.下面有半鍋兆菜,豬軟骨食落新鮮,入味,夠淋,越食越有,夠牙力的話,相信可連骨也食埋.湯底甜,有味精但不多,加上一碗大碼的白飯,份量幾多.細食些也食唔晒!還奉送冷熱飲任擇,埋單$27,抵食!

見有唔少人話好食, 今晚就決定去試試, 點知...d米線"淋"哂o既得個鹹字熱奶茶削到不得了真係好唔得.......冇下次!btw, 亞姐d態度好差, 明明佢o地d人寫錯table no. 佢既然兇我, 問我係唔係自己調o左位, 一來唔係, 二來就算都唔駛兇人啊o麻除o左兇人, 亦都十叫九唔理人, d waitress好似完全聽唔到o野咁

我曾經在此吃過雲南小鍋米線，味道ＯＫ。還有蠔仔泡飯，冬天吃尤為溫暖，ＯＫ丫！

(6/6/07)地頭蟲朋友話食米線,帶左我黎。首先餐牌求其,咩叫凍檸水西?一問之下,是凍檸水,打多左個字。仲有台式野飲$15,如果跟一碗粉呢?都係加$15!咁貴,無謂o係度飲。雞翼貢丸小鍋米線小辣;朋友要雲吞腐竹小鍋米線小辣(黎到勁辣)。雞翼ok,雲吞=韮菜餃,很求其唔好食。其實米線無乜味,湯底好緊要。米線整得叫做好D既,只有「雲貴川」。

發神經連食兩日小雨天,連同事聽到我話食米線都O晒嘴,原來真係轉死性。第一日正常午飯時間,小鍋米線加豬腸。米線水準如一, 唔會太淋或太硬,份量剛好;配菜有九菜、芽菜、酸菜、肉醬,後兩者化學作用最大,缺一不可!!豬腸仍然份量足夠,煮得入味夠身,有時帶少少肥膏,雖不太健康但的確增加香氣及味道。凍檸茶今次超好飲!!茶味濃淡適中,雖然只有三片檸檬,但味道竟然幾得手!!第二日繼續小鍋米線加雞翼、滑雞米線,今次係2點後下午茶時間,價錢平幾蚊但份量一樣!鹵水雞翼雖然唔太大隻但夠肥美入味,而且唔會煮得太淋,口感唔錯;滑雞的確夠滑,食到有用調味醃過,齋得都唔會淡茂茂,又幾ok!!今次杯檸茶無前一日好,但都有水準lu。唔知呢個米線癮又可以維持幾耐??而且老細真係要換下d煲仔,隻隻都似被鯊魚咬過一樣,唔好睇又唔衛生嘛。