小甜谷 (已結業)

同朋友食完晚飯後特登走黎試哇 ！首先一去到就見到個阿叔同店員嘈緊然後我同朋友們就係門口等但又唔知夠竟要係邊度等門口一堆人唔知邊D係買外賣邊D係等緊位 勁混亂等位期間 我地睇下貼係玻璃到GE menu有咩食點知聽到有人落order時呢樣又無 個樣有無等左over 20分鐘 終於有位但係入到去又係等坐左係到好耐店員執檯 執到一半又行開左話轉頭比menu我地又唔記得呢度D店員個個記性都幾差下終於叫得野食又係等同埋我唔係幾明點解d野食唔係跟order時間先後排係比左外賣ge先一D一早整好左ge野反而等勁耐等左20分鐘話無晒= =我本來叫左芒果糯米磁但賣晒試下朋友叫geoh...真係非常普通講真，如果間野唔係谷小姐開再加上店員ge服務態度好快就byebye

星期六(14/2)下午去蓮花宮,突然想吃甜品,無意中發現這店舖,店內連我共有六人.進入後不久便有人隔空(離開很遠)問吃什麼,問完卻又自行走開,以為第二個侍應會來落單,但第二個侍應又是一樣,問完後我未來得及開口,她心不在焉望望第三個侍應又走開,等很久都沒有人落單.最後終於分別點了核桃露和核桃露豆花,等了很久,只見店內五個工作人員,不停走來走去,有時走到後巷,望這望那,又叫另一個工作人員去看,其他工作人員就在店內走來走去,就是看不到有人在處理食物.妻子忍無可忍,問其中一個店員還要等多久,才有(不只一個)店員匆匆忙忙走到櫃檯盛出我們點的食物.食物味道其實不差,只是不熱(是和暖的)及稍稀.原來是藝人(未算是明星吧)開的店,看來是要明星光顧才可期望有好的服務了!

食左北海道牛奶燉蛋 -- 不過不失 幾香奶味 但不夠滑 離好還差太遠紅豆豆腐花 -- 麻麻 豆腐花不夠滑 紅豆一般對這間店的食物頗失望 但還不是最劣最劣係服務態度 話哂係明星開的店 但職業服務奇差連基本的禮貌都無 全程黑口黑面 嬲左成村人咁俾錢後多謝一聲都無 特別係長髮男人 包公咁既面谷小姐 好多人都係因為你而黎 唔好再請埋d咁既伙記了唔係小甜谷變惡人谷

幾星期前買過一次外賣,原本想買桂花糕十 特濃牛乳燉蛋白,但賣晒,最後買咗荔枝奶凍,紅豆沙,荔枝奶凍堂食賣相唔錯,但外賣就很肉酸,希望他們有待改進,味道就很重奶味,都有荔枝味,不過就無其他人形容得咁誇張,話很重荔枝味,紅豆沙就甜咗小小,服務態度都很好,當晚幫我落單係一個哥哥仔,佢都好有禮貌招呼我,我在門口等外賣的時侯,個位侍應哥哥仔都很細心叫我坐係鋪頭入面等,因當晚天氣都幾凍.

- 小甜谷絕對稱得上為黑店,講既唔係食物唔好食或者有欺騙成分,我所講既係小甜谷既員工個個都黑口黑臉!長髮男更為明顯,我唔知佢同老細有咩親戚關係可以比佢公然係店發脾氣...我唔知佢因為咩事發脾氣怒氣沖沖咁......我只係知道我同我朋友坐係到咁耐佢個臉就黑足咁耐,收枱次次都"pang pang"聲...甜品成日黎錯枱....而家唔係要求你有酒店式服務...但連應有既禮貌都無....對每個客都好似仇人咁,講真食物再好.....但服務態度差...我會寧願唔再幫襯...ps.食物方面其實係有心思同好味.

一連兩天晚上都去咗呢度食, 尋晚叫咗湘蓮芝麻糊 and 芒果糯米糍。 今晚叫咗薑茶湯丸 and 再翻炒芒果糯米糍..... 湘蓮芝麻糊 ~ 不過不失, 內有一粒粒的蓮子, 唔甜啱口味!! 芒果糯米糍 ~ 比起以前食開果 D, 好香, 好味道!! 薑茶湯丸 ~ 因今晚係年宵, 所以叫咗黎食應一應節, 每碗有六粒湯丸, 湯丸細細粒, 食落都ok 既, 但因為個碗大, 比例上好以唔足料, 如果改一改有八粒湯丸就 very good la!!總括來講, 價錢係貴咗少少, 但都算ok 啦! 連kimchi 食既時候都不停咁講 " 맛있어요" and request 翻炒再去食...... 對我哋黎講, 可以話係 GOOD 啦!P.S. 希望 D 店員服務態度快D 改進, 面上加番D 笑容, 尤其係果位長髮哥哥仔。正如店主小谷話"每位顧客都開開心心的來，甜甜蜜蜜的走" , 咁樣既面口, 我哋開開心黎食, 食完就會不開心的走。

