小雨天 (葵涌廣場)

營業中

休息中

今晚去左葵芳買野,順便抽獎同等埋個fd放工食晚餐,我地都唔知食咩好,大家都冇咩$$$,所以去左食小雨天,我地一人叫左個米線,佢加左貢丸,我就加左腐竹,仲叫左2杯特飲,冇幾耐熱辣辣0既砂鍋米線終於黎喇,米線裹面本身已經有韮菜,芽菜同肉碎等,加埋小辣,真係唔錯,雖然唔係話超級好味,但我個人認為一碗米線+一杯唔係太差0既特飲,都係$30,算係ok啦

辦好大陸既事, 同公司司機一齊, 於回港途中, 二人選擇了於葵芳食完飯先搞埋D手尾. 我提議工廠區飯堂. 司機唔制之後, 便約了佢既舊同事, 係小雨天開定位. 等我地到.葵涌廣場, 確實勁似大陸D什麼什麼商場. 完全沒有規劃. 中午, 食得既地方, 就滿是工廠區既打工仔. 所以, 地方不用舒適, 最最最重要, 平, 快. 叫了蒜泥雲吞, 同一個豬骨筒米線. 司機食的蠔仔粥就不描述了. 蒜泥雲吞, 一聽呢個名, 就知是辣既野食啦. 同蒜泥白肉做法一樣, 只是白肉換上雲吞, 同紅油炒手形同, 只是普通辣油變成蒜泥辣醬. 在辣度方面, 自然是非常辣, 但蒜味香口, 雲吞味鮮, 是不錯的一個小吃. 我的主食, 是豬骨筒米線. 一窩米線, 加了三舊大豬骨, 湯底是濃濃, 煲到已經變白的豬骨湯. 窩邊插了一支飲管. 朋友問, 飲管用來做什麼呢....司機則以黃色笑話答之. 而正確用途呢, 就是方便食客吮骨頭時, 啜裡面既骨髓.....司機就拿 吮 啜 大講黃色笑話.......不想聽也要聽, 真沒他辦法.骨牌醃得好入味, 旁邊帶有肉的, 咸咸地, 不錯. 不過呢, 要食呢個豬骨, 不可能保持儀態.

是日收左工之後同呀妹去葵芳出部新電話,因為我朋友好多野做,所以等多一陣先搵佢買電話,去左葵涌廣場周圍閒逛好耐冇幫襯過小雨天lu,好掛住佢個蒜泥白肉,order左個過橋米線,再加個小食蒜泥白肉,飲品試飲芒果綠茶蒜泥白肉($20): 今次個蒜泥白肉失望左好多,因為d 腩肉切得好厚,又煮過頭,搞到好似係湯渣瘦肉咁,調味又汁太少,扣分過橋米線($20):今次個過橋米線唔夠熱,d米線同芽菜都好唔新鮮個湯都keep到水準,但係真係因為唔夠熱所以發揮唔到出黎芒果綠茶(加$6):幾好飲,雖然唔可以同仙x岩果d比overall黎講,之前畀80分比小雨天,今次,我會比55分only~~~可能個蒜泥白肉真係差左好多~~~~~

佢d米線吾錯..幾入味!有d酸菜..碎肉系到 match得吾錯幾有風味..同埋佢真系用個鍋..又幾大碗下.又送埋野飲..吾錯..幾抵下既一個lunch!$24一個lunch真系抵..好過好多快餐店喇!又飽!

很久沒來這邊開飯了這次想不到吃什麼就來這兒算了其實之前來的時候都已經很想試泡飯的了,可惜每次都被米線拉走了我的視線所以這次終於下定決心不吃米線,而點了一直都很想試的豬骨筒泡飯泡飯來到的時候真的被那些豬骨筒嚇到了,份量很大飯和豬骨筒是分開上的,用吃米線的鍋子裝著底是附了點黃牙白菜另外他們會多給一個小碗給我們吃豬骨筒,很貼心泡飯湯底很甜,是用了豬骨筒等材料煮的由於是豬骨筒飯,而豬骨筒又沒什麼好吃的導致整頓飯都好像只是吃齋湯飯不過幸好有味道搭夠這裡出名的是泡飯,果然還是招牌菜才吃得過呢!

