小雨天 (葵涌廣場)

營業中

休息中

1:44pm同朋友在荃灣睇完戲後,一齊到葵芳食lunch後行下街先~個場已經full了,呢間店的鋪位佔4-5個左右...真係幾大,但係環境真係幾擠迫就真,不過有時食平野,就係要坐得咁迫架喇.....幸好我同朋友坐近wall那邊,又未至於「背貼背」的擠迫! 其實次次行街經過呢間鋪頭,望多兩眼之際,waiter一定會扲住晒成本menu招客(hard sell)叫你入黎食~我見人人都係食麵,所以穩陣起見,都係唔食泡飯好了~個menu的style幾有中國濃情feel~不過睇左好一會才點菜,因為有點亂,唔知食咩好tim我見waiter由餐廳廚房扲食物進入客人區,其實都幾「牙煙」,幸好佢地有經驗,佢地用大大個批盤盛食物~ 我揀左 骨湯什菌$19, 加$5 配上海麵 total $24真係超多什菌~真係超多什菌,以秀珍菇為主~睇落去平平無奇,超多上海麵~食少少已經好快飽就真,個湯底唔算多油,有秀珍菇+花菇之外,還有好味的木耳~ 很夠味,還有雲耳!所以幾足料!感覺幾好~ 味道:3.5分但如果點米線就唔多抵喇,.,. $20齋米線... .....加配料$4/一款~....... 原來2pm-

中午陪朋友去葵湧廣場買iphone4保護貼, 路過見到間舖連開四間, 啲sales嬸嬸非常熱情拉客, 我點咗個賣廣告的豬火筒骨小鍋米綫, 朋友點了個酸菜牛腩窩飯.坐低己後悔, 地方很迫竭不是問題, 但個清潔阿姐將個裝有髒洗碗筷半個人高的大膠筒由後推到我坐位後面, 即時期待試味的心情down落來;豬筒骨小鍋米綫無咩骨髓, 用支飲筒吸了半天都無一啖, 搵笨, 最糟糕係成鍋米線無其他配菜, 就三大舊筒骨+湯+米線, 舊筒骨肉都無多舊, 啃了半天也沒肉吃, 只能吃齋米線, 米線不夠彈牙, 吃落淡毛毛, 啲豬骨湯豬骨味不夠, 飲落似清湯多點, 估計那麼多人來吃是都點辣的, 辣味將原先食物的本味、用料、廚藝都掩蓋了, 失望. 朋友話窩酸菜牛腩窩飯的牛腩還ok, 酸菜怪怪哋的, 飯沒有香味, 肯定是煮完後放到小砂鍋上的, 砂鍋只得個樣而不是之前想像的連鍋煮, 失望

明明食一餸寫單又收兩餸錢凍檸菜少甜, 勁甜, 完全冇少到拎野食過來既呀姐雞肉當牛肉腩肉又變雙併走青唔使旨意佢記得又落錯單又爆嘈, 爆迫又唔好食又唔係平但係佢好好生意!!!!!好唔扺得呀!!!!!!!!!!!!!!

昨晚2人去食, 外面不停有人係咁sale 你入去, 到入左去, 坐下, 但之前人地食完果d野張台無人執, 叫左好耐, d伙記好似當睇你唔到咁, 行過都快快閃走, sale 野既人就好多, 但坐下就無人理, 成日都係咁, 終於搵到個肯執台既, 叫了2碗米線, 話要小辣再少d,佢話:咁不如你自己落辣椒油啦, 一樣姐~ 係點解要分大中小辣,唔個個都自己落呀如果一樣, 態度真係不好, 之後見張台頭先果個人係執左, 但仲d湯未有人抹, 佢話:一陣先~之後無人抹, 只好自己拿張紙巾出抹~後來來了一杯凍檸茶, 哇~~ 好大杯呀, 只係加5元好抵呀~ 點知一睇, d檸檬咁少既, 再整下d檸檬, 乜咁硬既 (我估都係一早切定再放係雪櫃), 再飲, 哇~得個甜字, 完全無茶味(其實睇d色都知, 乜淺色成咁既), 之後再睇我朋友杯凍奶茶,又係好大杯,一飲, 一如所料, 係一杯好淡好淡既甜奶茶~~ 算啦, 都係枇食米線姐~到米線來了, 拿過來時見, 乜係出煙既, 一食, 乜只係暖暖地架ja, 雖然天氣咁熱, 但此終食熱野當然想來既時候係熱辣辣架啦, 無論係d米線, d湯, d部, 全部都係暖的, 怪之頭先拿