We ordered take away yesterdayGreeting - when we walked in (as any walk-in customers) - no waiter / waitress would ever ever greeted us, and not even a simple question to ask "how many person, can i help you?" - nothing!!! no attention, no smiles, no welcome at all! not that hard i guess but caused a really bad impression to the shop already....we ended up find our own way for a table to sit down so we decided better to order take away instead.Environment - too noisy, poor neighbour who live ups

jan 19&22, 09嚟,共叫咗 : 1) 桂花糕 $16-見人寫喺熱賣產品,又有貨,所以叫咗1碟-放底時,佢哋全部都震騰騰-我1個唔小心又跌咗1"舊"喺枱上,日白同壯烈咁犧牲咗-個人嫌佢軟身得滯同桂花味唔夠濃,友人因為唔多鍾意食桂花味,所以就喜歡佢只帶淡淡嘅香氣 2) 特濃牛乳燉蛋白 $23-1心就喺嚟試吓用北海道特選 3.6嘅奶燉出嚟喺咩味-好濃嘅牛奶味-好滑-好味,果然名不虛傳 3) 腐竹白果薏米糖水+溏心蛋 $20-都幾大碗,先撈1下,裡面足料,有薏米同白果,溏心蛋另上-溏心蛋都叫合格,蛋黃亦小橙紅,但如果可以再溏心d更佳-不過個糖水飲唔出喉,比較稚嫩,同老銅嘅1品x比,還差好遠 4) 荔枝奶凍 $25-同樣滑口,甜度適中,有清甜淡淡嘅荔枝味-正 5) 農場薑汁撞奶 $23-店員介紹奶喺本地農場交嚟,貨價比其他牛奶仲要貴-端上枱時,先叮囑要焗30秒先好開蓋-望落好似未埋"鯨"咁,但其實已經凝固-奶味反而無特濃牛乳咁出,但就幾夠薑,越食越"興"..........- 第2次幫襯時,見到鍾鎮濤family

想同老婆去小甜谷之前睇咗呢度好多對呢間甜品店o既食評，好似係好壞參半。正當我於去與不去之間豫疑不決之際，我老婆話其他人o既意見可以參考，但係自己去試先可以知味道如何，諗諗吓決定去一試。去到我哋選擇咗特濃牛乳燉蛋白、椰汁燉雪蛤，落單至甜品到我哋枱的確係比以往我幫襯過其他鋪頭耐少少，不過都無所謂，食甜品唔同食快餐，唔使太趕o既，邊傾邊等我哋要o既嘢就到。特濃牛乳燉蛋白夠滑夠牛奶味，同我以前喺其他地方食o既燉奶唔同，我好鍾意呢鍾味道。椰汁燉雪蛤都尚可，但如果椰汁味再重啲會更好。我哋食咗兩樣甜品後覺得有啲意猶未盡，再點蛋白腐竹白果再加糖心蛋，但後來嚟咗腐竹白果薏米糖水，我哋無深究係我哋講得細聲待應聽錯咗定係佢哋真係落錯單，既來之，則吃之。糖水味道同濃度令我哋滿意，如果白果同薏米再加多啲、糖心蛋如果係暖甚至係熱會更好。我哋食之餘亦留意侍應o既服務質素，睇唔到之前好多食評所寫有問題，但係亦有要改進o既地方，當晚招呼我哋係一位長髲男侍應，可能佢係新手，唔係好識招呼客人，例如當我哋舉手想落單但係佢反而先招呼後來者，隔離枱一家人因小朋友食得滿枱狼藉而要求厠紙，但當佢哋用完無耐就立即收回，我覺得咁唔係咁好

睇報道去試小甜谷. 叫咗佢哋嘅招牌十五年陳皮紅豆沙 & 特濃牛乳燉蛋白.紅豆沙 - 大大碗但係完全唔甜, 陳皮味一點都食唔出, 為何叫十五年陳皮紅豆沙？特濃牛乳燉蛋白 - 牛奶味濃, 甜度適中, 但太貴份量太細.