小公主喊著要吃蠔仔泡飯.但去到沒有吃, 又是吃小鍋米線@@我就吃了骨湯醬爆肉丸頭3粒都是小口小口的咬下.丸內的汁沒有溢出.盪盪的汁在丸內, 香香的, 油油的, 加上麵條吃沒那麼膩.第4粒. 一大口咬下!(劈!) 的一聲, 拿筷子的手佈滿肉汁, 桌上也有不少.幸而同桌只有小弟和小公主. 亦沒人看見.勸大家還是不是一大口咬, 或是整粒放到口中咬.否則, 輕則出醜於人前, 重則整到搭枱的人被抬離現場毆打.

下午茶時段呢度送冷熱飲，見朋友連lunch都未食於是就是但入左黎食喇。我地叫左凍央同凍檸茶，飲左朋友一啖凍央...............有陣煙味響杯野度囧囧囧！可能我飲唔慣啩.........朋友又覺得冇咩野就算......到我o個杯勁common既凍檸茶，得o個兩片檸檬，仲要唔甜o個隻，我都冇叫佢少甜，唔通個水吧見到我覺得我冇quota飲甜野??! 我地叫左兩個米線大家share~一拎到過黎已經覺得，使唔使咁慳?d碗用到咁都唔換，雖然唔係崩口人，不過如果有客人因為個碗而整傷就唔好啦.... 雞翼腩肉雲吞米線(小辣)($32):個賣相令人好失望，因為根本就唔係食開o個d雲南風味...人地個湯好多料，好香濃既炸醬，酸酸地ga嘛，點解可以咁清淡ga?!配料又唔多，炸醬酸菜韮菜芽菜通通都得幾條，唔怪之得會咁淡味啦！個腩肉白烚出來的麼= =?點解可以完全冇色冇味........個雞翼就入晒味喇，不過食得出已經係幾日前既貨，因為霉霉地。雲吞唔錯，我地食o個時仲見到阿姐響度包緊。 大腸米線($24):原來小辣同唔辣係冇分別ga，因為我都可以響個碗入面搵到辣椒個頭= =，仲要係幾粒tim囧囧囧！個

其實之前食過一次，感覺已不太好，但總覺得葵芳無野好食逼於無奈下再次食小雨天！可能lunch time，d人多到而出面d呀姐係咁招徠，感覺真係好大陸！環境差，食物一般，點了雞翼米線，根本就是逼你選一個送$24，唔係就$19齋食肉躁＋米線，搵笨加埋野飲要成$30，極之不值！而且個老板只負責收錢，態度不太友善，真不明白店這麼多人！！！話時話，葵芳到底有咩好食？-,-

本身住開呢區都未試過呢間野 朋友大力推薦 同埋近日戀上米線就去試下去到買左個腩肉+炸醬小鍋米線走 叫左多酸大辣 拎到返屋企食真係淡到唔想食 25蚊食d咁既野真係貴左d18蚊就真係差唔多!

好友介紹。所以特意去試一試但一D都唔好味。得個淡字..唔明D人點解大讚好食..所謂的小窩米線只得幾條韭菜同小小內碎酸菜小兼一D都唔好食!!!!!!!!!!!!!!!!!!!!!湯淡。咩味道都冇。感覺上完全唔係一碗小窩米線真係好難食!D人服務態度仲好差。拉你入去唔知想點冇錯..24蚊呢個價錢選擇仲可以好多唔會再有下一次機會去食。

今日補課補到好夜，又唔想番屋企食。誤打誤撞就黎左呢度食，一切都係惡夢既開始。嘩！我一見到個menu就嚇親。一個廿蚊既米線只有炸醬、九菜等既材料。而家食齋麼？譚仔廿蚊都有個。結果我食個滑牛米線要大辣，飲凍奶茶。到上菜既時候，我問個侍應呢個係咩米線，佢無理到我就走左。我個同學同我都係食滑牛米線，但佢食小辣既，點知我食左佢個小辣，而佢食左我個大辣。我食小辣唔緊要，但因為侍應既冷漠態度而出現咁既情況，就係侍應既問題啦。我個同學半碗米線都未食完，就飲左大半杯凍奶茶。我個小辣米線就令我失望非常。滑牛米線一都唔滑，我食落係勁鞋口，又唔多新鮮。而且牛肉剩係得幾舊，而其他既配菜仲多過牛肉既份量。而個米線又唔算大個，味道無乜野既。個湯底就very bad啦，小辣都無乜辣不特止。個湯底既味道又怪怪地，總之就好唔得。早知係咁，就食附近既譚仔米線啦。雖然兩米線加飲品要三十幾蚊，但我覺得係值既。凍奶茶不過不失啦。食過今次，係第一次都好大機會係最後一次。野食又難食，服務又唔好，有咩理由叫我再來呢？又唔係平，廿四蚊先有個，呢個價位有好多選擇。仲有呢度既環境唔多好乾淨，又坐得好迫，唉！