今晚6點半同老婆行過就入左去食，我叫左個蠔仔泡飯，我老婆就叫左個過橋水餃跟麵，當佢就食晒餃子先食麵既時候，我見佢咬左一啖之後就發現有條線狀物體好活潑咁動L彈起左，我即刻叫佢唔好再食果隻就放左落個碗仔度再望清楚係咩，我一抆起就見係蛇形既毛髮之類既野，咁岩我又食完我果份就埋單走人，去到收銀處我問妹妹仔包餃子果個係男人定女人，佢問有咩事呢，我話你地D餃子有下體毛既野呀，佢就話唔好意思，我話你講都冇用，包果個唔係你，咁就走喇。 呢間野以後唔會去~~ 環境:一般 侍應亞姐:好似我爭佢錢唔還咁黑口黑面 食物:都係一般

今日係葵芳行街,見肚餓就上去葵涌廣場覓食, 最後選了"小雨天"! 天氣炎熱, 想食飯但想開胃d, 酸菜肉鬆飯就最適合不過, 熱騰騰, 香噴噴, 加上咸度適中的酸菜, 還有惹味的肉鬆, 我們連飯"招"都唔放過 這裡的餃子亦係my favour, 選了韭菜豬肉餃, 貪佢夠夾味, 好香, 加上厚薄適中的皮,好好味, 而且沒有像其他的餃子經過油炸或煎, so 唔油膩!!這裡價錢大眾化, 食物份量和質素都不俗, 得閒再光顧!!

路過看到這裡的小鍋米線, 真的是用鍋上, 好似幾吸引, 所以就立即試試...地方很迫夾...看到枱面很多油積, 心裡開始有點後悔...點了豬軟骨米線中辣...豬軟骨份量很少, 而且不好吃...湯底更加差到XXX...像清水加了辣椒油一樣...十分後悔!!

癸芳超多食店, 見呢間佢用鍋載好似好好味咁, 就入去 try 吓, 但果度d 枱唔係好乾淨, 好似冇抺過咁, d 野$又唔係好抵食, 最平都$27又冇野飲, 我叫左個佢地 ge 招牌食物豬骨鍋泡飯, 佢d 飯係另上值得一贊, 但佢個豬骨鍋 ge 湯底唔熱 ge , 同埋胡椒味重, 唔 like 胡椒ge 人真係唔好試, 但佢個鍋有d 菜叫做 healthy d,另外佢d 豬骨好普通,係白sai sai ,唔係炆到好入味果d, 整體黎講真係唔太好, 但我見隔離枱 ge 肉燥好似唔錯, 但呢間我就唔會再去

昨日跟同事去小雨天lunch,(已經唔係第一次), lunch時間特別多人, 想坐得鬆動D都幾難. 食物水準都OK, 我地食左酸菜冬菇牛腩飯, 好開胃,骨湯野菌上海面, 個湯底好好味, 上海面又彈牙, 小窩米線的另一選擇. 今次主要係投訴吓D小姐, 服務態度非常差, 塊面黑過鑊底, 好聲好氣叫佢地抺吓張枱, 好似借左聾耳陳個耳咁. 真係希望個老板娘可以改善一下.

葵芳地鐵站一帶人流一向非常旺盛，當中以方便省時嘅快餐、麵檔居多，其中位於葵涌廣場二樓有好多個鋪位嘅小雨天就係長期人氣食店之一；今晚六點半晚飯時侯去開葵涌廣場，諗住求求其其食啲嘢，最緊要快、靚、平，於是小雨天就順理成章成為我哋嘅選擇~~~今晚我哋兩個人去食，一人一碗麵再加杯凍飲，由於時間尚早可以唔洗搭枱，落Order後等三分鍾右食物就送到：豬軟骨湯米線($29) – 個豬骨湯底好香，近乎白色豬軟骨共四件，煮得夠“淋”，軟骨附近嘅豬肉亦好入味，唔油膩，果然係招牌菜之一~~~骨湯醬爆貢丸加雞翼上海麵($19+$4) – 有五大粒醬爆貢丸，貢丸內有醬汁，但食落不致爆醬，個湯底亦好鮮味，鹵水雞翼好入味，唔錯~~~凍咖啡&凍華田(各加$5) – 茶餐廳水準，不過不失，但勝在夠大杯。整體嚟講，小雨天嘅食物算OK；今餐埋單一共$57，普普通通、平平哋唔好太高要求算係咁~~~

昨天晚上跟朋友兩個人來了這裏食晚飯，我們兩個人都點了雲南小鍋米線再另加餸，我叫了雞亦及雲吞，朋友叫了腐皮加腩肉，等左一陣就嚟左，我們好幾年前來過這裏一次，感覺現在好像不同了，盛米線的碗不同了，味道不同了，朋友說已經冇以前咁好味，以前的味道較好及所有餸都入味的，但這次好像不太入味，味道像每樣都分開的一樣，我又覺得一般，但雲吞較硬，同埋味道又好似只得雲吞味，但就沒有湯的味道，配料都算多的，有好多肉碎，一些芽菜，九菜，酸菜等，簡中來一次都可以的。