「九比零」不是球賽結果，是我們試完這店後的投票結果，一面倒給與喊面。晚上十時左右，我們一眾九男女，嘻嘻哈哈來試試這間近期名氣頗盛的小甜谷。等了約五分鐘便有位，是橫街內的加檯，我們興高采烈地談天說地，服務員來勸我們說話勿太大聲，以免影響樓上居民。我們是「好爸爸」，「好兄弟」，「尖子」和「文武精英」，當然不會騷擾到「原居民」，各人都將音量收細，希望「大家健康」地過「好日子」。甜品牌分了數個系列：精製傳統糖水系列，北海道牛乳系列，新鮮生磨系列，冬日滋補系列，豆腐花系列和加料。我們點了：海帶綠豆沙~ 材料普通，味道普通，賣 $16，勁貴淮山杏仁茶~ 無乜杏仁味，淡茂茂，有些少比綠豆還細小的淮山粒 $18芝麻糊豆腐花~ $22 食碗無味無道野楊枝甘露豆腐花~ $28，好多渣，但唔好食荔枝奶凍~ 應該是荔枝、奶凍，上放荔枝肉，下面是奶凍，各不相干，細細杯 $26特濃牛乳燉蛋白~ 又係勁細杯，食不出用北海道3.6特濃牛乳造 $23乳溝鮮芒果~ 名字充滿誘惑，實則是芒果奶，但無奶味 $23芒果糯米滋 $18，又係不知所謂賽後報告：得個名，貴得來不值，質量均欠佳，下次唔使買。

某日和食友們吃甜品…揀選了小甜谷…一來是大家都還未試過…二來大概和谷祖琳的名氣有點關係吧….我和友人點選了特濃牛乳燉蛋白和荔枝奶凍分享….特濃牛乳燉蛋白 - 很濃的牛奶味…用的應該是北海道3.6特濃牛乳呢…燉得很滑溜…吃完口裡會留有濃濃的牛奶味…我常常都吃燉鮮奶….通常都會吃熱的…因為總覺得熱的才能吃出牛奶的好壞…才能真正感受到其滑溜的程度….荔枝奶凍 - 荔枝味很清新…相比起特濃牛乳燉蛋白…奶味當然不夠濃…不過荔枝味和奶味平均…不錯~荔枝肉小小的在底部…清甜~在餐牌看到有一系列的乳溝產品…或者下一次會再來試試吧…

午餐后，覺得有點不夠飽，於是再來食個甜品。地方比起不少甜品鋪算寬躺，坐得比較舒服。第一次來，見到也有賣不少中式糖水，十五年陳皮紅豆沙好像不錯，叫了一碗。來的時候，算大碗，可是很水，也不甜；陳皮味我們一點都嘗不到，為何以其為名呢？招牌甜品特濃牛乳燉蛋白，這個倒沒有欺人，確是特濃牛奶的味道，滑溜可口，我們覺得甜度適中，亦很香奶味，不過一個人吃可能會覺得有點膩，。總括來說，價錢不貴，也有特色甜品，值得再來，但是中式糖水則有待改進了。

02 JAN 2008 ( FRI )　14:00左右，抵達大坑；由於，慕名而來，遺忘小甜谷確實位置，唯有到處查看。可惜，尋獲時～尚在準備時候；後來，唯有到處閒逛啦！直到，臨近 15:00 見到多間傳媒正在輪候採訪谷祖琳哩！看到簡明的菜單，看來價格尚且適中；於是挑選～至愛的喳咋　。　喳咋；另加湯圓。 看來相當足料，明顯伴隨椰漿；芋頭大大粒。好正！不過，食落有點失望，太熟稔～～口感一體化～～可能，在下一直比較偏愛渣咋，多種豆豆～～引發出多樣化的口感啦！期望，他日再次光顧，能夠品嚐〔凍食〕，足以嚐試不同口感啦！味道～名副其實的小甜；可是，比較喜歡恰當甜味。小甜的味道，都幾健康。價錢：$24喳咋　。　喳咋 $ 16／／湯圓〔加料 -- 3粒〕　$ 8

由於維園年宵期間，小甜谷的生意遠遠超出了我們的預期，所以出現了招呼不周的情況。多謝很多朋友在這裡的批評和意見，我們會檢討過失，積極改進。我的心願是小甜谷每位顧客都開開心心的來，甜甜蜜蜜的走。希望在您們的意見和我們的努力下，小甜谷會一日一日進步。再次感激您們的意見，再次為我們的怠慢說聲：對不起！每位顧客的意見，我們都會聽。每位顧客的批評，我們都會認真處理，努力改善。我愛小甜谷，一定不會馬虎，一定會做到最好，請給我一點時間。多謝！小谷