依間野簡直不知所謂,仲衰過d車仔街邊檔!!第一,空間已經唔多,d sales仲係咁拉客入黍..第二,客人係要背撞背咁食,真係撞到就黍嘔...第三,個d啊姐sales態度勁差,問下佢野都好唔耐煩,係要拉你入去...第四,d野食無咩特別,係屋企都煮到,成本仲平過佢1/3...第五,d啊姐落單問完又問,又等好耐先有人招呼,間中迭錯野...第六,環境窄又dirty,坐到好唔自在...最後,埋單要好辛苦迫出去埋,成日disturb到食緊野既客人,好embrassed,毫無服務可言!依7宗特徵代表我第一次幫親佢既感覺,以後不會再見!!!

原來從沒寫過這間人氣米線店，不過其實真的不算好食，又逼，只是價錢平。在附近工作了差不多四年的我，之前只吃過一次，上週也是朋友要求到，才再次幫襯。 分享了墨魚丸小鍋米線($24)，墨魚丸是正常味道，米線非常之稔沒有口感可言，湯底較淡沒有太多師傅，清清淡淡的一碗米線當是清腸胃想。又要了韭菜豬肉餃子($20/8隻)，外皮軟沒有嚼勁，餡料正常未見肉汁，令我很懷念北京水餃王的厚皮多汁出品。 如果一切不變，又是至少2年後再見吧!

呢間野係葵涌廣場已經好耐架la,佢由初初一間舖位變到而家起碼有4間舖相連禁大,幾年前我同我bf無意中發現呢間餐廳,佢果時d豬軟骨米線係好正架,d湯底係白色,好夠味,跟住無去一排,早排又心郁郁想去試la去到之後見到好多人呀,等左一陣先有位坐,叫左2個豬軟骨米線,一上菜見到個湯底已經變左清湯底,飲落好大陣胡椒味,講真,佢同米線味道有d唔match,而主菜豬軟骨亦無果時禁淋la,基本上可以話唔算軟骨,因為根本咬唔開,就算咬得開,食左都怕會胃痛,試完之後覺得呢間餐廳已經失去佢果時既吸引力,再吸引唔到我再去la..

食一間野可以食到你冇feel的，好少有。點解可以冇feel呢？即係佢係平平地，又未算抵到爛，d野食就唔會特別好食，但又唔會好難食咁，坐又唔算特別舒服呀咁，但你又唔覺得好焗促好辛苦.....總之係冇一樣野，好醜都好，係令你會記住佢的。小雨天就係一間咁既舖頭；佢唯一令你記得既係 - 佢唔會出事lor。今日同一位好耐冇見的舊同事好食飯，叫了個魚蛋小鍋米線，大辣；不過所謂的辣，是普通的辣油，沒有很辣，也不香 (叫左大辣都唔夠辣呀~)，你係唔會記得的；魚蛋彈彈地牙，有少少魚味，唔係好味到你會好難忘，但又唔係出現d唔對路的野係令你記佢一世；個湯底又不過不失，d配料又係不過不失，個米線又係不過不失，個lemon tea都係不過不失！...呀~~唯一，真係唯一，令我覺得有d事既，就係我響個碗度發現一條短毛髮；雖然響呢d咁街坊的舖頭，見到頭髮唔奇，但佢實在太短，會惹起人不必要既想像啊~~(好彩我冇潔廦，而且幼承庭訓，相信「大菌食細菌」，如果果條唔係一條剛剛染完的頭髮，我諗都唔使死的.....)對呢間野的總結係。平平地，乜都係不過不失，如果你人在葵芳唔介意環境諗唔出食d乜又想食得平平地又唔想d野好難食但又