我見好似好多人咁就入去試下,叫左個餃子想試下.點知叫左好耐先有野飲，食物更耐.....我都咁大個仔都未食D餃子會是好似不熟咁...食了兩淡我就食不下去了......另外坐又坐得好唔舒服，只係不斷叫人入去..,.環境窄又dirty,坐到好唔自在...:最重要是D人無禮貌....我食了兩淡食不下去就走了huffy:

之前無做RESEARCH, 晚飯時間都唔知去邊到食好. 係新都會睇完戲, 但係又唔想食大商場既連鎖野. 醒起之前食飯時間行葵芳廣場都有間食麵既好好生意, 所以就同友人提議今晚試新野.過到去葵芳, 啱啱係開飯時間, 見到人羣行埋去都應該無錯. 點知一望之下原來兩間水餃舖係毗鄰相爭. 我平時行過係見到隔離嗰間d阿姐係到包水餃, 但係見到小雨天呢到咁多人, 所以最後都係決定跟大隊, 哈哈. 水餃係我今日既不二之選, 開頭我以為佢哋係主打食水餃會有好多種不同材料既水餃揀啦, 點知原來就係做韭菜豬肉同埋椰菜豬肉兩種, 我同我個FRD兩個人就一人點左一款黎食. 韭菜豬肉水餃配上海麵 ($26): 麵既份量唔多, 但係就有6隻大大隻既足料水餃. 整碗麵味道都唔錯. 水餃有咬口, 唔會好似出面嗰D咁咬落去好似淨係食到菜同餃皮咁. 不過我覺得韭菜豬肉餃無椰菜豬肉餃咁好味, 因為韭菜豬肉既其中一種調味料同韭菜個味有少少唔夾, 但係我又唔知嗰個料係咩野.... 反正有比較下既話就就椰菜豬肉好食D. $26 一個麵唔包野飲其實都幾貴, 開頭見佢份量仲唔係多TIM. 不過食完坐左一陣發覺原來都幾飽嫁喎~~~

本來是打算去騷媚喝咖啡然後再去別處晚飯的, 怎知不知是已關門還是沒有開, 結果在小雨天搞掂。地方清潔度一般, 不過天花盞燈、摺枱、電視, 統統好鬼住家感覺。這裡不是吃米線便是吃泡飯, 左揀又揀之下揀了骨湯腐皮滑雞泡飯 ($29)。加熱檸茶要加 $5。豬骨湯是奶白色的, 熱辣辣 (辣親我個嘴!), 味道很濃, 味精不免有一點但不算多。面上的芫茜不算少,不喜歡吃的可以拿走。 雞肉就普普通通啦, 不韌的; 最喜歡的是軟綿綿的腐皮, 令泡飯有點白粥的食感。泡飯都相當之大碗, 而且內有不少蔬菜, 加埋湯都夠飽了。檸茶嘛沒什麼特別啦。見大部份人都點米線的, 難道我叫錯東西?

overall我先評好!!! 其實食物最終o既比重每個人o既著重點可以好唔同, 我個人今次食完lee個early dinner之後覺得好滿足!!! 希望下次再有人去食o既時候唔好覺得我寫到貨不對辦咁, 因為今次我係的確滿意, 反而上次去中環分店食得就覺得麻麻地...雖然大家好似係同一集團~~~7pm前送免費冷熱飲品!!!其實o黎得lee類米線鋪頭, 大家都expect到會得到d咩食物, 大家著眼點應該會係夠唔夠味道同足唔足料, 我係咁樣o黎評米線店 豬軟骨泡飯 $29+ 可樂(送, 原裝罐上)由於佢擔心每個客人食泡飯o既定義, 所以佢係原碗白飯另上, 再上一鍋豬軟骨湯底!!!個樣幾討好嫁, 3大舊豬軟骨再加d菜, 湯底好鮮味, 而且份量都足, 碗飯滿滿咁食到好滿足~~~ 最鍾意咬落去軟骨位置o個種感覺, 鍾意食豬軟骨o既食客應該知道我想形容o既爽口感覺!!! 唔錯....清清地唔會好油膩!!! 雲南小鍋米線$20, 中辣, 配雞翼 & 滑牛各$4 + 凍華田中辣的確做到中辣o既感覺 雞翼2隻再加滑牛, 湯入面已經有d配料好似芽菜仔, 少少肉碎咁, 不過配菜就冇泡飯咁多!!! 其實一上菜